Það er rigning. Og smá rok. Ég vona að það verði ekki svona veður á morgun, þar sem sjómannadagurinn er á morgun. Er að spá í að kíkja á dagskránna hérna sem verður í gangi. Meira að segja í kvöld er ball í Skrúð, sem er félagsheimilið hérna. Fólk man lítið eftir hvernig það lítur út að innan því það er sárasjaldan notað. Enda er hótelið við hliðina á því með flottan sal á kjallarahæðinni, sem býður upp á alls konar skemmtanir. Bar, dansgóf og pallur fyrir litlar hljómsveitir. Hef ekki hugmynd um hverjir eru að spila í kvöld. Spurning hvort maður geri eitthvað. Langar samt að kíkja og fá mér öl á barnum. Veit samt ekki hvernig það fer því greiðlsuþjónustan mín tók 13þ kr of mikið af mér. Og það er laugardagur og ég get ekkert gert í því núna.
Annars sit ég bara og spila Morrowind, skemmti mér ágætlega yfir því. Búin að horfa á Friends þættina sem ég náði mér í. Brilliant skemmtun!!!

Mig langar í hund. Mig er búið að langa í hund lengi. Og í allan morgun er ég búin að vera að skoða síður, hundasíður, ræktunarsíður, meira að segja síður með heimilislausum hundum.
Málið er að mig langar í hreinræktaðan hund, ekki blendingsræfil, en þá er maður kominn út í heavy verð á hvolpum. Veit ekki hvað maður skal gjöra, kannski hringja bara á bæina í kring og athuga hvort það séu einhverjir bastarðsgrey sem vanta heimili....

Ahhhh, var að koma heim, eða fyrir ca klukkutíma. Er dauðþreytt núna.
Gistum á Eskifirði í nótt. Fórum semst og settum niður kartöflur, og fórum svo á sjóinn eftir kvöldmat. Brilliant veður, algjör snilld. Einu hljóðin sem við heyrðum voru niðurinn í fossinum fyrir ofan Hvamm og gargið í múkkunum sem vonuðust eftir nasli úr fiskinum sem við vorum að veiða.
Svo sofnaði maður þreyttur og ánægður, manni leið alveg rosalega vel eftir allt sjávarloftið.
Vöknuðum snemma og út á sjó aftur. Náðum í tindabykkjur og þorsk. Tindabykkjan kom á línuna sem við lögðum í gær, línan var ætluð fyrir þorksa en hún þessi gráðuga vildi endilega vera með. Fórum aftur út eftir hádegi. Náðum þá í enn meiri þorsk, ýsu og rauðsprettu....
Og núna er ég komin með freknur á enni segir Hjölli. Við erum bæði ekkert smá útitekin eftir þessa stuttu veru á sjónum í gær og í dag. Þetta er alveg frábær útivera, manni líður ekkert smá vel á eftir, sérstaklega þegar maður þarf að slást við stóra sterka þorska á veiðistöng, algjðr snilld!
Og þegar við Hjölli komum heim áðan var glæný ýsa og glæ nýr þorskur settur í pott með böpplum og íslensku smjöri, og við átum eins og hakkavélar. Algjört lostæti.
Ég ætla núna (nýbúin í langri og heitri sturtu) að hita mér gott te, og koma mér vel fyrir í stólnum mínum í stofunni, og láta fara roooosalega vel um mig.
Heyrumst síðar :)

Mánudagur, og ok veður. Ekker spes en ekki ringning, svo ég er sátt.
Ég er tilbúin í "dressinu" mínu. Erum að fara inn á Eskifjörð. Ætlum að setja niður böpplur og fara á skakið. Hlakka geggjað til!!!
Er komin með 12 stk af Friends þáttunum mínum eftir nóttina. Setti nokkra á downlód til að tölvan hafi eitthvað að gera á meðan ég er í burtu! Verður að "work for it´s keep" :)
Jæja - best að fara að drífa sig..... nei nei - hvað sé ég... er ekki sólin að möndlast þarna í gegnum skýin! Þá er best að fara að draga Hjölla úr sinni tölvu og koma okkur af stað!
Heyrumst seinna!

