Hmmm, kannski ég haldi mig bara hérna. og peisti inn það sem ég skrifaði hinum megin. fíla þetta ok, gat svo lítið breytt letri og stærð þess, maður þurfti að rýna á skjáinn til að lesa það......

Laugardagur:
Í dag fórum við Hjölli og Kítara í gönguferð niður í hótel sjoppu. Rosa gaman. Á leiðinni heim var hún ærslafull og hlýddi ekki köllum okkar um að koma. Enda fór það þannig að hún prílaði niður brekkuna beint fyrir ofan lækinn sem rennur undir götuna. Hjölli reyndi að ná til hennar en hún datt niður. Þetta er ágætt fall, og beint niður í lækinn og steinanna. Ég gjörsamlega fraus þegar ég sá að hún datt og þar til ég heyrði í henni, ég var svo hrædd um að ég mundi ekki heyra í henni. En hún hljóðaði svo rosalega og grét og grét. Rosalega varð ég hrædd um að hún hefði meitt sig. Ég hef held ég aldrei fundið fyrir þessu áður, ekki svona hræðslu, fannst eins og partur af mér væri þarna niðri á meðan Hjðlli náði henni upp aftur.
Við komum svo með hana heim, sem betur fer er þetta lækurinn næst húsinu okkar svo það var ekki langt að fara, en nógu langt fannst okkur öllum þremur að ég held. Hún var í sjokki greyið, titraði öll og grét hástöfum. Hafið þið heyrt hvolpa gráta? þetta nístir inn og manni finnur svo til með þeim. Sérstaklega eins og með henni þar sem hún hefur alls ekkert grátið síðan hún kom. Ekkert fyrsta kvöldið eins og er svo algengt. Hún er afar sterkur persónuleiki og lætur fátt raska ró sinni.
En við komum með hana heim og lögðumst með hana upp í rúm. Skoðuðum hana gaumgæfilega, og það eina sem við fundum var að á trýninu er skráma og smá bólga. Ekkert brotið, þakka guði fyrir það. Svo var það spurningin um innvortis meiðsli, ef ske kynni að hún hefði lent á mallanum. En þegar hún vaknaði þá drakk hún og át, og allt sem kom niður úr henni var eðlilegt.

Sem sagt í dag fékk ég smjörþefinn af því hvernig það er að vera foreldri, þegar eitthvað tengist manni svona rosalega, maður ræður ekkert við tilfinningarnar þegar eitthvað kemur uppá, og gleðin þegar allt er í lagi.
Bara þessar tvær vikur og hún hefur gefið manni svo rosalega margt. Ég get ekki lýst tilfinningunni þegar hún kemur og vill skrýða upp í fangið á manni til að kúra.

Og ég lagði mig um hálf tvö í dag, Rotaðist um tvö, rumskaði um þrjú þegar Hjölli kom með Kitöru til mín og svo sváfum við á okkar græna til fjögur. Mikið svakalega var það gott að fá að sofa svona aðeins. Ég er greinilega mjög þreytt. Líka vegna þess að það eru tveir auka á heimilinu og ég er orðin afar þreytt á þeim. Hlakka mikið til að losna við þá. Þó svo þeir eru ekki mikið fyrir mér þá er þetta bara auka áreiti í kringum mann, maður kemur heim úr vinnu og þeir eru þarna, maður getur aldrei verið maður sjálfur, eins og maður er vanur. Ég vil geta labbað á túttunum niður á bað á morgnana eða næturnar til að pissa. En td er Valur alltaf á netinu til fjögur, fimm eða sex á morgnana. Drekkur bjór og vinnur samt á virkum dögum.... Strákurinn er eins og gúmmiteygja á pabba sínum, eltir hann jafnvel inn á klósett, Hjölli snýr sér við og labbar á hann því hann er alltaf fyrir aftan hann. Ég sendi strákinn niður um daginn og sagði bara við hann "Atli ertu til í að leyfa okkur pabba þínum að tala aðeins saman".... rosalega verður þetta notalegt þegar þeir eru farnir...

og nýja bloggið er á slóðinni http://www.upsaid.com/gkv/

Ég er að reyna að byrja nýtt blogg á Upsaid.com, Ragga er að nota það og mér sýnist það bjóða upp á fleiri möguleika, svo kannski skipti ég alveg yfir þar!

