Grænn sportbíll

Frábær helgi að baki! Fór í skemmtilega heimsókn til Hafdísar og sonar hennar Jóhanns Haralds. Þau búa rétt fyrir utan eyrina, ekki langt að skjótast. Alveg nauðsynlegt að fara og hitta annað fólk, og tala við aðra en bara vinnufélaga go soninn. Takk kærlega fyrir okkur Hafdís. Situr uppi með okkur núna góða mín!

Við Gabríel áttum góða daga saman. Fann hvað hann naut þess að hafa mig eina hjá sér. Bara ein vika og síðan er verslunin opin bara til fimm - þá get ég sótt hann sjálf á leikskólann.

Ég grillaði í gær!! Og ég ekki alveg komin á þá bylgjulengd að við erum bara 2 í mat og ég tók allt of mikið til á grillið. Og þegar uppi var staðið þá var orðið allt of seint að bjóða í mat. Svo gaf ég honum ávexti og rjóma í eftirmat, og ég vissi ekki hvert hann ætlaði af kæti blessaða barnið.

Svo í gærkveldi þegar hamingjusama barnið mitt var farið að sofa, fann ég hvað ég var sátt og ánægð. Stolt af heimilinu sem ég hef búið til handa okkur Gabríel, fallegt, notalegt hlýlegt heimili sem honum líður vel á. Já okkur báðum!

Rauður traktor

Skrýtið að maður vinni bara einn dag og fái svo aftur frí. Gera eins og hinar norðurþjóðirnar vera með "optional workday" þar sem fólk getur ráðið því mikið hvort það mæti í vinnu á svona degi - sem þá sennilegast er tekið af sumarleyfi eða þvíumlíkt - svíinn sem ég tala mikið við segir að þau þar fái bara frí þessa föstudaga sem lenda á milli fimmtudagafrídags og helgar. Ekker vesen - enda er hann búinn að vera með fullt fullt af 4 daga helgum - imp..

Ég tilkynnti syni mínum það í gær þegar við komum heim að við ætluðum sko að vera heima þessa helgi. Og ég hlakka svo til! Búin að mæla mér mót við eina vinkonu á morgun og fór í kaffi til einnar í gær :) - þetta eru stelpur sem ég er að kynnast því best að fara að reyna að eignast einhverja vinkonu hérna - ekki gengur að messa bara við svíann minn.

Sonur er orðinn hress - sem betur fer. Var farinn að þreyta ömmu sína - þar sem hann var orðinn hitalaus sl þriðjudag og farinn að hanga í ljósakrónum. En þau vildu passa hann fyrir mig miðvikudag líka þar sem skólanum var lokað um hád og þá hefði ég þurft að taka frí í vinnunni - og þessi einstæða móðir hefur barasta ekki efni á slíkum lúxus.

Annars er barasta allt í gúddí :) helgin framundan, sonur hraustur, bíllinn fullur af bensíni, peningarnir ekki alveg búnir, svo allt getur gerst :) - nei ég er ekki á leiðinni suður - ætla samt að íhuga alvarlega næstu helgi.

Tæknival reunion....

25. maí nk er reunion hjá gömlum Tæknivölsungum!!! Gaman væri að komast suður og hitta alla gömlu vinnufélagana.

datt í dúnalogn...

Var nóg að gera fyrir hádegi. Síminn hringdi og fólk kom. Núna - ekkert. Hlýtt úti, dulítið hvasst, sólin potar nefinu reglulega út á milli skýjanna til að minna okkur á sig. Sonur minn er enn í sveitinni og ég sakna hans mikið. Einmannalegt heima þegar hans nýtur ekki við. Hann hefur svo mikinn lífskraft og hann er svo ferskur og kemur með svo hressar uppákomur. Hann verður þar líka á morgun þar sem leikskólinn lokar í hádeginu og ég hefði þurft að fá frí eftir hád á morgun. Og þá væri ég að taka áhættu með heilsuna hans þar sem hann er ekki orðinn fullfrískur enn. Svo; ein heima aftur í kvöld.

Ég fór að versla í gær. Ísskápurinn gargaði á móti mér af tómleika. Greinilegt að ef maður væri ekki með barn á heimilinu þá væri ísskápurinn svona alltaf. Svo mín trillaði í Bónus og verslaði fyrir um 11 þúsund!! - getið rétt ímyndað ykkur hve tómt var orðið. Nema í kistunni minni. Ég á fullt af kjöti og frosnum mat.

Gabríel lasin

hæ .. hvað segist? Bara allt gott héðan, nóg að gera, Gabríel lasin sl viku og er hjá mömmu og pabba núna þar sem hann var ekki búinn að losna við hitann sem hann fékk, eftir að hann losnaði við vírusinn úr augunum. Þannig ég var heima 2 daga sl viku með honum. Svo föstudag keyrði ég hann uppeftir. Sú ferð var heldur viðburðarrík fyrir það fyrsta að það snjóaði á leiðinni - commonnn - það er kominn Maí!!! Og svo dó kúplingin á leiðinni - að sjálfsögðu á eina blettinum í Reykjadal sem síminn dettur út - upp brekkuna úr dalnum (já rétt hjá Önnukoti) Með lasið barn, mátti ég bíða í bílnum eftir að kæmi bíll svo ég gæti fengið far inná Lauga til að bíða þar og komast í símasamband. En það reddaðist allt saman - og við fundum kubba í Sparisjóðnum okkar.