Sunnudagur... enn einn sunnudagurinn. Mér líkar ágætlega við sunnudagana. VIð erum í pásu við að horfa á Tuxedo, með Jackie Chan. Náðum í hana af netinu. Er í óða önn við að leyfa minni að möndla þetta í rólegheitunum, er að ná í Friends seríu 9. Hef ekki séð 1 þátt af þeim vegna þess að ég er ekki búin að vera með Stöð 2 síðan þeir byrjuðu þar.
Og hún Birgitta varð í 9. sæti. Ágætt finnst mér.
Tengdapabbi kom í heimsókn í gær, færandi hendi með öl og rauðvín. Hjölli eldaði dýrindis kjúkling, og við áttum rólega og notalega kvöldstund. Ekkert júróvísíon partý hérna.
Einhverjir hafa verið að djamma því Vési hringdi kl eitt í nótt. En sennilegast var hann að halda upp á afmælið sitt.
TIL HAMINGJU MEÐ DAGINN VÉSTEINN!!!!

Jæja - var að koma heim aftur. Skrapp upp í skóla í atvinnuviðtal. Þar sótti ég um 2 störf, annað sem stuðningsfulltrúi sem mér líst betur á og svo sem starfskraftur í skólaseli. Smellti þar inn umsókn og ferilskránni minni. Þetta byrjar náttlega ekki fyrr en í haust en það er fínt, vinna í kaupfélaginu í sumar og fara þarna í haust. Einnig er þetta ekki 100% starf sem mundi henta flott með skólanum. Fæ ekki að vita niðurstöðu fyrr en eftir hvítasunnu. Það er það sem mér finnst svo pirrandi við að sækja um svona; biðin eftir svari. Svo fær maður neitun og maður verður sár og svekktur. Ég er annars í smá "down" skapi núna. Var stungin í bakið af eigin tilfinningum rétt áðan. Þórhildur skólastjóri bauð mér í kaffi sopa á skrifstofunni með hinum kennurunum að spjalla. Þau voru að fara í gegnum póstinn og í honum voru BT bæklingur, sem skiptir mig engu máli, en þarna var einnig Heiti Potturinn frá ATV. Sá sem ég var alltaf eitthvað með puttana í. Lærði hann alltaf utanbókar til að geta svarað viðskiptavinum okkar og beint símtölum í réttan farveg. Hann var partur af mínu gamla starfi. Ég fékk hnút í mallann. Hélt ég væri komin yfir það að vera ekki að vinna þar lengur, en svo er greinilega ekki. Ég sakna þannig séð ekki vinnunnar sem slíkrar, en ég sakna rosalega hóps af fólki sem ég var að vinna með. Var að tala við einn sölumanninn á msn í gær. Það er allt rosalega breytt, kannski er bara gott að ég sé ekki þarna lengur. Þetta er í raun ekki sama fyrirtækið og ég byrjaði að vinna hjá. Kannski er ég bara svona "blue" akkúrat núna því ég er á þessu mánaðarlega. Vona það.

Í dag er það að frétta að ég er örugg með vinnu í kaupfélaginu. Fékk það staðfest áðan. Nú er bara spurningin hvenær ég byrja. Mér líst mjög vel á þetta, verður fínt að vera þar í sumar. Skárra en að vera í fiskinum, þó vinnudagurinn sé stuttur þar, maður komist út í sólina fyrr, þá samt vil ég frekar vera þarna.

Góða kvöldið mín kæru!
Afskaplega rólegt og notalegt kvöld. Er með kertaljós, smá öl og sit við tölvurnar mínar. Datt í hug að leyfa ykkur að njóta þess með mér.
Var í dag að taka "Tobba" í gegn, þe ferðatölvuna okkar, og nú malar hann eins og köttur og er þvilíkt sprækur þegar verið er að nota hann. Hjölli var að sýna mér tökin á þessum gjörning, enda hafði ég aldrei gert þetta áður. Kominn tími til að læra þetta almennilega.
Svo er því lauk, fór ég í langa, góða, heita sturtu. Loksins getur maður farið í sturtu án þess að skrúfa fyrir heita vatnið á milli þvotta. Við erum komin með 150L neysluvatnskút í staðinn fyrir þennann litla 25L og það er sko munur á þessu. Áður fór maður undir og bleytti sig, skrúfaði fyrir heita á meðan sjampóað var, skrúfað frá, skolað, skrúfað fyrir, hárnæring og sápa, skrúfað frá, skolað og þar með var heita vatnið búið. Svo þurfti Hjölli að bíða í allavega klukkutíma svo hann kæmist á meðan geymirinn væri að fyllast aftur. En nei ekki lengur, núna er engin bið og allir sáttir og hamingjusamir:D
Það er svo rólegt hérna, smá myrkur úti, kertaljósin gefa herberginu mínu þægilega birtu. Og það heyrist ekki í neinu fyrir utan, enda held ég að fuglarnir séu að spara raddböndin fyrir morgundaginn. Gæti ekki verið meira afslappandi, enda held ég að ég bjóði góða nótt núna.

