hæ

já ég er á lífi - og ég sendi út jólakort !!! fyrsta skipti ever sem það tekst hjá mér. Jólagjafir að mestu tilbúnar, reyndar svolítið sein í þeim sem þurfa að komast til Dk, en það verður vonandi fyrirgefið.

Jólin eru að koma, hlakka bilað til, ætlum að vera heima hjá okkur, hlakka til þess líka, orðið jóló heima hjá mér.

Fékk jólafílíng beint í æð sl helgi á Eyrinni.

Gabríel er alltaf jafn yndislegur.

Snjólaust.

Maðurinn minn alltaf jafn duglegur.

Vinnan fín, nema kaffið er hræðilegt.

Alltaf jafn blönk.

En lífið er yndislegt og ég hlakka til næsta árs!

knúúúús!

Fráhvarfseinkenni

Sko - eftir mjög svo vel heppnaða laufabrauðshelgi í Mývó þá finn ég að ég er komin með hræðileg félagsleg fráhvarfseinkenni frá fimm fræknum fljóðum.....
Ég hitti eina góða vinkonu um helgina og ég fann þegar hún var farin að ég hefði viljað hafa hana hjá mér miklu lengur, í meira næði til að spjalla meira saman. Takk fyrir að kíkja inn elsku Anna mín!
Og þá fann ég einnig enn meir hvað ég sakna vinkvenna minna í bænum...
En ég er annars rosalega kát þessa dagana, jólin á næsta leiti, ætla að hengja upp seríur í kvöld, Gabríel yndislegri en allt sem yndislegt er, og stækkar og stækkar..... Hann er núna farinn að borða með okkur alltaf á kvöldin og borðar okkar mat. Tennur no 7 og 8 eru að skríða í gegn, með tilheyrandi látum.
Og púkahornin og halinn koma oftar og oftar í ljós, hann hefur húmor þessi elska. Ragga - hann er með húmor afa síns !! Þið eigið eftir að vera góð saman!! Einnig þá er afar sterkt í honum "láttu mig vera ég get sjálfur" hef á tilfinningunni að þetta verði ein af hans fyrstu setningum - ákveðinn og sjálfstæður! Vill skoða allt, prófa allt og gefst ekki upp fyrr en takmarki er náð. Það er td vegna þessa sem hann er næstum farinn að borða sjálfur með skeið, við megum bara ekki hjálpa, hann vill gera þetta sjálfur. Matur á ekki að vera stappaður, hann skal vera í bitum svo hann geti borðað hann sjálfur, og reynir að stinga í með gaffli. Farinn að drekka úr glasi, drekkur sjálfur úr stútkönnu - ég hjálpa með glasið. Hann er ekki farinn að labba enn, en það stoppar hann ekki, hann fer sínar leiðir og hefur sinn hátt á. Fullkomlega eðlilegt heilbrigt og hraust barn sem segir "namm namm" þegar hann sér lýsisflöskuna, "datt" (þykist vera voða hissa) þegar hann er nýbúinn að grýta hlutnum á gófið.....

SKO

mig langar bara heim þegar veðrið lætur svona - heim, undir teppi, með kakó og loftkökur, Gabríel að leika sér og ég lesa Harry Potter nýju bókina...

Kominn vetur

Halló dúllurnar mínar. Sorry hvað ég er hræðilega löt að skrifa, en það er bara nóg að gera hjá mér og þegar ég kem heim er dagurinn allt annað en búinn. Litli sonur minn, sem stækkar og stækkar á mig alla þegar ég kem heim og þar til hann fer að sofa, öðruvísi vildi ég ekki hafa það. Okkur líður annars mjög vel.

Það er bar komið ógisslegt veður úti, veturinn kominn með öllu sínu. En samt finnst mér þetta allt í lagi. Ef ég kemst ekki í sveitina á morgun, þá læt ég bara fara vel um mig heima og hengi upp jólaseríur og lýsi upp þetta myrkur sem umlykur allt í kringum mann þessa dagana, en þið kannski takið ekki eftir því að það er nánast alltaf dimmt núna. Maður tekur einhvernveginn meira eftir því þegar maður er svona úti á landi þar sem borgarljósin ná ekki til manns til að lýsa upp umhverfið. Maður þakkar fyrir stjörnurnar og þegar tunglið er fullt, þá er ekki alveg eins dimmt. En annars er alveg kolniðamyrkur. Hjölli ætlar að hjálpa mér að setja upp seríur á hæð 2- það verður skemmtileg breyting að sjá jólaljós þar uppi, í stað dimmrar og drungalegrar hæðar. Eins og litlu krakkarnir kölluðu Sunnuhvol "draugahúsið" eða "nornahúsið"

Svo já - to sum up - jólaseríur eru á leiðinni upp hjá mér...

Til bjargar á mánudegi

súkkulaði kassinn er kominn aftur...

Glæpur?

er það glæpur að fá sér súkkulaði fyrir klukkan 09:00 á föstudagsmorgni?

Og ef svo er hverjum er þá það að kenna? Er það manninum sem setti stóra fallega York Peppermint Patties kassann upp á hillu í allra augsýn og í almennri gönguleið sem liggur ma á klósettið svo maður kemst ekki hjá því að ganga fram hjá silfurlituðum umbúðum ilmandi súkkulaðis???

• Komment vel þegin!

Ekkert msn

ég held að það sé búið að slökkva á msn - þe búið að loka á það í servernum.... Ég allavega næ ekki að loggast inn - grátur grátur - og þar sem ég er ekki komin með meil hérna þá er ég algjörlega ein í heiminum - ekkert tengd við "the outside world" .... ansk.. helv.. djö....

Lasin í dag

í gær sagði ég að ég gæti alveg eins setið í vinnu við tölvuna eins og heima hjá mér - en í dag var ég borin ofurliði og var heima.

útivinnandi mamma

ég hefði aldrei getað ímyndað mér hve flókið þetta getur orðið. En ég er heppin, Gabríel á frábæran pabba, og er sjálfur svo góður. Síðasta vika var strembin, en við lærum öll á þetta. Ég tek bara ofan hattinn fyrir einstæðrum mæðrum!

Vinnan er fín. Hresst fólk sem ég vinn með, góður andi, frá öllum hornum heims. Naut þess að eiga "helgarfrí", knúsaði barnið mitt, karlinn minn og hundinn minn, lék mér í tölvunni, svaf út á sunnudaginn, og náði mér í einhvern flensuskít einhverstaðar. En það er ekki svo slæmt, nefrennsli og smá hausverkur, get alveg eins setið hér fyrir framan tölvuna go heima fyrir framan tölvuna þar.

