Jólakveðja

Þorláksmessa

og allt klárt :o)

Er í vinnunni í dag – en hætti snemma og sæki guttann og svo brunum við í sveitina :)

við áttum góða rólega helgi, héldum upp á afmælið hans á föstudag, Dóa kíkti á laugardag, vont veður á sunnudag, skreyttum tréð og vorum barad inni.  Hann var eitthvað pirraður í eyranu svo ég hélt honum heima á mánudag en það varð ekkert úr veikindum hjá honum svo hann fór hress í skólann í gær. 

við erum bæði svo spennt að komast upp í sveit, skreyta jólatréð og bíða eftir jólunum :o)

6 dagar til jóla

og smá afmælisveisla í dag. 

Við fórum í jólaklippingu í gær – ég stytti aðeins meira á hausnum á mér og sonur fékk fjólubláan hanakamb, veit ekki hvort okkar er montnara yfir hanakambinum…

7 dagar til jóla …

búin að skreyta nema jólatréð- það fer ekki upp fyrr en eftir afmælisveislu Gabríels.  Ég skreyti ekki mikið – mér finnst svo leiðinlegt að unskreyta, svo seríur, dúkar og jólastyttur hér og þar og íbúðin er obbosslega kósí :o)

Kakan bökuð, verður skreytt í dag eftir klippingar.. já við erum að fara bæði í klippingu og hann bað um grænan hanakamb…. ??

9 dagar til jóla

vá ég er bara orðin spennt … búin að öllu nema baka afmælisköku og skreyta :o)

Jólahlaðborð og Frostrósir

já annasöm helgi.  Fór út að borða með vinnunni á föstudag; jólahlaðborð á LaVita Bella (Bautinn) og það var bara snilldin ein.  Maturinn góður og þjónustan framúrskarandi. 

Fór svo á djammið með snillingunum; Eygló, Freydísi og Elísu.  Við sungum, drukkum dönsuðum fram undir morgun – hrikalega gaman !

Fór upp í sveit eftir hádegi á laugardag, enda var sonur þar í góðu yfirlæti :o) Fórum og horfðum á jólasveinana fara í jólabaðið sitt í Lóninu. Gabríel f´ro ofaní með Þórhöllu og þeim og  það var rosalega gaman að horfa á!   Tók fullt af myndum sem koma á netið um leið og tækifæri gefst.  Mamma og pabbi voru á leið á sitt jólahlaðborð í Selinu ásamt Þórhöllu systur og Lárusi.  Hjörtur ætlaði að vera hjá okkur Gabríel og við þrjú áttum bara virkilega notalegt kvöld saman:o)

Sunnudagur var fullskipulagður og ekki mínúta til að slappa af; 07:00 vaknað, 08:00 lagt af stað í bæinn; Fótbolti kl 10 (æfing hjá GAH), subway í hádeginu, jólahúsið þar á eftir, Ketilshús kl 14(barnaskemmtun), afmæli kl 15(10 ára dóttir vinkonu minnar – góðar kökur), hittum ÞV og mömmu kl 16 (á Glerártorgi)  og jólahús aftur kl 17, keila kl 18 og borða kl 18:30 og Frostrósir kl 19:30…

Tónleikarnir voru hreint snilld.  gæsahúð á nýju levelli hjá mér og ég sat með þá gæsahúð allann tímann.. og já tárinn komu reglulega í krókana.  Að sjá þessar dívur syngja er bara snilld, og ekki skemma Jóhann og Garðar Thor Cortes fyrir… Jafnvel Friðrik skoraði nokkur stig hjá mér líka… hann ætti bara að slaufa þessu  Jógvan dæmi og fara að gera eitthvað almennilegt eins og  þetta !

Fallegur dagur

á Akureyri er slabb, rigning, slydda, dimmt og já frekar hráslagarlegt úti. 

Við sonur vorum á leið í leikskólann, rúðuþurrkur á milljón, og slabbið gusaðist út um allt í kringum okkur. 

þá heyrist úr aftursætinu “mamma í dag er fallegur dagur úti!”

- já svona er sonur minn alltaf jafn hamingjusamur og sér fallegu hlutina í öllu :o)

föstudagur og kaffið komið í blóðið

vikan fljót að líða. 

Fór í klippingu á föstudaginn og vá vá – það er geggjað ! Hann vissi alveg hvað ég var að leita eftir. Ég er semst með stutt hár – alveg stutt!

Fór á We Will Rock You sýningu VMA.  Ágæt, gaman að sjá hana, nokkrir góðir söngvarar.  Flottir búningar :o) Fór með Elísu vinkonu og við skelltum okkur aðeins á trúbbakvöld á Kaffi Ak eftir sýningu, en vorum svo bara rólegar og fórum snemma heim.

Þetta var semst róleg og notaleg helgi. 

fer upp í sveit í dag.  Gabríel er búin að hlakka svo til´.  Sönglaði út í bíl í morgun “fer til afa og ömmu í dag” Voða kátur.  Hraustur og hress.

Ég fór í flensusprautu, við svínó, og mér líður bara vel.  Pantaði tíma handa Gabríel líka. 

Hlakka til jóla.  34 dagar til jóla.  Hlakka til að fá Dóu heim, hlakka til að fá kannski að sjá framan í Röggu í næstu viku, og fá að hitta litla gullmolann hennar hana Svövu.  En þær mæðgur eru að koma í viku heimsókn á skerið.  Vona bara svo innilega að þær nái að kíkja norður. 

Mig reyndar langar líka agalega suður. …..

Lífið er gott

já þessa dagana er lífið bara gott.  Við sonur erum bæði hraust og kát.  Var spurð að því um daginn “hvernig er  það – veikist sonur þinn aldrei??”  ég fór þá og flétti upp á blogginu hans og fyrir utan hlaupabólu í janúar og fótbrot í febrúar þá hefur hann ekki fengið pest síðan í desember – akkúrat dagana sem ég var í starfsviðtali vegna Orkusölunnar :o) – svo með sanni má segja að sonur minn sé þokkalega hraustur.  Þrátt fyrir nokkrar hornasir og hósta stundum þá er hann aldrei lasinn með hita og slen.

Súbbinn okkar þurfti smá viðgerð hjá pabba um helgina.  Þar sem pabbi minn er einn duglegasti maður sem ég þekki þá var hann ekkert að bíða með þetta og súbbinn var klár á þriðjudag :o) – og aldrei betri ! Takk elsku pabbi minn :o)

og Inspiron lappinn minn fór í viðgerð á mánudaginn 2 nóv, vegna móðurborðsins, eina ferðina enn… Og þessar elskur í EJS skiptu henni út fyrir mig, er núna með litla xps 1330 vél  - sem er algjör draumur í dós !

Ég er nokkuð orðin klár á jólagjöfum og er jafnvel að spá í að klára dæmið bara um helgina – væri það nú ekki dásamtlegt að vera búin með jólagjafakaupin um miðjan nóvember…??

- já og btw – fer í klippingu á föstudag –stutttttt !!!!

Knús á línuna !

átti snilldar helgi

Sonur kátur á fótboltaæfingu.  Við áttum góða helgi í sveitinni.  Róleg og notaleg.  Var jú tölvulaus, en ég var með Lisbeth Salander í staðin. 

Áttum svo notalegan sunnudag saman við mæðgin. 

miðvikudagur…

hafið þið tekið eftir því að það er alltaf miðvikudagur ? mér finnst alltaf vera miðvikudagur.  Íris vinkona benti mér á þetta eitt sinn í EJS og hún hafði rétt fyrir sér – maður tekur eftir miðvikudögunum. 

Hjónaball var bara snilldin ein.  Maturinn virkilega gómsætur, enda var ekki við öðru að búast þegar  Hermann var í nefnd.  Skemmtiatriði fín, ekki of mörg svo maður náði að spjalla og hlæja með borðfélögum sínum og taka fyndar myndir – sem eru enn undir ritskoðun :o)

Ég er bara kát.  50 dagar til jóla.  Sonur kátur.  Ætlum í sveitina næstu helgi.  Vona að lappinn minn verði kominn úr viðgerð þá… Honum datt í hug að hætta bara að virka á sunnudagseftirmiddegi – búin að vera þægur og fínn í háhraðanetinu í Fellshlíð.

þjónn í súpunni og hjónaball

jamm fór á þjónn í súpunni á Friðrik V á miðvikudag í boði starfsmannafélagsins og bauð Önnu minni með! Var mikið hlegið ! þetta er snilldar verk hjá þeim !

Svo um helgina er hjónaballið í Reykjadal – já maður þarf víst ekki að vera hjón til að fá að djamma með reykdælum.  Hlakka mikið til !

knús til ykkar og góða helgi !!

ný gleraugu !

já þar kom að því að ég lét til leiðast eftir nokkra vikna stanslausan hausverk.  Ég kíkti til sjóntækjafræðings sem mældi augun mín og gleraugun og hristi svo bara hausinn og sagðist skilja vel að ég væri með hausverk og horn út um gagnaugun.  Þessi horn er Anna mín búin samviskusamlega nudda og hjálpa mér, og já skipa mér að fara til augnlæknis eða sjóntækjafræðings.  En auðvitað þegar maður er ekki alveg að drepast þá lætur maður þetta liggja á milli hluta. 

Eníveis.  ég er víst með sjónskekkju og búin að vera með lengi.  Svo ég kaupin ný gleraugu með aðstoð pabba og vá – dagur 3 núna án  hausverks! þetta er snilld.  Er enn samt með smá seiðing, en fróðar konur segja að það taki alltaf smá tíma að venjast nýjum gleraugum.  En hornin eru að fara :o)

Dale Carnegie

ég er enn að jafna mig eftir snilldar námskeið sem ég var á um helgina.  3 dagar í brjálaðri keyrslu.  Búin á því…

Er alveg við það að hætta að vinna í dag og fara að sækja son minn sem ég hef ekki séð síðan á föstudag.  Hlakka svo mikið til að fá mömmu knúsið mitt.