Jæja gott fólk.
Þá er ég búin að skrá mig í skóla!! Þeir eru með deild sem er kvöldskóli í gegnum fjarfundarbúnað hérna í grunnskólanum. Samt fer mest öll verkefnaskipti og þessháttar fram á netinu í gegnum mína einka tölvu.
Og núna er ég skráð í Ísl 212, saga 212, nátturufræði 212 og stærðfræði eitthvað, svo er ég skráð í ensku og dönsku stöðupróf. Þetta er fínt til að byrja með.
Mér líst mjög vel á þetta, það er kennt þarna 3 kvöld í viku, 2 timar í senn.
ATH ATH ATH kl 23:55 átti Linda frænka mín litla stelpu!! Til hamingju Linda og Diddi!!!!

Jæja - núna er ég að fara og skutla Val, hann fór ekki í gær vegna veðurs. Og við Hjölli ætlum að nýta ferðina og kíkja á áfangastjórann í ME, athuga hvað við getum bætt á okkur í námi. Verð að segja að ég hlakka mikið til að setjast á "skólabekk" aftur. Þó svo að "skólabekkurinn" sé fyrir framan tölvuna mína. En eins og mamma segir (og hafa þær ekki alltaf rétt fyrir sér?) þá sit ég mikið fyrir framan tölvuna og ágætt að ég fari að nýta tímann þar í eitthvað uppbyggilegt..... hmm hvað ætli hún hafi átt við með því?? Kannski less Morrowind og more lærdómsríkt.... kemur í ljós hvað verður.

Ekki er að skána veðrið!!! Nema það kannski rignir ekki alveg eins heavy akkúrat þessa mínútuna. Í gær þegar ég var að fara að sofa heyrði ég í þresti, sem var að sperra sig og söng svona líka rosalega, sá hann í anda með allar fjaðrir ýfðar og bringuna útþembda. Hann sperraði sig ekki svona í gærmorgun, heldur hafð heyrst í honum eitt og eitt píp, afar geðvonskulegt.
En ég er allavega komin á fætur og komin í kaffið. Vaknaði við flugu, sennilegast randafluguhlussu sem var í því að nöldra og klessa á gluggann í svefnherberginu. Á minni lífsleið hef ég aldrei séð eins margar randafluguhlussur, þær eru á stærð við þumalputtann. Og alltaf er ég að mæta þeim hérna inni hjá mér og henda þeim út. Flestar eru svo asnalegar, eins og þær séu nývaknaðar, eða alveg að drepast. Nema þetta sé alltaf sú sama, veit ekki...??
Erum að fara fljótlega að leggja af stað upp á Reyðarfjörð, skutla Val í veg fyrir farið hans á Bakkafjörð.
Þetta er búið að vera ágætt, rólegt og gott. Nema grillið klikkaði.

Biluð rigning!!! Hef ekki lengi séð svona rosalega rigningu!! Enda fór ég ekkert út í dag. Hafði það náðugt í stólnum mínum með bókina mína. Leyfði Val, vin okkar, að nota tölvuna í dag. Hann fer sennilegast aftur á sjóinn á morgun og kemst þá ekkert á netið, svo ég aumkað mig yfir hann. Ég reyndar átti afar erfitt með að halda mér frá því að rífa vélina af honum því Morrowind er hryllilega ávanabindandi.... ég er á svo skemmtilegu missioni núna.
Annars heppnuðust dagsverkin vel á þriðjudaginn, nema ég bakaði súkkulaðibitakökur í stað skúffukökunnar.
Við sóttum Val á fimmtudaginn, kíktum aðeins inn á Eskifjörð í leiðinni.
Bakaði brauð og skúffuköku handa strákunum á föstudaginn, og það var kaka í lagi. Ákvað að nota tvöfalda uppskrift, og hún stóð helmingi stærri upp úr skúffunni, geggjað gómsæt í þokkabót!! Og gerði tilraun með bolludeigið, bakaði brauð í formi úr því og viti menn - það heppnaðist meiriháttar vel hjá mér, kom flottur brauðhleifur úr þessu; sólþurrkaðratómatabrauð! (fyrir nokkrum árum hefði ég aldrei trúað þessu)
Annars var föstudagurinn algjör snilld. það var svo gott veður að ég gat ekki fengið það af mér að vera í tölvunni, heldur fór út með bókina mína og kaffibollann og las. Gleymdi mér og brann smá, á nebbanum, bringunni og á öxlunum. En ekkert til að hafa ahyggjur af, er bara útivistarsælleg núna :D
Kíktum á barinn, já á barinn, þann eina sem er hérna. Og viti menn, það voru nokkrar hræður. Kannski vegna þess að það er fólk í bænum vegna 2 stk jarðarfarar og 1 stk brúðkaups. En þetta var ágætis tilbreyting.
En ég líka nýt mín ákaflega vel með einn kaldan í tölvunni....