Ég vil óska kærri vinkonu minni - dugnaðar konu - til hamingju með syni sína tvo, sem eiga afmæli um þessar mundir!! Knús og kossar að austan!!

Litli labbapabbakútur

þetta er fyrsti vinnudagurinn frá rúsínustráknum mínum - og ég sakna litla mannsins....

so far so good

jæja - þá er ég komin í vinnu - eftir langan tíma utan vinnumarkaðarins. Þetta lítur allt ágætlega út hérna. Eitthvað vesen hvað varðar vinnustundaviku - 40 eða 48 tímar, samningur segir 40 svo ég vona að það haldist. Finnst svolítið langt að vera í 48 vinnuviku, frá honum Gabríel mínum. Skrifborðið mitt ekki reddí enn, tölvan ekki komin enn, er núna við skrifborð einnar sem er lasin í dag (mánudagsveiki??)

allavega - ókei að vera komin í vinnu - pikka inn tölur....

Ég er á lífi

hæ hó honeys - ég er á lífi jámm og jæja. Er núna búin að vera heila viku í Mývó og er orðin afar þreytt og komin með mikla heimþrá. Alltaf gott að vera hjá mömmu og pabba, en ég er farin að sakna tölvunnar minnar, stólsins míns, hókus pókus stólsins, rúmsins míns, og já auddað Hjölla mar! Hann og Gunnar eru búnir að vera í að draga nýtt rafmagn í húsið okkar. Hlakka til að sjá árangurinn.

Ég er komin með vinnu - byrja að vinna næsta mánudag - enda er komið MEGA stress í mína núna. Svona fyrstivinnudagarstressið er að herja á mig... það er semst reikningadeild Alcoa sem ég er að fara að brasa við. Ég sendi nánari details þegar ég veit meira - allavega á ég að mæta á svæðið kl átta nk mánudag!!

Ég er reyndar afskaplega ánægð með þetta!

'till later - knús og kossar

Góð lesning

Hún Jóhanna mín kæra er með snilldar færslu í dag http://nutnews.blogspot.com/ sem ég hvet ykkur til að lesa og spá aðeins í....

Ég er að fara

í sunnudagaskólann núna klukkan 11:00. Ég er að fara með Gabríel ekki halda að ég sé orðin klikkuð. Ég hugsa að hann hafi gaman og gott af því að fara, hitta aðra krakka, heyra tónlist og hlusta á sögur.

Klukk....

ég var klukkuð af henni Dóu minni - þarf að finna 5 vitagagnlausar staðreyndir um mig.... og það er nú ekki það auðveldasta sem ég hef gert um ævina.

1. Þegar ég var lítil þá var ég (og reyndar er) afskaplega hrifin af hestum, og þar sem foreldrar mínir álíta að þeir séu best geymdir í tunnu þá fékk ég ekki einn slíkan svo ég bjó mér til hest úr tveimur eldhússtólum og lék mér þannig.
2. Ég dýrkaði Madonnu á mínum yngri árum
3. Ég elska að labba úti í hlýrri dembu (sem gerist aldrei hérlendis)
4. Ég komst upp með að brjóta fallegu skálarnar hennar mömmu því ég var svo "róleg" - þær bara óvart "duttu"
5. Ég átti bangsa sem hét Misja - í höfuðið á rússneskum bangsa í teiknimyndasögu sem ég horfði á þegar ég var lítil. Bangsinn er enn til, uppi í skáp hjá mömmu, hann fékk ég þegar ég fæddist frá systur minni elskulegu sem gerði götin í eyrun á mér.

Þar hafið þið það dúllurnar mínar! Ég skora á Vilborgu vinkonu til að setja upp blogg og koma með næstu 5 vitaganglausar staðreyndir um sjálfa sig.

Frosin

Sit hér við gluggann í tölvuherberginu mínu og er frosin. Gabríel sefur úti og ég verð að hafa gluggann opinn til að heyra í honum ef hann skildi vakna.
Reykjavík var frábær, en gott að koma heim. Náði að sjálfsögðu ekki að hitta alla sem mig langaði til að hitta, en svona er þetta bara.
Kom heim á nýjum bíl, hinn er á Akureyri og verður hann húsbóndabíll þegar Hjölli fær prófið. Minn er 98 módel subaru impresa - rosa flott og æðisleg.
Verslaði fullt og meira í bænum, fékk algjört kast í barnafatabúðum. Finn soldið til í veskinu, en hey - ég á ekki eftir að gera þetta aftur á næstunni.
Setti inn myndir úr ferðínni á síðu sonarins sem þið getið nálgast hér og séð hvað ég á laaang fallegasta barnið í heiminum!!!

kem í bæinn á morgun

að 15:55 staðartíma, verð á bílaleigubíl þar sem ég er alls ekki að nenna að keyra þá splæsti ég á mig flugi.

á faraldsfæti enn einu sinni

jæja dúllurnar minar. Nú fer að koma að því að við komum í bæinn. Erum að reyna að finna íbúð í viku en það gegnur ekki nógu vel þar sem þetta er með dulítið stuttum fyrirvara. Hjölli er þegar farinn suður. Málið er bróður Hjölla líður ekki allt of vel. Og fór Hjölli suður til að hitta hann áður en áætluð ferð til Finnlands hefst hjá Nonna (bró) en þar eru áætlaðar fleiri aðgerðir.
Okkur langar til að vera í viku, svo ef einhver veit um einhverja íbúð sem við getum fengið leigða (með búnaði) þá væru það vel þegnar ábendingar.

Annað - göngin eru bara snilld!! Fór til Reyðarfjarðar í gær - til að versla - og ég var bara klukkutíma í burtu - með akstri fram og til baka (dúllaðist í búðinni) Maður er núna bara korter til Reyðarfjarðar í stað 40-50 mín og auk þess sem allt er núna á sniiiildar vegi!!

Opnun Fáskrúðsfjarðargangna í dag!

Já loksins í dag verða þau opnuð þessi langþráðu göng. Það er eitthvað húllumhæ í kringum þetta en mér er alveg sama um það - hlakka bara til að fara að nota þau.
Ætlum upp á Egs í dag að skoða bíl fyrir Hjölla en hann fer nú að fá prófið aftur blessaður - rosalega hlakka ég til. Svo sennilegast keyrum við löngu leiðina þangað en stuttu til baka!!