Annars var helgin viðburðarlítil. Las eina bók, lék við Gabríel, horfði á Formúlu, Júróvision, bölvaði Rúv fyrir að taka okkur í rassagatið smjörlíkislaust og geta svo ekki drullast til að sýna úrslitin frá Júróvision - commonon það voru fokkins 5 mín eftir!!! Ég hef ekki horft á Rúv í laaaangan tíma - svo horfi ég þarna - nú fá eitthvað fyrir þessa himinháu reikn sem maður fær heim, og þeir klúðra því.

Svo kom ég heim í gær - litli garmurinn minn hjá mömmu og pabba og ég veit að það fer ekki ílla um hann.

Bjöggaball :)

alveg snilldar helgi að baki! Fórum í sveitina á föstudaginn í tilefni afmæli mömmu. Gabríel fór með afa sínum og ömmu reyndar fyrr um daginn - það er svo mikill munur fyrir hann að hætta fyrr og þurfa ekki að dröslast í bíl eftir 10 tíma vinnudag - sem er nógu langur fyrir svona lítinn kút.

Nú - á laugardag var afslappelsi og Ragga vinkona go hennar spúsi komu í heimsókn í Mývó - þau höfðu verið á "hvalveiðiskoðunnartúr" á Húsavík. Svo var planið að fara á Akureyri og kíkja í krukku. Og ég ákvað að skella mér - mamma og pabbi svo himinlifandi yfir að ég skuli drífa mig út að þau hugsuðu sig ekki um og pössuðu litla gullmolann minn.

Og það var svoooo gaman!! Ég hef ekki hlegið svona mikið svo lengi! Björgvin Halldórss var nöttla flottastur - en reyndar hlustaði ég ekki mikið á hann - en dansaði þó eitthvað. Og var hálf vönkuð á sunnudag en ekki mikið þó. Þetta var eitthvað sem ég virkilega þurfti á að halda - sérstaklega að hlæja svona mikið.

takk elsku Ragga fyrir frábært kvöld!!!

Afmæli í dag....

Mamma mín elskulega á afmæli í dag!!!!

(mynd tekin 1955)

Til hamingju með daginn elsku mamma mín!

snilldar veður

hef þannig séð ekker annað að segja. Týnd...
Atburðir helgarinnar eru hér http://gabrielalex.blogspot.com/

Frábært veður

Sonur minn er yndislegur...

átti stórkostlegan morgun með honum í morgun. Málið er að sumir morgnar eru erfiðari en aðrir, og þessi gæti jafnvel talist einn af þeim. En það veltur alltaf á því hvernig litið er á málið. Í mínum augum var hann hrein snilld, sem sýnir hvað sonur minn er alltaf að verða sjálfstæður í hugsun, hvað hann getur verið skemmtilegur og uppátækjasamur. Og þegar maður hugsar um það þá eru flestir morgnar svipaðir þessum, nema hann finnur alltaf upp á einhverju nýju... ótrúlegur!

En endilega lesið um okkar venjulega morgun hér: Gabríel Alexander.

rugluð... kannski

sko ég fékk þá flugu að fara aftur í skóla. Og það sem heillar mig mest er lögfræðideildin á Bifröst... Og þá er náttla komið upp hjá manni.. "hvað er maður að spá..? " ég kæmist aldrei þar inn, og ef maður svo ótrúlega vildi til kæmist inn þar sem einhver í inntökudeildinni hafi verið í snilldargóðu skapi, hvað ætli maður eigi erindi í þessum geira? hefur maður gáfur til að klára svona pakka?? Nú er ótrúlegasta fólk að taka sálfræði (nei ekki þú dóa - þú ert snillingur) fólk sem maður hefði haldið að væri ekki í meðallagi gáfað. Svo maður fær smá örvandi púst með að maður gæti nú klórað sig í gegnum þetta - hef alltaf átt auðvelt með að læra.

Nú í bjartsýniskasti sótti ég um. Þæglegt aðgengi þar. Hugsaði sem svo að þetta væri kúl lausn á bráðabirgðartíndílausulofti stöðunni sem ég er í. Vinnan mín er ekki að virka, húsnæðið mitt er of dýrt, ég er sennilegast að fá magasár af stressi, svefn er eitthvað sem ég man ekki hvað er, og að borða holt (að borða yfir höfuð) er lúxus sem ég man eftir í blörrí minningu. (ekki misskilja - sonur er í góðu yfirlæti - ég passa það) Þessu öllu sópa ég undir teppi þegar ég hitti son minn sem er allt of sjaldan, spukulera í að hengja á hann mynd af mér til að minna hann á hvernig ég líti út. (það er partur af "vinnan er ekki að virka")

Þarna er skóli, húsnæði, leikskóli og ég ekki að vinna 24 tíma frá syni minum á daginn.

- er ég rugluð.... ?

í góðu yfirlæti

oki.. er búin að vera crappy undanfarið í skrifum. En vona að myndir hafi komið í staðinn :) Erum í sveitinni. Var að vinna í dag. Ekkert að gera.l

Búið að ganga upp og niður. Sumir dagar eru frábærir, aðrir crappy. Ég hata peninga, meira en allt annað. Þeir gera ekkert annað en að draga úr manni. Og maður er ekkert afskaplega í bloggstuði þegar maður hefur ekkert gott að segja. Þess vegna setur maður bara inn fallegar myndir af syninum sem er sólargeislinn í lífinu þegar maður hefur fátt annað. Og við eigum góðar stundir, eins og td á sumardaginn fyrsta, rosa gaman að fá sér ís, og hann mundi sko alveg hvernig það hafði verið að fá sér ís! Við hlógum mikið. Hann er það besta.