Og og og loksins lét ég verða að því að panta tíma hjá sjóntækjafræðing.  Vona að hann segji bara við mig “Guðrún  þú þarft að fá þér ný gleraugu…!

og ég mun ekki hugsa um pening heldur hlýða og segja “já”

á döfinni er svo út að borða á miðvikudag með Önnu minni, fara á “þjónn í súpunni” yndislega frænka mín Sylvía og hennar spúsa Áslaug ætla að passa soninn fyrir mig :o)

og ég var að skrá mig og Þórhöllu systur á Frostrósatónleika 6. desember – í boði starfsmannafélagsins ! það verður alveg hreint yndislegt! Mikið hlakka ég til að fara á tónleikana með yndislegu systur minni !

knús yfir til  ykkar allra

Foreldrakaffi í skólanum

hvað er betra að byrja daginn á en að fara og borða morgunmat með syninum í skólanum hans, kubba svo og pússla… ?? maður er alveg endurnærður á sálinni eftir svona skemmtilegar stundir !

Hringdi í pabba hans í gær og bauð honum með en hann er svo duglegur í skólanum að hann komst ekki.  Kemst vonandi bara næst, það myndi skipta Gabríel svo miklu að hafa okkur bæði með sér :o)

Bara róleg.

átti góða rólega helgi með syninum.   Hittumst í bíói, við Freydís með krakkana og svo hittum við Elísu á kaffihúsi á eftir.  Afskaplega notalegt eitthvað.  bakaði pizzu, horfði á videó, kubbaði, fór á fótboltaæfingu með tvo 4ára, átak. Straujaði lappann, hann var held ég stútfullur af vírusum, allavega er hann miklu sprækari núna.  Skúraði, eldaði hangikjöt. 

Vídeókvöldið okkar var yndislegt.  Eftir að við snæddum gómsæta heimatilbúna pizzu – sem sonur hjálpaði mér með, sátum við með popp og kók og horfðum á Leiftur McQueen Disney myndina, hún er alveg uppáhalds ennþá hjá mínum manni.  Svo þegar þessi elska er að fara að sofa – knúsar hann mig og þakkar mér fyrir vídeókvöldið, mamman þessi fékk smá tár í augun…

jámm bara svona sitt líti af hverju á annars afskaplega afslappaðri, rólegri notalegri helgi :o)

Alveg að koma helgarfrí..

og er að keyra á síðustu vinnuorkunni sem ég á.  Hlakka til að sækja soninn sem er örugglega í sjöunda himni eftir daginn því hann átti von á slökkviliðinu í heimsókn í dag.

Við sonur ætlum að baka pizzu í kvöld og hafa vídeókvöld.  Þá má hann vaka aðeins lengur.  Svo langt síðan við höfum átt svona quality stund bara við tvö.  Við erum svo oft á þeyting um allt.  Sem er gaman líka ! Alltaf nóg að gera hjá okkur !

Á morgun er planið að fara í bíó, og fara með Freydísi go Júlíusi líka – og vonandi kemur Elísa vinkona með líka.  Alltaf gaman í í bíó !

ég bara hlakka til helgarinnar…  vona að þið eigið góða daga líka !

Nóg að gera samt ekkert að frétta

bara svona ekta tíminn líður áfram – reyndar allt of hratt.   Allt of dimmt á morgnana, kalt, blautt. 

Jólin handan við hornið.  Kominn tími á að ath með hvað maður á að gefa hverjum í jólagjöf og finna úr því hvar maður finnur pening fyrir hverri jólagjöf fyrir sig.  En það reddast eins og öll hin jólin.

Síðan síðast er nóg búið að gerast.  Hélt upp á 30 afmæli vinkonu minnar – hrikalega gaman.  Átti langa helgi með syninum helgina á eftir, afskaplega notalegt ! Helgina þar á eftir voru tónleikar með ljótum hálfvitum og endaði óvart á djamminu sem var hrikalega gaman.  Sömu helgi fór ég að sjá myndina Stúlkan sem lék sér að eldinum, og endaði á djammi það kvöld líka, aftur hrikalega gaman ! Núna um helgina átti ég yndislega helgi með syni mínum og foreldrum í sveitinni. 

jámm svo eru það hinir dagarnir – þessir virku – sem eru bara ánægjulegir, ekker bögg, ekkert vesen.  Nóg að gera !

knús

73 dagar til jóla…

þarf að segja meira ….???

Dúndurfréttir og sjóstöng

þessi helgi var hreint yndisleg í alla staði.  Byrjaði á því að fara og hitta Önnu á Pinnanum og þar komu mamma og pabbi og tóku guttann minn með sér heim í sveitina.  Anna gisti hjá mér og við skelltum okkur á Dúndurfréttir á þeim Græna ásamt Toddu, og auðvitað klikkuðu þeir ekki.  Þetta átti að vera Zeppelin kvöld en þeir stálust til að taka þessi þrjú sem maður eiginlega kemur til að heyra; July Morning, Comfortably Numb og Child in Time.  Og alltaf fær maður jafn mikla gæsahúð við að heyra þetta.

Á laugardag var svo farið á sjóstöng í boði Rarik/Orkusölunnar.  Hermann mætti með okkur Önnu og það var snilldar gaman! Mikið veitt og mikið hlegið ! Anna fór á kostum við veiðarnar og sló öll met þegar hún veiddi á 3 öngla á meðan hún var að slaka línunni niður ! Dagurinn hefði ekki getað farið betur og veðrið var snilldin ein. 

Og svo tók minn yndislegasti sonur á móti mér þegar ég kom uppeftir seinnipart laugardags.   Og átti þar góðan rólegan sólarhring hjá pabba og mömmu; slappaði af, prjónaði og knúsaði drenginn minn.

Myndir frá sjóstöng eru hérna í slideshow formi: Sjóstöng.
í normal formi ef tenging er hæg: Sjóstöng

Bústaðarhelgi

það var alveg yndislegt í bústaðnum.  Þvílíkt hress hópur þarna á ferð ! Mikið hlegið og mikið skrafað og vel borðað af þvílíkt heilsusamlegum mat.  Og lærdómsríkt í matargerð.  Jafnvel lærdómsríkt í prjónaskap, en meira að segja ég er að spukulera að fjárfesta í prjón og spotta og byrja að prófa :) – gæti bara verið gaman að prufa að prjóna einn trefil og ath hvort ég flæki mig nokkuð svo mikið í honum he he he !

Potturinn var snilld og tímaskynið ekki neitt.  Að vakna og fara beint út í pott og vakna betur þar gerist ekki betra !

Kom heim með flugi í gær.  Afslöppuð og alsæl með ferðina.  Var sofnuð um ellefu :)

Nokkrar myndir komnar inn á flikkrið : Saumóbústaður

Linkin Park ft Chris Cornell - Crawling/HHH

Er gjörsamlega að missa mig yfir þessu lagi.. Þeir eru svo flottir saman á sviði...

Snjór í fjalli

blendnar tilfinningar við að sjá snjóinn. Mér finnst oft gaman þegar veturinn er að koma og nýr snjór kemur.  Þá er líka stutt í jólin, jólabarnið ég.

Veturinn mætti bara vera styttri..

loks á meðal lifenda..

úff þetta er eitthvað sem ég vil ekki fá á næstunni aftur en þvílíka ógeðispest sem þetta var.  Lá rúmliggjandi alla sl viku! Heppin að eiga góða að en þær elskulegu Sylvía og Áslaug hjálpuðu mér með að sækja og sendast með Gabríel.  Ég get með sanni sagt að á föstudag var ég komin með ógéð á rúminu mínu.  Reyndar svo eftir að koma heim í gær – búin á því eftir réttir þá var rúmið mitt best í heimi !

En helgin var góð.  Á föstudag fann ég orku til að keyra í sveitina.  Skólinn hans Gabríels var lokaður vegna starfsdags svo við fórum bara snemma.  Fínt því mér leið alltaf best nývaknaðri.  Og ég fór ekkert úr húsi fyrr en á sunnudag (nema með nammidagsferð í búðina á laugardag auðvitað)

Réttir gengu vel, gott fólk að draga með okkur.  Gaman að hitta þær mæðgur Snjólaugu, Sunnefu og Eik :o) Sylvía og Áslaug voru eins og færibönd með kindurnar enda gekk þetta vel hjá okkur :o)

Fór svo í bíó með soninn í gær og við sáum myndina Upp en hún féll ekki alveg í kramið hjá þeim stutta.  Hann skildi hana ekki og var orðinn pirraður í lokin.  Kannski bara þreyta líka – langur dagur.  Honum fannst gott að koma heim blessuðum :o)

Réttarmyndir á flikkrinu : Reykjahliðarréttir

smá sól !

þegar við vorum að fara út í bíl í morgun þá upplifði ég smá haust í loftinu… svona fyrsti morguninn sem ég finn fyrir þessu.  Semst sumarið er búið…

Átti snilldar helgi.  Rima vinkona kom í heimsókn í mývó á laugardag með börnin sín tvö.  Ég hafði td aldrei hitt litlu prinsessuna hennar hana Unnu Dís.  Þvílíka skvísan sú litla. Og Hartmann orðinn svo stór og flottur ! Við Rima þurftum mikið að tala og sem betur fer þá náðu guttarnir okkar vel saman og gátu leikið sér.

Ég er svo stolt af henni Rimu.  Hún er svo dugleg og ég vona að allt gangi upp hjá henni, því ef einhver á það skilið þá er það hún ! Það er margt sem við höfum gengið í gegnum. Og það er alltaf spurningin um hvernig við vinnum úr þeim hlutum, aðstæðum og tækifærum sem við fáum uppí hendurnarnar.  Ég er td afar ánægð með hvernig hlutirnir þróuðust hjá mér og er ánægð og sátt með hvernig lífið er í dag.  Er á minni hornhillu og bíð eftir fyrsta tækifæri að taka stökkið :o)  - þá er það efnahagsástandið sem stoppar helling.. en það er bara að brosa og þakka fyrir það sem maður hefur :o) og ég hef það gott !

knús

og jólin nálgast :o)

sumarið er búið, já ég er ekkert að fegra hlutina.  Það kom sumar í 3 vikur, heppin ég – það voru akkúrat þessar 3 vikur sem ég var í sumarfríi.  En síðan ég kom úr fríi er búið að vera rigning og súld hérna á Akureyri.  Mér er löngu hætt að finnast þetta sniðugt. 

