Fyrsti dagur í sumarfríi.

Og sá dagur er notaður til afslöppunnar. Sonur sefur, við erum búin að sofa mikið síðan á föstudaginn.  Hann reyndar fór í sveitina á undan mér. 

Ég fór á Dúndurfréttir á föstudagskvöldinu með yndislega fólkinu úr Reykjadal.  Og skemmti mér svo vel.  Þeir eru náttla bara snillingar þessir menn.  Já það liggur við að maður keyri suður til að fara á tónleika með þeim.  Ég hef ekki verið svo heppin að heyra í þeim síðan á Gamla Gauk á Stöng og þeir sem muna hvernig hann var eru flestir komnir yfir þrítugt...

Ég fór ekkert á djammið - var í engu djammstuði þannig.  Hefði alveg getað farið - skemmtilegt fólk á vappi en rúmið mitt hafði betur.  Og á laugardagskvöldið sofnaði ég klukkan átta með syninum og rumskaði um miðnætti til að pissa.  Hélt áfram að sofa.  Svaf til átta.  Langt síðan ég hef verið svona hrikalega þreytt. 

En í dag líður mér stórkostlega!

Sumarfrí á morgun!

ójá - þokkalega !!!  Og sumarfríið byrjar á tónleikum með Dúndurfréttum.  Og við sonur munum eiga góða rólega notalega daga - sund, ís,. útilega, svo fer hann í bústað með pabba sínum og ég fer til Hollands!! Og vá hvað ég hlakka til að fara og hitta ykkur í Hollandi!!!´

Ég á bara erfitt með að einbeita mér núna - hvernig verð ég á morgun????

Myndin er tekin af syni mínum þegar hann var nýbúinn að borða klaka sem hann fékk í verðlaun fyrir þau frábærustu ummæli sem hann fékk frá fóstrunum í þrokamati frá þeim! Ég gæti ekki beðið um betri ummæli og er  montnasta mamma í heimi í dag!!! 

(ísinn sést ekki á myndinni en hann var fagurgrænn í kring um munninn haha)

Nýtt upphaf...

Á mánudaginn fékk ég símtal frá aðilla sem hafði þær fréttir handa mér að ég fór og grét gleðitárum hérna á miðju gólfinu í búðinni. 

Sem betur fer voru engir viðskiptavinir inni - bara Alli sem starði á mig.  Þegar hann heyrði um hvað málið snérist þá skildi hann ástæðuna.  Þau Íris hafa vitað af þessu frá upphafi og vinnufélagar hafa stutt mig í gegnum þetta.

Og fjölskyldan mín hefur verið með krosslagða fingur líka í gegnum þetta.  Og stutt mig með öllum ráðum.  Vinkonur mínar - allar "frænkurnar" hans Gabríels eru búnar að hvetja mig og peppa mig þegar ég var sem svartsýnust á þetta allt saman. 

Ég veit að ef illa hefði farið væri ég ekki ein.  Og það var mikill styrkur í því líka!  Munar svo miklu að hafa fólk í kringum sig sem getur gefið smá svigrúm þegar syrtir í og maður þarf að hlaupa á bakvið og fela tárin.

En þessi gleðitár vildi ég sko ekki þerra strax - þau máttu alveg koma!

Loksins get ég andað léttar, loksins get ég hugsað um framtíðina með björtum augum.  Þetta var búið að liggja á mér þungt.  Alltaf í undirmeðvitundinni, allt sem maður áætlaði með framtíðina einkenndist af þessu. 

Ég náði að grafa þetta undir því það var ekkert sem ég gat gert nema bíða og láta lögfræðinginn vinna sína vinnu. En þegar þetta er búið finn ég bara fyrir þreytu - þægilegri afslappaðri þreytu.  Og ég finn hve mikið þetta hefur tekið á hjá mér - og er sennilegast einn stóri þátturinn í þessum gráu hárum sem eru farin að myndast.  Ég er rétt farin að trúa þessu núna - sem skýrir sennilegast þetta síðbúna spennufall sem ég er að finna fyrir núna.  Og þar af leiðandi að segja frá þessu opinskátt er að gera þetta raunverulegra! og ég er svo hamingjusöm að ég er búin að brosa hringi - marga hringi  - síðan á mánudag!!

Takk elsku vinkonur, fjölskylda og vinnufélagar fyrir þann stuðning sem þið sýnduð okkur á meðan þessi bið var eftir svari. Stuðningur ykkar er ómetanlegur!

Þessar fréttir eru upphaf á nýju lífi hjá okkur Gabríel. 

Útilega EJS í Fossatúni!

Það var bara gaman!! Við fórum eftir vinnu á föstudag - í samfloti með Önnu sem ég vinn með og syni hennar Heiðari.  Fórum á hennar bíl - talsvert sparneyttnari en súbbinn minn :)

Vorum komin um ellefu - gríðarlega fallegur staður í fallegu umhverfi.  Margt fólk mætt en við vorum ekki síðust á svæðið samt sem áður.  EJS hafði tekið svæði frá fyrir okkur og sást EJS merkið út um allt.  Ég fann strax fyrir ánægju með að hafa komist með!

Slegið upp tjöldum og Gabríel rosalega spenntur.  Hann hlakkaði tilað sofa í tjaldi og gekk vel ! Ég svaf hins vegar ekki mikið fyrstu nóttina. Var heldur kalt en syninum var hlýtt og notalegt og kúrði sig upp að mér og fannst virkilega notalegt að fá að lúra svona hjá mömmsunni sinni.

Áttum góðan dag laugardag.  Sól og yndislegt veður . Fórum í sund í Borgarnesi og fengum okkur að nasla þar.  Kíktum í Landnámssetrið í Borgarnesi og fórum á Egilssýninguna.  En sonur varð heldur hræddur - soldið draugalegt - svo við skoðuðum ekki alla sýninguna en þetta var virkilega flott og ég mæli með að fólk sem á le ið um kíki þarna!!

Fengum á okkur haglél... það var bara til að hressa við lol !

EJS var svo með grill um kvöldið - hrikalega gott kjöt sem við sonur nutum út í ystu.  Og ég hlakkaði til að mingla svo við fólkið þegar hann væri sofnaður.  En haldiði ekki að mín hafi bara sofnað út frá Mugga Mörgæs! Spurning um hvort okkar sofnaði á undan.  Klukkan níu!! Það var bara svo hrikalega notalegt í tjaldinu okkar. Ég steinrotaðist á hlýrabolnum og berfætt - og svaf eins og steinn. 

Þetta var bara snilld.  Við sonur áttum svo góðar stundir saman, fórum á leiksvæðið þar sem hann gat látið öllum íllum og prílað út í eitt, hoppað á trambólíni og verið hann sjálfur.  Ég sat með bókina mína og lét fara vel um mig.  Aflsöppun út í gegn.

Hann er strax farinn að tala um aðra útilegu ! Enda er ég að spá í að taka nótt í júli og kíkja í Ásbyrgi :)

Eigið góða daga!

 (Gabríel með þykjó kíki - tekið við Fossatún)

PS - Myndir frá útilegunni eru kominar á flikkrið okkar!

Allt klárt :)

jamm - allt pakkað og partur kominn til Önnu sem við ætlum í samfloti með.  Bara eftir að fara í Bónus og ná í nokkrar nauðsynjar (svala og kókómjólk) svo klukkan fimm verður sonur sóttur í skólann, heim og kæliboxið stöffað með mat og góðgæti.  Ég bý svo vel að ég átti í kistunni grillkjöt, pylsur, pylsubrauð og fleira.  Hlakka þvílíkt til.  Það var svo gaman í fyrra með Hafdísi og Gabríel finnst þetta svo gaman.  Verðum í Fossatúni fyrir sunnan með fullt af EJSurum bæði héðan og úr Reykjavík!  Góður hópur þar á ferð :)

Gabríel er þvílíkt spenntur.  Hann hitti þau Önnu og strákinn hennar Heiðar Örn í gær og var voða feiminn, en fannst Heiðar Örn flottur strákur - hann átti svo mikið flott dót!!