Jæja - reyndar er komið vel frammyfir minn svefntíma. En mér líður eitthvað svo vel. Er í fríi á morgun !! og það var frábært veður í dag og því er spáð alla helgina!!
Svo núna er ég að spá í að njóta hennar í garðinum, með Kítöru og dönskubækurnar sem ég fékk lánaðar til að dusta rykið af málfræðinni.
Kítara er annars afar pirruð vegna tannatöku, og oft er ekkert hægt að gera til að róa hana eða gera henni til geðs. Bara að leika, og gefa henni tíma.
En við erum að fá okkur smá öl, í rólegheitunum. Maður að nafni Valdimar er í heimsókn, nágranni okkar og verðandi samstarfsmaður minn uppi í skóla. Hann sér um tölvurnar þar. Held að hann sé einn í heimili og hann dúkkaði upp með kippu og vantaði félagsskap, og að sjálfsögðu var hann velkominn hingað.

Strákurinn sofnaður og Valur á barnum (ágætlega geymdur þar til að sukka) svo þetta er ágætt, smá "breik".

Vonandi hafið þið það gott um helgina, heyrumst síðar.

Hæ ég er að stelast til að blogga úr vinnunni..... tíhíhí..
ég nebbnilega er sko búin að vera að vinna síðan átta - uppgjör og bla bla - og er að bíða eftir mjólkurbílnum.
Kítara vaknaði kl fimm og er ég lítið búin að sofa siðan. Minn verður ekkert smá mega þreyttur í kvöld en nú er bíllinn kominn!!!

3 tilraun til að koma þessu á netið!!!!
Í hin 2 skiptin hefur Hjölli restartað og allt horfið af f***ing skjánum - nett pirruð!!

En, til að gera þetta stutt (mega pirruð yfir að þurfa að pikka allt inn aftur) þá er lífið ok.

Versló var yndæl. Fór í sveitina eftir langa vinnuviku.

Á leiðinni heim náðum við í litla dýrlinginn minn, Kitöru, sem er 7 vikna border collie, og er hún ástæða þess að ég hef ekkert verið í tölvunni undanfarið. Hún er alger snillingur sú stutta, og er afar hress hvolpur. Kitara þe nafnið kemur úr Dragon Lance bókunum, eftir kvenpersónu, sem er herforingi, "warrior princess" sem er óhrædd við að kanna nýja hluti og staði, og lætur fátt sér koma á óvart.
Við erum líka búin að taka milljón myndir af henni, og ég vona að ég finni tíma um helgina til að koma þeim á netið.
Hún og Herkúles hafa hist, það var núna á sunnudaginn, og það var alger snilld að fylgjast með því. Hann meira að segja nennti að leika sér við hana, en auðvitað þurfti að skóla hana til aðeins. En hún lét sér um fátt finnast og var fljót að standa upp aftur og halda áfram leiknum.

Ragga kom til mín á föstudaginn var. Það var yndislegt að hafa hana í þessa fáu daga sem hún var hérna. Fengum okkur öl og spiluðum yatzy. Ég sýndi henni "barinn" sem var eins og vanalega - tómur, nema þessar fáu örlagabyttur sem eru þar daglega.
En við náðum að skemmta okkur - enda erum við svo skemmtilegar að við þurfum ekkert fleira !! HAHAHAHAHA!!!!