Annars er bara gott að frétta af okkur mæðginum.  Lífið er komið í fastar skorður og jafnvel maður segi “sem betur fer”.  Eins og ég elska frí, sumarfrí, dútl og leti; þá á ég það til að verða þreytt í rótleysi og rútínuleysi. Sonur er líka kominn á sitt ról; dettur út af 20:11 nákvæmlega on the dot, og springur úr rúminu 06:56 á morgnana..

Og núna getur maður bara farið að huga að jólagjöfum, kortagerð (haha einmitt) og afmælisveislu.  Ég er sko byrjuð að huga að afmæli sonarins, ætla að halda honum alvöru barnaafmæli helgina fyrir jól :O) – já hver hefði trúað því fyrir ca 10 árum að ég ætti eftir að halda barnaafmæli… með dúkum, glösum, kertum, kökum (sem ég auðvitað baka sjálf – er miklu duglegri þar en í kortagerð) pökkum og söng… kaffi fyrir foreldra (aðallega mæðurnar sem við hittumst alltaf í veislum barna okkar – engin samskipti utan þeirra ha ha )

Ég er alveg hrikalega ligeglad þessa dagana.  Er bara ekkert að stressa mig á hlutunum, og þarf ekki einu sinni á Polly að halda lengur.  Hlutir eru svona status quo, sonur hraustur, vinnan skemmtileg, peningar duga, súbbi gengur, og ég kát :o)

Allir að kjósa Halldóru

Halldóra litla frænka mín er að læra skóhönnun og er að gera virkilega flotta hluti.  Núna þarf hún okkar aðstoð með að kjósa hana áfram í verkefni VivaLaDiva sem gæti komið henni talsvert áfram á braut tækifæranna !

hún er þegar komin í 10 manna úrslit og þarf núna að fá aðstoð okkar.  Endilega smellið á slóðina : http://www.vivaladiva.com/shop/page?pageId=3027&cm_sp=vldfreeformat-_-Cordwainers-_-Halldora

og svo kjósa !!! 

bloggleti…

já allt of mikil bloggleti í mér þessa dagana.  Meira að segja bara tölvuleti.  Ég kem úr vinnunni og ég td sleppi alveg WoW þessa dagana.  Er meira með bókina á nefinu, alveg dottin ofaní lestur. 

En sl vika var fín. Sonur var heldur þreyttur þar sem það tekur á að byrja aftur í skólanum.  En gekk vél.  Vikan var heldur tíðindalaus.   þannig engar fréttir góðar fréttir.  Er bara ekkert að gúddera þetta veður.  Mér finnst bara ekkert í lagi að 3 vikur séu það eina sem við fáum af sumarveðri.  Ég var heppin að vera í fríi akkúrat þá. 

Við fórum í Fellshlíð á föstudag.  Loksins fékk sonur að fara í Fellshlíð. Harpan var þar líka go var afskaplega gott að sjá hana.  Svo langt síðan ég hef fengið Hörpuknús ! Svo við áttum gott kvöld; mikið talað og mikið hlegið!

Sonur fékk svo að fara á Hálfvitatónleika á laugardagskvöld.  Hann skemmti sér vel blessaður; fannst þetta allt afar spennó – vaka lengur, tralla og horfa á fólkið og fá að borða úti fisk og franskar :o) Við Anna skemmtum okkur vel líka ! 

Ég er alveg andlaus…. (enda mánudagur)

Nikulásarmót

Sonur minn kominn heim.  Mér leið afskaplega vel þegar ég var að fara að sofa í gær; allt eins og það á að vera ! Það síðasta sem ég geri áður en ég fer sjálf að sofa er að fara inn til hans og breiða betur yfir hann, ath hvort allt sé ekki örugglega allt í lagi og jafnvel taka dót sem tekur upp allt plássið í rúminu hans :o)

Við fórum á Nikulásarmótið á Ólafsfirði.  Rosalega gaman ! Vorum í tjaldbúðum Mývetninga og horfðum á fótbolta.  Gabríel var áhugasamur á laugardeginum en var heldur þreyttari á sunnudeginum :o) Þetta var mjög gaman og Hjörtur Smári og liðið hans urðu í 2. sæti í hans flokki! Rosalega duglegir krakkar þarna á ferð!

Afskaplega gott að koma heim í gær.  Gabríel var fljótur að tæta til allt dótið sitt og leika sér með allt.  Ég meira að segja fann fyrir smá spennufalli; sumarfrí búið, allt að komast í fastar skorður aftur.  Mér finnst ég gæti sofið í heila öld samt.  Skrýtið.  Það eru kannski bara eftirstöðvar að hafa sofið í tjaldi um helgina.  Hvíldist ekkert of vel.  Kannski ég fari bara fyrr að sofa í kvöld.  Sonurinn fékk spennufall í gær klárlega.  Hann var ekkert búinn að vera heima í tvær vikur og var kominn  með söknuð í dótið sitt.  Þegar hann var búinn að ath hvert einasta dót í herberginu þá spyr hann um hálf átta : “mamma má ég fara að sofa núna” og við burstum og ég les hálfa bók (disney sögustund) og hann er sofnaður klukkan átta.  Alveg búinn.   

Búin að setja inn myndir á flikkrið okkar: Nikulásarmót Ólafsfirði 18-19 júlí

Fyrsta vinnuvika eftir frí

er liðin :) eða næstum því – á klukkutíma og tuttugu mínútur eftir.  Búin að vera ein heima þessa vikuna.  Og bara búin að vinna, lesa, sofa og horfa á Chuck þegar allt annað bregst.  Sems búin að slappa 150% af!! Ekkert kvöld né næturbrölt á minni !

Fór á Harry Potter í gær með Þórhöllu systur og Hirti Smára. Mikið var ég ánægð með myndina – fannst hún snilld.  Bæði hló og táraðist. 

Núna er bíllinn kjaftfullur af dóti því við ætlum í útilegu á morgun.  Fer uppí sveit núna og gisti þar.  Svo förum við sonur á Ólafsfjörð í útilegu ! hlakka mikið til !

Eigið góða helgi. 

fyrsti dagur í vinnu

jámm og ég er ekki frá því að ég hafi verið svolítið mygluð í morgun (og kannski er reyndar smá enn).  En auðvitað er maður kátur í dag! ég er svo ánægð með þessar 3 vikur sem ég fékk í frí.  Endurnærð og úthvld að ég get ekki nöldrað yfir að fríið sé búið.  Fékk mikið af sól, og mikið af hita.  Las mikið og fór oft í sund með syninum, sparkaði bolta með honum og rúntuðuðm.  Reyndi að vera eins mikið og ég gat úti við.  Sólarvörnin notuð mikið :o)

Strákurinn minn er núna hjá afa sínum og ömmu í sveitinni.  Við fórum þangað á laugardaginn.  Hann var hjá pabba sínum sl viku og ég fékk nokkra daga útaf fyrir mig.  þar á meðal fór ég í algjöra aflsöppun í Fellshlíð.  Naut svo veðurblíðunnar hérna heima á Ak.

Sumarfrí !

hæ hæ

Viuð erum búin að vera í fríi ! afskaplega gaman hjá okkur.  2 vikur búnar af 3 hjá mér.  Núna í dag fer sonur svo til pabba síns í viku.  Planið er að fara í Fellshlið, sveitina og sitt hvað í vikunni, bara gera ekki neitt.  En við erum allavega búin að hafa það afskaplega gott !!

Ég er ný búin að setja inn myndir:

Myndir teknar héðan og þaðan í sumarfríinu : Sumar 2009

Ásbyrgi í útilegu 21-22 júní: Ásbyrgi

Og svo fórum við í fjölskylduferð til Presthóla.  Fórum í fjöruferð, skoðuðum þar sem Músakot hafði staðið og kíktum á Jónas afabróður minn í kaffi  : Presthólaferð

Fórum á rúnt í nærliggjandi sveitir.  Kíktum í Laxárdal, ég hafði aldrei komið í kirkjugarðinn þar.  Fórum á Grenjaðarstað og skoðuðum safnið þar.  Einnig fórum við í Hvalasafnið á Húsavík.  Menningarferð.

Svo komum við heim í gær. Anna  kom í heimsókn og við fórum á Ísöldina 3.  Við Gabríel bökuðum vöfflur handa okkur – varla að ég næði að baka nógu hratt því Gabríel settist að með diskinn sinn og mjólkina við vöfflujárnið og borðaði jafn óðum og þær komu – mikið agalega eru vöfflur góðar!!

Sumarfrí

ég er algjörlega andlaus og komin í sumarfrí í huganum.  Sakna Gabríels. Er samt búin að eiga góða viku.  Kaffihús og dekur. 

Byrja í fríi á morgun eftir vinnu.  Sæki son minn þegar búin að vinna.  Áætlað er að fara og horfa á bílaspyrnuna á laugardaginn.  Og svo jafnvel í sveitina þá um kvöldið.  Mig langar afskaplega í útilegu á sunnudag í Ásbyrgi eða Hljóðakletta.  Og ef veður helst sem spáð er þá ætla ég að drífa mig. 

Fellshlíð svo til Önnu og Hermanns.  Gabríel er farinn að tala mikið um að fara þangað.  Hann veit að ég er búin að vera svolítið þar núna og hann er held ég barasta abbó :o) svo ég get ekki annað en farið með hann.

Ætli maður haldi svo ekki í sveitina eftir það.  Á bara 3 vikur og þær verða nú fljótar að líða. 

Átti alveg frábæra helgi síðast.  Hittumst vinkonurnar í Fellshlíð.  Mikið spjallað og hlegið.  Góðir tónleikar á laugardagskvöldinu með Hálfvitunum.  Og svo pjúra leti á sunnudag.  Var í náttfötunum allan daginn og skammast mín ekkert fyrir það :o)

á morgun!!

á morgun er dagurinn sem ég og 2 aðrar erum búnar að bíða eftir í þónokkurn langan tíma.  En á morgun þá hittumst við vinkonurnar og ætlum að gera okkur glaðan dag ! Mikið hlakka ég til að knúsa Amsterdambúann og Fellshlíðarfrúna. 