Annars er í fréttum að pabbi á afmæli á morgun - 60 ára !! Og þar sem við sonur verðum fjarri öllu góðu gamni þá óskum við honum hjartanlega til hamingju með daginn á morgun!! Vonum að hann eigi góðan og rólegan dag! Knús og kossar til þín pabbi minn!

17. júní í sveitinni er bara snilld

Við sonur áttum yndislegan dag.  Eins og sjá má á myndunum okkar: 17. júní 2008.

Fórum uppí sveit á mánudag og Gabríel var svo hamingjusamur með að hitta afa sinn og ömmu að hann var að springa :) Hann er svo heimavanur hjá þeim og hann nýtur þess svo að eiga þau fyrir sig. Og við áttum svo góða stund tvö saman þegar við fengum okkur morgunmat 17. júní.  bara við tvö, spjalla og hlæja.  Svona stundir gefa manni alveg nýtt púst.  Hann vaknaði syngjandi - og var sönglandi nær allan daginn. 

Fórum í fjós, kíktum í kaffi til Þórhöllu, fórum og fengum blöðrur og andlitsmálun og fórum í skrúðgöngu.  Það sem ég fílaði við að vera í sveitinni var að það var engin bið.  Börnin gátu hrúgast um blöðrurnar og sóttu það sem þau langaði í og þar sem allir þekkja alla þá sáust hvert blöðrurnar fóru og foreldrar borguðu og verðið var miklu skemmtilegra en á Akureyri í fyrra.  Gabríel gat verið á hjólinu hjólað um allt og maður var ekki í hættu á að tína honum, fólk var ekki á bílunum í kring og hann gat verið frjáls.  - Annars er góð færsla um daginn í gær á síðunni hans. 

Svo er útilega næstu helgi.  hlakka bara til !!

Sofa, lesa, knúsa sólina...

Yndislegasti sonur er hjá pabba sínum um helgina.  Ég kvaddi hann á leikskólanum og fór í vinnuna.  Hvað ætlaði ég nú að taka mér fyrir hendur þessa helgi sem er ekki einu sinni vinna á laugardegi??

Jamm ég kom við á nokkrum stöðum á leiðinni heim.  Td keypti ég mér blóm í íbúðina - smá lit :o) Og á leiðnni heim naut ég þess að vera ekki á hlaupum, með hugann við annað heldur gat ég bara drollað og dólað, skoðað og dundað.  Mikið er langt síðan ég hef haft tíma til að gera svoleiðis. 

Fór heim með blómið mitt (sem er reyndar gervi en hrikalega flott og í geggjuðum vasa sem hreinlega kallaði á mig þegar ég sá hann) Ég fann fyrir ákveðnu spennufalli.  Fékk mér subb og tubb og endaði sofnuð fyrir framan imbann um ellefu :o) og náði að sofa til átta í morgun!!!

Sólin vakti mig.  Ég hugsaði með mér aðfara í sund en neeeeiii ég hreinlega nenni ekki í sund þegar bærinn er kjaftfullur af fólki út um allt, og í alls kyns ástandi.  Brenndi í sveitina.  Alltaf gott að koma þangað og fá að knúsa sólina í ró  þar :o) Afi go amma þar líka, skroppið í Belg, farið í sund, tók hálfan kílómeter og sátum og spjölluðum við Þórhöllu systur.

Og bara dagurinn búinn og maður vel sólaður! 

Ég btw - var í bleika hlýrabolnum mínum og í pilsi! já ég á bleikan bol - fyrsta bleika flíkin mín !! Og ég fílaði mig hrikalega vel !!

Ég er mikið spurð hvort ég fari nú ekki á djamið núna þegar ég á "frí" núna reglulega um helgar.  Þá á fólk við að ég sé barnlaus.  Ég kalla það ekki frí að hann fari til pabba síns. Ég tala ekki um að fá "frí" frá barninu mínu.  Ég á frí í vinnunni núna á laugardögum.  En ég tala ekki um barnið mitt á þann hátt.  Þetta er að ganga snilldarvel, og það er það sem ég er ánægð með - að Gabríel fái að umgangast og kynnast föður sínum á sínum forsendum.  Hann er kátur þá er ég kát!

Hvað djammið varðar - þá er ég enn að fóta mig með allt þetta.  Ég fæ stundum góðar langanir til djamms, en oft þá vil ég heldur vera heima, eins og td þessi helgi - vá - kjaftfullur bærinn af misjafnlega gáfuðu fólki í misjöfnu ástandi.  Ég bara þoli ekki of mikið af of fullu fólki - hef fengið minn skerf af því. 

Eins og ég vil líta á þetta þá eru þessar helgar komnar til að vera - og mér liggur ekkert á í djammið.  (og ég kannski þekki heldur ekkert af fólki ennþá til að djamma með)

- mér liggur bara ekkert á :o)

heima með soninn

jamm það var hringt úr skólanum á miðvikudag - sonur með einhverjar blöðrur á höndum sem líktust Handa- fóta- og munnsjúkdómi.  Nú ég auðvitað sótti gaurinn og fór með hann doksa sem staðfesti grun leikskólakennarana. Jamm og jæja - smitberi og jaddíjaddí og algengt að börn fái hita og hausverk.  Nema minn maður auðvitað - er svona líka hrikalega sprækur og búinn að rústa stofunni, horfir á Latabæ og leikur allt með og syngur - hoppar og trammar út um allt.  Reyndar í gær fékk hann reglulega "sitjakjurrköst" þar sem hann hreiðraði um sig í lazy-boy með Goggann sinn.  Þá stökk ég til og mældi gutta og já þá var hann með hitaslæðing.  Sem er ástæða þess að við erum heima í dag líka - og jú líka að hann er enn með blöðrur á höndum og fótum.  Hringdi í doksa aftur í morgun - lenti á þeim sama og ég hitti sl miðvikudag sem mundi alveg eftir okkur.  Hann sagði að stráksi mætti sko fara í skólann á morgun ef blöðrur væru að minnka og ef hann væri svona hress.  Jamm og við út á morgun. 

það er er svo yfirvofandi pabbahelgi hjá okkur.  Bíladagar hér á eyrinni, fullt af einhverjum tónlistarviðburðum út um allt líka.  Hvað á maður að bralla af sér? Nú og ég verð að fara í sveitina líka til að ná í útilegudót sem ég ætla að hafa með mér næstu helgi :o)

Nóg að gera á stóru heimili :o)

Endalaust gaman

að vera til :o)

Við sonur áttum yndislega helgi.  Fórum í sveitina strax á föstudag þar sem sonur minn var ákveðinn í að hitta afa sinn og ömmu strax.. Hálfur mánuður síðan hann hitti þau síðast. Honum finnst þetta heldur langur tími.  Hann nýtur sín svo þarna hjá þeim.  Út á pall með hjólið, í garðinn með gröfuna, svo fann  hann forláta steypubíl í sandkassanum hans Hjartar sem fékk far í Birkihraunið.  Já og "geimskipið" - sem er reyndar kafbátur ha ha - svo yndislegur!

Var að keyra á fjöll með pabba, afa og ömmu um helgina.  Það var bara býsna gaman.  Þau eru svo yndisleg lömbin og það er svo frískandi að sinna skepnunum og kúppla sig úr daglega lífinu og gera eitthvað allt annað en maður er vanur.  Gabríel kíkti aðeins í húsin, en rollan hans er svo mikil rófa að hún stakk af niður á Belgjarbáru og ekki söguna meir - hún ætlaði sko ekki að fara eitthvað í hús og uppá fjall.  Lamblaus og frjáls :o)

Þetta var svona ekta afslöppunnarhelgi.  Sofnaði snemma bæði kvöldin, út frá bókinni minni, svaf til átta báða morgna og naut þess að vera í fríi. Mikið er ég farin að hlakka til að fara í sumarfrí. 