Fyrsti ís sumarsins

Slappur strákur

Yndislegir páskar

Lesið um það hér : Páskar og myndir 2007

Gleðilega páska

Ég er bara sætastur

Fyrsta páskaföndrið!

Yndisleg helgi

- átti yndislega helgi með syni mínum. Og hér getið þið lesið allt um það...

Ekki þreyttur

Og kann að segja nei

same ol'

Átti yndislega helgi :o)

Við sonur fórum snemma í sveitina á föstudaginn og áttum svo góða og rólega helgi. Nutum þess að vera saman, og vera þar og gera ekki neitt. Fórum í fjárhúsin á laugardaginn, kubbuðum, sváfum lásum og átum :o)

Sonur svo glaður að vera kominn til afa og ömmu loksins að hann réð sér varla fyrir kæti og vildi gera allt í einu strax, svo glaður var hann. Athuga hvort allt væri ekki örugglega á sínum stað :o)

Hann og amma hans leyfðu mér svo að sofa á sunnudaginn. Afskaplega gott var það, að sofa út :) ekki oft sem það gerist á mínum bæ. Enda kann maður að meta það þegar það gefst færi á.

Svo er maður komin aftur í hið daglega amstur, og hugsar um næsta frí sem maður getur verið meira með litla kút. Mér finnst stundum frekar erfitt að vera að vinna svona langan dag frá honum. Við fáum ekki það mikinn tíma saman á virkum dögum. En njótum þess þó. Morgnarnir eru oft samt erfiðir. Sumir stuttir eru með skap og eru ekki alltaf til í að hlýða mömmu sinni. Og er oft skipst á skoðunum. En það er bara svoleiðis, en við förum aldrei ósátt út. Knúsumst alltaf áður en farið er af stað inn í daginn :o)

---

Gott að borða hjá afa !!!

Afmæli í dag....

ég á afmæli í dag... 27+ :) en er alltaf jafn ung í anda !!!

----

Eigið góða helgi dúllurnar mínar !!!

omg...

hvað tíminn getur verið lengi að líða milli 17:45 og 18:00... :(

Ætla að vitna í vinkonu mína Dóublessaða

upp og niður vika

búin að eiga upp og niður daga í vikunni. Frábær helgi, Þórhalla systir og sonur hennar komu í heimsókn. Þau voru að keppa á Dalvík á skíðum og það styttir rúntinn þeirra þessa daga að gista hjá okkur. Og er nú búið að prufukeyra Tjarnarlundinn í gestastússi og kom þetta vel út allt saman.

Svo niðurdagur á mánudag þar sem sonur fékk í eyrað kvöldið áður. Sváfum ekkert um nóttina. Var kíkt í eyrað á mánudag og er það í lagi núna. Hann þarf ekki einu sinni sýklalyf hann er svo hress og hraustur að eðlisfari. Hristir þetta af sér. Ég náttla fékk samviskubit; hvar hef ég nú klikkað?? En læknirinn sagði mér að ég væri að gera allt rétt, þetta væri sýkill venjulega í hvers manns nebba, og hann hefði getað blómstrað bara við að strákurinn fengi flensuna þarna um daginn, eða einhver krakki á leikskólanum verið að bera þetta um.

Þriðjudagurinn var mjög fínn. Brynja saumó kom í vinnuferð norður og fengum við að fara út að borða saman á Greifanum í boði vinnunnar. Mjög gaman að hitta hana! Ég kláraði skattaskýrsluna og fékk veður af utanlandsferðinni sem verður árshátíðin okkar í haust. Sonur alltaf yndislegur.

Í gær var downdagur og nær hann að teygja sig yfir á daginn í dag. Stundum eru bara ljósupunktarnir í tilverunni svo afar langt í burtu að maður sér varla glitta í þá.

Málið er held ég að nú er ég búin að vera í brjálaðri keyrslu síðan í desember. Og svo margt búið að ganga á go eitt leitt af öðru. En núna eru 2 vikur sem bara hafa verið venjulegar. Og ég er ekki að ná að tjúnna mig niður aftur. Er yfirspennt, yfirstressuð, og er með áhyggjur af öllu mögulegu og næ ekki að slaka á. Ég er alltaf þreytt, sef ílla, vakna jafn þreytt og þegar ég fór að sofa. Hádegismaturinn fer í að hlaupa og gera það sem ég þarf að gera fyrir heimilið þar semég hef engan annann tíma til að td versla.

Ég hef hugsað um að fara aftur á þunglyndislyfin mín, á þau uppi í skáp. En þau halda bara svo djöfulli fast í aukakílóin. Og ég hreinlega langa ekki til að byrja að reykja aftur.

Sýning sonarins

Vá - allt í einu kominn fimmtudagur ... aftur! Vikan að verða búin aftur.. Ekki mikið búið að gerast. Fór á danssýningu hjá syni mínum, sem var svo ekki mikil sýning þar sem fætur sonarins hættu að virka og vildi bara vera í fangi mömmu. En þetta var rosa gaman, sá vini hans, og fóstrur. Fengum veitingar sem börnin höfðu sjálf bakað og sonur minn var afar montinn af möffinsunum sem hann hafði átt þátt í að baka.

Þetta eru sonur minn (lengst til hægri) og félagar hans á Undralandi, Flúðum. Þess má geta að þeir eru allir 7-9 mánuðum eldri en hann.