þessi vika er búin að vera skemmtileg, en hrikalega löng að líða.  kvíði líka morgundeginum því á morgun fer sonur minn til pabba síns og verður hjá honum í viku.  Mér finnst þetta svo langur tími.  En óskaplega held ég að við höfum gott af þessu.  Og hann á eftir að skemmta sér vel. 

Við erum búin að fara 2x í Kjarnaskóg í vikunni.  Á þriðjudag þá endaði hann heldur mikið í læknum svo við fórum fljótlega heim. Í gær þá fórum við í góða veðrinu í sund á Þelamörk og skemmtum okkur vel.  Splæstum á okkur hammara á eftir :)

vorum bæði heldur sybbin í morgun.  Finn alveg að hann er farinn að þurfa að komast í frí.   Honum finnst alltaf skemmtilegt í skólanum, en  hann er orðinn þreyttur þessi elska.  Mikið hlakka ég til að komast sjálf í frí og njóta daganna með syni mínum :o)

En fyrst er það þessi frábæra helgi sem er framundan !

ZZzzzzz……

af hverju asnast ég ekki í rúmið á skikkanlegum tíma..?? kannski næ ég að fara fyrr að sofa í dag – er búin með alla Castle þættina mína.  Og núna hlusta ég á Ljótu Hálfvitana, sem eru btw titlaðir sem barnatónlist hjá Skífunni.. ha ha – reyndar syngur sonur með hástöfum mér reyndar finnst heldur skrýtið að heyra hann syngja suma textana ….  hehe en margir hverjir textana eru nú ekki þeir barnvænustu..  En maður kemst alltaf í gott skap við að hlusta á þessar elskur.

fórum í Kjarna í gær.  Með jarðaber og kókómjólk.  Sonur alveg grútskítugur á eftir og hamingjusamaur.  Er vopnuð teppi og bók fyrir daginn í dag.  Leiðin liggur út í skóg aftur eftir vinnu :o)

Dóan mín komin til Dalvíkur.  Gott að vita af henni þarna handan við hæðina :o) og stutt símtal í burtu.

Sonur minn með ræðustúf…

rigning.. á mánudegi..??

Dóan mín er komin til landsins.   Mikið var gott að heyra í henni bara hinum megin á landinu en ekki með allt Atlantshafið á milli okkar ! og hún kemur norður í kvöld !

Við kellur ætlum að hittast á föstudaginn í Fellshlíð.  Mæting á Snyrtipinnann klukkan 17:00 á föstudag.  Annan okkar ætlar að gera okkur sætari en við erum – erfitt, við erum svo sætar  - en kannski gerlegt..? Anna er náttla svoddan snillingur !!  Mun hætta kl 15:00 til að vera örugg um að ná tímanlega :o)

Helgin var ljómandi.  Hitti Fellshíðarhjónin á föstudag.  Annan átti afmæli og áttum við góða stund með góðum mat um kvöldið.  Vöfflur í kvöldkaffi.  Gisti samt ekki, mamman í mér gat ekki sleppt því að vakna með drengnum um morgunin í sveitinni.  Finnst hann bara aldrei heima þessa dagana.  Eftirstöðvar vegna langar helgar.  Og svo fer hann í viku á föstudaginn…

Það er bara gaman að vera til :o)

Til hamingju með afmælin !!!

í gær átti mín yndislega vinkona Ragga afmæli ! Sendi stórt knús til þín mín kæra út til Rotterdam.  Fergal og Svava mega fá smá af því líka !! knús knús – vonandi áttirðu góðan dag og var dekrað við þig allan daginn !!

Í dag á Anna mín afmæli! Til hamingju með daginn elsku vinkona !! hlakka til að sjá þig í dag og knúsa þig !!!

Til hamingju með afmælin ykkar elsku Ragga og Anna !! 

Annars er helgin framundan.  Margt planað og mikið að gera.  Erum að fara í sveitina við Gabríel.  Ætlum að taka tjaldið með og æfa okkur í að tjalda því.  Annars erum við klár í útilegur.  Planið er að hafa þetta bara reddí í bílnum þá er hægt að fara í útilegu hvenær sem er þegar veður er gott :o)

Sonur er alltaf jafn kátur !

sól sól skín á mig…

gott og gaman að vakna á svona dögum.  Eina var að sonur minn var ekki heima.  Hef ekki séð hann síðan á föstudag í hádeginu.  Mikið held ég að hann hafi skemmt sér vel blessaður um helgina.  Það var grill í skólanum  hans á föstudaginn og mættum við bæði með honum foreldrarnir.  Mér finnst skipta máli að hann hafi okkur bæði saman hjá sér.   Enda átti ég hamingjusamasta dreng í skólanum og þó víða væri leitað.  Og ekki skemmdi það fyrir að pabbi hans gat tekið hann með sér úr skólanum í hádeginu.  Ég held að það séu allt of mörg börn sem lenda í því að hafa foreldra sína aldrei saman með sér.  Sum börn sjá foreldra sína aldrei talast við einu sinni.  Sem mér finnst vera sorglegt.  Þetta er þeim svo mikilvægt, sá það alveg á mínum syni hve mikið hann naut þess að hafa okkur bæði hjá sér.

Allavega var helgin alveg afksaplega notaleg.  Var bara róleg á föstudagskvöldið.  Fór í gott partý á laugardag og út að dansa í kjölfarið, heldur rykug er ég vaknaði á sunnudag. 

Grillveisla í Mývatnssveit í foreldrahúsum.  Þar vorum við samankomin; mamma og pabbi, Þórhalla systir og allri fylgifiskar og afi og amma.  Afskaplega notalegt að fá okkur að borða saman og spjalla.

Mánudagur bjartur og fagur og latur.  Gerði ekki handtak.  Spilaði WoW og söng með góðri tónlist. 

Og þessi yndislega helgi endaði með góðri bíómynd með Önnu.  Fórum að sjá Angels and Demons og hún skemmir sko ekki bókina.  Ég naut myndarinnar og fannst hún vel þess virði að sjá hana í bíó.  Á eftir fengum við okkur að borða á Greifanum ásamt Hermanni en hann kom ekki með okkur í bíó. 

Og núna skín sólin, hlakka til að sækja soninn klukkan 4 í dag og fá mömmuknúsið mitt. 

Eigið góðan dag :o)

Sumarfrí

jámm það nálgast fríið.  Eftir vinnu 19 júni þá hefst fríið… og hvað ég ætla að gera er alveg óvitað.  Sonur fer á undan í frí- hann fer til föður síns 12 júni þannig ég verð ein heima síðustu viku fyrir frí. 

Útilegur eru held ég málið núna í sumar.  Á nýtt tjald og skottstóran bíl.  Hlakka mikið til að fara með syninum í útilegu.  Þarf ekki að fara langt (spara bensín) samveran, útiveran skiptir máli :o)

Anna vinkona var að kaupa sér far til Amsterdam til Dóunnar okkar.  Þær ætla að skella sér á U2 tónleika.  Gott hjá þeim.  Vonandi skemmta þær sér vel elskurnar.  Mig langar auðvitað – en það mælir allt á móti- verð miðans, verð flugsins og svo aðal atriðið – dagsetningin.  Tónleikarnir eru akkúrat þegar ég er að koma úr fríi…

Flugið til Amsterdam kostar helmingi meira en í fyrra.  Annars hefði ég verið búina ð kaupa mér miða sjálf út.  74 þúsund kostar fram og til baka núna – á meðan ég í fyrra borgaði 36 þúsund!!! Mér finnst þetta hrikalegt!

Ég er að sannfæra sjálfa mig að ég geti alveg slappað af á landinu eitt árið.  Búin að ferðast svo vel sl ár. – Spánn 2000 - London 2004, Budapest 2007, Amsterdam 2008. Kannski ekki margar ferðir en allar alveg snilld.  Ég get alveg slappað af eitt ár !! tala nú ekki um þegar fjandans evran og pundið kosta dauða og djöful!

svo ég get þetta alveg núna !!!

Seinheppin …

ég missti niður ilmvatnið mitt í bílnum.. á mig, á peysuna mína yfir allt… og núna angar allt af ilmvatninu mínu…

verst að glasið kostar hrikalega mikið…

 

kalt í dag

mér er kalt. Með stíbblaðan nebba. 

Aftur kominn mánudagur.  Tjaldið mitt kom á föstudaginn – hrikalega ánægð ég með þetta – en gat svo ekki tjaldað því um helgina því einhvern veginn þá gleymdi sumarið að fara til Mývatnssveitar. 

En við sonur áttum frábæra viku með flugsafnsferð og snilldar helgi í sveitinni.  Búin að skrifa fullt á síðu sonarins.  Myndir komnar inn. 

Voða andlaus í dag.  Kaldur mánudagur. 

Tjaldkaup

jahá… fyrir nokkrum árum þá heyrðist reglulega sagt “ég hata að sofa í tjaldi, þoli ekki að vakna einhverstaðar, í spreng að míga og komast ekki í sturtu strax “

Núna er sko öldin önnur (já sennilega var þetta sagt fyrir aldamót… nei ég skrökva því, ég sagði þetta líka fyrstu árin á þessari öld..

í dag keypti ég mér tjald! Ég byrjaði á því að fara í útilegu 2007 með Hafdísi vinkonu og hennar syni og mínum syni. Og þá skemmti ég mér konunglega og hugsaði með mér að auðvitað myndi ég nú gera þetta fyrir son minn að fara með hann í tjald.  Og viti menn drengurinn dýrkaði útileguna.  Að geta bara vaknað, og út að leika var eitthvað við hans hæfi!

Í fyrra þá var Hafdís upptekin við barneignir svo ekki komst hún með svo ég fór í tvær útilegur – fjölskylduútilega EJS og við Gabriél skemmtum okkur vel í henni.  Svo fórum við í eina bara tvö í Ásbyrgi.  Og hún er nú bara sú besta hingað til.  Hann hefur ákveðnar hugmyndir.  Td að nota kaffisett/matarsett töskuna sem afi hans á.  - ég man eftir þessari tösku síðan ég fór lítil í útilegu! 