Ég fæ sko frí um helgina!!!!! Búin að vera að vinna mikið, mæti flesta morgna kl átta, og td á morgun er ég frá átta til sjö!
Svo bætir ekki að Valur, vinur Hjölla er hérna. Við pikkuðum hann upp á leiðinni til baka úr Mývó um versló, og hann byrjaði að vinna hérna. Hann býr hjá okkur á meðan hann fær annað húsnæði. Og svo er strákurinn ennþá hérna, sem hefur ekki gengið snuðrulaust fyrir sig. Það er eitthvað mega mikið að þar í kolli. En það er afar orkufrekt að hafa þá tvo hérna. Ég hlakka geggjað til þess dags sem þeir verða farnir. Strákurinn fer núna á mánudaginn, spurning með Val.

Í næstu viku byrja ég svo að vinna í skólanum. Tek prófin mín á mán. og þrið. Og mér skilst á Hirti, verslunarstjóranum að ég sé meira og minna laus frá búðini eftir það. Verð að segja að ég hlakki til. Er orðin frekar þreytt á þessu enda eru dagarnir langir. Er að vona að ég losni þaðan á miðvikudeginum, þá er ég hálfan daginn í skólanum að vinna þar sem skólaselið hefst ekki fyrr en 25 ágúst.

En núna ætla ég að hætta og fara að slappa af.
Vonandi svarar þetta spurningum ykkar um hvernig lífið sé þessa dagana úti á landi!!

Jæja góðir hálsar - ég er hætt að nöldra yfir því að aðrir séu bloggaratrassar, ég er greinilega ekkert skárri sjálf. En það er búið að vera nóg að gera hjá mér.
Vinna og vinna.
En ég er komin í stríð við sólina - keypti mér ljósakort!! Og var að koma úr ljósum akkúrat núna, og líður afskaplega vel.

Um helgina voru Franskir dagar hérna á Fáskrúðsfirði, og var mega gaman, að mínu mati. Reyndar var ég að vinna um helgina, 09-15 á laugardaginn og 14-16 á sunnudaginn. það rættist úr veðri á laugardaginn, var sko spáð rigningu og leiðindum en það var skínandi sól og mega gott veður. Enda þegar ég var búin að vinna dreif ég mig heim - skipti um föt (þe fór í færri föt) og dreif mig út í sólina. Horfði á skemmtiatriðin sem eftir voru - þar á meðal sá ég Helgu Braga dansa magadans og var það meiriháttar.
Fór svo heim og lagðist út í garð með krossgátur og hafði það afar notalegt.

Um kvöldið fór ég á fyrsta djammið mitt hérna í bænum. Fór á ball með hljómsveitinni Karma í félagsheimilinu Skrúð. Tvær giftar húsmæður á mínum aldri, hressar og skemmtilegar, leyfðu mér að fljóta með sér og sínum körlum á ballið, fór fyrst heim til annarrar og byrjaði að djúsa þar. Þau voru og eru mjög hress og það var hryllilega gaman. Á ballinu voru allir, þá á ég við ALLIR sem búa hérna, fyrir utan þá fáu eldri sem voru notaðir sem barnapíur, en fólk greinilega kemur börnunum fyrir mörgum á hverjum stað svo sem flestir komist. Og þá er líka mikið notast við stelpurnar sem eru ekki orðnar 16 ára (aldurstakmark 16 ár á ballið)
Svo það var stappað á ballinu, hljómsveitin alveg frábær og félagsskapurinn alveg snilld!!! = ég skemmti mér konunglega, drakk helling og var mega þunn á sunnudaginn í vinnunni.

Og á morgun byrjar strembin vika, verslunarstjórinn er að fara í nokkra daga frí, og ég verð með lyklavöldin í hans stað. Mæta átta alla morgna, (föstudagurinn verður hell...) og sjá um öll hans mál í fjarveru hans, auk þess sem ég er að gera þarna daglega. En það er bara út þessa vikuna, svo fæ ég 3 daga frí - því það verður lokað alla helgina, líka laugardaginn!!!! Alger snilld.
Og þar sem RAGGA ætlar frekar að drekka sig fulla í Eyjum en að koma til mín (hún er svo skrýtin) þá er ég að spá í að fara til mömmu og pabba um verlsó. þau eru bæði í fríi, svo það verður notalegt.