Tók þá ákvörðun að fara í útilegu EJS 20-22 júní og hlakka til !! Og ég ákvað líka að taka Gabríel í heilar 5 vikur úr skólanum.  Hann þarf svo á því að halda líka að fara í frí.  Finn á honum - hann er þungur á morgnana vill vera heima og knúsa og kúra hjá mömmsu sinni. 

Ragga mín er á landinu núna - og hlakka ég til að hitta hana þegar hún álpast á norðurlandið.. Sama Ragga sem ég fer til í viku í lok júlí.  Það er bara  yndislegt að hitta hana svona mikið !!!

Munið að brosa :o)

Afmælisbarn dagsins

Er hún elsku yndislega Anna mín!!!!

Núna eru bara x mörg ár í stóra X en við hugsum ekkert um það.  :o)

Til hamingju með daginn yndislega vinkona !!!

Knús og kossar mín kæra!

Afmælisbarn dagsins

er hún yndislega Ragga mín sem býr úti í Rotterdam - sem ég er einmitt að fara að hitta í lok júlí!!! Hlakka endalaust til  búin að vera óþolandi í allan dag - sönglandi "er að fara til Hollands er að fara til Hollands" og vinnufélagar eru ekkert hressir með þetta hjá mér :o)

En til hamingju með afmælið yndislega vinkona mín!

Knús og kossar mín kæra!

Holland - ég er að koma!!!!!!!!!!!!!

ég var að ganga frá bókun til Amsterdam og Rotterdam i lok júlí!!! Ragga vinkona getur tekið sér frí þessa viku og og og ég er barnalus þessa viku- svo ég bara ákvað að skella mér!!!! - er meira að segja búin að ná að nurla saman krónum uppí þessa ferð :o)

Og ég vona að Dóan mín verði á svæðinu líka - það er náttla möst að knúsa hana!! Ég er bara  að bilast úr spenningi núna!!!

Sumarfrí...

Kom í ljós í gær að ég verð barnlaus síðustu vikuna í sumarfríinu mínu - 25 júlí til 1 ágúst.  Og ég hef ekki hugmynd um hvað ég á að gera við sjálfa mig.  

Einhverjar  hugmyndir??

Sex And the City

Pabba helgi.  Kvaddi Gabríel í skólanum á föstudagsmorgunn.  Hann ekki kátur, var ekkert til í að fara í skólann og að mamma væri að fara að vinna.  Heyrði argið í honum út í bíl.  En hann er fljótur að jafna sig.  Svo sótti pabbi hans hann og hann var virkilega hress þá heyrði ég:o)

Ég ákvað að nota tækifærið og dúllast um helgina - og þá meina ég dúllast út í ystu.  Keypti mér hillur, hallamál og steinbor í Byko.  Og mín setti upp hillur á föstudagskvöldið.  Fyrir bjór.  Lagði ekki í þetta með bjór.  Nógu erfitt var að fá kvikindin rétt. Pizza og föstudagsbíó.  Steinrotuð kl ellefu..

Vann á laugardag - ekkert að gera.  Sem betur fer síðasti laugardagur fyrir sumaropnun.  Svo enginn vinna laugardaga fram í ágúst. 

Anna mín kom seinnipartinn.  Védís mamma hennar, keyrði hana og við þrjár fengum okkur Ning's og hvítvín fyrir bíó, Védís var reyndar í kókinu.  En stefnan var tekin á Sex And the City.  Omg.. ég eeelska þessa þætti - og myndin ... já við erum búnar að bíða lengi eftir henni og biðin var sko þess virði - myndin er yndisleg! Ég hló svo mikið og já ég táraðist líka - ég ba ra viðurkenni það hér með.  Já ég mæli sko með henni!!

Védís sækir okkur og þá eru fleiri með í för og við höldum heim í meiri rauðvín og spjall.  þetta kvöld var yndislegt.  Það var svo gaman að tala saman og hlæja saman.  Þetta voru semst bræður Önnu líka og kona annars þeirra.  Ég hitti þá ekki oft en það er alltaf gaman að hitta þau öll.  Svo hress, einlæg og góðar sálir, er vel hægt að lýsa þeim.  Reyndar er öll fjölskylda Önnu þannig.  Þau eru öll svo indæl. 

Ég varð alveg endurnærð á sálinni eftir þetta kvöld.  Fékk mér reyndar miðnæturgöngu í bænum á eftir en það er saga fyrir lokuðum tjöldum :o)

Sunnudag svaf ég, fór í sund, verlsaði í Bónus, svaf meira, fór á Glerártorg að skoða og versla, fékk drenginn minn heim, knúsaði hann, lékum okkur með þetta líka svakalega mótorhjól sem vinurinnn kom með heim (Toys'r'us opnaði hérna á Ak um helgina og minn græddi á því - á báðum vígstöðvum ha ha ha ) og fór svo að sofa. 

Vona að þið hafið átt góða helgi elskurnar. 

Mömmuhjarta...

Litli drengurinn minn er búinn að vera lítill í sér undanfarna daga.  Hann hefur ekki viljað skilja við mig á morgnana - fer að gráta og rígheldur í mig.  "mamma mín ekki fara, vil ekki að þú farir, vil ekki að þú farir að vinna, ég fer að gráta"....

Svo kemur gráturinn og það nístir inn í merg og bein og mér líður eins og það sé verið að slíta úr mér hjartað..  Og í dag var það erfitt meira en aðra daga þar sem ég sæki hann ekki í dag og ég sé hann ekki fyrr en á sunnudaginn, þannig mér fannst ég ekki geta huggað hann almennilega...

Ég er líka að velta því fyrir mér hvað veldur þessu hjá honum.  Núna er hann já byrjaður á þessari nýju deild, sem hann er mjög hress með.  Vinir hans  eru með honum og þeir eru hressir guttar.  En þetta er auðvitað stór breyting hjá honum - hann man ekkert eftir öðru en Undralandinu sínu, svo þetta er mikið og stórt stökk hjá svona litlum manni.  Hann er líka meira hjá pabba sínum núna, það er líka stór breyting.  Nú er hann mjög kátur með að fara til pabba síns og hann kemur mjög kátur þaðan svo mér finnst það hæpið. 

Óöryggi hjá honum, veit ekki.  Nema það sé bara þessi aðskilnaður.  Við erum ekki eins mikið saman og við vorum áður og kannski er það eitthvað að spila inní.   Spurning um naflastrenginn??? við erum náttla búin að vera svo hrikalega samrýmd sl eitt og hálft ár. 

Svo gæti þetta bara verið eitthvað feis hjá honum, bóla sem gengur yfir.  Spurning um línu og hvað hann kemst langt.  Maður veit ekki. 

Þið reynsluríku mæður megið alveg koma með feedback á þetta hjá mér - comment, tölvupóst eða síma...

Malbik...

já þegar það eru 3 stórir vörubílar + bikkari fyrir framan búðina mína - þá meina ég beint fyrir framan - innan við 2 mtr frá innganginum mínum - þá eiga örugglega hrikalega margir eftir að koma inn...

Jarðskjálftar hvað?? það drynur í öllum hillum og vörum hjá mér og gólfið nötrar... ekki er verið að mæla rikka hérna er það???

(kaldhæðnishúmor)

Sól og sumar

það var hriikalega notalegt að fara í ískalt vatnið í morgun!! Sonur minn var sko alveg til í sund í dag líka enda ætla ég að fara með hann aftur í dag!  Það var svo gaman hjá okkur í gær.  Hef ekki hlegið eins mikið lengi.  Hann líka datt alveg út kl hálf átta þessi elska :o)

Góður dagur í dag - eins og alla hina :o)

31 dagur í sumarfrí.... but who's counting..?