Og ég er alveg að fíla þetta! Svo í ár þá ákvað ég að kaupa mér sjálf tjald.  Svo leiðinlegt að þurfa alltaf að fá lánað. Sonur minn er löngu farinn að planleggja útilegur.  Hann er búinn að tjalda út um alla íbúð með teppum og heima hjá afa sínum og ömmu út um allt hús þar líka.  Honum finnst þetta svo skemmtilegt! Og það er alltaf rætt um útilegur hér og útilegur þar.

Hlakka bara mikið til að komast í útilegur með syni mínum í sumar !!!

júróbuffs lesið þetta

http://www.guardian.co.uk/media/organgrinder/2009/may/16/eurovision-bbc

Eurovision blogg frá Heidi Stephens með kommentum og söng, kjóla og sitthvað fleira hehe

- er reyndar á ensku – en snilldar lesning engu að síður :)

Mánudagur…

og það er ekkert skemmtilegt veður.  Kalt og drungalegt.  Sólin mín stakk af suður, en kannski leyfa Reykvíkingum að fá smá sól.  Ég er með rauðan/brúan nebba og freknuklasa á enninu eftir helgina. 

Helgin var að sjálfsögðu alveg frábær.  Átti yndislegt kvöld í Fellshlíð.  Mikið borðað og drukkið.  Og vegna þess hve mörg lönd gáfu okkur stig þá voru glösin alltaf á fleygiferð :)

Sakna Gabríels.. Hlakka til að hitta hann á eftir!

Júróhelgi og Vikudagur

Það er föstudagur í dag og allan dag og sólin skín og einstaklega gaman að vera til í dag. 

Mamma og pabbi komu áðan og buðu mér í hádegismat.  Alltaf jafn notalegt að eiga smá stund með þeim. 

Er farin að hlakka mikið til að hitta Önnu mína á morgun og alla sem verða þar að gleðjast saman með Eurovison sem afsökun á óhóflegu mataræði og drykkju :o)

Svo í sólinni í dag kom þessi mynd af mér í Vikudegi sem er bæjar blað Akureyrar.  Nemendur Lundaskóla droppuðu hérna inn í vikunni og voru í starfskynningu – spurningin var um úrslit KA og Þórs í dag:

nota bene – ég veit varla hvað snýr fram eða aftur á fótboltavelli og skýri þar af leiðandi ekki mál mitt (ha ha ha ha ) !!

Góða helgi og góða skemmtun á Eurovision!

Sólríkur dagur

vá hvað ég elska að byrja daginn á að sjá sólina skína inn um gluggann, sjá hitastigið á mælinum og heyra son minn segja “mamma það kemur sól inn til mín!” svaka kátur. 

Að geta farið í quart buxur, hlýrabol og smá létta peysu utanyfir og berfætt í opna skó… dásamlegt.  

sett í sig linsur því pottþétt þarf að notast við sólgleraugu í dag…

Sonur vandar valið á hvaða stuttermaboli hann ætli nú í – það er mikilvæg ákvörðurn þar sem hann hlakkar svo til að geta farið út bara á bolnum, engin peysa þörf.  - vildi líka fara í stuttbuxum en ég náði að sannfæra hann að síðbuxur væri betri kostur þar sem meiddi á hnjám væru algeng þegar menn léku sér bara á stuttubuxunum í skólanum. 

Sólardýrkandinn ég iða hérna inni á skrifstofunni og stari út um gluggana..

Sumarfrí eftir 37 daga…

…. en hver er að telja …?

ég er ekkert búin að plana neitt í þessu fríi mínu, nema bar slappa af og fara í útilegur með syni mínum.  Ég tek 3 vikur sjálf, á ekki meira – á ekki einu sinni 3 vikur.  Ætla að njóta þeirra með syni mínum.  hann fer auðvitað eitthvað til pabba hans, við erum eitthvað búin að reyna að möndla tímann en ekkert orðið ákveðið þannig. 

Það er allavega ljóst að ekki eru peningar fyrir Hollandsferð þetta árið.  Ég lét mig dreyma í fyrra að fara í ferð til US og vera viðstödd brúðkaup Jeannie sem er í September. En sé ekki frammá að það gerist heldur.  Enda var sá draumur skotinn niður í október 2008 þegar allt fór fjandans til og gengið fór uppúr öllu og allt varð dýrt hérna  heima.  En eins og alltaf þakkar maður fyrir að eiga fyrir reikningum og eiga pening út mánuðinn, og það mikilvægast af öllu; að hafa vinnu. 

Næsta helgi verður skemmtileg.  Er smá hugsun í gangi að bjórast aðeins með vinkonum mínum hérna á eyrinni á föstudagskvöldinu og svo er það FELLLSHÍÐ á laugardag í mega pjúra hrikalegt EUROVISION PARTYYYY með öllu tilheyrandi!! Mikið hlakka ég til að hitta Önnu mína, Hermann og Blíðu sætasta hund í heimi!

Náttbuxur verða með í för ha ha ha !!!

Snjór og ís

Átti alveg yndislega helgi með syni mínum.  Vorum bara heima.  Enda á föstudagskvöldið var hrikalega vont veður.   Snjókoma á hlið á mikilli ferð.  Mér fannst þetta ekkert sniðugt og var heldur fegin að hafa ákveðið að vera bara heima og þurfa ekkert að þvælast út í þetta.

Fórum að sjá Múmínálfana á laugardaginn.  Hann skemmti sér vel, var samt farinn að iða í sætinu þar sem einhverra hluta vegna er ekki hlé á þessum sérstöku barnamyndum eins og td Múmínálfunum, Skoppu og Skrítlu, Bubba Byggir, svo eitthvað sé nefnt.  Og hann hreinlega getur ekki setið kjurr og notið myndarinnar í 70 mínútur.  Á venjulegri bíómynd (td Disney) þá er hlé miklu fyrr og hann fær að hlaupa um og fá útrás.  Greifapizza á eftir :o)

Fórum í jólahúsið í gær.  Stoppuðum ekki lengi.  Hann fékk að velja sér “óvissupakka”.  Seldir eru jólapakkar innpakkaðir svo enginn veit hvað er í þeim.  Hann valdi sér pakka og var rosalega spenntur.  En kátínan hvarf þegar hann opnaði og hann fór að grenja alveg ógurlega.  Hann fékk rosalega fallega jólakönnu.  Hann vildi fá dót og svo hélt hann áfram að gráta.  “mamma ég elska ekki svona – ég elska dót..” En hann sættist við hana þegar hann fattaði að hann gat borðað ísinn sinn úr henni fyrir utan Brynju. 

kíktum í kaffi til Freydísar vinkonu.  Hann og Júlíus fóru út á trambólínið.  Þar hoppuðu þeir í nærri klukkutíma félagarnir.  Gaman að sjá að þeir eru að ná saman.  Enda sofnaði minn klukkan fimm þegar hann slakaði aðeins á eftir að við komum heim.  Eldaði handa honum slátur og hann var sofnaður aftur klukkan átta :o)

Setti inn nokkrar myndir á flikkrið okkar.

Ætla að vera heima um helgina:

“Kaffi og Pink”

þegar ég vaknaði í morgun þá var allt hvítt.  Allt.. Tók extra lengri tíma fyrir okkur að koma okkur út úr húsi því ég varð að grafa upp vettlinga, húfur og lokaða skó… þetta náttla bara gengur ekki. 

Pollýana var snögg á fætur og horfir bara á föstudaginn í hjartanu.   Hlustar á Pink í tölvunni, independent girl power tónlist, með fullt af kaffi í Hollensku appelsínugulu belju sumarkönnunni minni með fiðrildum og blómum. 

Og dansa um skrifstofuna í huganum…

gamalt efni

var að skoða gamlar bloggfærslur –síðan um 2006 og og yfir tímabilið 2007.  Svo margt sem gerðist þá og hve langt ég hef farið síðan þá.  En auðvitað rak ég augun í þetta –sem ég fékk frá vinkonu minni :

Og vá hvað mér fannst þetta viðeigandi þá – en í dag er þetta svo fjarri öllu.  lífið er bara snilld í dag og fer bara batnandi ef eitthvað er!!

Kalt…

mér er hrikalega kalt eitthvað..  Og sybbin.  Fór í fýlu við tölvurnar mínar í gær, netið og draslið ekki að virka.  Fór að sofa ellefu..  Er samt sybbin. Skar mig í gær, þannig að fjandans lokið á maisdósinni fór inn í miðjan þumalinn, og er ég að þjálfa vinstrihandarþumal í að nota spacebarinn á lyklaborðinu, gengur ekki alveg sem skildi.  En er farin að pikka hraðar núna en kl 8 í morgun. Þrátt fyrir niðursuðudósahrakfarir eldaði ég killer kjúllarétt með mexíkósku ívafi! 

Það er verið að moka Fljótsheiðina… það er mai… ég er ekki kát. Það er spáð snjókomu um helgina og ég er alvarlega að spá í að vera heima þessa helgi, fara í bíó með Gabríel á Múmínálfamyndina, hjóla og dúllast með syni, leira, bíló og kubba, mála jafnvel.  Og hangsa tölvunni (ef tölvukvikindið verður farið að haga sér sem skildi)

…. to be continued

Til hamingju með daginn elsku mamma mín!!

Í dag á hún mamma mín afmæli! Og ég þarf að sjálfsögðu ekki að segja að ég eigi bestu mömmu í heimi.  Til hamingju með daginn elsku mamma mín!!

Annars átti ég góða helgi.  Föstudagurinn byrjaði já á hjólatúr okkar Gabríels. Var rosalega gaman  hjá okkur.  Stígvélaði kötturinn fór ekki eins vel þar sem bilun var í gangi og fengum við miðana endurgreidda.

Við skoðuðum mótorhjólin (úr fjarlægð – sumir vildu ekki fara nær) á torginu sem voru að keyra 1. mai rúntinn sinn. 

Fórum á Bláu Könnuna til að hitta liðið úr tölvuleiknum mínum.  Pabbi hans var einmitt þar og fínt að hittast þar og skiptast á dóti og barni :) Ég var svo bara heima um kvöldið.  Rólegheit og kósí. 

