komin heim á nýju ári... allt undir snjó, sakna sumarsins. Finnst ég doltið týnd núna, en það hlýtur að lagast...
fimmtudagur, janúar 03, 2013
Silent night
á Jólanóttina sjálfa, þessir tveir standa vörðinn, bylur úti, jólaljós og kerti, hlýja og kakó... öryggi
Waiting for Chritmas
Loksins kom Þorláksmessa með kulda og snjó, en ótrúlega jólalegt samt ! Þá var gott að vera inni í hlýjunni með kakóið sitt !
Waiting for Chritmas
fyrir jól dundaði ég mér við ýmislegt, drepast úr þunglyndi og félagsfælni... varla ég tók upp myndavél, en afskaplega leið mér vel þegar ég var loksins komin út með gripinn...
þriðjudagur, nóvember 13, 2012
Norðurljósin mín
eina góða við veturinn og myrkrið eru norðurljósin...
einnig að leika mér með stjörnurnar ! Ég finn alveg að myrkrið er að stríða mér, þarf að vera vakandi yfir þessu..
föstudagur, júlí 06, 2012
ÁLFkonusumar
búið að vera alveg dásamleg vika núna. Er komin með Canon EOS D550 sem Sverrir á. Ætla að kaupa hana af honum, og það er svo gaman að leika sér með alvöru vél. Meiriháttar linsa sem Freydís lánaði mér með. Vonandi fæ ég að fóstra linsu frá pabba. En þetta er dásamlegt alveg.
Fór 2x út í miðnæturtökur núna í vikunni. Alveg dásamlegt veður. Ég gleymi mér algjörlega á svona kvöldum. Fatta þegar mér er orðið kalt eða þarf á klóið hvað klukkan er og dríf mig heim.
Í gær gekk ég um Lystigarðinn. Dásamlegt veður, tók fullt af blómamyndum. Æfa mig. Hitti þar eina ÁLFkonu sem var svo yndisleg að labba með mér um allt og sýna mér hluti og segja mér frá garðinum og jurtunum. Var virkilega gaman.
Þegar hún var farin þá hélt ég áfram, og gleymdi mér. Garðurinn er svo yndislegur núna að maður hreinlega gat geymt allar áhyggjur, allt stress og allt daglegt fyrir utan. Kom endurnærð og kát úr þessari göngu til búin í helgina :)
miðvikudagur, júní 13, 2012
ÁLFkona
ég er í yndislegum ljósmyndahóp sem kallast ÁLFkonur eða ÁhugaLjósmyndaraFélag fyrir konur og erum við núna lokaður hópur kvenna á Eyjafjarðarsvæðinu.
Þessar konur eru yndislegar og hafa kennt mér allt sem ég kann. Þær eru wikipedia ljósmyndunar, óþrjótandi viskubrunnur og allar svo tilbúnar til að hjálpa og leiðbeina.
Þessar stundir eru ómetanlegar. Mikið hlegið og skrafað.
Núna eru þær að skipuleggja ljósmyndasýningu í Lystigarðinum hér á Akureyri. Sýningin eru myndir úr garðinum sjálfum. Sýningin er sett upp í tilefni afmælisins í sumar. Þessi sýning á eftir að vera svo flott hjá þeim - ég hlakka svo til að sjá hana !
Ég er hreinlega ekki tilbúin til að taka þátt í sýningu, ég er svo nýbyrjuð. Ég á þessa einu mynd úr Lystigarðinum sem ég tel vera þess verð að sýna opinberlega, en bara hér og á flikkrinu.
Ég vona að ég verði einhverntímann það góður ljósmyndari að ég geti stolt sýnt myndirnar mínar, verið ófeimin við að sýna þær opinberlega á sýningum, hætta með þessa fáránlegu minnimáttarkennd þegar kemur að þeim.
Kannski erfitt þegar maður er í svona sprengreyndum hóp, en ég kýs að horfa ekki á það þannig. Frekar að njóta þess að vera með svona miklum reynsluboltum, læra af þeim. Held að aðalatriðið sé ekki að hætta, ekki gefast upp.
Mér finnst þetta bara svo gaman !
Þessar konur eru yndislegar og hafa kennt mér allt sem ég kann. Þær eru wikipedia ljósmyndunar, óþrjótandi viskubrunnur og allar svo tilbúnar til að hjálpa og leiðbeina.
Þessar stundir eru ómetanlegar. Mikið hlegið og skrafað.