Var að uppfæra síðuna hjá syninum - vona að ykkur líki hún, setti inn fleiri myndir líka. Hann er víst orðinn 8 mánaða og 2 vikna - rosalega líður tíminn - eins og vinkona mín hún Jóhanna sagði - áður en ég veit af þá verður hann farinn að missa barnatennur og að byrja í skóla.. ég hugsa að hún hafi rétt fyrir sér þar blessunin.

Hafið það gott um helgina djásnin mín.

Mygluð....

Hvaðan skildli barnið hafa það að vakna kl 6 !! Þó svo ég sé morgun hress þá er ég ekki alveg svooo hress að ég skvettist upp úr rúminu kl 6 og ráðist á daginn. Það þarf "ritual" þegar vaknað er svona snemma. Rumska og fara framúr, pissa með lokuð augun, passa að dagurinn nái ekki alveg að komast að fyrr en maður er kominn að kaffivélinni (enn með lokuð augun) og fá sér kaffi. Þá þarf maður að setjast niður og súpa heitt nýlagað kaffið, og átta sig á staðreyndum að maður er vaknaður og gera líkamanum það ljóst - ásamt heilanum að nú sé kominn tími til að fara að starfa. Sé þetta ekki gert svona er hætta á því að maður verði úríllur, geðvondur, pirraður og þreyttur allann daginn - aka "að hafa farið fram úr vitlausum megin"

Sökum FJÖLDA áskoranna

þá hef ég ákveðið að hripa niður nokkrar línur. Já okkur líður afskaplega vel. Gabríel stækkar og stækkar og er alltaf jafn yndislegur í alla staði. Hann er kominn með 4 tönnslur, 2 uppi og 2 niðri og er geysilega montinn af þeim. Hann er farinn að skríða og sitja eins og herforingi, og vill vera á fartinu daginn út og inn. Sefur rosalega mikið og borðar vel, enda hraustur og flottur strákur!! (ég er enn montin af honum og sennilegast held ég áfram að vera það um ókomna tíð)

Innilegar hamingjuóskir með afmælin, Vilborg og Jóhanna!!! Þið eruð flottar og ég sakna ykkar beggja mikið! Eins og fleiri. Ég fæ reglulega yfirþyrmandi söknunartilfinningu til ykkar allra! Og ég er farin að þarfnast helgarfrí í Reykjavíkinni. Spurning hvort maður mætti koma einn?

Sumarið leið allt of hratt (like always) Var mikið á flakki í sumar, er td nýkomin frá Mývó - þar sem ég var svo heppin að hitta Önnu og Eddu, og hitta son Eddu í annað sinn og fór það betur en síðast. Drengurinn hennar er rosalega flottur strákur og má hún vera montin af honum!!!

Hjölli mega duglegur að gera við hæð 2, enda fer hún sennilegast að komast í gagnið, mikið hlakka ég til. Þá flytjum við tölvurnar upp og Gabríel fær sitt eigið herbergi hér niðri - þá mitt herbergi. Hlakka til að gera það að alvöru barnaherbergi - ætla að skreyta það sjálf, mála á vegginn og þess háttar.

Jamm ekki mikið meira um að vera hér, öllum líður vel, allir hraustir og hressir.
Bið afsökunnar á netletinni í mér.....
knús og kossar til ykkar allra!!

home sweet home

jamm við ákváðum að fara heim á mánudaginn. Hjölli á að mæta í skoðun inni á A-eyri 4. ágúst svo við nenntum ekki að bíða þangað til. Gott að koma heim!
Fórum alla leið í Varmaland, komumst ekki lengra suður enda var það ekki á planinu. Ættarmót var fínt, rosalega heitt og Gabríel ekki alveg að fíla allann þennann hita. Hann var samt algjör gullmoli, og knúsaður af mörgum ættmennum Hjörleifs.
Vikan okkar á Akureyri var afskaplega róleg og notaleg. Vorum ein í húsinu hans tengdó og létum fara afskaplega vel um okkur. Ég hins vegar náði að tábrjóta mig á litlu tá - þið sem þekkið mig þá vitið þið að ég er einstaklega heppinn á þessu sviði. Ekki gott, blæddi inn á liðinn og hvað eina - er með teipaða tá núna.
Við fjárfestum okkur í nýju rúmi. Var á mega afslætti í Húsgagnahöllinni um helgina - sjá bækling sem kom í öll hús. Og við splæstum líka í gasgrill og er Hjölli búinn að taka til staðinn fyrir grillið en það er væntanlegt með pósti í dag. Rúmið kom í gær og í morgun var fyrsta skipti sem ég vakna og er ekki að drepast í bakinu - þvílík snilld.
Gabríel er kominn með 2 tennur í viðbót - í efri góm. Hann er einstaklega pirraður út af þessu, en samt er alltaf stutt í brosið hjá þessum gullmola mínum. Hann tók þessu flakki okkar einstaklega vel. Brunað suður á laugardaginn, norður aftur á sunnudag og svo austur á mánudag. Hann var reyndar farinn að mótmæla þegar við vorum að nálgast Egs, en það er bara skiljanlegt. Ég var farin að mótmæla löngu áður.....

Road trip

Við erum alveg við að leggja í hann. Áætlað er að fara til A-eyrar og vera þar í einhverja daga og dúllast. Vonandi verður gott veður. Svo er jafnvel áætlað að bruna suður næstu helgi. Ættarmót og fleira. Svo mín kæru - dyggu lesendur - kannski hittumst við !
Verið góð hvert við annað.

Meiddi...

datt í gær - er með stóran skurð á vinstra hné......

fæðingar, skírnir og fleira

jæja - sorry dyggu lesendur. Bara í sumarfríi, sit samt rosalega mikið við tölvuna en er ekki í stuði til að blogga. það sem er fréttnæmast er þetta:

• þann 25. júni átti mín kæra æskuvinkona Edda Björg sitt fyrsta barn, drengur, 14 merkur og 54 cm. Hann er rosalega flottur sá strákur, en við Gabríel fórum og hittum þau mæðgin á fæðingardeildinni á Húsavík. Ótrúlegt að hugsa til þess að Gabríel hafi verið einu sinni svona lítill.
• Þann 2. júlí var Gabríel Alexander skírður. Athöfnin fór fram í Kolfreyjustaðarkirkju, sem er hérna rétt utar í firðinum, afskaplega falleg, lítil og gömul sveitakirkja. Séra Þórey frænka sá um athöfnina. Var fámennt en góðmennt, en við ákváðum að bjóða aðeins nánasta fólki, vona að engum sárni sú ákvörðun okkar.
• Búið að vera svakalega gott veður.
  