Byrjaði daginn á sundi - sem er snilld verð ég bara að segja.  Tók hálfa km núna í sprettum og náði púlsinum vel upp. 

Að sjálfsögðu byrjar samt dagurinn fyrr.  Byrjar á mömmuknúsi.  Hann vaknar á undan mér og byrjar að leika sér, þegar klukkan mín hringir hrynja yfir mig brunabílar, goggi, duddur og sængur og kossar.  Hvað er betra???

Og ég hlakka bara til að fara og sækja hann til að fara í sund og leika okkur.  Við eigum eftir að skemmta okkur svo í sumarfríinu okkar sem hefst í júlí! Ég ætla að fjárfesta í korti í lóninu svo við getum verið þar eins og við viljum! - enda eigum við eftir að vera mest megnis uppí sveit.

Svo hringdi pabbi í mig í morgun - þá er jafnvel von á lömbum frá kindinni hans Gabríels í dag :) Það er náttla bara gaman !!

Já það er sko bara gaman að vera til þessa dagana!! Það er fátt sem er að hrella mann.  Ég er ekki enn laus úr þessu gjaldþrotsmáli en þar sem ég get lítið gert í augnablikinu nema bara beðið eftir að lögfræðingurinn komi með fréttir þá er ég ekki að velta mér uppúr því. 

Okkur líður snilldar vel í þessari íbúð sem við erum í núna.  Hún er svo sólrík og björt.  Er búin að velja mér hillur sem ég ætla að kaupa á föstudaginn og hengja upp sjálf um helgina!!! - þarf reyndar að redda mér hallamáli en það er annar handleggur - vinn með nóg af fólki og einhver hlýtur að eiga hallamál :) Speglar og myndir fá líka að fljúga uppá vegg!.  Ætla að gera íbúðina að okkar hreiðri alveg eftir mínu höfði! Og hvað er betra en að nýta helgar sem sonur minn er hjá pabba sínum í þessháttar dútl ??

Fann allt föndurdótið mitt um sl helgi og er búin að útspekúlera complete makeover á gólflampanum mínum - ég elska þennan lampa en hann er hriiikalega blár...

Svo þetta er það sem er í gangi í dag mín kæru - eigið góða daga þar til næst :o)

Sól sól skín á mig :o)

já ég er rauð - eeld rauð eftir helgina.  Hélt ég væri brunnin en ég er ekkert aum eða sár - bara rauð :o)

Helgin var bara snilld.  Fórum uppeftir á föstudag eftir vinnu, og Gabríel var sönglandi happy þar sem hjólið hans var með í för.  Svo er bara svo notalegt að fara uppí sveit, stússast í fjárhúsinu, fara í lónið og njóta þess að vera til.  Við mæðgin meira að segja sváfum bæði laugardagseftirmiddagslúr, og mikið svakalega er það gott að nappa aðeins.  Skella sér svo í lónið og fylgjast með litla orkuboltanum mínum buslast og skvettast um allt.  Þetta er sko staður fyrir hann.

Fórum út að ganga með Herkúles gamla.  Hann smitaðist af leiknum í Gabríel (sem stoppaði hvað eftir annað á hjólinu til að gefa öndunum brauð) og sá gamli fann spýtu og fór að leika sér.  Má geta þess að sá gamli er 13 ára gamall!  Gabríel á það til að lána honum sængina sína, klappar honum afar varlega því hann er orðinn svo gamall.  En Herkúles er afar góður við hann, finnst hann oft á tíðum heldur hávaðasamur.

Maður horfði á júró með öðru.  Kom mér á óvart hve hátt þau komust en það var gaman að sjá þau komast áfram :) Missti alveg af atriðinu þeirra í forkeppninni þar sem ég var í keilu og út að borða með vinnunni. 

Sunnudagur fór í að njóta þess að vera til.  Njóta þess að vera með sínum nánustu, plana og plotta afmæli, knúsa barnið mitt, sleikja sólina, kíkja í lónið fá sér ís og lesa.  Kíktum á lömbin og Gabríel alveg með stjörnur í augum - fannst þau svo falleg.  Og hann má eiga það blessaður að hann er ekkert að hamast í þeim, vilja halda, fikta eða neitt þannig.  Bara horfði með lotningu og strauk litla lambinu um kollinn.

Í dag er sól og sumar.  Fór í sund í morgun, synti minn hálfa km og var snögg að.  Svo hrikalega notalegt að svamla á morgnana.  Koma frískur og ferskur í vinnu, fá sér kaffi og takast á við daginn. 

Það er ekkert í gangi hjá mér og er bara að fíla það.  Dóa vinkona bendir mér á að ég sé að  vanda mig við að loka á alla sem gætu þýtt eitthvað meira;  aka sápustykki... Hmm - gæti hún verið að rata á rétt þar?  Ég er bara svo sátt við allt eins og er í dag.  Ég hreinlega nenni ekki að fara að blanda saman heimili mínu við annað strax. Allt of flókið. 

þar til næst - njótið tilverunnar og sólarinnar :o)

Í sveitina

  jamm í sveitina skal haldið í dag - Gabríel orðinn frískur og hress.  Hlakka til að vera í sveitinni um helgina - spáð góðu veðri, fara í fjárhús og sjá lömbin, fara í sund og lónið og eiga quality stundir með syni mínum!!

eigið góða helgi!

 

Sól og veikindi

jamm við erum enn heima við sonur.  Reyndar er hann allur að koma til.  Hættur að lúra á milli stunda og búinn að rústa stofunni.  Hann var með 38 í gær svo ég ákvað að halda honum inni í dag líka því hann var enn frekar slappur í gær.  En í dag er greinilega síðasti dagur inniverunnar (jahúúú)

Annars höfum við það bara gott. Hún Anna mín úr vinnunni kom áðan með kók, mjólk og svala (og smá súkkulaði) þetta eru náttla nauðsynjar hvers heimilis. 

Liggur vel á okkur - sólin skín, trén eru á fullu að laufgast, allar lóðir orðnar grænar og dagmömmurnar úti með börnin á leikvellinum hérna á móti.  Sem betur fer sá Gabríel þau ekki - þá hefði sennilegast orðið smá sírenuvæl. 

Hlakka til helgarinnar.  Stefnt er á sveitina þar sem búskapurinn bíður.  Það er nokkuð borið í Belg og þarf að marka liðið (þarf að vita hvað á að setja á grillið í haust hehe) Hef ekki skoðað veðurspá en ég vona að það verði gott veður - með sól og sundi :)

Annars er bara ekkert að gerast.  Fékk góðar kveðjur frá Eþíópíu (reyndar stödd á spáni núna) og ég fylgist alltaf með myndum frá Litháen.  Hugsa mikið til Amsterdam og Rotterdam - langar svo í heimsókn þangað.  Þó það væri ekki nema til Köben.. labba Strikið og sötra bjór í sólinni. 

Þar til næst..

Gabríel lasinn

já sonur minn tók upp á því allt í einu að fá pest.  Kom svo aftan að mér þar sem hann var svo hress í gær.  Vesen í nótt og hiti og læti í morgun.  þegar hann skríður aftur uppí ból eftir miðdeigislúrinn sinn þá er hann lasinn þessi elska.

Það er erfitt að vera inni í þessu góða veðri.  Hann talar um að hann langi út, ég skil hann svo vel.  Yndislegt sumarveður hérna á Akureyri í dag.  Svo við erum heima - Bubbi Byggir og Svali er eina sem blívar :o)

Frábært :)

sonur kom heim áðan og hann svo sæll og ánægður.  Greinilega skemmt sér vel um helgina sem er frábært .  Hann knúsaði mömmsuna sína þegar hann kom "mamma mín ég sakna þín og Gogga" ... hm Goggi var nú reyndar með honum um helgina. 