Annars er allt ágætis að frétta. Maður er dálítið þreyttur. Er mikið að fara skalann, upp og niður í skapinu, þar sem allt er að settlast og hin nýju daglegu vandamál eru að líta dagsins ljós. Og líka þar sem allt er að komast í fastar skorður hef ég meiri tíma til að hugsa, og þar sem ég hef ekki fellt eitt tár almennilega yfir því sem gerðist, finn ég núna fyrir að ég er viðkvæm, má við litlu. En ég samt næ að hrista það af mér og halda áfram :) Aðallega er ég fegin yfir öllu, en svo blossar upp reiðin.

Núna er maður farinn að hugsa um sumarið, og hvað maður eigi nú að gera af sér í þeim málum :) Einhverjar hugmyndir?

Fín helgi að baki

með syni mínum og WoW. Hitti systur mína og son hennar sem voru hér að keppa í fótbolta. Kveikti í lifrapylsunni og blóðmörskeppunum sem ég var að sjóða á laugardag, og þurfti að kaupa úr búð... Og ég skammast mín ekkert að viðurkenna þetta, eldamennska er ekki mitt fag. Mitt helsta áhyggjuefni er daglega "hvað á ég að gefa syni mínum að borða í kvöld" Hann er svo svangur þegar dagurinn er liðinn því hann fær ekkert að borða milli 14:30 og 18:00 og hann er gjörsamlega hungurmorða greyið og ég er ekkert sátt við það.

Svo finn ég stundum fyrir blues... einmannablús. Og jafnvel sakna fjarðarins fyrir austan. Sakna hússins míns, og já hundsins sem ég átti bróðurpartinn af veru minni þar. Og ég fyllist reiði við manninn sem tók þetta allt af mér án þess að gefa mér tækifæri á að halda í það.

En ég er heppin að eiga gullmolann minn. Við leiruðum, kubbuðum, lituðum og pússluðum. Hlógum og lékum okkur. Hann átti mömmsuna sína alveg útaf fyrir sig og honum fannst það ekki leiðinlegt þessari elsku :o)

þar til næst - hafið það gott og farið vel með ykkur

Þreytt á gamla

komin tími til að breyta smá til... þó það sé ekki nema útlit frá blogger sjálfum! En 12 mín í lokun, föstudagur, rólegheit framundan. Ætla að vera heima með syni mínum og hafa það notalegt.

Foreldrar mínir komu í heimsókn í hádeginu og buðu mér í mat á Greifanum, ohhh það var svo notalegt og svo gaman að hitta þau svona surprise!

Hafið það gott um helgina elskurnar mínar !

Ný helgi framundan

já - ég var svo lasin alveg fram á þriðjudag - þá vogaði ég mér út fyrir hússins dyr og í vinnu. Nema sonur var orðinn frískur og var afar hress um helgina ! Mamma og pabbi lágu hinsvegar eftir að við fórum.

Já lífið heldur áfram sinn vanagang hjá okkur mæðginum. Okkur líður vel, gaman í vinnu, gaman á leikskólanum, og svei mér þá en ég átti fyrir öllum reikn um mánaðarmótin (sleppum að ræða afganginn sem var heldur lítill)

En ég er að skipuleggja mig og mitt líf upp á nýtt. Guð má vita hvar ég kem karlmönnum fyrir -en ekki alveg í náinni framtíð - sorry Jóhanna en ég er ekki á leiðinni að verða skotin strax (hleyp enn hratt úr sundi þegar ég sé helgarpabbana mæta) Pússluspilið býður bara ekki uppá það í augnablikinu. Þó gaman væri að hafa bíóbuddy á svæðinu.

Snjórinn er farinn - vonandi kemur hann ekki aftur. Bjart þegar ég er búin að vinna og ég fíla það. Barnapían mín er bara yndisleg, og Gabríel er svo sáttur og kátur, ég er svo heppin með hann, ég þakka fyrir hann á hverjum degi. Knús!

back to the land of the living...

jamm - þegar ég vaknaði í morgun leið mér eins og manneskju aftur. Enginn mega hausverkur, hor eða eyrnaverkur sem gerði það að verkum að lyfta haus af kodda væri ógerlegt. Og ég fattaði að það væri föstudagur og þetta væri 3 dagur minn heima í veikindum. Í gærmorgun þá vissi ég ekki vikudag, eða hve lengi ég hafði verið heima, eða neitt var hreinlega út úr kortinu.

Í morgun langaði mig meira að segja í kaffi! og sá var ljúfur bollinn! Ég hef ekki getað verið í tölvunni, ekki getað gert neitt, nema bara legið og stytt stundir með NCIS og skjánum.

Sonur minn er enn í sveitinni og veit ég að fer vel um hann. Sakna hans ógurlega, en ég veit að ég hefði aldrei getað sinnt honum sem skyldi núna sl daga. Er ég því óendanlega þakklát þeim öllum fyrir aðstoðina. Mamma og pabbi hafa verið með hann og gullmolarnir systir mín og hennar lið fært honum dót og sinnt honum líka!

Ég vona að mér líði það vel í dag að ég komist uppeftir.

Eigið góða helgi!

Hver er sætastur!

blehhh

og pestin herjar á mig lika. Ég er í vinnunni - en vildi óska ég væri heima í bleiku frottesokkunum mínum, undir teppi/sæng. Meira að segja tölvan heillar ekki, svo það er mikið í gangi, hor, hiti, hausverkur, augnverkur, beinverkir...

Litli knúsustrákurinn minn er í sveitinni. Sakna hans. Þakka fyrir að eiga góða að þar sem geta hugsað um hann svo ég geti unnið.