• Fór í sund með Gabríel á sunnudaginn sl. Drifum Rímu og Hartmann með, svaka stuð!
• Þórhalla systir, Lalli og Hjörtur Smári eru í bústað á Einarstöðum (rétt við Egs) Hitti þau á mánudaginn sl. Rosa gaman.
  
• Hartmann átti afmæli núna 9. júlí, eins árs guttinn, var rosa fín veisla.

Jamm - ekki mikið að gerast. Allir hraustir og hressir.

Vegalengdir...

er styttra frá Fáskrúðsfirði til Reykjavíkur, en frá Reykjavík til Fáskrúðsfjarðar??

Allt við hið sama

og ekkert að gerast. Gabríel alltaf jafn rólegur og yndislegur. Hann er svakalega duglegur þessi elska, næstum farinn að sitja sjálfur. Skoðar allt, talar við alla, rosalega hress og hraustur. Ég bíð svoooo spennt eftir litla bumbubúa hjá Eddu vinkonu. Hlakka til að hitta hann/hana.
Hjölli er búinn að vera mikið uppi á hæð 2, enda er hún líka orðin geggjuð. Hann er að panelklæða hana, og það kemur svooo vel út.
Gabríel er reyndar pirraður oft vegna tanna og hefur verið að vakna um 6 á morgnana. Ég er orðin ágætlega þreytt.
Fæðingarorlofið mitt fer að verða búið og mér óar við hve hrikalega fljótt tíminn líður.

Lítil (stór) prinsessa komin í heiminn!

Hrund vinkona eignaðist prinsessu í gær 7. júni. Heilsast þeim vel og gekk ágætlega. sú stutta (langa) er 16,5merkur og 54cm!!
Til hamingju elsku hjartans Hrund og fjölskylda!!!

Molla

það er molla úti, búið að vera molla undanfarna daga. Sem betur fer þá er viftan sem Hjölli setti upp í holinu alveg að virka og standa sig. Skruppum til Akureyrar á mánudaginn. Tilgangur fararinnar voru gleraugnakaup. Og náðum við hjónaleysin að versla okkur bæði ágætis gleraugu. Þau koma í pósti síðar í vikunni, hlakka klikkað til.
Panellinn kom loks í gær og er Hjölli byrjaður á að klæða hæðina uppi. þetta á eftir að vera klikkað flott! Ég náttla búin að innrétta hæðina í huganum......

Afmælisbarn dagsins

Anna Geirlaug. Hún er 30. ára í dag - velkomin í hóp hinna fullorðinna krumpudýra!!! Takk aftur fyrir dásemdarkvöld! Ástarkveðja Guðrún

Velti sér

Í dag velti Gabríel sér í fyrsta skipti!! Hann varð ekkert smá hissa þegar hann endaði á bakinu, en ég náttla hoppaði um af kæti og sagði öllum á WoW servernum frá því.....

Afmælisbarn dagsins....

Ragga vinkona!! Til hamingju með daginn elsku Ragga mín!!

Heitt, heitt, heittheittheittheitt

það er svo heitt að það er engu lagi líkt. Sólin steikir allt, hafgolan nær samt að kæla, en hérna inni, með þessum stóru gluggum er nánast ekki hægt að vera. Sonurinn í tannatöku má ekki við miklu og er ekkert hrifinn af þessum hita, endaði á þunnri samfellu með kalt vatn í pela - þá var hægt að ræða aðeins við hann, og svalasti staðurinn í húsinu er rúmið hans, enda liggur hann þar núna í smá dúr.

Tennur

Í dag fundust 2 tennur í neðri góm Gabríels. Ég er held ég montnasta mamma í heimi!!!

Mývó, ammæli, eyrin.

Jamm jamm og jæja. Biðst afsökunnar á bloggleti. Málið er að WoW hefur átt allann minn aukatíma undanfarið. Ég er gjörsamlega húkkt á þessum leik, enda er hann geggjað skemmtilegur, og ég er að spila með meiriháttar hressu fólki allstaðar í heiminum.
Gabríel er yndislegur. Hann mældist á 5 mánaða afmæli sínu 66 cm og 8,8 kg. Flottur, sprækur og hress strákur. Hann er draumabarn.
Ég fór ein af bæ um helgina. Reyndar með tíkina með mér, en skildi þá feðga eftir heima. Kominn tími til að lengja aðeins á naflastrengnum. Gekk svona líka vel. Leið frekar asnalega heima hjá mömmu og pabba á fimmtudagskvöldið, enginn Gabríel til að stumra yfir og sinna. Átti yndislegan dag með mömmu minni á Akureyrinni á föstudeginum (í gær) og svo um kvöldið átti ég frábæra kvöldstund með tveimur kjarnakonum og krumpudýrum Dóu og Önnu. Það var mikið spjallað og skrafað. Þetta var í tilefni krumpuafmælis Önnu, en hún verður 30. núna 5. júní.. þarf að finna mynd til að pósta hérna á ammælisdaginn sjálfann!!! Þær fengu sér bjór og rauðvín (ég er alveg hætt öllu slíku) var magnaður matur á þeim bæ. Og frábært andrúmsloft. Spiluðuðm hið bráðskemmtilega Jungle Speed, úff mar, það fengu glös og skálar að fljúga og nef klóruð, og puttar beyglaðir, mikið helgið og mikið gaman!!!
Alveg snilld.....

Kæra vinkona

í Reykjavíkinni. Lífið er alltaf eins og rússibani - got it's ups and downs. Málið er að hjá sumum okkar þá fer það lengra niður en gengur og gerist og maður verður bara að díla við það. Og á þeim stundum er bara að bíta á jaxlinn, bera höfuðið hátt og senda puttann á vandamálin.
En auðvitað númer eitt, tvö og þrjú er að vita hverjir vinir sínir eru og nota þá. Til þess eru þeir. Vinir eru bara eitt símtal í burtu þó vegalengdin sé löng. Og það skiptir ekki máli hvenær á sólarhringnum það er!!!
Þó að þú sjáir manneskju sem þér líkar ekki við - þá ertu samt yndislegasta manneskja sem ég hef kynnst og þakka Guði fyrir að eiga vin í þér!