En hann fór strax að dótast og leika sér.  Grilluðum og áttum yndislegt kvöld.  Hann var tilbúinn að fara að sofa þegar Top Gear var hálfnaður - þá búinn að horfa á flotta bíla og snjósleða í þættinum á undan!

Með þessu veit ég að næst þegar hann fer í burtu heila helgi til pabba síns þá verður allt í lagi með okkur bæði. Vissi náttla að það færi vel um hann þar, ég var með meiri áhyggjur af mér og mínu litla mömmusálartetri. 

Þessi helgi gekk vel, hann sáttur og kátur, enda örugglega dekrað við hann á alla mögulega máta á þeim bænum, þá er ekki hægt að biðja um meira :)

 

Slökunnarhelgi

já það er sko búið að vera slökun þessa helgi.  Meikaði nú ekki í sundið reyndar en það er vel hægt að slaka á heima hjá sér líka. 

Ég er ekki að kunna þetta að vera án barnsins míns, og finnst ég svo ein og tóm.  En ég tek þær reyndu mömmur sem ég þekki trúanlegar um að þetta sé bara fyrst - strax næst þegar hann fer í burtu heila helgi þá verði það auðveldara. Ég hlakka bara ógurlega til að fá hann heim aftur.  Hann hefur örugglega átt góða helgi og er vonandi sæll og glaður.  - þá er ég ánægð.

Var nú reyndar að vinna í gær.  Fór eftir vinnu, náði mér í ís og fór heim.  Og haldiði ekki að ég hafi bara sofnað yfir Firefly - og svo var mín bara í lazy-boy stólnum - dottandi yfir imbanum í gærkveldi.  Svaf svo til níu í morgun, og viti menn - nap attack kl ellefu til tólf.  Ég held ég hafi ekki sofið svoan mikið síðan... ummm í mööööörg ár!

Ég er að horfa út um gluggann minn - á snúrur í blokkinni á móti. Sem væri ekki frásögufærandi nema allt á snúrunni er bleikt - nema einn eeeld rauður bolur... Makes u wonder...

Vona þið hafið átt góða helgi :)

ein heima...

Er í vinnunni.  Ekkert að gera - ekki neitt.  Það er svo komið sumar hjá fólki - þá er minna að gera hjá mér. 

Gabríel er hjá pabba sínum og er vonandi að skemmta sér vel.  Sakna hans hrikalega - en hef heyrt hjá öðrum mömmum að þetta sé eðlilegt hjá mér og gangi yfir með nokkrum helgum.  Maður þarf að venjast því að fá ekki morgun smsin eða kvöld smsin eins og þegar hann er hjá afa sínum og ömmu.  Mér finnst ég vera svo sambandslaus við hann.  Hann verður núna í 2 nætur hjá pabba sínum.  Það hlýtur að ganga vel. Maður kann bara að meta þær stundir sem við eigum saman miklu meira núna :) Litli blíði strákurinn minn sem er alltaf brosandi og hlæjandi, hálfgerður besservisser en með svo ógurlega lítið hjarta en samt svo stórt.  Þegar hann tekur utan um hálsinn á mömmsunni sinni og segir "mamma mín - mamma mín ég elska þig"

- hvað er betra???

Við hjóluðuðm í skólann í gær.  Ég sagði við hann ef hann yrði fljótur að klæða sig þá mætti hann hjóla í skólann - og vá hvað barnið tók kipp! Og vá hvað mamma hans var hrædd í umferðinni með hann! Hann er svoddan "mr. know it all" og ekki alltaf að vilja hlýða.  En hann skildi loks alvöru málsins og var til sóma! Hann var svo duglegur - þetta er nefnlega smá spotti sem hann hjólaði!

- Svona sætur á hjólinu sínu!

Fór aðeins út í gær.  Hitti Írisi sötruðum nokkra, kíktum niðureftir en það var alveg dautt í bænum, var komin snemma heim, og kúrði yfir Firefly.  Í dag ie kvöld er ekkert planað - ætla að kúra og hafa það notalegt - kannski maður bara leggi sig eftir vinnu... nap attack...

 

Ýmislegt :o)

Yndislegt veður í dag!! Sólin skín og frábært veður, enda snilld að byrja daginn á sundspretti fyrir vinnu á svona degi. 

Við sonur höfum átt góða daga undanfarið - helgin var fín - gott að eiga auka dag í fríi.  Eftir að hafa farið að vinna alveg aðra hverja helgi þá finnst mér ég vera alltaf í vinnunni.  Kíktum í Fellshlíð og Blíða á svo yndislega hvolpa! Þeir voru rétt farnir að sjá og bara tveir komnir með skott uppí loft.  Sjö stykki - hver öðrum fallegri! 

Í sveitinni var gott að vera um helgina.  Mánudag var svo gott veður að sonur þurfti bara í skó og út.  Enda var hann á hlaupum út og inn allann daginn. 

Nú er hann kominn á eldri deild.  Sá flutningur gekk vel fyrir sig, og er hann hæst ánægður með þetta - þið getið lesið um það á hans síðu - ég hef ekki verið alveg eins löt að blogga þar og hér. 

Hann fékk nýtt reiðhjól í dag! Fyrsta reiðhjólið hans - og hann er afskaplega montinn með það.  Appelsínugult - hans uppáhalds litur!  Við fórum í dag á rólóinn hér á móti og hann hjólaði og hjólaði!!

Annars er ekki mikið um að vera hjá okkur.  Mig langar út - mig langar til Amsterdam og til Rotterdam.  Ótrúlegt að það sé að nálgast ár síðan Ragga mín flutti út! Sumarfrí í júlí og svo margt sem mann langar að gera en í augnablikinu þá verður það bara að bíða. 

Ég er bara svo sátt við það sem er í dag og hamingjusöm yfir að sumarið sé finally að skríða í hlað. 

Já ég bætti inn slatta af nýjum myndum á flikkrið okkar og einnig á jútúbbinu okkar :)

Hvar er sumarið...??

hæ - hvar er sumarið?? Það kom þarna um daginn og fór aftur.. ekki alveg mitt að fíla það!

Áttum alveg frábæra helgi sl helgi.  Hann gisti hjá pabba sínum í fyrsta skipti á föstudagskvöldinu, og gekk held ég bara vel.  Hann kom svo ekki heim aftur fyrr en á laugardeginum.  Ég var hálf tínd.  Þetta var allt öðruvísi en þegar hann er hjá mömmu og pabba - þá hringi ég til að bjóða góða nótt, og fæ góðan dag sms daginn eftir.  Þetta var sennilegast í fyrsta skipti sem ég býð honum ekki góða nótt og mömmu hjartað mitt var einmanna, mig vantaði svo stóran hlut.  Og oft kom sú hugsun ; hvað var ég von að gera áður en ég varð mamma... og sérstaklega áður en ég varð sjálfstæð mamma???

Mamma mín átti svo afmæli 4. mai og við fórum auðvitað í sveitina!  Það eru komnar inn myndir frá helginni á flikkrið mittt hér til hliðar !

Lífið heldur annars sinn vanagang hjá okkur á Akureyri.  Reyndar er Gabríel er afskapelga tættur eitthvað þessa dagna þar sem hann er á flakki milli deilda í skólanum; aðlögun fyrir eldri deild. þakka fyrir að hann flytur með vinum sínum. 

Það þarf afskaplega lítið til að raska ró hjá s vona ungum manni. En við reynum bara að nýta kvöldin til að vera saman go fá hann til að slaka á.  Þetta eru langir dagar hjá okkur eitthvað núna.  Hlakka til helgarinnar, hlakka til að eiga 3 daga með honum. Hlakka til að fara í fjárhúsin,  hlakka til að hitta Önnu og þau í Fellshlíð og sjá hvolpana.  Hlakka til að fara í sveitina og hitta þau öll þar!