Brilliant gott veður í dag!! Ég er að semja dagsáætlun hjá mér. Hún er svo hljóðandi:

1. Viðra teppi
2. Setja í þvottavélar
2. Fara með ruslið
3. Þrífa bílinn
4. Fara í ljós
5. Versla
6. Baka skúffuköku (því ég ætla að baka brauð á morgun, og vinur Hjölla kemur í heimsókn yfir helgina á fimmtudaginn)
Hef ekki hugmynd um hvenær ég klára þetta - en gæti orðið snemma ef ég ræðst á þetta núna. En svo opnar ljósin ekki fyrr en um eitt, og ruslagámarnir ekki heldur, svo ég er jafnvel að spá í að gefa mér morguninn undir tölvu og það sem þarf að þvo.

Góðan daginn og gleðilegan mánudag!!
Hvað finnst ykkur um að Ingibjörg Sólrún hafi ekki komist inn?? Ég hugsa að ég fari lítið að tjá mig um þetta hérna. En ég sem hef aldrei haft snefil af áhuga um þetta og aldrei lagt mig fram í að læra hvernig þetta allt virkar, þá horfði ég á útsendingu RÚV á kosningarnóttina, sem var bara mjög skemmtileg. Og þar lærði ég undir dyggri stjórn Boga fréttamanns hvernig þetta fer allt saman fram. En þetta með Ingibjörgu Sólrúnu, kannski hefði hún átt að komast inn og 1-2 í viðbót (þá helst á kostnað Sjálfstæðisflokksins) og myndað samstarf með Framsókn, þá hefði þetta verið súper, ekki það að Ingibjörg hafi fengð mitt atkvæði.
En nóg um það, nóg um pólitík, það er einmitt það sem kemur fólki til að verða ósátt og fara að rífast og skapar illindi. Kosningar eru búnar, og svona er þetta, sárt en samt.
Við hjónaleysin vorum róleg þetta kvöld. Fengum ekkert af þessum gestum sem höfðu boðað komu sína, sumir höfðu ekki einu sinni fyrir því að láta vita af því að það þyrfti ekki nað ná í þá á Egilstaði, mér fannst það frekar slæmt, því ég planaði daginn með því hugarfari að kl fjögur þyrfti ég að fara og ná í fólkið. Hinn gesturinn á laugardaginn, held ég að hafi hreinlega verið orðin svo fullur að hann hafi ekki verið alveg með á nótunum um stað og stund hverju sinni. Hann er ekki svo langt undan enda vonumst við eftir því að hitta hann núna í vikunni. En við áttum til öl og höfðum það bara gott og rólegt. Sátum reyndar í sitthvoru herberginu nær alla nóttina. Hann á sko nýja Eve Online leikinn, nýja flotta netleikinn, og núna situr hann nær öllum stundum og spilar. Gott að hann hafi gaman að einhverju. Ég er núna að verða húkkt á Morrowind, er að klára Arx Fatalis, er svolítið stopp í honum, missti áhugann, las 15 bækur í Ísfólksseríunni, asnaðist til að setja Morrowind í og athuga hvort tölvan mín vildi spila hann og "voila" rann í gegn eins og tölvan hefði aldrei séð hann og hikstað yfir honum áður.
Annars er ekki mikið að frétta af okkur hérna. Erum að vinna í baðherberginu. Settum upp loftið á miðvikudaginn. Ákváðum að fara ekki út í mikinn kostnað við það núna, því það er lítið og okkur langar til að stækka það fljótlega. Svo þá er gott að vera ekki búinn að eyða fúlgu í veggefni og þessháttar. Ætlum að múra og mála, setja upp spegla og gera það snyrtilegt, engar flísar núna.
Er að verða meistari í brauðbakstri, keypti td um daginn sólþurrkaða tómata og setti í - alveg snilldar gott. Hjölli vill helst ekki kaupa brauð núna, vill bara þetta sem ég baka. Ég er ekkert á móti þvi, það er einfalt að baka þetta, fljótlegt, og ódýrt.
Og hér er rok og rigning, eins og ég hafi pakkað R-víkur veðrinu með mér og hafi sleppt því lausu í dag, svo lítið bæri á.