Rosalega

líður tíminn hratt.......

Where Dogs Dream

They might not need me - yet they might.
I'll let my heart be just in sight.
A smile so small as mine might be.
Precisely their necessity.

Alveg yndisleg bók sem ég fékk í afmælisgjöf frá Önnu G. og Dóu. Þessi bók er nauðsynleg til að flétta upp í til að finna sér smá bros á erfiðum dögum.

Nýjar myndir

loksins loksins kom ég því í verk að lóda myndum úr fermingunni á netið. Það var afskaplega gaman að hitta allt fólkið, og er þetta bara pínu brot af þeim myndum sem voru teknar.
Annars er allt gott að frétta héðan. Gabríel er nett pirraður þessa dagana - hugsa að tennurnar séu loks að koma. Hann á það til að reka upp sársaukaorg reglulega og fara hreinlega að hágráta upp úr þurru. Maður finnur svo til með honum að maður vill helst bara sitja einhverstaðar með hann og knúsa hann.
Ég er í pásu frá leiknum mínum, enda er frekar erfitt að spila þegar maður er með hugann við annað og fær kannski bara 5-15 mín í einu að spila. Er búin að grípa í föndrið þess í stað enda nálgast afmæli sem ég er að klára afmælisgjöf fyrir.
Sumarið er komið.......

Líf og fjör

jamm er tilbúin í slaginn við hálkubletti öræfanna. Er búin að pakka mér og syninum, læt kallinn um að pakka sjálfum sér. Skítakuldi úti, rok og leiðindi. Sonurinn með ræpu þe munnræpu við fluguna sína, hættur að syngja í dag snáðinn, en undanfarið hafa dagarnir byrjað á þessum líka yndislega söng.
En svo já erum við að fara´i sveitina á eftir til að vera viðstödd þegar Sylvía verður fermd.

Afmælisbarn dagsins

er hún mamma mín
Rósa Emelía Sigurjónsdóttir
(mynd tekin 1955)

Hún er 55 ára í dag!
Til hamingju með daginn elsku mamma mín !!

Latte með undanrennu....

ég er orðin svooooo mikill snillingur í lattegerð að ég gat gert froðuna úr undanrennu!!!!

Skýrnir, fermingar, jarðarfarir....

Góðan daginn og gleðilegan sunnudag. Lífið gengur sinn vanagang hérna fyrir austan. Sonur minn er í óða önn að stækka - fullhratt að mínu mati. Eins og góð vinkona mín sem er reynslurík yndisleg mamma segir að áður en maður veit af þá eru þau komin með tennur, farin að missa þær aftur og byrjuð í skóla. Ég var að fatta það áðan að ég þarf að fara úr 4-9 kg bleyjur í stærra næst þegar ég kaupi birgðir.
Hlakka rosalega til næstu helgar. Þá er önnur snilldar mamma að ferma. Þórhalla systir er að ferma frumburð sinn hana Sylvíu Ósk Sigurðardóttur. Þá koma saman fullt af ættingjum, og mér finnst persónulega skemmtilegra þegar allir safnast saman í fermingar eða skýrnir frekar en jarðarfarir. Það er allt of algengt að fólk hittist bara á jarðarförum. Margir af ættingjum mínum hafa ekki hitt Gabríel, og ég hlakka til að monta mig af honum. Við ætlum að skýra í sumar, stefnum að helginni 17-19 júní þar sem 17. júní er frídagur sem kemur upp á föstudegi (ótrúlegt það nær aldrei gerist) og þá hafa fleiri kannski möguleika á að komast norður! Við ætlum að skýra á Akureyri, miðsvæðis. Mig langaði til að skýra á afmælisdegi pabba, sólsumarstöðum 21. júní en hann kemur upp í miðri viku.
Jæja Wold of Warcraft kallar.....

World of Warcraft

og teamspeak hefur átt alla mína umfram athygl sl daga. Gabríel no 1, 2 og 3, svo kemur Kítara og Hjölli, annars hefur world of warcraft verið í gangi. Við Hjölli sitjum í sitthvoru herberginu með teamspeak á og hlaupum um annann heim í leit að monsterum og lootum og spjöllum við fólk sem er online hvar sem er úr heiminum. Þetta er virkilega gaman!
Sonur minn er gullmoli, langfallegasta barn ever!!!

Hallormstaðaskógur og Moli

Hæ dúllur nær og fjær. Ofboðslega gott veður var um helgina. Við semst ákváðum að fara á rúntinn í gær og rúnta um okkar nánasta umhverfi. Enduðum uppi á Egs, í ís og sól. BT opnaði ekki fyrr en kl 13:00 svo við tókum rúnt í Hallormstað. Rosalega fallegt er þar, en sumarið er samt ekki alveg byrjað svo gróðurinn er rétt að fara að taka við sér. Við löbbuðum um, leyfðum tíkinni að hlaupa lausri, og auðvitað fann hún læk og spýtur. Rosa fjör. Gabríel líkaði þetta alveg ágætlega. Við ákváðum að koma hingað aftur seinna í sumar þegar gróðurinn er kominn vel af stað.
Við fórum á föstudeginum á Egs til að versla, og rúntuðum á Reyðarfjörð. Þar var verið að opna nýja verslunarmiðstöð Molann. Var svakalega margt fólk og svakalega stór kaka. Þótt ég sé í nammibanni þá fékk ég mér smá smakk og var hún ofboðslega góð. (btw hef ekki borðað nammi í 3 vikur núna - ekki einu sinni á laugardögum)
Hjölli gaf mér online leikinn World of Warcraft. Er að installa honum, hlakka til að byrja að spila hann.

Gleðilegt sumar

elskurnar mínar og takk fyrir veturinn!! Þið ykkar sem lesið bloggið mitt, og ég hef ekki verið í sambandi við leeeengi - takk fyrir að lesa bloggið mitt og vera til. Vonandi fer ég að heyra í ykkur fljótlega eða það sem betra er að sjá ykkur fljótlega! Maður horfir alltaf á msn contacts, hugsar alltaf með sér að maður verði að fara að heilsa upp á suma sem maður hefur ekki smellt á lengi. En svo gerist alltaf eitthvað og maður þarf að rjúka áður en tími gefst fyrir þetta litla smell og enn minna "hæ". En ekki hugsa að ég hafi gleymt ykkur því það er svoooo fjarri lagi!! Hvur veit nema Yours truly verði mega húsmóðurleg og geri jólakort þetta árið!!