Núna eru þær að skipuleggja ljósmyndasýningu í Lystigarðinum hér á Akureyri. Sýningin eru myndir úr garðinum sjálfum. Sýningin er sett upp í tilefni afmælisins í sumar. Þessi sýning á eftir að vera svo flott hjá þeim - ég hlakka svo til að sjá hana !
Ég er hreinlega ekki tilbúin til að taka þátt í sýningu, ég er svo nýbyrjuð. Ég á þessa einu mynd úr Lystigarðinum sem ég tel vera þess verð að sýna opinberlega, en bara hér og á flikkrinu.
Ég vona að ég verði einhverntímann það góður ljósmyndari að ég geti stolt sýnt myndirnar mínar, verið ófeimin við að sýna þær opinberlega á sýningum, hætta með þessa fáránlegu minnimáttarkennd þegar kemur að þeim.
Kannski erfitt þegar maður er í svona sprengreyndum hóp, en ég kýs að horfa ekki á það þannig. Frekar að njóta þess að vera með svona miklum reynsluboltum, læra af þeim. Held að aðalatriðið sé ekki að hætta, ekki gefast upp.
Mér finnst þetta bara svo gaman !
mánudagur, júní 11, 2012
annasöm helgi
fór í sveitina mína fallegu. Sonurinn þegar farinn þar sem hann verður þar í sumar á meðan ég er enn að vinna.
Hjálpaði pabba með að keyra á fjall og það var virkilega gaman. Svo gott að fá að umgangast skepnurnar á svona fallegum dögum. Hugurinn hreinsast og batteríin hlaðast alveg. Maður verður líkamlega þreyttur og manni líður svo virkilega vel.
Fann að ég átti miklu auðveldar með þetta núna en í fyrra. Ótrúlegt hvað mér hefur farið fram í vetur, þó ég sjái það ekki eða fatti það hreinlega ekki. Ekki fyrr en reynir á greinilega. Gerir mig bara miklu ákveðnari fyrir vikið og ég get ekki beðið eftir að komast í tímann í dag.
Myndavélin var auðvitað með. Náði td mynd af fálka sem fylgdist með okkur, af Herðubreið sem skartaði sínu fegursta í gær og auðvitað af þessum fallegu lömbum, sem eru svo skemmtileg.
Er virkilega farin að hlakka til að komast í sumarfrí...
sunnudagur, apríl 15, 2012
eftirmiddagur á Hjalteyri
átti dásamlega helgi. Á laugardaginn fór sonur í afmæli úti á Þelamörk. Á meðan fór ég með vélina og rúntaði um nærliggjandi sveitir, skoðaði og tók myndir. Svo kom ég á Hjalteyri. Það var algjört logn, sólin skein og fuglarnir alveg á fullu í "vorverkum" og hávaðin í steggjunum þegar þeir voru að heilla kellur. Var yndislegt að fylgjast með. Hefði getað setið þarna allann daginn.
Kannski ekki vorlegt úti að líta, en sólin, hitin og fuglarnir voru alveg á öðru máli :)
þriðjudagur, apríl 10, 2012
Gleðilega páska
Við sonur áttum dásemdar páska. Fórum í sveitina fallegu og áttum þar rólega og notalega daga. Fórum út að hjóla, í sund, spiluðum og skröfuðum.
Hitti Önnu mína og Hermann og fórum í 7 ára afmæli Júlíusar (sonur Freydísar) hittum kappana í Skálmöld og borðuðum súkkulaði.
Er að taka þátt í 30 daga myndaáskorun með ÁLFkonum og það er bara snilld. Núna er ég með vélina mína hvert sem ég fer. Ótrúlega þægilegt. Og ég bara smelli af, stundum koma flottar myndir en stundum eru þær ekkert spes. En það er gaman að fá þessar sem takast því áður hefði ég misst af þeim. Það eru þegar nokkrar myndir komnar hjá sumum sem ég þekki sem ég hef oft sagt við sjálfa mig "verð að ná þessu á mynd" en fresta því alltaf, og svo birtist myndin mín.. eftir annann.. ótrúlega leiðinlegt. Þess vegna heitir Blibbið mitt "now or never" - taka myndina núna eða bara sleppa því og hætta að hugsa um það !