Jæja - sunnudagurinn rennur upp - afmælisdagurinn hennar mömmu TIL HAMINGJU MEÐ DAGNN ELSKU MAMMA MÍN!!! Bara fúlt hve "kúkurinn" nær aldrei að keyra á veggi. Þeir sem fylgjast með Formúlunni skilja hvað ég á við.
Á föstudaginn endurinnréttuðum við baðherbergið okkar, núna er ég með nýjustu og heitustu innréttingarlínuna frá Baghdad.
VIð ætluðum að fara að henda upp loftinu því loks fengum við píparann til að klára, og þá fóru flísarnar að hrynja, semst komnar á siðasta snúning. Æði.... eða þannig, þetta var ekki beint á áætluninni okkar. Svo við máttum byrja og rífa niður allar flísar og þurfum semst að púnga óáætluðum fjárhæðum í nýtt á veggina.
En ég verð að líta á björtu hliðarnar, ég fæ þá fallegt baðherbergi í staðinn, og einn stór kostur við herbergið er að það er pínulítið - svo engin stórútgjöld í fermetrafjölda þar.
Þannig að í gær - fórum við í sund í Djúpavogi, alveg snilld, klukkutíma akstur en vel þess virði því pottarnir þar eru snilld. Ég hafði aldrei komið þangað áður og skemmti mér vel við að rúnta þetta.

Halló alllir saman!!
Hríð, hríð og aftur hríð. Ég er alls ekkert að gúddera þetta. Svo heyrir maður af sól og læti í R-vík!!
Ég er annars núna að föndra inni í tölvuherbergi, laga til hillurnar sem Hjölli setti upp fyrir mig um daginn, ætlaði að mála það sem þurfti að mála - en hún snillingurinn hún systir mín kom með þá tillögu að snjallt væri að setja lista, borða eitthvað sætt á þær - svo ég tók hana á orðinu og hamraði á þær gömlum sætum gardínuborða. (og það snjóar enn)
En það sem er að frétta þessa dagana er að systir mín og börnin hennar komu í heimsókn á laugardaginn, alveg meiriháttar að sjá þau og geta sýnt þeim slotið.
Og á sunnudeginum komu Jón og Stína með þríburana sína sem eru heil skæruliðasveit - veit að Saddam Hussein hefði ekki viljað að lenda í þeim á góðum degi, þau eru rosalega "dugleg"
Og á sunnudeginum gerði mín svo tilraun til að baka brauðbollur - sem heppnuðust alveg hreint ótrúlega vel - ég verð að segja það að þarna leynist kannski dulinn hæfileiki sem hefur ekki fengið að líta dagsins ljós fyrr en núna.

Jæja góðir gestir!
Geggjað veður í dag, settum samtals í 3 vélar og hengdum út - ekkert smá gaman að fá að hengja rúmfötin út og fá þessa gömlu góðu útilykt í þau eins og í gamladaga hjá mömmu... vekur upp gamlar og góðar minningar.
Annars bara góður dagur í dag, þreif bílinn, fór til doksa (pillan mar) verslaði, stimplaði mig.
Hlaupabólan kom upp líka í dag. Atli Freyr vaknaði í morgun með fullt af bólum um allt, og kom úr krafsinu að yngri bróðir hans hafði verið með hlaupabóluna þegar strákurinn kom hingað, svo hann var þegar þá smitaður - vei....
Svo það var aftur rokið á stað til að kaupa krem til að slá á kláðann, sem virðist virka.
Og þvílíka hamingjan í Birkihrauninu yfir nýja fjölskyldumeðliminum, allavega erum við pabbi alveg himinsæl yfir þessu - en hann keypti sér ferðavél í dag!!!! Honum er búið að langa lengi í svoleiðis grip og lét loksins undan lönguninni "Til hamingju pabbi minn" !!!!
Og fleira skemmtilegt í vændum - Þórhalla systir kemur kannski um helgina - en hún hefur ekki séð slotið enn, hlakka mikið til að fá hana í heimsókn og sína henni híbýlin okkar.