En Dóa mín á afmæli í dag!!! Hún fær að testa aldurinn á undan okkur Önnu G. - en ekki í langan tíma þar sem þetta er óumflýjanlegur andskoti að eldast!

Innilega til hamingju með daginn í dag hjartaknúsan mín!!!

Duglegur strákur

Að hjálpa mömmu með þvottinn

Ég er bara sætastur!

gubbupúki

og sonur minn tók upp á því að byrja að gubba á mánudaginn. Mátti fara fyrr úr vinnu og sækja hann í skólann. Og núna er Alli farinn í frí, og Jónas er í Frakklandi, svo við Reynir erum bara tvö með búðina. Og þar sem hann er ekta yfirmaður þá er hann mikið á fundum, og ég get bara ekki tekið mér fleiri daga frá vinnu. Svo mínir yndislegu foreldrar eru með son minn. Fór með hann þangað á þriðjudagsmorgun fyrir vinnu. Var ein heima á þrið.kvöld- svakalega einmanna sérstaklega um morguninn. Var svo tómlegt í íbúðinni. Saknaði litla mannsins míns svo rosalega - kom mér frekar á óvart hve mikill söknuðurinn var og var hann ekki langt í burtu.

Og núna er hann að hressast. Hann er enn í sveitinni, en neitar alveg að borða. Hann drekkur en borðar ekki neitt. Elsku kallinn minn litli. Ég vona að þetta sé restin. Vona að næsta vika verði eðlileg.

Mér finnst svo erfitt að biðja um pössun, og erfitt að skilja hann svona eftir, að keyra í burtu og hann grætur á eftir mér vegna þess að hann hefur varla séð mig þessa vikuna.

Hann er litla hetjan mín þessi elska.

Back to work...life...

og þá er þetta loks yfirstaðið. Og maður er kominn út á meðal fólks. Svakalega finnur maður fyrir því að vera einn í bænum á svona stundum... Varð td að klæða barnið mitt út í gær til að fara í apótek til að kaupa hitamæli! (hinn rann til og datt í flísarnar go brotnaði) En sem betur fer er barnið mitt hraust og apótekið er nálægt. Og svo bara einveran.. enginn í kaffi, enginn að kíkja við. Bara við Gabríel. Sem betur fer er sonur minn það besta í heimi. Manni leiðist sko ekki í nærveru hans, og hann er svo hjartahlýr og góður, klár og skemmtilegur. Hugsa alltaf um hve heppin ég er um að eiga svona hraustan go duglegan strák! Á þessum 2 árum sem hann hefur lifað hefur hann bara 2 orðið svona almennilega veikur - bæði skiptin þegar hann er að byrja á leikskóla! Það bítur fátt á hann og hann fékk ekki í eyrun með þessu! Hann er hetja!

Ég er orðinn frískur!

pestarbæli og Bubbi byggir

jámm. hérna er sko pestarbæli. Sonur vaknar á morgnana með 38,5 stiga hita og fer í rúmið með 39+ á kvöldin - síðan á föstudag. Vona að þetta fari að lagast. Afi hans Magnús læknir kom í gær og hlustaði hann og vill hitta okkur á stofunni i dag. Hann var ekki ánægður með að heyra í smá astma. En það er einhver fylgikvilli flensunnar.
Svo það eina sem blívar er bubbi byggir... og ég kann dvd diskinn utan að núna. omg..
Ég er náttla að deyja úr samviskubiti út af vinnunni. Nýbyrjuð og alles, en svo sé ég framan í litla lasarusinn minn og veit að hann einn skiptir máli, hitt má bíða. Við leikum okkur með kubba og bubba byggir bílana sem hann á, gröfurnar og Gogga...

Brunakallar í pásu

Kubbar og Bubbi byggir

er í uppágaldi núna!

So true...

"Af hverju er þessi mánuður búinn að vera grunsamlega lengi að líða, en samt fljótur.. það er kominn 3o jan, en samt einn dagur í útborgun enn!!!"

þessa klausu fann ég á bloggi systur vinkonu minnar. þegar vinkonur blogga lítið fer maður að glugga í blogg þeirra nærstöddu til að ath hvort eitthvað sé að gerast. En þetta var akkúrat það sem ég hugsaði í gær. "vá hvað þessi mánuður er búinn að vera lengi að líða - samt búinn að vera á milljón allann mánuðinn. Svo mikið búið að gerast og miðað við það allt ætti að vera kominn Mars!! þetta er ekki venjulega svona og ég er alls ekki vön þessu áreiti og þessu stressi sem fylgir svona miklum breytingum. 2007 byrjar með bombu hjá mér - það er satt. Og það er enn ekki útborgað fyrr en á morgun.

Þorrablót og fl

fór á snilldar þorrablót í Reykjadal um helgina!! það var bara gaman! Reykdælingar eru klikk segi ég nú bara. Það var dulítið skondið að sjá gömlu kennarana af Laugum reyndar :o) Anna og Hermann eru nú alltaf jafn miklar perlur þessar elskur! Og það var etið að góðum sið mikið og vel af skemmdum jafnt sem ferskum mat! Allavega var ánægjulegt að borða hákarl með fólki sem finnst hann jafn góður og mér (smbr Védís; mamma Önnu, og Hermann).

Gabríel var í passi hjá mömmu og pabba og var þokkalega ánægður með það allt saman. Fer alltaf vel um hann þar! Honum finnst alltaf jafn gaman að fara þangað, og ég er alltaf jafn hrædd um að hann vilji svo ekki fara heim aftur. En hann er líka jafn kátur að fara heim og á sunnudag sönglaði hann í bílum "heim hjóla heim hjóla" og hlakkaði til að komast í hjólið sitt heima.