Jæja - biðs afsökunar á hve langt síðan ég hef skrifað síðast. Nóg að gera, reyni að reka nefið eins oft út í sólina á virkum dögum, þe að fara út í kaffi og hádegismat. Vona alltaf í einfeldni minni að um helgar verði eins gott veður. En Hjölli sagði áðan að ég væri bara einstaklega óheppin hvað það varðar. T.d. núna er ekki sól, hlýtt og er að byrja að rigna. í gær, þá var hlýtt en engin sól. En aftur á móti miðvikudag, fimmtudag og föstudag var bilað gott veður, sól, skýlaust og logn. Allir blaðrandi um "hva akkurru lokið þið ekki bara vegna veðurs??" huh.... þetta sama fólk hefði sennilegast ekki fílað það að komast ekki í búð, enda hvað var það að gera þarna annars???

En gaman gaman á föstudaginn var fékk ég Ingu Hrund í heimsókn. Var meiriháttar að hitta hana, og sátum við lengi frameftir að babla og sötra bjór og rauðvín. Alveg meiriháttar!!
Hjölli hafði farið inn á Eskifjörð á þriðjudaginn og kom heim aftur á föstudag, svo vikan var róleg og fín, fyrir utan það að sjálfsögðu að ég var lasin þri og mið, akkúrat þegar góða veðrið byrjaði, típísk ég..
Inga Hrund fór aftur í gær, og við Hjölli fórum þegar ég var búin að vinna á franska safnið, skoðuðum það, margt áhugavert þar. Sáum td myndir af húsinu okkar síðan when ever og engin hús í nágrenni við það, skýtið að sjá það svona. Enda tókum við eftir að inngangurinn var þá hérna niðri, aðalinngangur var í kjallaranum okkar, og tröppur lágu upp að húsinu. Enda vissum við að þar sem inngangurinn er núna er viðbygging.

Fórum inn á Egilstaði í dag. Aðallega til að ná í strákinn í flug. Versluðum og fórum í sund, þegar flugið kom drifum við okkur heim aftur því það var ekkert spes veður þar, ætluðum fyrst að njóta sólar í sundi, en nei engin sól þar (búið að vera bilað veður þar líka undanfarna dag :( )
BT var lokað - ætlaði að splæsa á mig Bloodmoon - addon á Morrowind. Ekki happy þar, en það er ok, ég er hvort eð er að fara að vinna á morgun og hef ekkert með að gera að hanga í tölvunni langt frameftir í kvöld.

Svo núna ætla ég að koma mér vel fyrir í lazy-boyinum mínum með nýju James Patterson bókina mína, The LakeHouse.
Bless bless að sinni

Og enn og aftur mánudagur, sem betur fer að enda.
Skítakuldi úti, og ekkert sumarlegt, frekar eins og það væri komið fram í september, mér er alveg hætt að lítast á þetta.

Var að lesa á öðru bloggi að vinkona mín hefði farið til spákonu, mér finnst það afar spennandi, mig langar virkilega til að prófa og athuga hvað hún hefði að segja. Það er svo margt, svo margt sem mig langar til að vita, það er svo ótrúlega margt að brjótast um í hausnum á mér þessa dagana.

Fórum á "kaffihúsið" hérna í gær. Sumarlína heitir það, og er bara opið á sumrin. Þar er bar og léttar veitingar. Fengum okkur sveppasúpu og heimabakað brauð. Þetta er afar kósi og næs, einn galli, má ekki reykja, svo maður getur ekki tekið vinkonur sínar sem koma í heimsókn (hint hint) þangað til að kjafta og gera það sem við venjulega gerum á kaffihúsum....