Laugardag hjólaði ég 7km… já það eru 3.5km í vinnuna mína.  Og eina fjandans brekkan á leiðnni er 1km!! Og hana labbaði ég því að hjóla hana uppí móti með allt rokið í fangið var ekki mín aðferð eða hugmynd að góðum hjólatúr.  En samt sem áður var ég 12 mín til vinnu og um 35 mín úr vinnu (með þessu 1 km labbi upp brekku með rokið á móti mér) Svo þetta er sko alveg gerlegt hjá mér.   Bara hætta þessum aumingjaskap og hella mér í þetta á morgun (ég er svolítið stressuð) – jafnvel finn ég stundum fyrir að ég sé að guggna á þessu “hjóla í vinnuna” dæmi…  (- þetta er hint um  pepp people!! )

Fór í snilldarmat til Gunna félaga og konu hans Maríu.  Gunni er guðfaðir Gabríels ef einhverjir vita ekki hver hann er.  Mexíkóskur kjúlli bakað í ofni innvafinn í tortilla kökur að synda í osti… jédúddamína hvað þetta var gott – María er snilldarkokkur!!

Og djamm um kvöldið.  Elísa vinkona á afmæli í dag (knús knús) og hún bauð í smá heimboð á laugardagskv.  Singstar og guitarhero, killer brauðréttur og ostar.  Mikið gaman og mikið fjör.  Ég hins vegar lét singstar eiga sig – vil ekki hræða fólk við svona fyrstu kynni – en næst þá verður tekið á því ha ha ha ..

Í gær saknaði ég Gabriels alveg hrikalega..  var eitthvað svo tómt heima og hljóðlátt.  Endaði með að ég lagði mig um sex og steinsofnaði og svaf til að verða átta..

Ég á hjól!!!

og er hrikalega sæl með það.  Er reyndar ekki búin að skíra það eins og Dóa mín skírir sitt hjól, en ég er allavega mjög ánægð með það.  Fórum í morgun út að hjóla við sonur og vorum komin út um níu ! Og hjóluðum til ellefu. Æfðum okkur að hjóla í leikskólann.  Stoppuðum í bakaríi og sumir fengu kókómjólk og kleinuhring.  Og það var rosalega gaman hjá okkur :o)

Í dag er planað að fara í bíó, á Stígvélaða köttinn.  Svo ætlar sonur til pabba síns og vera þar um helgina. 

Mér er boðið í afmælisteiti annað kvöld og það verður örugglega mikið gaman. 

Eigið góða helgi!!

- ef vel er gáð má sjá soninn renna sér í rennibraut í bakgrunninum :o)

Sólin, blessuð sólin

það var yndislegt að vakna í morgun og sjá glampann úti og þegar ég kíkti á hitamælinn þá stækkaði brosið! Sonur fór út á stuttermabolnum – himinsæll með þetta..

Notaði hluta úr hádeginu mínu og sat úti í sólinni, heyrði smá í Amsterdambúanum.  Naut sólarinnar. 

Á morgun verður reiðhjól keypt. 

þarf að segja eitthvað..?

sumarið komið

já ég ætla bara að leyfa mér að hugsa að sumarið sé komið.  Ef það kemur slydda þá ignora ég hana og hún verður ekki til!

Ég kaus, og útkoman var eins og maður bjóst við.  Nú er bara að sjá hvað gerist. 

Mig langar til Amsterdam  Anna og Dóa eru svo heppnar að komast á U2 í júlí, en það er akkúrat dagur sem er ekki fræðilegur fyrir mig að komast; 20 júli og mánudagur í þokkabót.. fyrsti dagur eftir sumarfrí hjá mér.. Það tók nú ekkert lítið á að komast að niðurstöðu með sumarfríið því sú sem ég vinn með og maðurinn hennar eru líka bundin af vinnufélaga hans og opnun verslunnar.. En ég væri samt bara ánægð ef ég kæmist til Dóu, þarf ekkert að fara á tónleika.  Svo ef einhver dettur um ódýra miða, gefins miða eða vill vera ógurlega góður við mig og gefa/lána mér miða til Amsterdam þá endilega commenta hérna með símanúmeri. 

Tala nú ekki um að vinkona mín í Rotterdam, hún Ragga elskuleg átti sitt fyrsta barn 10 apríl… og sú stutta fékk hið fallega nafn Svava.  Og ég er með hugann þar alla daga og skoða myndir látlaust (nema í vinnunin því ég get ekki opnað þær hérna – skrýtið) Og mig langar svo að fara þangað og knúsa litlu dúlluna..

á toppnum!

Mér finnst þessi mynd alveg hreint frábær: 

Þórhalla systir á toppi Kaldbaks!

Kaldbaksferð

Alveg snilldar helgi að baki.  Sonur fór til pabba síns á föstudaginn.  Gabríel er alltaf jafn hress og kátur þessi elska. Það var skipulögð Kaldbaksferð á vegum starfsmannafélagsins hjá Rarik og Orkusölunni hérna á norðurlandi.  Ég bauð systur minni að koma.  Gabríel varð heldur fúll þegar ég sagði honum að við ætluðum að fara saman á laugardag.  Hann vildi sko fara með.  Var ekki alveg að skilja að ég geri hluti án hans þegar hann er ekki heima.  Honum allavega fannst þetta ekkert sniðugt að Þórhalla frænka hans kæmi í heimsókn og hann myndi missa af því. 

En allavega – Kaldbaksferðin var alveg hreint frábær.  Fengum yndislegt veður.  Frábært útsýni.  Fórum upp með troðaranum.  Skrifuðum í gestabókina á toppnum.  Tók fullt fullt af myndum.  Þórhalla skíðaði svo niður með hinu skíðafólkinu.  Ég fór niður bröttustu efstu brekkuna með troðaranum en fór svo fyrri helming (að kaffipásustaðinum) á þoturassi.    Nema hvað að þoturassinn vildi bara ekki vera undir mínum rassi þannig að góðan hluta leiðarinnar var ég bara á rassinum, gólandi , veifandi rauðum þoturassi og gat hreinlega ekki stoppað mig – hrikalega gaman. 

Þórhalla systir sýndi snilldar takta á skíðunum og fór 7km á skíðum niður Kaldbak! Reyndar var færið neðst orðið heldur erfitt og skíðafólkið orðið lúið en allir voru brosandi !

En ég tók troðarann niður seinni helming fjallsins. Ég er búin að setja inn myndir : Kaldbakur 18.04.09.

Svo var farið út að borða um kvöldið á Bellunni.  Maturinn var ljúffengur.  Og skemmtilegt að spjalla við nýju vinnufélagana mína undir öðrum kringumstæðum en í vinnunni.  Gaman að kynnast fólkinu. 

Snilldar páskafrí

Jámm átti alveg yndislegt frí i sveitinni.  Lék við soninn, grét og dansaði af gleði við fréttir af frumburði vinkonu minnar, las bók, borðaði súkkulaði, fór í fjárhús, fór á tónleika, sonur fór á skíði, var inni i snjókomu, gaf litlu fuglunum, fór í lónið … svo eitthvað sé nefnt.

í dag er enn snjókoma, er ekkert kát með það.

á morgun fer ég til Reykjavíkur í einn dag.  Hlakka til að brjóta aðeins upp tilveruna.  Flýg suður í fyrramálið, flýg heim aftur um 18 á morgun.  Sonur verður hjá pabba sínum á meðan. 

Hérna eru þeir Gabríel og afi hans að opna eggið sem Gabríel gaf afa sínum því egg afa hans var brotið og þeim stutta fannst það ekkert smá sorglegt að egg afa hans hafi brotnað:

Páskamyndir má finna hérna: Páskar 2009

Páskafrí !

Ekki alveg enn – en eftir smá stund! Hlakka bara til að komast í páskafrí! Og eiga fullt fullt af dögum með syni mínum!

Ég átti samt alveg frábæra helgi. Var heima á föstudagskvöldinu og var sofnuð fyrir framan sjónvarpið heldur snemma því ég vaknaði og staulaðist inn í rúm og hélt að klukkan væri vel yfir miðnætti.. nei hún var 23:09… og ég svaf á mínu græna til 7 daginn eftir :) Lá bara í bælinu og horfði á vídeó (flakkarann) gerði heldur lítið þennan dag.  Nema um kvöldið fékk ég tvær hressar í heimsókn, og fór svo með þeim út á lífið! Mikið gaman- hló mikið þetta kvöld. 

Sunnudagur fór líka í pjúra leti.  Var smá rykug en ekkert til að tala um.  Lá í bælinu, horfði á flakkarann, spilaði smá wow, gerði heldur lítið! Var farin að finna aðeins fyrir því að sonur væri ekki heima og já þónokkuð af söknuði farið að brjótast fram.  Mánudagur, stutt vinnuvika.  Og sonur á leiðinni heim.  En þar sem hann yrði svo seint á ferðinni þá ákváðum við pabbi hans að best væri að pabbi hans myndi hafa hann yfir þá nótt líka og fara með hann í skólann á þriðjudag. Og ég fékk svo músina mína í gær. Sótti hann í skólann.  Og þrátt fyrir bara 5 daga aðskilnað þá fannst mér hann hafa stækkað. 

Einu tók ég eftir um helgina.  Nágrannar mínir fluttu út.  Þau bjuggu við hliðina á mér.  Og í meira en ár hef ég vaknað við öskur, grát eða læti.  Alla daga vaknar yngsta þeirra grátandi.  Og ég þá um leið.  Þetta mömmu gen í mér ég veit ég veit. En núna í fyrsta skipti um helgina í ég veit ekki hvað langan tíma vaknaði ég bara af því að ég var búin að sofa nóg.  Ekkert ungabarn vakti mig (sem er reyndar orðið vel tveggja ára núna) En hvílíkur munur !!

En við sonur förum á morgun upp í sveit.  Ætlum að eiga þar dásemdarpáska með öllu tilheyrandi!