Frídagur til notalegheita:o)

Við sonur áttum yndislegan dag.  Vöknuðum snemma, hann meira að segja vaknaði á undan mér og fór fram að leika sér áður en hann vakti mig.  Fórum út á róló- hann fékk að hjóla sjálfur - og það sló bara í gegn.  Kakó á eftir að hans ósk. 

Við urðum bæði fyrir nap attack, og sváfum til fjögur! Fórum þá út á rúntinn og fengum okkur ís - í tilefni snjókomunnar hahahaha - ég held ég sé búin að tína því varðandi þessa helvítis snjókomu og skítakulda.   Eins og sonur segir - sem ég hugsa að hann hafi lært uppi í sveit "aumingja fuglarnir - þeim verður svo kalt á rassinum sínum... "

en sætasti strákur:

Og ég var að bæta inn myndum á flikkrið mitt :o) 

Góður dagur í dag!

Þrátt fyrir snjó, okur í Hagkaup og sannleikann um hve lítils virði maður er á markaðnum þegar maður er kominn með barn. 

Ok - ég fer á fætur - allt hvítt.  Skítakuldi og barnið er sett í kuldagallann aftur - og á morgun er 1. mai.  Mér finnst þetta bara ekki sniðugt.  Skoðaði Risaland í morgun og líst vel á.  Þetta er minni deild, færri börn en sameinast Huldulandi í mat og kaffitíma.  Hann mun fá að sofa daglúrinn sinn samt áfram á Undralandi þar sem Risaland er ekki með aðstöðu fyrir hans klukkutíma lúra á daginn.  Það er víst eitthvað minna um að þau sofi svona mikið eftir hádegi þegar þau eru orðin þetta gömul... ekki minn litli maður - honum finnst gott að sofa.  Aðlögunin byrjar semst ekki næsta mánudag heldur þarnæsta þe 12. mai. 

Sonur minn er semst hættur með bleyjur á daginn.  Notar þær á næturna og er svakalega montinn - enda má  hann vera það.  Ég fór í Hagkaup áðan og bakkaði eiginlega bara út.  Þar eru bleyjurnar 40% dýrari en í Bónus!! Svo ég fór þangað og shoppaði bleyjur, kók, popp og nammi fyrir morgundagsletina fyrir sama verð og pakkinn kostaði í Hagkaup!  Þess má geta að 6 pakka öllapopp í Bónus er ódýrara en 3 pakka í Hagkaup... Og kaffið... ok ætla ekki að byrja á því - gæti sko rætt um það endalaust!!

Nú svo komst ég að því að maður rýrnar í verðleikum á markaðinum við að eiga barn.  Það ef menn geta ekki skilið að barnið mitt gengur fyrir, að ég á ekki til allan þann lausa tíma sem barnlaus kona hefur; þá eiga þeir ekkert erindi inn í mitt líf. 

Barnið mitt er það besta sem fyrir mig hefur komið og ég myndi ekki skipta honum út fyrir neitt í heiminum! Gæti hreinlega ekki hugsað mér lífið án hans!!

Jamm - annars er góður dagur í dag - ætla að eiga góðan rólegan dag á morgun með gullmolanum mínum, vera  undir teppi með kakó, og gera sem minnst :)

Yndisleg helgi :o)

Við sonur áttum alveg hreint yndislega helgi.  Var loks í fríi á laugardag og naut þess að vera bara með syni mínum að njóta lífsins með honum.  Byrjuðum á sundi og lékum okkur þar í góða stund.  Og þar sem veður var heldur skítlegt þá vorum við svo bara heima.  Hann líka nýtur þess að vera heima og hafa mig bara einn og útaf fyrir sig.  Lögðum okkur eftir hádegi og kúrðum okkur yfir Ratatouille.

Í dag fórum við ísveitina til a horfa á Formúluna.  Gabríel er svo mikill afastrákur.  Sönglaðí alla leiðina "til afa til afa míns, til afa til afa míns"  Svo er alltaf eins og komi smá púki upp í þeim báðum er þeir hittast því þeir stríða hvor öðrum svo rosalega.  Gabríel heldur alveg í við afa sinn í þeim efnunum.  Bara gaman að fylgjast með þeim :o)

Svona dagar eins og þessi helgi gefa manni algjör orkubúst og sýna manni hve mikilvægt er að eiga svona stundir með þeim sem standa manni næst. 

Heyrði líka í gauknum í suðri og það er líka alltaf jafn gaman! Sem minnir mig á það að ég er komin með pössun bæði hvítasunnuhelgina og júróvision helgina :o) gaman gaman :o)

 

Strumpar...

Þetta er náttla bara vitleysa .... ég er aldrei "moody"... pfft..

Fjölgun :)

Sumargjöfin var ekki á verri endanum í Fellshlíð - þegar sætasta, fallegasta, blíðasta og yndislegasta tík í heimi eignaðist 7 hvolpa!!!

Tík og hvolpum heilsast vel og óskum við þeim í Fellshlið hjartanlega til hamingju með þessa fjölgun!!!

Sendum stórt knús yfir til þeirra !!!

 

Gleðilegt sumar!!!

já gleðilegt sumar elskurnar mínar og takk fyrir veturinn!!

Dagurinn í dag var snilldar dagur!  Við sonur vöknuðum á okkar tíma um sjö og skomberuðum í sund kl átta ! við ógó dugleg.  Hann í rennibrautinni og að hoppa út í laugina.  Þess má geta að hann er svo duglegur í sundi að hann getur svamlað að bakkanum og komist upp sjálfur. Óhræddur og duglegur.  

Við komum við á N1 í bensín og ís.  Brunuðum svo í sveitasæluna til mömmu og pabba.  Þar var hiti og gott veður.  Gabríel hafði hamast í meira en klst í sundi svo hann dottaði á leiðinni. 

Þar hamaðist hann meir.  Td hjálpaði hann afa sínum að moka snjórestir af pallinum og fékk að smúla með slöngunni.  Við mamma fórum og tékkuðum á hlutunum þegar við heyrðum afa hans segja "ekki sprauta á mig" - þá hafði Gabríel skrúfað bara meira frá vatninu og sprautað á allt í kringum sig - voða sæll með þetta.  Svo heyrðist í honum "mamma mín - ég er blautur" .  Og já - það var ekki þurr þráður á barninu og hann eitt stórt bros. 

Þetta var galli no eitt.  Galli no tvö fór svo í drullupollinum þegar við fórum út að labba með Herkúles.  Þá fór hann svo uppfyrir stígvélin að það mátti setja allt á ofn. 

Við vorum svo í heljarins grillveislu hjá þeim í sveitinni - agalega gott.  Gabríel tók vel til matar síns að vanda - og steinrotaðist á leiðinni heim. 

Jámm góður sumardagur í dag - og þess má geta að ég heyrði í gauknum í fyrsta skipti í ár í dag og hann var í suðri :o)

Eigið gott sumar !

Síðasti vetrardagur

yessss - finally!! Eins og þið eruð búin að komast að þá er ég ekki vetrarins biggest fan.  Hugsa við ráðumst á laugina kl 8 á morgun (þegar við vöknum) og brennum í sveitina og njótum veðurblíðunnar sem spáð var áðan hjá mömmu og pabba.  Það mun fyllast bærinn af fólki hérna vegna Andrésar Andarleikanna svo það verður fínt að sleppa í burtu úr traffíkinni :)

Annars er ekki mikið að frétta.  Maður er orðinn soldið sætur og útitekinn á sundinu.  Er búin að ná að fara alla sólarmorgnana og synda, og á mánudaginn þá synti ég hálfan kílómeter á 15 mín.. ég varla trúði því að þolið mitt væri svo fljótt að koma.  Svo ég testaði mig í gær - hálfur km á tíu mínútum.. og aftur í dag... þetta er snilld! Og jú ég finn mikinn mun á að vera reyklaus! Þetta er bara æði.  Enda fjárfesti ég í hálfs árs korti - já eða varasjóður VR - á víst nóg af pening þar til þessa hluta !!