Sorry ég er eitthvað andlaus núna, er ekkert í allt of góðu skapi. Sumir voru komnir í sína "eftirlætis" iðju í hádeginu í dag! Ég varð og er virkilega reið. Var mega rimma á föstudaginn yfir þessu, sem betur fer á ég góðan Lazy-boy...... Enda var fílan sleikt úr mér á laugardaginn, bjóst ekki við þessu í dag.

En ég fékk ÆÐISLEGAR fréttir í dag!! Var að tala við Röggu vinkonu og hún ætlar sennilegast að koma um verslunarmannahelgina, sem er pjúra snillld því ég verð í fríi alla helgina - þar sem það er enginn ferðamannastraumur hérna þá verður lokað alla helgina!! 'Eg hlakka svo til að hitta hana - ég sakna ykkar allra svooooo mikið!!!!

Laugardagur, já laugardagur! Og ég var í vinnu í dag, sem var ok, fyrsti laugardagurinn minn síðan BT 2000!!! Ótrúlegt, og þetta gekk vel, við vorum mest bara tvær. Var alveg nóg að gera fyrir okkur svo okkur leiddist ekki. Og svo sofnaði ég yfir Robin Williams stand up show sem Hjölli náði í af netinu - sem var reyndar alveg meiriháttar fyndið.

En ég ætla að hjálpa manni mínum - hann er að elda nautasteik handa okkur - yummie yummie!!!!!

Föstudagur !!!!
En ekki svo skemmtilegur, annars var ok í vinnunni, en samt opið til sjö, hreinn glæpur!!!
Og - veit að þið trúið því ekki en ÞAÐ ER RIGNING!!!! Story of my life.
Og ég er að vinna á morgun.
Var að tala við stelpu í gær sem er að fara sem AuPair til US, og ég fór "down the memory lane" MAÐUR Á EKKI AÐ GERA ÞAÐ!!!

Ég er bara alls ekkert í hressu skapi, sorry......

Annars var vikan svona la la. Vinna og rigning. Ekkert meira og ekkert minna. Ég hlakka bara til að fara að takast á við skólann í haust, bæði vinnu og lærdóm!

Hæ hó hæ hó!! Sólin og sumarylur hérna fyrir austan. Loksins loksins, ekkert smá ánægð!!!
En auðvitað var ég að vinna í dag, og gat aðeins sleikt sólina í kaffitímanum mínum, eins og sumir vita sem fengu sms frá mér!

Stolt af vinkonum mínum - þær eru svo duglegar að blogga að !! ;)

En helgin var róleg. Ég átti tvo yndislega daga með Morrowind, þar sem laugardagurinn var ekkert spes veður og sunnudagurinn... ehh... vindur en sól og hiti, en ég var bara hreinlega komin með fráhvarfseinkenni frá tölvunni (morrowind) svo ég rak nefið út stöku sinnum þar sem útihurðin hérna niðri er við hliðina á tölvuherberginu mínu.

Og nú eru sumarfríin byrjuð i vinnunni og þá þessa vikuna þar sem við erum soldið undirmönnuð þá þarf ég að mæta kl átta, en það er bara þessa vikuna því það kemur ein úr fríi á mánudaginn. Og viti menn ég þarf að vinna um helgina. Ég fór að pæla í hvenær ég vann síðast um helgi og það er frekar langt síðan, ekkert síðan ég var í BT, febrúar 2000!! En það verður auðvelt að mæta klukkan átta þar sem það er yfirvinna - og manni gengur alltaf betur að vakna hugsandi um það!!!!
Og í dag var Hjörtur verslunarstjóri að setja mig inn í störf sem hann sér um, þar sem hann verður í fríi um næstu mánaðarmót. Kemur kunnátta hins "blessaða og kærkomna" Navision Financials vel að notum...... hehehehehe

Hjölli gerði heiðarlega tilraun til að slá garðinn í gær, með sláttuorfinu sem hann fékk að láni hjá pabba sínum. En orfið er eitthvað lasið og helst ekki í gangi, og garðurinn er eins og frumskógur að það þarf eitthvað öflugra en þetta litla orf sem við erum með, come on - grasið og draslið nær upp að hnjám næstum og ég er búin að tína blómabeðinu mínu.... ég kvarta allavega ekki um að ekkert vaxi hérna, trén og runnar orðin þokkalega gróskumikil! Það er svo gaman að eiga sinn eigin garð að þið getið ekki ímyndað ykkur!! hlakka geggjað til að taka skurk í honum og geta svo grillað úti og legið í sólbaði!! hehehehehehe!!!