Gleðilegt sumar!!
Það er ekki svo mjög sumarlegt úti hjá mér, frekar þungskýjað, og lítur út fyrir að það ætli að rigna.
Dagurinn í dag er búinn að vera eins rólegur og hægt getur orðið. Ég hef ekkert verið að brasa í tölvunni, heldur faðmað minn kodda og legið í nýjustu James Patterson bókinni minni, The Jester. Alveg frábær lesning. Hefur hjálpað mér að hugsa ekki um hve næs það mundi vera að liggja í sólbaði í Mývatnssveitinni með mömmu. En þau undur og stórmerki gerðust að hún móðir mín gafst upp á sólbaðinu sökum þess að það var allt of heitt fyrir hana. Það og að litli frændi minn fengi leið á súkkulaði eru hlutir sem ég hélt að myndu aldrei gerast.

Enn og aftur gleðilegt sumar og takk fyrir veturinn!!!

Jæja þetta virðist vera komið nokkurn veginn í réttan farveg.
Allavega, þá er lífið alveg snilld þessa dagana. Maður er að losna alveg við R-víkur stressið úr sísteminu. Komst að því að góð aðferð við það er að kaupa hús úti á landi, mála það og laga til. Synda og fara í gufubað á eftir. Kíkja reglulega til Mývatnsveitar, á hótel mömmu og pabba. Þar er sko hægt að slaka á.
Maður er svona enn að átta sig á að ég er flutt frá R-vík, en það er góð tilfinning. Það er allt svo rólegt og notalegt hérna. Garðurinn minn er að lifna við, og trén eru að laufgast. Mér finnst afar skrýtið að eiga garð, geta sett niður blóm, þurfa að reyta arfa. Fórum út í garð núna á Föstudaginn langa, í þvílíkri blíðu og tókum til í garðinum. Fann blómabeð, og við fundum rifsberjarunna, 2 stk af rabbabarabeðum, hvönn og sitthvað fleira.... já og sandkassa!!

Mývatnssveit var afslappandi. Fór alla dagana með pabba í gufu, sem er byggt yfir eina gufuholuna uppi í Bjarnarflagi. Þetta er ekkert fancy, en þó með búningsaðstöðu og einni sturtu sem hægt er að skola sig í og þvo sér á eftir. Þetta er víst kjörinn partýstaður á kvöldin um helgar. Maður kemur svo aflsappaður og fínn úr þessari gufu, tilbúinn til að takast á við hvað sem er.
Á laugardeginum fór ég með pabba og Jóni í Belg á netin. Pabbi hafði víst heitið á pottinn deginum áður - handa mér - nýjum silung. En þar sem það má ekki heita á pottinn þá gátu þeir ekki lagt netin á föstudeginum vegna veðurs, svo hann reif sig upp fyrir allar aldir á laugardagsmorgni til að leggja netin. Og við fórum þá seinnipartinn til að vitja þeirra, og við fengum í soðið. Einnig tókum við netin upp, því sá er siðurinn í sveitinni að aldrei eru net í vatninu á páskadag.

Páskadagur rann upp, ekki svo bjartur eins og ég hefði vonast. Frekar svalt. Og fyrriparturinn einkenndist af Formúlu 1 kappakstrinum. En þá er helgistund í Birkihrauninu, og Guð hjálpi þeim sem truflar á þeim tíma. Pabbi afar ánægður með úrslitin, en við mamma gátum unnt honum þess, vegna þess að "kúkurinn" hafði ekkert komist á blað síðan keppnin byrjaði.. hehehehe!!! (þeir sem fylgjast með formúlu vita um hvern ræðir)

Og að sjálfsögðu var kalkúnninn aLa Pabbi á borðum. Svakalega góður eins og honum er lagið. Hjónaleysin Þórhalla og Lalli mættu í mat með krakkana, og má þess geta að sumir stuttir, ljóshærðir fengu leið á súkkulaði eftir daginn.

Á mánudeginum fórum við til Akureyrar. Hjölli og Atli fylgdu með til að heimsækja tengdó. En við pabbi fórum í matarstellsleiðangur. Innflutningsgjöf frá honum, og var hún þörf því við Hjölli áttum aðeins 2 stóra matardiska, og ef gestur er þá notaði Hjölli disk sem er ætlaður undir ostabakka. Þannig að núna getum við boðið allt að 10 manns í mat, og öll setið við nýja eldhúsborðið sem tengdamamma gaf okkur í afmælis/innflutningsgjöf í mars.

Ahh mikið skárra - ef þið hafið ekki séð bleika litinn þá var hann heldur verri en þessi nærbuxnablái sem er núna.....