The trip.....

Hæ elskurnar mínar. Þetta er svona copy/paste blogg þar sem ég var í Mývó netlaus.

"18. apr. 05
Jamm við Gabríel og Kítara komum hingað á fimmtudaginn og erum búin að vera í góðu yfirlæti hérna í sveitinni hjá mömmu og pabba.
Við fórum til Akureyrar á föstudaginn og þar fann ég mér lazy-boy stól þar sem ég bætti við smá pening sem ég kalla “hætt að reykja” peningar. Jú ég spara 17.000,- á mánuði þar sem ég er hætti að reykja!! Það er ágætis sparnaður þar. Og mér finnst allt í lagi að splæsa stundum á sig í verðlaunaskyni!
Því næst fann ég afmælisgjöfina frá mömmu og pabba en þau létu mig fá pening til að kaupa mér skartgripi. Maður fer aldrei og splæsir á sig skartgripum svo þetta var frábært. Fann mér afskaplega fallegan kross og hring (silfur/módel) sem ég ákvað að yrði hversdagsskartgripir. Átti engan kross til að ganga með hversdags. Svo var grill og næs um kvöldið.
Gabríel algjör engill. Mamma og pabbi fengu lánað barnarúm handa honum og það er svo þægilegt, hann heldur alveg rútínum sínum, svefninn er ekkert að raskast eða í neinu rugli. Enda passa ég að “grautartíminn” sé alltaf á sama tíma.
Systir mín elskuleg bauð mér i ljós á laugardaginn. Fór í ljós og pottinn og slakaði vel á. Mamma og pabbi pössuðu ungann minn á meðan. Og fer vel á með þeim. Gabríel er búinn að venjast pabba og pabbi má koma og glenna sig framan í hann og þá hlær Gabríel bara. Pabbi er líka búinn að vera duglegur að tala við hann og sinna honum, þeir eru búnir að kynnast blessaðir.
Laugardag fór ég í ljós líka, slakaði vel á og naut þess að sitja í góðum heitum potti og slappa af og láta mér líða vel. Og svo var helgin þannig að maður slappaði af, horfði á sjónvarpið og fór að sofa snemma. Gabríel svaf vel á sunnudeginum og ég nappaði líka, rosalega var það notalegt!
Svo í dag er allt flug á áætlun, þrátt fyrir geðveikt rok og læti. Svo ég býst við að leggja í hann upp úr fimm og vera á vellilnum þegar Hjölli lendir kl átta, bruna svo heim. Núna erum við Gabríel og mamma, auk Kítöru og Herkúles að fara í morgunkaffi til pabba upp í Kísiliðju, en þar er frekar einmannalegt um að litast. Pabbi er þar einn núna. Hann er mikið með Herkúles þar með sér til að hafa einhvern félagskap"

Jamm það var svakalega gott að koma heim, Gabríel ljómaði allur þegar hann sá pabba sinn, neitaði að sleppa honum. Og rosalega var gott að sofa í sínu rúmi í nótt......

Gular og bláar línur

Ég sit og horfi á ferðakort vegagerðarinnar og bölva þessum bláu og gulu línum og þessu merki sem þýðir skafrenningur. Akkúrat færi sem ég hata að keyra í svo það er borin von um að ég fari nokkuð í dag. Ég var annars komin á fætur klukkan sjö og alveg tilbúin að rjúka af stað ef færið hefði verið skárra. Það er kalt úti, rok og leiðindaveður, ég er með gluggatjöldin dregin fyrir svo ég sjái ekki út, bara til að verða ekki þunglynd á veðrinu.
Ætli ég Torrentist ekki bara og haldi mig undir teppi, með soninn í fanginu og hafi það kósý. Mig langar samt svo heim til mömmu og pabba....... (grátur grátur...)
Guðrún - ein heima.....

Kítara og Gabríel

Þau láta fara vel um sig þessar elskur. Gabríel er með fluguna sína sem hann varla vill láta frá sér, og þar sem hann var "aleinn og yfirgefinn" í sófanum þá ákvað Kítara að halda honum félagsskap og ylja á honum tærnar.

Hún svo dýrkar þetta litla barn. Um daginn fann ég í fanginu á honum eitt af dótinu hennar, þá ákvað hún að gefa honum dótið. Hún er alltaf með á hreinu hvar hann er og hvað hann sé að gera. Þetta gæti ekki verið betra!!!

Afmælispeningar......

Það er allt í lagi með okkur. Við erum hérna þrjú heima, við Gabríel og Kítara og höfum það næs. Höfum ekkert farið út í dag þar sem það er rosalega kalt úti og mikill vindur, og ég held að ég tali fyrir okkur öll þrjú að okkur líkar ekki svona veður. Allavega hefur tíkin ekkert kvartað yfir göngutúraleysi. Hugsa líka að hún fatti að þar sem Hjölli er ekki heima þá eru rútínurnar ekki í gangi og hún virðist sætta sig við það.
Ég vona að veðrið verði skárra á morgun og færðin verði ok, mig langar svo til að komast í sveitina á morgun eða hinn. Núna er ég bara að hugsa um hvort ég eigi að kaupa mér nýjan Lazy boy fyrir afmælispeningana frá afa og ömmu eða hvort ég eigi kaupa mér nýjan skrifstofustól og föt fyrir afganginn. Þar sem þetta er þrítugsafmælisgjöf þá langar mig til að kaupa mér eitthvað spes, eitthvað sem ég á og hugsa til þess merka áfanga að verða þrítug þegar ég sé hlutinn og þá eru föt eiginlega ekki inni í myndinni. Og mamma og pabbi sáu um skartgripahliðina í þetta skiptið. Hvað finnst ykkur? Mig vantar ekkert tölvutengt - minn elskulegi maður sér til þess. Og afi og amma tóku það skýrt fram að ég ætti að nota þetta í mig, bara mig, ekki barnið, heimilið eða manninn..... Svo hvað dettur ykkur í hug mínir kæru lesendur??? (comment óskast hér að neðan..)

All alone....

Hjölli er að fara suður á morgun og ég verð all alone, náttla með Gabríel og Kítöru en samt alein og yfirgefin....