Laugardagur, laugardagur og laugardagur!!! Ég hef beðið eftir þessum degi alla vikuna. Kaffið er að fæðast, og tölvan komin í gang. Það er engin sól, en gæti komið síðar, svo núna ætla ég að gleyma mér í Morrowind, hef ekki spilað síðan........ 17. Júni!!!! Það er orðið langt síðan.

Vinnan í gær var ok, slatti að gera, langur dagur enda opið til sjö. Fór í hádeginu í gær og hitti skólastjórann sem er minn verðandi yfirmaður og skoðaði aðtöðuna sem ég fæ - þe skólastofuna. Þetta er mega flott stofa, stór og björt með gluggum sem snúa til suðurs. Við förum í það í ágúst að panta inn fyrir selið, bækur, föndur og þess háttar. Setjumst svo niður og semjum skipulagið, en planið er að hafa skipulagða dagskrá fyrir hvern dag. Fáum til dæmis aðgang að handmentarstofunni einn dag í viku fyrir málun og þess háttar sem er subbulegt, það verður mega gaman!! Ég fékk á tilfinninguna að ég kæmi til með að leika mér í allan vetur, hlakka geðveikt til. Krakkarnir hérna eru svo skemmtilegir. Rosalega kurteis, hress og já skemmtileg, svo innileg, opin og ófeimin.
Vinnudagurinn verður frá ellefu til fimm, svo ég hugsa að ég geti ekki tekið að mér vinnu í kaupfélaginu fyrir hádegi, sérstaklega ekki þar sem ég ætla líka í skóla.

Svo kom Hjölli heim í gær, og við áttum notalega kvöldstund. Byrjuðum á að fara á geisladiskamarkaðinn sem var í gær, og ég náði mér í nýja Bon Jovi diskinn :D Þar var líka fullt af nammi á engu verði, og við versluðum smá af því (hehehehe) Svo var "vídeó" kvöld. Við vorum komin með fullt af nýjum myndum af netinu og horfðum á tvær af þeim í gær, Shanghai Nights með Jackie Chan (mega fyndin) og National Security með Martin Lawrence, sem var líka mjög fyndin.

En núna Morrowind!!!!!!!!!!!!!!!!

Kæru félagar og vinir!!!
í dag er góður dagur. Reyndar er rigning, en ég er í svo brilliant skapi að það skiptir mig engu máli. Ég fékk að vita það í dag að ég fékk vinnuna í skólaselinu í grunnskólanum hérna í vetur!! Svo ég þarf ekki að hafa áhyggjur af því að vera atvinnulaus í haust!! ég ekkert smá ánægð. Reyndar hefði ég sennilegast fengið að halda eitthvað áfram í búðinni því verslunarstjórinn er það ánægður með mig að hann vill hafa mig áfram í vetur, þá fyrir hádegi!! Snilld, bara snilld!!

Núna er ég ein heima. Hjölli fór aftur í gær inn á Eskifjörð, en er væntanlengur aftur á morgun. Ég hafði það gott í gærkveldi, horfði á Lord of the Rings, the two towers, nýkomin af netinu í brilliant gæðum, engin smá snilld, pjúra augnakonfekt. Ég ætla samt að kaupa hana á DVD - dugar ekkert minna fyrir svona klassa mynd.