Jámm - þetta allt er bara snilld!!!

Eigið góðan dag á morgun elskurnar - Gleðilegt sumar!!

Sunnudagur til sólar

Alveg snilldar dagur hjá okkur.  Vaknað snemma í sólargeisla og skomberað í sund.  Vorum þar í nærri 2 tíma enda þegar ég sá að Gabríel getur farið einn í rennibrautina þá er ekkert sem stoppar það.  Ég bíð bar fyrir neðan og tek á móti. Hann er orðinn svo stór og duglegur! Svo voru bíll og fjórhjól með í för sem fengu að fara í hressum ferðum niður rennibrautir og í buslulaugm.   

Fengum okkur Brynjuís á eftir og ég var ekki sátt með hann - fatta ekki alveg "the fuzz" hvað varðar þennan margfræga og umtalaða ís.  Ætla að halda mig við ísinní Lindinni hér eftir. 

Sonur svaf vel - ég dormaði og naut hvíldarinnar.  Er orðin svolítð lúin.  Hlakka til að eiga auka frídag í næstu vinnuviku auk þess að fá helgarfrí. 

Við fórum svo á Bubba Byggir í dag.  Það var virkilega gaman.  Það var reyndar ekkert hlé og hann þarf að hafa hlé sá stutti.  Hann er ekki alveg á að sitja á rassinum í heila klukkustund.  Á Horton myndinni var hlé og það var til þess að hann náði að sitja alla myndina og halda einbeitningu, en þetta er einum of löng lota fyrir svona orkugutta eins og minn :o) Hann tók svo á mig smá frekjuóþægðarsprengju - já hann er eðlilegur þessi elska - hann á það til að taka óþægðarköst. 

En frekjuóþægðarkastið endaði og við grilluðum kjúlla í sátt og samlyndi, nutum kvöldsins og horfðum á snjósleða á skjá einum. 

Ef helv.. flugfargjöld væru ekki svona ógó dýr hefði ég fengið heimsókn í dag en þar sem far var fyrir hendi (og hafði verið planað þannig) þá var það nýtt suður. En það hefði verið gaman að fá svona surprise heimsókn.  Alltaf gaman af því :) Það bíður bara betri tíma!

Það er eitthvað svo afstressandi að hafa svona veður.  Ég er búin að fara í sund nærri alla dagana í sólinni - og svo sá ég á mbl.is veðrinu að þetta á að vera svona næstu viku líka.  'Eg er svo hamingjujsöm með það - þið trúið því ekki.  Manni finnst allir vegir færir, stutt í sumarfrí, smáskotin eru alltaf að blossa, sonur er gullmoli (eins og alltaf) og hve heppin ég er. 

Lífið er snilld!

þar til næst fólk fjær og nær - hafið það sem allra best :)

Hriiikalega rólegt

Alveg lognmolla hér í vinnunni - síminn þegir og ekkert að gera. Enda er snilldar veður úti og fólk nýtur helgarinnar úti. 

Vona að sonur minn sé að skemmta sér vel og eigi góðan dag. 

Yndislegir dagar

jámm það er snilldar veður og búið að vera snilldar veður.  Var í fríi eftir hádegi í gær þar sem skólinn var lokaður eftir hád.  Og við sonur skomberuðum í sveitina í dekkjaskiptingu á súbbanum. Fórum í lónið líka og það var bara gaman.  Nutum þess að vera bara tvö saman og ég fann hve hann þarfnaðist að fá að vera bara með mér.  Hann buslaði og hljóp um og naut þess að geta svamlað í grunnu vatninu.  Með mótorhjólin auðvitað og þau fengu að keyra um heita pottinn.  Við eigum eftir að búa þarna í sumar.  Ætla að kaupa mér kort í lónið í sumarfríinu mínu.  Þetta er yndislegt!

Á fimmtudag grilluðum við.  Þreif grillið og fíraði upp og eins og það hefði ekki verið í vetrardvala heldur blossaði upp hitinn og pylsurnar voru hrikalega góðar! Þetta var svona spur of the moment svo ég hafði ekki fjárfest í neinu spes til að grilla. Þannig þar sem ég er ein heima í mat í kvöld var ég að spá í að grilla mér eitthvað gott.  Sonur er hjá pabba sínum og verður þar í mat í kvöld. 

Fer sennilegast að líða að því að hann fari að gista þar.  Það verður skrýtið að hann gisti annars staðar en hjá mér eða afa sínum og ömmu.  En hann á eftir að skemmta sér vel að gista þar líka efa ég ekki.  Ekki í kvöld en fljótlega.   Það verður rosalega skrýtið að vera allt í einu ein heila helgi, hef hugsað mikið um það og þetta er náttla eitthvað sem mun gerast og fer að gerast.  Litla mömmu hjartað mitt er að undirbúa sig undir þetta.  Mamma og pabbi er alltaf tilbúin til að passa en maður vill ekki misnota það og ég bið aldrei um heilar helgar nema þegar eitthvað mikið liggur við - útskriftir, árshátíðir og solleis.  

Þegar hann fer að fara heilar helgar til pabba síns reglulega þá get ég farið meira út og kynnst fólki, átt tíma fyrir mig.  Hljóma ég sjálfselsk? Megið ekki misskilja sonur minn er mér allt. Og ég tek hann og tíma með honum fram yfir allt annað og alla.

Ó vell - ætla að skombera í sund í þessu rjómablíðuveðri!

Eigið góða helgi elskurnar mínar!

er komið vor... ??

þetta er spurning sem margir hugsa en enginn þorir að segja upphátt.  Maður gæti "jinxað" og farið að snjóa aftur.  Það var yndislegt veður í dag og maður fann hvernig brúnin lyftist á öllum.

Ég gæti alveg hugsað mér að vorið væri komið.  Gæti alveg hugsað mér að hætta að þurfa að klæðast í milljón föt og peysur og verið bara á stuttermabolnum eins og í dag.  Farið í sund og notið þess að vera í sólinni á meðan syntur er morgunspretturinn.

Mér er alveg sama þó Andrésar leikarnir verði snjólausir, að vélsleða fólkið komist ekki aftur á sleðann, Gleðin sem skein úr augum Gabríels þegar hann heyrði að hann mætti fara með buffið í skólann var svo fölskvalaus og einlæg, að þurfa ekki að dúða barnið þannig hann sé eins og michelin man og geti varla hreyft sig... ég er orðin svo þreytt á þessum vetri, hlakka til að geta bara verið á ecco sandölunum alla daga :)

Það er sól sól sól!!

já sólskin mætti augunum í morgun þegar ég vaknaði... og hrjótandi barn við hliðina á mér.  Hann hafði vaknað eldhress um 6 í morgun.  Og þar sem mamma hans vill sofa til sjö þá fékk hann að kúra uppí.  Og að sjálfsögðu steinsofnaði guttinn minn aftur. 

Við erum svo sátt við lífið þessa dagana að allt var svo rólegt og notalegt hjá okkur.  Vorum meira að segja komin út í bíl um korterí átta!! hann reyndar maldaði í móinn (argaði / grenjaði hressilega) þegar ég var að kveðja hann í skólanum...

Og mín í sund. Og það var svo notalegt að synda í sólinni (skítkalt reyndar) en stoppaði á bakkanum og snéri nebbanum upp í sólina og heilsaði upp á þessa gömlu vinkonu mína sem ég hef saknað geðveikt mikið.  Maður varla þorir að vona að vorið sé komið - maður varla hefur náð að hugsa þá hugsun(draum) til enda þá er kominn snjór aftur...

Helgin var róleg og notaleg.  Brunaði upp í sveit eftir vinnu laugardaginn og knúsaði barnið mitt.  Grill og bjór hjá pabba og mömmu, kíkti í smá kaffi og kökurestar á sunnudeginum í Hraunberg - en þar var ferming á laugardag. 