Já okkur líður rosalega vel.

Gaman í vinnunni. Hresst fólk sem ég vinn með, og gaman að koma í vinnu á morgnana, sem skiptir jú miklu máli. Dagarnir eru langir reyndar, en svona er þetta bara þegar maður er "sjálfstætt" foreldri. Þetta virkar, Gabríel er ánægður og það er fyrir öllu :)

/knús :o)

Hákarl er góður!

Gleðifréttir!

Ég fékk vinnu hjá EJS! Og í gær fórum við Gabríel á Glerártorg og héldum upp á það á viðeigandi máta!

Fyrsta freyðibaðið mitt

og kominn tími til!

Gjafakort í Eymundsson

færði mér 2 seríur af uppáhaldinu mínu NCIS!!

Gleðilegt nýtt ár!

Gaman á jólaballi

Fórum á jólaball í sveitinni. Amma Gabríels og hann skemmtu sér vel enda var rosa gaman hjá okkur!B-)

Þau eru í uppáhaldi

öll þrjú!

Gleðileg jól

Kæru vinir og vandamenn. Við Gabríel þökkum allt gamalt og gott á árinu sem að líða

2 ára í dag

Svona litu sumir út fyrir 2 árum!

Sylvía besta frænja

Hægt ad nota gestina

Ég hlakka til jólanna!

tær snilld!!

Fékk þær frábæru fréttir í dag hjá henni Sesselju í skóladeild Akureyrarbæjar að Gabríel kemst inn á leikskólann Flúðir í Janúar!!!! ég á að hringja í konu á Flúðum og ath hvenær við megum byrja í aðlögun!! en hann er sem sagt KOMINN MEÐ LEIKSKÓLAPLÁSS!!!! *dancing around the christmas treeee*

Inni í dag

og ætla helst ekkert út. Nenni því bara ekki, þá eyði ég bara pening, og ég er að spara... það er brjáluð hálka. svona fljúgandi - allavega er hún svífandi hér fyrir utan gluggann minn á hæð 2....
Ætla að skreyta á morgun. Dóa mín kemur á fimmtudag, og við Gabríel förum í Mývó á föstudag. Langar til að hafa smá jóló hérna, tré og soleis. Ég er þó með 2 seríur, dúka og styttur uppi, svo það er aðeins jóló hjá mér. Já og ekki gleyma jólagluggatjöldunum sem mamma mín gaf mér :)

keyrið varlega og gangið varlega þið sem eruð úti í þessari hálku!

Strákur í kassa

Í baði

Spurnimg um hvort baðið sé nógu stórt??

I'm fine...

hæ hó.
Þá erum við Gabríel búin að koma okkur vel fyrir hérna á eyrinni. Meira að segja fundum róló í morgun sem voru börn og dagmömmur að leik, he he þá fær hann smá útrás fyrir hve leiður hann er orðinn á að hanga alltaf bara með mér. Hann td lét mig alveg heyra það inni á Glerártorgi áðan og símabúðinni í göngugötunni. Nota bene hann er með fín lungu sá stutti.
Ég fæ vonandi að vita síðar í dag um hvenær hann fær inn í leikskóla. Annars var helgin fín. Við skruppum í Mývó (kúl að "skreppa" í Mývó) og gerðum laufabrauð. Það hafði verið á áætlun sl helgi, en þar sem hún fór í flutninga þá frestaðist það. Var rosalega gaman. Gabríel fór í fjárhús í fyrsta skipti og var ekkert smeykur við þær ferfættu.
Annars er ég ok bara. Koma stundir sem mér finnst allt ómögulegt, ömurlegt og ekkert hafi neinn tilgang og hversu ömurleg ég skuli vera þar sem auminginn hefur ekki einu sinni hringt eða látið í sér heyra í 3 vikur!! En svo hugsa ég um alka hliðina og hristi þetta af mér, þakka Guði fyrir að vera laus og þurfa ekki að hafa áhyggjur, og þakka fyrir að eiga svona marga og góða að sem eru alltaf reiðubúnir til að aðstoða, og vil ég hér með þakka fyrir yndislega aðstoð sem ég hef fengið.

Knús og kossar

Síðasta kvöldið...

Þá er það runnið upp, síðasta kvöldið hér í Sunnuhvoli. Og líðanin eftir því. Fegin að hafa tekið þessa ákvörðun, hlakka til að takast á við nýtt líf á nýjum stað. En mér þykir mikið vænt um þetta 103 ára gamla hús, og er döpur yfir hvernig þetta fór. Fyrir viku síðan þá var ég bara í tölvunni, áður en ég fattaði hvað var í gangi, grunlaus og áhyggjulaus.
Ég er enn að átta mig á þessu - hvernig nokkur getur verið svona kaldrifjuð, undirförul og svikul gunga, að þora ekki að horfast í augu við raunveruleikann og taka ábyrgð á hlutunum, heldur laumast í burtu með skottið á milli lappana.
Nei ég hef ekki heyrt í honum enn og raun bara fegin. Hann lokaði sinni síðustu hurð í þessu sambandi sl fimmtudag.

Kúristrákur

Alltaf að pússla

á tali við ömmu Rósu :)

Skilin...

ok ef þið sjáið Hjörleif í Reykjavík, ekki hringja í mig. Hann kemur mér ekki við lengur. Til að gera stutta sögu styttri þá fór hann á fund á fimmtudag, og hefur ekki sést síðan, eins og sagan um manninn sem fór út í búð að kaupa sígó, þá fór hann á fund....