Loksins komin heim úr vinnunni í dag. Og viti menn - það er komin rigning aftur!! Maður verður þunglyndur á þessu, rigning, rigning og aftur rigning. En ljósi punkturinn er að bíllinn fór í gang í dag.
Svo er Hjölli að yfirgefa mig aftur. Hann er að fara aftur inn á Eskifjörð til að hjálpa pabba sínum. Þetta fer að verða svolítið þreytandi, því kallinn veit ekkert hvað hann er að gera, hvað hann á að gera eða hvernig. Og alltaf bætist nýtt og nýtt við, ekki eins og við þurfum að gera fullt hérna líka, hann bara fattar það ekki. Hann nennir ekki einu sinni að koma og ná í Hjölla, heldur þarf hann að fara með rútu á morgun, því ekki get ég keyrt hann þar sem ég er að vinna. Kallinn skilur það ekki heldur.
Svo er Sigurdís, barnsmóðir Hjölla alltaf að kvabba, "taka strákinn fyrr, þarf að fara í aðgerð, þarf að vinna, þarf að gera þetta,. þarf að gera hitt...." það er aldrei það sama sem hún þarf að gera, hún þarf bara greinilega að losna við krakkann 15 júli, og vera laus við hann fram í enda ágúst. Býsna böggandi. Hún er svo frek og tilætlunarsöm að það hálfa væri nóg.
Sorry - ég er bara soldið pirruð.

En ég hef þó eitt mega tilhlökkunarefni = Ragga vinkona ætlar að koma til okkar örugglega í vikunni eftir verslunarmannahelgi - ég hlakka geggjað til !!!!!!

Halló halló kæru vinir og félagar.
Það er búið að vera nóg að gera hjá mér þessa dagana, eins og sést - heil vika síðan síðasta blogg.
Ég er bara að vinna á fullu í búðinni, serm er ok. Ekki mitt uppáhalds starf en vinna samt sem áður.

Í síðustu viku þann 17. júní komu Þórhalla systir og Lalli í heimsókn. Færðu mér blóm og alles, svaka gaman að hitta þau. Alltaf gaman að fá fólk í heimsókn!!
Veðrið í vikunni sem leið var ekkert spes, svo vikan var bara vinna, eta, sofa, fór sama og ekkert í Morrowind.

Á föstudeginum hætti ég kl fimm og fór með minn mann og dót í bílinn og brunaði til Mývatnssveitar. Pabbi átti afmæli á laugardeginum - 55 ára gamall !! Svo var ættarmót. Það var semst ætt mömmu samankomin. Alveg geggjað stuð í blíðskaparveðri. Sam var frábær tilbreyting. Fórum semst á laugardeginum um hádegi á svæðið. Þetta var haldið í Heiðarbæ, sem er rétt fyrir utan Húsavík. Um kl fjögur fórum við pabbi og Hjölli aftur í Mývó, kíktum í gufu og slökuðum áðeins á þar til um sjö, tími til að fara aftur niður eftir í grillið. Svo var djammað til um þrjú með lifandi tónlist og fjöri. Pabbi og Hjölli gáfust upp fyrir miðnætti og fóru heim. En við mamma vorum eftir. En þarna voru allir samnkomnir sem maður hefur ekki hitt lengi.
Sunnudagurinn var tekinn með ró, enda var geggjað veður í Mývó. Lá í sólbaði, lék við hundinn og naut þess að vera heima með mömmu og pabba. Tímdi ekki að fara, það var svo notalegt. En við lögðum af stað upp úr fimm, og keyrðum rólega yfir því það var svooo gott veður.

Og í dag er frábært veður og ég missti af því... held að allir hérna á svæðinu ætli að grilla því það var biluð sala á grillkjöti í allan dag.

Annars er eitt sem veldur mér smá áhyggjum. Ég fór í það mission í síðustu viku að athuga kennitölur á debit kortum hérna og komst að því að flestar "dömur" sem eru fæddar árin '72-'77 eru orðnar kellingar!!! Ég er farin að fíla mig sem síðasta móhíkanann hérna. Þegar ég hugsa um vinkonur mínar sem eru fæddar á þessum árum þá dettur mér bara í hug "stöðnuðum við einhverstaðar á leiðinni"??? Eða eru þessar "dömur" orðnar bara svona gamlar langt fyrir aldur framm???