Gleðilega páska elskunar mínar nær og fjær. 
Njótið þess að borða súkkulaði og eigið góða daga!

ein í koti

jámm sonur fór til pabba síns í gær.  Kom heim eftir vinnu og slakaði mér alveg niður.  Fór og hitti svo tvær hressar á kaffihúsi sem endaði á trúbbakvöldi á kaffi akureyri.  Það var bara hin besta skemmtun og var ég að koma heim um hálf tvö í nótt.  Var á mínum súbba og drakk mitt te og söng með góðri tónlist :o)

Helgin framundan.  Ætla að taka því rólega í kvöld.  Kannski wow’ast smá, njóta þess að vera til, fá mér kannski snakk og horfa á góða ræmu.. sofa út á morgun.  Liggja í bælinu og horfa á nýja efnið á flakkaranum (despó og NCIS) Svo koma tvær hressar í bauka á laugardagskvöldið og við á dansiball :o) Það er bara gaman að vera til þessa dagana! 

11 dagar til páska…

það er strax kominn miðvikudagur.  Áður en ég veit af þá er kominn fimmtudagur og sonur minn fer til pabba síns á morgun.  Hann er að fara með þeím í fermingu Atla Freys, bróður Gabríels.  Þetta á eftri að vera virkilega gaman fyrir hann og erum við td á eftir að fara og finna heyrnatól á mp3 spilarann sem við grófum upp saman í gær.  Hann getur hlustað á Disney sögurnar sínar þá á leiðinni og í flugvélinni ef honum finnst of mikill hávaði :o) Ég er að stressa mig aðeins, veður og færð.  En það þýðir ekkert ég veit ég veit.  Hann er voða spenntur, bara gaman að því og ég vona að hann njóti þess að eiga svona spes helgi með pabba sínum.

En hérna norðan heiða er vetrarríki algjört! Og það snjóar stanslaust! Mér finnst  þetta orðið alveg ágætt! En þó samt sér maður kostina eins og td að það er alltaf nóg af aðkomufólki hérna sem sækir í fjallið sem þýðir að það er eitthvað að gera hjá veitinga og þjónustuaðilum hérna og það er alltaf kostur.  Auk þess sem það verður hægt að fara á sleða um páskana, og jafnvel leigi ég skíði handa okkur Gabríel til að renna okkur á yfir páska :) Og Andrésar Andar leikarnir verða örugglega á sínum stað!

Sumir sybbnir eftir daginn og sofna reglulega bara á þeirri stuttu ferð frá skólanum og heim:)

Gleðilegan óveðursmánudag :o)

Enn ein snilldar helgin að baki.  Fór á magnaða Queen Tribute tónleika á föstudagskvöldið og drakk þar nokkra kalda í góðum félagskap.  Og var dansað á eftir á Vélsmiðjunni. 

Hafði hugsað mér að fara til Önnu minnar í Fellshlíð á laugardeginum, en einhvern veginn þá ákvað ég að fara ekki, og já sem kannski sem betur fer því það er allt kolófært ídag og snælduvitlaust veður.  Nema akkúrat hérna á Akureyri.  En ég veit að það hefði verið meira en notalegt að vera veðurteppt í Fellshlíð.

Svo við Gabríel áttum ljúfan og kósí dag heima.  Bökuðuðm skinkuostahorn og máluðum listaverk.

  

Stutt vor .. haha

já í morgun var ekki vorlegt úti haha ég get ekki annað en bara brosað að þessu.  En í morgun reyndar var ég hrikalega fúl yfir þessu.  En svo hitti ég elskkurnar mínar Önnu og Dóu á msn og auðvitað hresstist maður við!! Og þegar maður hugsar um helgina sem er vændum þá er bara gaman að vera til!

Ætla að hitta stelpur úr world of warcraft leiknum á Græna á morgun, verður gaman að kynnast fleirum hérna á Akureyri.  Ætlum að hlusta á Queen tónleikana sem eru þar í gangi.  Gabríel ætlar að hitta pabba sinn og gista þar. Hann verður kátur með það hann Gabríel. 

Svo er áætlað að fara í Fellshlíð á laugardag.  Ég sagði þeim frá því hérna í vinnunni að ég ætlaði að fara úr bænum og þau störðu á mig.. “já þú semst kemur aftur á þriðjudadag…” þá er víst kolvitlaus spá á sunnudag og mánudag…  Ég ætla bara að skoða málið á laugardag. 

En hérna eru myndir – tók þær áðan á gemsann minn..
Ragga vinkona sem saknar íslenska snjósins – gjörðu svo vel:

Sama og venjulega :o)

ekkert nýtt að frétta.  Bara lífið heldur áfram sinn vanagang.  Vildi oft að vinkonur mínar byggju hérna á Akureyri.  Finn oft hvað ég vildi ég gæti hoppað í smá spjall, stund milli stríða.  Stundum  þá er bara msn ekki nóg.  Og eins og allir vita þá getur góður kaffihúsahittingur gert gæfumun í skapi manns.  Það er stundum erfitt að vera alltaf kátur þegar maður er bara alltaf einn.  Sonur minn elskulegur er minn gleðigjafi og gefur lífinu tilgang.  En stundum þá þarf maður að tala við vini sína og vinkonur. 

Annars átti ég frábæran afmælisdag með milljón kveðjum.  Og með smá nammidekri og svo auðvitað knús frá syni mínum.  Takk fyrir allar kveðjurnar :o)

Eníveis.  Okkur líður allavega vel og þökkum fyrir að hafa það sem við höfum.  Þessi mynd er tekin af mínum elskulegum þegar við vorum á leiðinni í leikskólann í morgun, hlustandi á Linkin Park :

Afmælishelgi

Hrein yndisleg helgi að baki!  Við sonur fórum upp í sveit á föstudag.  Alltaf gott að koma í sveitina. Sonur minn meira að segja tók upp að labba eðlilega á föstudagskvöldinu, og fann ekkert til.  Varð svolítið þreyttur þegar hann var búinn að labba fram og til baka húsið endilangt í all nokkurn tíma :)

Þórhalla systir átti svo afmæli á laugardaginn – Til hamingju með daginn elsku systir!! Og hún fór af bæ með sínum manni þessa helgi.  Stórafmæli á ferð og ákvað að eiga dekurhelgi að heiman.  Hún var svo með smá kaffiboð í gær þar sem við hin fengum að knúsa hana til hamingju með daginn.  Og hvernig hún galdrar fram dekkhlaðið borð af hnallþórum þannig svignaði undan á klukkutíma er mér óskiljanlegt, en hún er ein af þessum ofurhúsmæðrum. 

Mamma mín bauð mér í lónið á laugardagskvöldinu.  Gabríel var heima hjá afa sínum og ég veit að þeir áttu góða stund saman, allavega var Gabríel með súkkulaði frá eyra til eyra, brosandi hringinn, og hrikalega ánægður með tilveruna.  Við mamma nutum veðurblíðunnar, með stjörnubjörtum himni, ég fékk mér bjór og við slökuðum svo á.  Mikið var þetta notalegt – takk kærlega fyrir mig elsku mamma og pabbi!

Ég mætti svo með kökur handa liðinu hérna í vinnunni í dag.  Hefð hér að afmælisbarn komi með smá gúmmulaði handa hinum og var vel tekið í smá sætt svona á mánudagsmorgni. 

þessa fallegu mynd sendi systir mín mér í morgun með afmæliskveðju.

Í dag er fallegur dagur úti og ætla ég að njóta þess að vera til :o) 

Morgunverður á Flúðum

Alltaf gott að byrja daginn á að kíkja í kaffi á Flúðir.  Eiga góða morgunstund með Gabríel.  Maður verður eitthvað svo endurnærður.  Þau bjóða reglulega í morgunverð og kaffi á eftir.  Og við sitjum inni í sal sem þau borða börnin með þeim og fáum okkur morgunmat og spjöllum.  Virkilega gaman.  Gabríel sýndi mér dótið sem honum finnst gaman að leika sér með og við bjuggum til bílabraut.  Virkilega notalegt. 

Sylvía elskuleg kom í heimsókn í gær.  Hún var að vinna til sjö og kom svo í pizzu til okkar Gabríels.  Mjög gaman að fá hana í heimsókn og Gabríel alveg naut sín í botn við að sýna henni dótið sitt og bílana.

283 dagar til jóla…

Alveg snillar helgi að baki! nammi, sof, tölvan, barnaefni, hlátur og skvaldur, máluðum, kubbuðum, spiluðum,  alveg quality time helgi hjá okkur.

Fórum í bíó að sjá myndina um Ævintýri Despereaux og hún er alveg æði. Við Gabríel skemmtum okkur konunglega, með poppið okkar, nammið og kókið.  Ég skemmti mér alltaf jafn vel á þessum myndum og börnin!

Fórum í jólahúsið í gær, vá hvað ég elska þennan stað.  Lyktin, dótið, tónlistin, andrúmsloftið þarna inni.  Kveikt upp í arninum.  Ég elska jólin, mér líður alltaf svo vel.  Nánast eini tíminn á árinu sem maður er bara.  Friður sem ríkir hjá manni, og það færist yfir á sálina og í hjartað.  Í öllu stressi sem fylgir nútímanum, þegar maður er orðinn fullorðin.  Og að fara í jólahúsið finn ég alltaf fyrir þessari góðu tilfinningu sem ég fæ um jólin.  Ég gæti setið í stólnum sem er niðri við tréð,  undir gauksklukkunni, endalaust og bara látið hugann reika.. reyndar þegar sumir litlir eru með þá er ekki alveg tími til þess. En ég smitast alltaf af hans barnslegu gleði yfir öllu fallega dótinu þarna.   Ég kem endurnærð úr ferðum í jólahúsið, þó við stoppum ekki lengi við. 

Annars er bara við það sama. Bíllinn minn er stríðinn, fer stundum í gang við fyrsta sviss, og stundum ekki.  Og núna erum við búin að komast að því að hann er ekki rafmagnslaus því á föstudaginn þá vildi hann ekki fara strax í gang, og þegar ég var búin að kalla út herliðið til að starta honum (Hallur í EJS) þá var ég eitthvað að jugga lyklinum í svissinum á meðan ég beið eftir Halli og kvikindið fór í gang.. laugardag líka, en í gær og í morgun, eins og hann hefði aldrei gert annað en að fara í gang..