Við Gabríel höfum það fínt, við erum að flytja til Akureyrar, erum já gott sem komin með íbúð :) og ég fékk mörg jákvæð svör varðandi vinnu þar, svo ég er bara bjartsýn á þetta.

svo ... jólapakkar - vinsamlegast sendið þá og kort til mývó, við verðum þar um jólin :)

Til umhugsunar...

One of the hardest things in life to learn is which bridge to cross and which bridge to burn.

Ætla að kaupa jólamandarínukassa á morgun..

Sko... ég er í vinnunni, klukkan er bara 09:25, og ég sit og les blogg, les moggann,.. fæ mér te og less blogg. Langar ekki kaffi, er frekar áhyggjufull vegna þess, ekki líkt mér að vilja ekki kaffi. En gæti verið kvefið að tala.

Er búin að heyra í nokkrum yndislegum manneskjum í morgun, aðallega á msn, en þær eru heppnar og eru bissí að vinna. Mér finnst þetta ekki sniðugt lengur.

Annars er allt hið besta að frétta. Áætlað er að fara í Mývó helgina 8-10 des í laufabrauðsgerð. Þá ætla ég að klára jólagjafastússið, hitta fólk og njóta jólafílingsins. Það er ekkert planað að fara um jólin eitt eða neitt. Langar helst að slappa af heima hjá mér. Ég þarf að sitja á mér að byrja ekki að spila jólatónlistina. Og er í startholunum með seríurnar. Vika til stefnu...

Annars – my mind is blank.. maður verður heiladauður á að sitja og gera ekki neitt svona lengi...

Enn einn mánudagurinn....

Góðan daginn og “gleðilegan” mándudag
Ég er mætt,.. aftur .... í vinnuna mína þar sem ég upplifi mig sem þann ónýttasta starfskraft veraldar í augnablikinu. Komin klukkan 08:20.. og fæ mér kaffi, les moggann á netinu, les blogg, athuga póstinn, les meiri blogg, fasteignaauglýsingar og atvinnuauglýsingar. Og klukkan er bara 09:20... klukkutími liðinn. Blehh.. . This will be a very long day. Bólar ekkert á yfirmanni mínum. Já einn dag sl viku mæti ég of seint og þá var hann hérna, “Gudrun I missed u this morning” - en hinir dagarnir, sem ég er hérna , er ég algjörlega atvinnulaus.
Annars mætti ég ekki í 2 daga sl viku vegna veðurs, go ég skammast mín ekkert fyrir það. Nema ég varð hálf hvummsa þegar ég heyrði að það væru rútuferðir á milli Fásk og vinnunnar. Hafði ekki hugmynd um það. En litli bíllinn minn er ekki glaður í svona færð. Þetta er jeppafærð og ég nappaði Fordinum í morgun, mega gella á jeppa :o)
Helgin var ljúf eins og alltaf. Sonur glaður og kátur. Ætluðum að versla á laugardaginn en Gabríel svaf frá hálf eitt til hálf fimm. Þá var orðið of seint að brenna til Egs að versla, fórum í gær í staðinn. Sonur vill sofa svona vel regluelga. Við höfðum vaknað snemma um morguninn, fórum og hömuðumst í íþróttahúsinu. Þá var minn bara búinn og steinsofnaði eftir pastadiskinn sem hann fékk í hádeginu. Það besta er að þetta hefur engin áhrif á hans 12 tíma nætursvefn. Gott að hann getur sofið þessi elska.

Blehhhh

Og þetta vaknar maður upp við:
“Það er stórhríð á Þverárfjalli og milli Dalvíkur og Ólafsfjarðar. Víkurskarð er ófært en þar er verið að moka. Þá er varað við stórhríð á Mývatns- og Möðrudalsöræfum og eins á Breiðdalsheiði en annars er víðast verið að hreinsa vegi bæði á Norður- og Asuturlandi. Sérstaklega er beðið um að smærri bílar séu ekki á ferð á Oddsskarði þar sem mokstur stendur yfir og verið er að koma sjúkrabílum í gegn.”( 14.11.2006 | 7:50) og “Viðvörun: Búist er við stormi....”
Sko er ekki komið nóg???

Ætla sko að fara í hádeginu eitthvað út. Fór ekkert í gær, ætlaði að spara peninga og bensín, en þess í stað, var dagurinn helmingi lengur að líða, ég helmingi pirraðri, og þá er bara spurningin um hvort það sé virkilega þess virði, að spara peninga og bensín??

Mánudagur til myglu #2

Ok nú er ég komn með dúbíus plott “hvernig get ég stungið af úr vinnu án þess að bossinn fatti” þá verð ég no 1. að bíða þar til hann fer á fund.. no 2. RUN FOR IT!!!!

Seriously... klukkan er 15;42 og ég er ekki búin að gera HANDTAK síðan 11 í morgun. Þetta er náttla bara ekki sniðugt. Sit og bora í nefið, laumast á netið, sem ég má eiginlega ekki gera. Ég SAKNA Tæknivals, og þeirra hlunninda sem þar voru, eða Netx sem ég var minn eiginn herra. Omg omg omg ég meika ekki marga daga af þessu....

mánudagur til myglu

“Viðvörun: Búist er við stormi” er ég orðin leið á þessum orðum... þokkalega. Eina sem maður hefur heyrt í 3 daga .. “veðurhorfur næstu daga, viðvörun búist er við stormi.....” Og svo brestur allt á, húsið mitt færist til um 5 cm í hverri hviðu, ég fljótlega get sagst eiga heima á Hamarsgötu í stað Skólavegs, (Hamarsgatan er gatan fyrir neðan mig) Og oft um helgina var ég viss um að ég og mínir myndu enda úti á firði. Mér leiðist vetur. Snjór og allt sem honum fylgir. Kuldi, gustur og bleyta. Klakabrynjur og hor.