Sæl og blessuð öll sömul. Vonandi líður ykkur jafn vel og mér. Var að koma heim frá Eskifirði. Já ég stóðst ekki mátið þegar bíllinn loks komst í gang í gær en að skutlast yfir og vera þar í nótt. Svo líka kom kallinn minn með mér heim. :)

Ég átti samt afar rólegt og notalegt föstudagskvöld. Fór í ríkið og náði mér í rauðvín. Fékk mér osta, vínber og súkkulaði, horfði á TV og hafði það óskaplega gott.

Svo núna ætla ég að hafa það enn náðugra og njóta þess að vera í tölvunni.

Jæja - dagur 2 í vinnunni - og ég í hádegismat. Til að segja ykkur sannleikann - þá meikaði ég ekki neitt þegar ég kom heim í gær. Við skelltum pizzu í ofninn og horfðum á X-Men 2, svo fór ég í rúmið (með nýju James Patterson bókina mína) En ég var alveg búin á því - aðallega í löppunum - come on - hef setið við tölvu síðast liðin 2 ár, ekkert hreyft mig að ráði - svo allt í einu að standa í annann endann í 9 klst!!!!!!
En mér líður strax mikið betur í dag - er líka búin að vera að læra á kassann - svo þá fæ ég að sitja smá.
Annars líst mér bara vel á þetta - auðvitað er þetta annað en ég hafði vonast til að fara að gera - en let's face it - það er ekki offramboð af atvinnu hérna - svo ég er bara fegin að hafa fengið eitthvað að gera. Fólkið sem ég er að vinna með er afar indælt og hresst og skemmtilegt.

Svo er ég aftur orðin ein í koti!!!! ("grátkall") Hjölli er farinn aftur á Eskifjörð til að hjálpa tengdó. I miss him already....... Svo ég verð sennilegast ein um helgina - svo ég ætla að bjóða mig fram í helgarvinnu. Og hafa það svo næs með rauðvín og græs, bara alein.

Loksins.................Loksins................Loksinsloksinsloksinsloksins!!!!!!:Ég er að byrja að vinna eftir 55 mín! (klukkan er 08:06)
Dagar Morrowind fara semst minnkandi eftir daginn í gær, og ég hætti því miður að geta talað við Röggu á msn og heyrt hennar fallegu rödd!!!!!
Ég er smá kvíðin - en miklu meira spennt!! ég er hvort eð er að fara að gera hluti sem ég hef svo oft unnið við áður!!! Læt ykkur vita með árangurinn í kvöld!!!

Hvítasunnuhelgin var = Morrowind og rigning.

Hallóóó gott fólk!!
Ekki mikið búið að gerast í vikunni. Ég er ein í koti þessa dagana, eða næstum. Hjölli fór inn á Eskifjörð á mánudaginn til að hjálpa pabba sinum í húsinu hans þar. Vési vinur okkar datt í fjörðinn á þriðjudaginn, svo ég keyrði á móti þeim feðgum svo Hjölli gæti nú hitt félgaga sinn líka. Það var rosa gaman að hitta Vésa. Hann var hérna vegna vinnunnar. Við fengum okkur nokkra öl og spjölluðum. Rólegt og notalegt. Góð tilbreyting. Hjölli fór svo aftur til Eskifjarðar í gær. En kemur aftur í kvöld vegna þess að þeir hringdu úr beitningunni og vantar fólk. Annars hefði Hjölli ekkert komið heim fyrr en einhvern tímann og einhverntímann.
Annars er voða lítið að frétta. Bíð enn eftir að byrja að vinna, og bíð enn eftir svari úr grunnskólanum. Ok veður, gæti verið betra. Skiptir mig ekki máli - ég spila bara Morrowind og fíla mig ágætlega!!