Þessi mynd var notuð á sunnudaginn þegar ég átti að taka mynd af eggi. Mátti vera hvað sem var út frá hugmyndinni Egg.. ég átti þessa stund á sunnudaginn. Með jólagrýlukanil kaffi - ilmandi og svo ljúffengt með páskaeggjum, svo ljúf stund, svo róleg og notaleg. Myndin á að sýna það, sem ég held hún geri . Hún er alveg til að lýsa hve notalegir páskarnir mínir voru :)
þriðjudagur, apríl 03, 2012
vor ?
Tuesday 3 April 2012: 30 day challenge; day 3 - In my neighbourhood, a photo by Guðrún K. on Flickr.
ég er alveg komin með nóg af vetrinum. Reyndar hefur hann verið þokkalegur þetta árið. En komin með nóg samt :)
mánudagur, janúar 09, 2012
Jólin komin og farin
- og þau voru yndisleg. Sonurinn var hjá pabbanum og hafði það gott, var ánægður með jólin sín þar. Hann kom svo til mín 26. des, og var svo kátur og ánægður með allt. Áttum yndisleg áramót í sveitinni, fullt af "gettum" skotið upp.
Er núna að vinna mig upp í það andlega að taka niður jólaskrautið í dag. Td kveikti ég ekki á seríunum í morgun, svo ég þarf ekki að byrja á að slökkva á þeim í dag. Jólabollinn kominn í skúffu, þarf að finna mér svona könnu heima, gleðilega könnu undir sódavatnið mitt :)
Annars var síðasta vika hell, óheppnin elti mig. Byrjaði á að sjóða þvottinn minn, síðan var kortið mitt hackað, og að lokum dó routerinn minn. Byrjun á nýju ári. Fall er fararheill ?
Allavega, þá byrjar rútínan aftur í dag. Vinna, rækt, og allt að komast í fastar skorður.
Átti já dásamleg jól, áramót, þrettánda og helgin sl var góð.
Myndavélin mín hefur mikið um þetta að segja. Að taka það sem hefur áður kynnt undir þunglyndinu mínu, og koma því á fallegar myndir er ótrúlega gefandi, styrkjandi. Og að fá viðurkenningu vegna þess frá öðrum hjálpar líka til við að styrkja sálartetrið og sjálfsímyndina. Að fara út, standa með vélina, get svo gleymt mér, tímunum saman.
mánudagur, desember 12, 2011
frostvetur
jólin eru að koma! Er smá stress í mér, kvíði fyrir að vera ekki með soninn. En við eigum virkilega góða daga núna, njótum aðventunar, jólumst heima og úti.
Er búin að vera með verki í puttunum á að fara út að mynda, sl vika var svo fallegt veður, frost og stilla. En alltaf er komið myrkur þegar ég hætti að vinna.
Stoppaði við Mývatn á leiðinni heim, stillti upp þrífætinum og skeltli vélinni á standinn. Fraus nokkuð við að standa þarna, en einhvern veginn finn ég ekki fyrir því, ekki fyrr en ég hætti og er komin í bílinn aftur. Sonurinn alveg rólegur í bílnum, hann er orðinn nokkuð vanur mömmu sinni og hennar dyntum þegar vélin er nærri.
Þetta ætla ég að gera þegar sonurinn er hjá pabba sínum, fyrir jólin. Og um jólin. Ætla að vera úti með vélina, í myrkrinu, að æfa mig. Lærði helling bara á að taka þessa mynd í myrkri :)
miðvikudagur, nóvember 23, 2011
veturinn..
mér finnst svo afskaplega dimmt núna. Og í morgun var snjór. Sonurinn agalega glaður.
Í gær hlustuðum við á jólalög, sungum og dönsuðum, var svo notalegt hjá okkur. Jólin eru bara eftir mánuð, svo rosalega fljótur að líða tíminn.
Mér gengur vel á Bjargi. Þar tek ég einn dag í einu, held í jákvæða hugsun, því jú ef maður hugsar jákvætt þá gerast jákvæðir hlutir. Mér meira að segja er farið að finnast þetta gaman. Og ég fann það þegar ég fór til Dublin og fór ekki í heila viku þá leið mér ekki vel. þannig þetta er allt af hinu góða :)
Ég sagði við vinkonu mína um daginn að ég væri stressuð yfir hlutunum. Jú það var eitt ákveðið að angra mig, en ég hef fundið lausn á því. En svo það að allt er í lagi, það stressar mig. Það gengur allt upp, ekkert sem er vesen, og ég hreinlega kann ekki á svoleiðis. Kann ekki að njóta stundarinnar þegar ekkert er að..
Þannig núna er það verkefnið mitt (ásamt Bjargi) að læra að njóta líðandi stundar :)
sunnudagur, október 30, 2011
dublin!