Mánudags myglan alveg að drepa mig. Kannski væri ekki svo slæmt ef maður hefði eitthvað að gera til að láta daginn líða – bara smá hraðar.

Heima....

í dag hjá veiku barni og veikum manni. Hiti og slen að ganga....

jibbí skibbí

14:09
Jámm ég á nýjan lítin svartan bíl bíl !!!
Var að koma aftur frá Heklu á nýja bílnum mínum – geggjað! Lítill Póló, alveg nægilegur fyrir mig og mínar þarfir. Meira pláss aftur í honum en í impnum, svo kannski hætti ég að slá hausnum á barninu mínu í bílinn núna þegar ég set hann í aftursætið. Svo þegar átti að fara að kvitta þá kom það í ljós að Hjölli var skráður fyrir impnum svo hann varð að kvitta – sem betur fer hafði ég lokkað hann með mér á bílasöluna!
Núna – aftur við borðið mitt – hugsa ég bara um að komast á rúntinn. Og þar sem það er nákvæmlega ekkert að gera þá hreinlega finn ég til...

Svo ég bara föndra tímaskrýslu í excel, bara að dútla.

Núna þegar pengerne eru komnir á reikn þá get ég borgað það sem ég skulda í dag :D en ég geri það ekki hérna í vinnunni þar sem allir eru með augun á allra skjáum og ég hef engann áhuga á að gera neitt solleis hérna. Auk þess sem ég veit ekkert hvernig þeir monitora netið og hef engann áhuga á að skilja eftir lykilorðs cookie á servernum hérna!. Svo elsku Blíða – takk fyir lánið og biðin er senn á enda legg inn á þig í kvöld :D

15:18

Bleeehhh – ætlaði að borga reikn – glatað þegar dagurinn líður svona nákvæmlega ekki neitt. Og hvað – nema það að heimildin dottin niður – seriously!! Hvað ef ég hefði nú ætla að halda mig við að borga reikn í kvöld?? Ekki gott ekki gott... En þær eru svo yndislegar að redda þessu fyrir mig.. þe heimildinni – ha ha hvað ætli sé langt síðan ég fór yfir núllið HA HA HA HA HA HA

Það fyndna er samt að heimildin og nú bíllinn minn nýji eru einu skuldirnar á kennitölunni minni ! (fyrir utan RÚV skuld dauðans)

15:54
Þá fer þetta að koma – 30 mín eftir.. kannski sting ég af fyrr ef bossinn stendur einhverntímann upp frá tölvunni. Fyndið. Maðurinn sést varla alla vikuna og svo akkúrat núna þá situr hann sem fastast !

16:30
Ok now I am getting nervous... heimild ekki upp enn... ekki gott L Og mig bara langar til að borga reikn og stinga af... á nýja bílnum...

Á sjó.....

10:20
Omg.. er bara ekki í stuði til að vinna. Er of spennt/stressuð vegan nýja bílsins míns. Alltaf þegar ég geri svona fjárfestingar þá fer alltaf í gegnum kollinn “get ég þetta, hef ég efni á þessu” ég er búin að liggja yfir þessu og hugsa fram og aftur, aftur og fram, hægri vinstri snú og alles og kem alltaf að þeirri niðurstöðu “jú ég get þetta alveg” - nú ef eitthvað gerist sem setur strik í reikninginn þá er hægt að selja bílinn aftur ekki satt? – ss atvinnuleysi, hugs hugs... já atvinnuleysi (það eina sem mé dettur í hug sem gæti breytt áætlun minni)

Sú sem situr við hliðina á mér á bleikt veski /tösku úr hreindýraskinni. Já ég segi satt og þetta er það flottasta sem ég hef séð til þessa.!!! Dóa – varð svo hugsað til þín!

11:33
Bíllinn minn er enn á sjó.... grátur grátur, er ekki von á honum í land fyrr en 7 í kvöld... – þá er skipið allavega sólarhring á eftir áætlun....

Vikan hálfnuð...

Ok.. núna er ég með þennan þráláta hausverk aftur. Byrjaði næstum því samdægurs þegar ég byrjaði að vinna hérna aftur. Síðast þá var ég alltaf með hausverk, byrjaði á nuddi og bla bla en svo hætti ég og fór að vinna hjá Netx og hausverkurinn hætti. Núna bryð ég ibufen aftur. Ég veit hreinlega ekki hvað veldur. Vinnustaðan er rétt, góður stóll, borð í réttri hæð, og ég sit rétt. Ég stend upp og labba um, kannski ekki nógu mikið, en samt næ mér í kaffi, te eða kók með reglulegu millibili. Fæ mér pásu með Moniku og fæ mér ferskt loft (passa mig að standa ekki í reyknum) og þar sem ég þarf að fara reglulega með skjöl yfir í aðrar byggingar þá tek ég mér tíma og staldra við í góða loftinu úti, eða spjalla við fólk á leiðinni, ég semst sit ekki hreyfingarlaus frá 8 til 5. Auk þess sem ég man ekki eftir því að vera með hausverk á kvöldin þegar ég er komin heim, eða á leiðinni heim.. svo hvað veldur??