Ég á afmæli eftir viku..34 ár.  Finnst ég samt ekki degi eldri en 27 ára.. I wonder… systir mín verður big 4 and 0 .. Veit ekki alveg hvernig ég á að tækla aldurin. 

Mér finnst dásamlegt að það er næstum orðið bjart þegar klukkan hringir á morgnana.  Og mér fannst yndislegt í morgun þegar ég fór út að heyra fuglana syngja!

Alltaf jafn gaman að mæta í vinnuna.  Það er bara eitthvað svo gaman að vera til í dag, jafnvel á mánudegi!!

(284 dagar til jóla 15.03.09)

.... einu sinni enn föstudagur...

hrikalega líður tíminn hratt..!! ég er ekki alveg að fatta þetta - strax aftur kominn föstudagur.  Finnst eins og í gær að Anna mín væri að koma og við værum að fara á Hálfvitatónleika.  Sem voru btw hrikalega skemmtilegir.  Og við Anna hlógum svo mikið. 

þessi helgi er plönuð í afslappelsi.  Við sonur erum búin að ákveða á hvaða mynd við ætlum í bíó. Og svo er planið að fara í jólahúsið líka.  Mikið verður þetta gaman hjá okkur!

Hann er allur að koma í fætinum.  Hann er ekki byrjaður að labba eðlilega aftur , en er farinn að stíga meira í fótinn og æfir sig.  Gruna hann um að finna fyrir brotinu, og ég veit að hann man vel eftir sárskaukanum.  Þegar hann steig óvart í fótinn hjá lækninum sama dag og þetta gerðist þá fór hann að gráta, og ég hef aldrei séð hann gráta eins og hann gerði þá.  Svo ég ljái honum ekki fyrir að vera hræddur. 

Það er reyndar vélsléðamót í sveitinni með balli og tilheyrandi, en ég er samt að spá í að vera bara sófarotta þessa helgi. 

Mér líður afskaplega vel.  Alltaf jafn gaman í vinnunni.  Mamma og pabbi komu áðan og buðu mér í hádegismat hrikalega gott - takk fyrir mig elsku mamma og pabbi.  Pabbi setti líka eitthvað sprey á bílinn minn; hann vildi ekki fara í gang í morgun, en svo datt hann í gang (á minni frekju einni saman) sem þýðir að þetta er ekki í geyminum... pabbi er alveg hvumsa yfir þessu... kemur í ljós kemur í ljós. 

Jámm gaman að vera til....

Þreytt á snjónum

En það er bara ekkert við því að gera.  Ekki á ég penge til að flýja út í sólina.  Þakka bara fyrir að eiga bíl sem fer í gang og er fljótur að hitna, hlý föt og góða skó, og sonur minn á góðan snjógalla, góða skó og góðar húfur og vettlinga.  Við erum við öllu búin.  Er meira að segja með reipi í skottinu til að kippa litlum bílum uppúr sköflum eða ef mig vantar aðstoð við skaflana..

Annars er lítið að frétta af okkur.  Gabríel notar fótinn alltaf aðeins meira hvern dag, og þetta kemur allt saman. Hann er samt ragur enn við að stíga í fótinn, hræddur greinilega. 

Langar hrikalega í Fellshlíð næstu helgi.  Er samt ekki viss um hvort ég eigi að drösla Gabríel í burtu aftur þar sem hann er ekkert búinn að vera heima í fríi svo lengi.  Og næstu helgi þá förum við í sveitina þar sem þá er afmælishelgin okkar Þórhöllu systur. Kemur í ljós kemur í ljós..

Hálfvitar og ófærð..

Sótti guttann minn í sveitina á miðvikudag, en hann er ekki alveg farinn að labba ennþá.  Hefur bara gott af því að fara í skólann og gleymir sér frekar þar en heima. 

Anna mín kom á föstudaginn og við skelltum okkur á tónleika á Græna Hattinum.  Hálfvitarnir voru að spila og var það hin besta skemmtun.  Nýja efnið þeirra er mjög skemmilegt.  Svo fengum við Anna okkur vel í báðar stórutærnar og maður var þægilega rykugur daginn eftir.  Held að við höfum verið á fótum til hálf sex við að kjafta :) Þetta er alveg nauðsynlegt að gera.  Tvær saman að sötra bjórA og kjafta og skemmta okkur saman! Ég skemmti mér svo vel að ég lifi á þessu lengi. 

Fór uppí sveit.  Nennti ekki að fara heim aftur þann dag svo ég gisti uppfrá og knúsaði drenginn minn.  Hefði kannski átt að fara þar sem við urðum svo veðurteppt þar.   Sylvía og Áslaug höfðu verið svo yndislegar að grípa Gabríel með sér á föstudag og hann talar um það hvað það var gaman og það sem þær gerðu með honum.  Dekruðu hann alveg.  Svo þær voru veðurtepptar þarna líka.  Æ bara fínt að slappa af.  Þær voru svo yndislegar að taka Gabríel með sér út að leika í gær í vondaveðrinu.  Hann var ekkert smá kátur með þetta.  Setti inn myndir: Úti að leika í vondu veðri.

Vöknuðum svo í morgun og biðum eftir að sjá rauðu línurnar breytast í hvítar á vefnum hjá Vegagerðinni.  Og þrykkti súbba í gegnum nokkra skafla á leiðnni.  Áttaði mig náttla ekki á að nyrðri leiðin í kringum vatnið er mokuð á eftri syðri.  Ég fór nyrðri hehe og stelpurnar á Boru í kjölfarið :) en að sjálfsögðu sökum ógurlegrar ökumannshæfni okkar Áslaugar þá komumst við í gegnum þá :o)

minn maður farinn að stíga í fæturna :)

Jámm leikur getur hjálpað til og hvað er betra en snjór og flottur bíll:

Boðskort í fermingu..

Hann sonur minn fær boðskort í fermingu bróður hans.  Mér finnst þetta bara gaman! Veit að pabbi hans fer og vonandi verða aðstæður þannig að hann geti nú farið með honum og hitt Atla stórabróður eins og hann kallar hann :o)

Snyrtipinninn

Á sunnudag kom ég við í opnunarteiti Snyrtipinnans! það er bara frábært að sjá vinkonu sína opna stofu og þetta er svo flott hjá henni!!

Til hamingju með þetta elsku vinkona!!

Ein í koti.

Við áttum snilldar helgi í sveitinni.  Fórum á vatnið, ísilagt og á kafi í snjó.  Veiddum silunga í gegnum vök, lékum okkur á sleða, og það var rosalega gaman. 

Hann er enn fótbrotinn þessi elska.  Ég kom ein heim á sunnudeginum.  Mikið var tómlegt heima.  Vantar litla kút til að dralsa allt út og kalla mamma mamma.  Sæki hann sennilegast á morgun.  Hann er farinn að langa svo heim að hann reynir að stíga í fótinn.  Og er farinn að geta tillt í tána svo þetta er allt að koma. 

Það er bara allt við það sama hjá mér.  Alltaf gaman í vinnunni.  Súbbinn farinn að hegða sér aftur.  Laus við alla karlmenn.  Fann um daginn að ég var að leyfa neyslu fyrrverandi að hafa áhrif á mig.  En ég hristi það af mér.  Mér fannst leiðinlegt að heyra ekkert frá honum út af síðustu pabbahelgi.  Og finnst vont að neyslan skuli enn hafa áhrif á mitt líf og núna Gabríels líf.  Sýnir bara hvað þetta smitar út frá sér, og hefur áhrif á miklu fleiri en bara þann sem er í neyslunni.  Vildi bara að ég gæti losnað undan þessu.  Ekki þurft að alltaf hugsa "skildi hann eða ekki... " Það er svo sárt vegna Gabríels.  Og aftur finn ég fyrir því að ég er hreinlega ekki tilbúin til að taka áhættu á að hleypa öðrum inn.  Treysti bara ekki.  Held oft að ég sé nú komin á þann stað að það væri nú fínt að fara að huga að þessum málum.  En svo einmitt gerist eitthvað og ég fæ bakslag og bakka aftur inn í öryggið mitt. 

Þannig í dag nýt ég þess að vera bara ég og hlakka til að fá soninn minn heim.  Tek hverjum degi eins og hann er og tekst á við hann með jákvæðni og æðruleysi. 

Skemmtilegt sms

hæ ég fékk þessa mynd í smsi í morgun, og bara varð að deila henni með ykkur:

"Góðan dag elsku mamma, góður morgunmatur hjá ömmu.

Cerios rúsur,epli, skrúfur og ís.."

Öskudagur

ég er stolt mamma Spidermans í dag :) Hann var ekkert smá kátur að fá að fara í spiderman búningnum í skólann.  Þegar við komum þangað þá tóku annar spiderman og batman á móti okkur. 

Bíllinn minn fór í gang.  Fór og sótti nýjan rafgeymi í hann og þeir voru svo indælir á Olís stöðinni við Tryggvabraut að smella honum í fyrir mig líka :) á meðan sofnaði fótbrotna barnið mitt værum síðdegisblundi í bílnum.  Fannst þetta greinilega virkilega notalegt.

Ég sótti hann þrjú.  Dagarnir eru allt of langir fyrir hann svona, á meðan hann er brotinn.  Núna krosslegg ég putta um að þeir nái að halda Víkurskarðinu opnu í dag.  Sæki hann í hádeginu og fer með hann uppeftir.  Planið er að slá kött úr tunnu þar.  Og svo ætlar hann að verða eftir hjá afa sínum og ömmu.   Það er skítaveður úti.

Er að hlusta á börnin syngja niðri.  Núna er ég ekki í miðri eldlínunni við nammiafhendingu.  Þetta er ágætt.  Gaman að heyra mismunandi lög, en alltaf eru Bjarnastaðabeljurnar vinsælar.  Best þó enn sem komið er að heyra lagið Sonur Hafsins með Ljótu Hálfvitunum.  Og krakkarnir tóku það býsna vel, allavega gat ég sötrað kaffið mitt við skemmtilegt lag.

Eigið góðan dag í dag vinir og fjölskylda nær og fjær!

Gabríel við rafgeymaskiptin.