Mega fyndið

Þessa mynd fékk ég inni í DVD mynd sem ég keypti. Ég varð að deila henni með ykkur jafnvel þótt sum ykkar séu nú þegar búin að sjá hana. En það sem mér finnst svo fyndið er að nú er ég ein af þeim rosalegu lögbrjótum að sækja "ólöglega" efni af netinu og margar hverjar eru einmitt CAM myndir (myndir teknar í bíó) og það ótrúlega er að þær eru svo flottar flestar, með fyrirtaks tali, nánast engum truflunum og sérstaklega ekki með einhverjum línum og röndum yfir alla myndina.

15 vikur

síðan engillinn minn kom í heiminn. Rosalega er þetta allt saman fljótt að líða. Og stundum gleymi ég að hann er svona lítill því hann er svo mannalegur og svo stór. Núna situr hann í stólnum sínum á borðinu mínu með fluguna sína og dudduna og sefur....

Kalt úti, hlýtt inni.

Ný sest við tölvurnar með heimatilbúinn Latte, sem er alveg skínandi góður þó ég segi sjálf frá. Lúxus að eiga vinkonu sem vinnur á kaffihúsi og getur leiðbeint manni með þetta allt saman, en maður verður auðvitað að redda sér þegar næsta kaffihús sem selur ágætt Latte er Te og Kaffi kaffihúsið á Egs.
Veðrið úti er enn jafn kalt og leiðinlegt. Við lituðuðm gardínurnar í gær og þær áttu að verða rústrauðar/dökkvínrauðar, en urðu svona skínandi fallega dökkbleikar.... jupp Dóa - your kind!! Svo við verðum að kaupa annann lit til að dekkja þær. Sorry Dóa, ég er ekki þessi bleika týpa.... (mmm eina sem vantar er súkkulaði sýrópið þá væri þetta fullkomið)
Var hjá doksa í morgun, bakið er ekkert að skána, og hann potaði á 2 staði á bakinu og ég æmti í bæði skiptin eins og kelling og hann sagði mér að þetta væri vegna grindarlosunarinnar sem ég fékk á meðgöngunni. Ráð: fara í salinn og gera einhverja æfingu hérna heima sem hann kenndi mér. Ekki permanent verkur sem betur fer!!

Svartsýniskast vegna veðurs

Jámm það er sko í gangi núna. Ég veit að það verður örugglega frábært veður á mánudaginn svo Hjölli komist suður, en svo skal ég lofa ykkur því að um leið og við erum komin heim frá því að keyra hann í flug þá skellur á brjálað veður svo við komumst ekkert í Mývó og ég enda með að verða ein hérna í viku. Ég sem hlakka svo til að fara í Mývó, hafa það næs með mömmu, og fara til A-eyrar að versla fyrir ammælispeninginn minn og og og kaupa föt á Gabríel, og slappa af í sveitinni, og vera ekki ein heima.......
Það er sko allt orðið hvítt núna úti. Og með minni heppni þá verða örævin orðin annað hvort kolófær eða það sem verra er - brjálæðislega hál og ég er svo hræðilega hrædd í svoleiðis færi, hvort sem ég er bílstjóri eða farþegi - skiptir ekki máli. Skaflar eru ekkert mál - bara gaman að leika mér í þeim (kannski ekki með ungabarn og ein á ferð) en ég gæti frekar afgreitt þá en hálkuna....... andskotinn.....
Verið sæl að sinni
Guðrún hin veður- svartsýna

stutt matarboð.....

Helgin var róleg og notaleg að vanda. Gabríel gæti ekki verið yndislegri, rólegur og vær. Ég föndraði og málaði smá, kveikti á kertum og naut þess að vera til.
Okkur var boðið í mat á laugardagskvöldinu. Sem er kannski ekki svo frásögu færandi en við erum að kynnast þessu fólki. Ég hef sagt ykkur frá henni Sigrúnu, sem er aðflutt hingað og leiðist. Já þetta voru semst hún og hennar maður sem buðu okkur., Ok, mjög gaman, notalegt kvöld, nema allt í einu upp úr þurru er hún uppstríluð og segist þurfa að kveðja okkur, og fer út. Ég varð hálf hvumsa, ég er þannig sjálf að ef ég býð fólki til mín í mat á laugardagskvöldi (eða hvenær sem er) þá er ég búin að plana þetta kvöld með þessu fólki, rýk ekki bara út og skil gestina eftir ....... en þið??
Já btw við Gabríel erum ein heima í næstu viku. Með tíkinni að sjálfsögðu. Hjölli er að fara í viku á Hlaðgerðarkot, dusta rykið af fræðunum og hitta liðið. Hann stendur sig svo vel, og hefur gott af því að komast aðeins til fólksins sem veitir honum mestan stuðning. Við Gabríel og Kítara förum í sveitina til mömmu og pabba eitthvað á meðan. Svo það væri gaman að sjá eitthvað af liðinu sem býr þar nálægt (hint hint.....)

April Fools Day

Í dag er dagurinn sem maður ætti að nota til að hrekkja einhvern. Það verður spennandi að sjá hvað gerist í dag og ég er að reyna að upphugsa eitthvað til að plata Hjölla.
Annars er ótrúlegt að hugsa til þess að í dag eru 8 ár síðan við byrjuðum fyrst saman! Ótrúlegt! Og margt gerst síðan þá, bæði gott og miður gott. En eins og ég segi "what doesn't kill U only makes U stronger" og það eru orð að sönnu. Og það sem maður trúir á er þess virði að berjast fyrir því.
Ég átti frábæran dag í gær.
Byrjaði snemma þar sem sonur minn ákvað að vakna kl 6. Enda ekkert skrýtið þar sem hann var sofnaður kl 7 kvöldinu áður. Við fórum svo í skoðun eftir hádegi,og hann fékk sprautu, sem hann var alls ekkert ánægður með og lét hiklaust heyra í sér og láta vanþóknun sína á þessari meðferð í ljós koma. Hann fékk annars flotta skoðun, hraustur, stinnur og flottur strákur. Hann er þungur, en ekki of, bara stór og sterkur! (ég er montin - hef ég sagt ykkur að það er full time job að vera montin af barninu sínu? - þið sem eigið eitt - eða tvö eða fleiri - vitið hvað ég á við!)
Ég fór svo ein - alein - upp á Egs í sund, dekur og útréttingar. Byrjaði á sundi, heitum potti og nuddi. Fékk mér svo dýrindis tvöfaldan Latte með súkkulaðisýrópi á Te & Kaffi kaffihúsinu. Verslaði smá, langaði til að versla meira á Gabríel en það var afskaplega lítið úrval af fallegum barnafötum (kannski bara eins gott....)
Ég var 4 klukkutíma í burtu. Komst að því að húsið og heimilisverkin og heimilishaldið og þvotturinn fer ekki hamförum þó það sé ekki unnið í því non stop all the time.... (Hjölli var að meika point þegar hann sendi mig út)
Og ég hafði aldrei verið svona lengi frá Gabríel síðan hann fæddist. Og það var líka allt í lagi með hann.