Sonur heyrði loks í föður sínum, stutt samtal þar sem Gabríel sagði honum að hann væri hættur með bleyju og svo bara "bless bless pabbi" og hljóp í burtu.  En það þarf ekki meira - þetta var nóg fyrir litla manninn og hann var alsæll með þetta. 

Drykkjuboltarnir vinnufélagar mínir eru í mismundandi ástandi í dag en öll sammála um að árshátíðin hafi heppnast vel sem er bara frábært ! Allir skemmt sér og matur góður.  Og allir komið heilir heim.

Þar til næst - hafið það gott dúllurnar mínar!

Laugardagur til launa :)

jámm ég er í vinnunni - fer að enda, hætti fjögur.  Þá verður brunað upp í sveit.  Búið að vera slatti að gera, þó það hafi verið auglýst lokað þá hafa tölvur farið í dag - gaman að því :)

Átti rólegt og notalegt kvöld í gær.  Sonur fór heim í sveitina með afa sínum í gær svo ég notaði tækifærið og hafði það rólegt og notó.  Fékk afmælisgjöf frá Dóu minni og það var alveg yndislegt sjal sem  hún bjó til sjálf! Hlýtt og yndislegt - hún talaði um á kortinu að vonandi nýttist þetta sem knús á köldum kvöldum - fyrsta hugsun "omg er hún að senda mér Gvend" - haha nei svo galin er hún nú ekki hahahaaaa

Takk æðislega fyrir mig elsku Dóa mín!

Byrjaði svo daginn í dag á sundi, synti ekki mikið bara 300 metra og dormaði svo í pottinum.  Afskaplega notalegt.  Í sveitinni eru allir í fermingarveislu.  Vona ég nái að hitta eitthvað af fólkinu í dag.  Væri gaman að sjá aðeins framan í fólkið.  Gabríel er minn staðgengill þar í dag og stendur sig eflaust eins og hetja þessi elska. 

Vona þið eigið góða helgi. 

James Blunt

- hver vill koma með mér á James Blunt í sumar???

Enn heima

jámm - við erum enn heima.  Vona að hann nái þessum hita úr sér svo hann komist í skólann á morgun.   Hann er núna frekar hress, búinn að borða skúffuköku sem við bökuðum.  Máluðum nokkrar vatnslitamyndir.  Hann svaf líka í já 3 tíma eftir hádegið blessaður.  Hann verður í passi um helgina - en bara á laugardaginn þar sem ég fer svo uppeftir strax eftir vinnu :)

Hann hefur ekkert heyrt í pabba sínum - finnst það svolítið furðulegt miðað við hve áhugasamur hann vill og virðist vera og lofaði öllu um að bjalla eitthvað í hann en ekkert heyrist.  Ég er ekki að pirra mig á þessu - bara furðulegt - því áhuginn á honum var mikill áður en hann fór.  Hulda hefur haft samband en ekki hann. 

Það snjóar.  Það var sossum auðvitað - kom hlýja og snjór fór að fara þegar fer að slydda aftur - auðvitað ! Hefði alveg mátt segja mér það.

Kannski ég fari bara undir sæng með Gabríel, það er svona undirtepppikakóbollaveður....

þar til næst klæðið ykkur vel og ekki geyma að láta fólk vita að ykkur þyki vænt um það.  Það gæti orðið of seint.

svekkelsi...

fer ekki á árshátíðina.. ákvað það í dag þegar ég sá stöðuna á reikningnum mínum.  Þessar hækkanir koma soldið aftan að mér - hafði haft varann á en greinilega ekki nógu mikið.  Er drullufúl, svekkt og sár, en ætla að vinna frekar svo launaumslagið mitt verði aðeins þyngra næst.  Nenni ekki að fara þegar maður er með áhyggjur af peningum, og veit að maður hefur engan veginn efni á að gera þetta og geta ekki leyft sér að gera það sem mann langar til.  Það koma tímar siðar.

Lögfræðikostnaðurinn er mikill og er að setja mig á hliðina, en það er seinna tíma vandamál - mestu máli skiptir að ég nái að losa mig úr því sem hann er að vinna að fyrir mig. 

Sem betur fer hækka húsaleigubætur svo við fáum eitthvað bætt uppí þessu ljóta ástandi sem nú er. Maður fer varla út í búð án þess að maður borgi 2000 kr, og fyrir nákvæmlega ekki neitt - nokkra lítra af mjólk, ost, brauð og súrmjólk.  Guð hjálpi mér og fyrirgefi; ég spreðaði í ferska ávexti handa syni mínum.  Ég reyni alltaf að sjá ljósu hliðarnar á hlutunum.  Mér gengur afskaplega illa að sjá ljósar hliðar á þessu. 

Ég hata þetta.

Annars erum við sonur heima.  Ég lagðist á sunnudaginn, og lá í gær, og hann tók upp hóstann, horið og hitann í gær og nótt.  Svo við erum lasarussar heima núna. Hann er svo yndislegur og duglegur þessi elska.  Orðinn alveg bleyjulaus á daginn - en þarf meðann hann sefur.  O g no2 er soldið vandamál ennþá en það lærist hjá þessum engli.

Hann er drifkrafturinn þessa dagana hjá mér í þessu öllu saman. 

Þar til næst - eigið góða daga.

Sunnudagur til sófa

hæ :) það er helgi og ég nenni ekki að gera neitt í dag.  Var að vinna í gær og mín yndislega frænka Sylvía var með Gabriel á meðan.  Hann svaka sæll með þetta.   Hefur reyndar spurt um að fara í sveitina í dag en ég sagði honum að við myndum bara njóta þess að vera heima.  Hann mundi fara í sveitina næstu helgi og þá yrði hann þar alla helgina án mín.  Jámms árshátíðin er bara næstu helgi.. þetta er agalega fljótt að líða.  Verð á hóteli báðar nætur.  Ákvað að splæsa því á mig þar sem ég kem ekki til með að gera þetta á næstunni aftur og hugsa að sumarfríið verði einmitt svipað og í fyrra; hótel mamma. 

Var já að vinna í gær, og ætla að vera róleg í dag.  Er  með hangikjöt í potti, og það er leti í okkur báðum.  Gabríel svo ánægður með að vera heima í dótinu sínu, trallar og syngur, leikur sér og búinn að búa til undraheim með bílunum sínum og kubbunum.  Sá stutti var mjög sáttur við að vera hjá Sylvíu í gær, og að vakna í morgun og byrja að leika sér.  Hann sefur með alla kubbabílana uppí - og ég heyri þegar hann byrjar a leika sér um leið og hann vaknar.  Hann var hrikalegur flækjufótur seinnipartinn í gær.  Og ég kyssti á ófá bátt í gær.  Eftir eitt báttið heyri ég hann tauta inni í stofu við goggann sinn "sko þegar ég fæ bátt kyssir sko mamma mín á báttið og þá er sko allt búið"   - já þessir mömmukossar eru heimsins bestu plástrar.

Eigið góðan dag í dag!

Til hamingju!

Elsku Anna til hamingju með að vera búin með samninginn!!! Ef þig vantar einhvern til að æfa þig á í hand/fóta snyrtingu eða plokkun og litun eða nuddi þá bara láta vita!!

Gangi þér vel að læra undir sveinsprófið!! Þú ert snillingur!!!!

Farðu vetur FARÐU!!!

ég er búin að fá algjörlega nóg af þessu. Maður er blautur í lappirnar nær uppá dag - fór heim í EJS plastpokum í skónum í gær því þeir náðu ekki að þorna frá hálf eitt til sex í gær - samt voru inni í miðstöð...

Og er núna með hæsi, ískrar í röddinni reglulega, agalega næs að svara í símann þannig. Með hálsbólgu og hor...