Sit á írskri krá, rétt við hótelið, sem er i hjarta borgarinnar. Búin að eiga dásamlegan dag. Lék túrista af bestu gerð. Finnst þessi borg alveg mögnuð!
Published with Blogger-droid v1.7.4
fimmtudagur, október 13, 2011
jólastrákur...
Published with Blogger-droid v1.7.4
Álfkonur
Ég er í alveg yndislegum ljósmyndahóp – Álfkonum. Þar eru konur á öllum aldri, alveg yndislegar. Ég er að læra svo mikið af þeim og það er alveg virkilega stutt í hláturinn. Ein kom með frábæra klausu á facebook hjá okkur, sem ég varð að deila með ykkur:
“Á þessari mynd má sjá sjaldgæfa tegund kvenkyns spendýra, svokallaðar ÁLFkonur sem flakka um í litlum eða stórum hópum fjarri afkvæmum sínum og mökum. Það sem einna helst einkennir og sameinar þessa mislitu tegund er lítill svartur hlutur sem hangir um háls þeirra. Framan á hlutnum er svokallað þriðja auga spendýrsins sem nemur umhverfið á allt annan hátt en hin tvö gera. Litli kassinn með þriðja auganu sem ég hef kosið að kalla myndavél, nota ÁLFkonur til þess að nærast en kjörlendi þeirra er víðátta landsins frá sjávarmáli til hæstu fjalla. Tegundin er hörð af sér og nærist allan sólahringinn jafnvel þótt úti sé vonskuveður. Þegar kvöldar eiga ÁLFkonur það til að gefa frá sér óskiljanleg hávær hljóð einkum ef að tungl er fullt og norðurljósin dansa um himininn. Það er þó ekkert til að hafa áhyggjur af því tegundin er talin hættulaus. Þegar ÁLFkonur eru ekki á flakki um kjörlendið nota þær tímann til þess að þjálfa upp vöðvanna í andlitinu. Þá veður á þeim eins og enginn sé morgundagurinn og annars lagið má heyra frá þeim miklar rokur sem erfitt er að útskýra nánar. Samhliða þessum miklu rokum sem geta staðið frá nokkrum mínútum upp í nokkra klukkutíma taka þær bakföll og halla sér svo fram og hhhaaaalllllddddaaa!!! Skál :) “
Höf: Berglind H. Helgadóttir ÁLFkona
miðvikudagur, október 12, 2011
vetur ?
Jæja - þá kom frostið.. ekki snjórinn ennþá samt..
það er samt voða dimmt núna þegar klukkan hringir og ég finn alveg að ég er ekki alveg jafn spræk á fætur og fyrir td bara hálfum mánuði síðan. Vona að þetta sé bara því ég er að fara heldur seint að sofa.
Finn auka orku hjá mér samt - þe ég er ekki að sofna kl 8 eins og í fyrra - og samt ekki ná að vakna kl 7. Ég er full orku á kvöldin (skýrir hve seint ég sofna) og ég held það sé einungis vegna Bjargs..
finn samt kvíða fyrir vetrinum. Svo miklar breytingar í vinahópnum og ég er svo hrædd um að enda aftur bara single one out... finn strax breytingar nú þegar í þá áttina eitthvað en næ ekki að benda bent á þær. Ég er líka sjálf meira upptekin, meira að gera hjá mér.
En núna er "me time" - Guðrúnartími. Ég verð að hugsa og einbeita mér að því sem ég byrjaði á í haust á Bjargi, sem btw gengur vel og ég finn aukna vellíðan. Er búin að setja mér ákveðin markmið, næstu 3 ár verða helguð þessum markmiðum.
En sálartetrið þarf samt á félagshliðinni að halda líka.
þar til næst elskurnar ..
þriðjudagur, október 11, 2011
Norðurljósin
Fyrsta myndin mín af norðurljósum! Alveg dásamlega gaman að sitja úti í myrkrinu, með vélina og smella af, laga til, prufa nýtt, læra meira!
Ef skýjahulan hefði ekki verið til staðar hefði ég sennilegast verið úti alla nóttina, þetta er alveg dásamlegt! Núna verð ég alltaf með úlpu og teppi í bilnum, þá get ég bara farið út með vélina og þrífótinn og elt norður ljósin.
Þau eru svo falleg, þau dönsuðu fyrir okkur Álfkonurnar, græn með bleikum og fjólubláum borðum...