Páskamyndir komar inn

halló elskurnar - já ég er svo dugleg - búin að koma myndunum á netið! Endilega kíkið á þær hérna!

Afmælisbörn dagsins eru.......

Guðrún Gunnarsdóttir 75 ára í dag
(amma mín og langamma Gabríels)

og
Hjörtur Smári Sigurðsson 8 ára ídag
(Systursonur minn)

Til hamingju með daginn elskurnar mínar!!!

Það má einnig geta þess að í dag áttu líka Þórhalla amma mín afmæli, en hún hefði orðið 80 ára í dag ef hún hefði lifað og lang amma mín, mamma Guðrúnar ömmu, en hún var fædd 1902 og ef hún hefði lifað þá væri hún semst 103 ára í dag!!!
Svo þetta er einn aðal afmælisdagur fjölskyldunnar!!

Gleðilega páska ............

Hæ hæ - já gleðilega páska - betra er seint en aldrei. En ég er að komast á netið núna eftir helgina. Við skruppum í sveitina og höfðum það virkilega næs. Myndir koma inn fljótlega. Gabríel alger engill. Afi og amma mættu á svæðið. Hjölli átti afmæli. Kíktum til Akureyrar og hittum mömmu og stjúpa Hjölla og vini okkar Gunna og Maríu.
Borðað og sofið.
Málsháttur minn var á þessa leið:

Vinur þinn á vin og vinur vinar þíns einnig.
Hafðu því gát á tungu þinni.

Þetta er svona nokkuð í anda Fáskrúðsfjarðar. þar sem allir þekkja alla, og maður sér á hverjum degi hérna að þegar 2 manneskjur slíta samtali þá snúa þær sér að næsta manni og baknaga manneskjuna sem þeir voru að tala við og svo koll af kolli. Það er jafnvel hægt að sjá þetta í kaupfélaginu! Svo miklar slettirekur og slúðurberar sem búa hérna. Ég er eiginlega á því að allir hérna eru falskir að einhverju leiti. En ég nenni ekki að eyða orku og tíma í að pæla í því.
Já svo okkur hérna líður afskaplega vel. Áttum góða páska og ég vona að svo hafið þið einnig!
Guðrún hin kærulausa

Afmælisbarn dagsins er.......

Hjörleifur Harðarson

Hann á afmæli í dag
hann á afmæli í dag
hann á afmæli hann Hjölli
hann á afmæli í dag!!

Til hamingju með daginn elsku Hjölli minn!

Makes U wonder......

I am 65% Internet Addict.

I am pretty addicted, but there is hope. I think I'm just well connected to the internet and technology, but it's really a start of a drug-like addiction. I must act now! Unplug this computer!

Take the
Internet Addict Test
@ FualiDotCom

Yndislegur dagur

og takk innilega fyrir allar kveðjurnar, gjafirnar, smsin og símtölin!!
Eins og ég segi; yndislegur dagur:

Rigning úti en sólskinsbros inni
Las með syni mínum Pétur Pan
Kyssti manninn minn
Lék við tíkina
Rjómaterta og ljúffengt kaffi

Já það er held ég bara allt í lagi að verða 30. ára.........

Afmælisbarn dagsins er .......

ÉG !!!!!!
(Ekki klár á hvenær mynd er tekin..)

Já góðir gestir - yours truly er 30. ára í dag!!

Afmælisbarn dagsins er ....

Þórhalla Valgeirsdóttir systir mín
(mynd tekin 1971)

Til hamingju með daginn elsku systir!!

Gleðlilega stutta vinnuviku!!

þið sem eruð ekki í fæðingarorlofi eða á bótum. Vonandi fáið þið sem eruð í ströngu HÍ námi eitthvað frí til að pústa og hafa það náðugt í afslöppun, án þess að naga sig í handarbökin yfir því að vera ekki pungsveitt yfir námsbókunum! Fólk verður að fá frí líka frá námi!!
Annars er allt fínt að frétta héðan. Gabríel kemst ekki í 3 mán skoðun fyrr en eftir páska þar sem hjúkrunarfræðingurinn (þessi eini) er farinn í páskafrí. Já svona er þetta úti á landi. Hefur meira að segja komið fyrir að svæðið sé læknalaust í 3 - 5 vikur!! Og þá er ekkert elsku mamma ef eitthvað kemur upp á heldur bruna í Egs á milljón. En allavega - þá verð ég að bíða með að fá að vita hvað sonur minn er orðinn þungur og langur. (hann bara stækkar allt of hratt þessi elska)
Helgin var róleg:

• Gómsætt lambalæri á borðum í gær. (slurp slurp)
• Gerði tilraun og málaði páskaunga á kerti (gaman gaman)
• Flétti í gegnum gamla bók sem ég fann og var fljót að loka henni aftur (gamla Laugabókin)
• Málaði á einn ramma (mistókst í litavali en kom samt kúl út)
• Browsaði á netinu og fann fullt af furðulegum en skemmtilegum bloggsíðum (td S-ameríkufarar og Kalli Sverris )
• Horfði á Formúluna og hlakkaði yfir óförum Ferrari liðsins (þar til sprakk hjá McLaren - it had to bite me in the ass)
• Fór í göngferðir með tíkina (lét hana hreyfa sig miklu meira en ég nennti að hreyfa mig)
  
• Keypti nammi á nammidaginn (möst)
  
• fann góða aðferð við að mata Gabríel á þess að fá allt frussandi framan í mig aftur.

Jamm semst normal, kósý, þægileg og afslappandi helgi......

Elsku Smutti minn

ég var að reyna að hringja í þig í gær - en enginn svaraði. Ég er svo spennt að vita hvernig gengur. Og endilega farðu og taktu til í pósthólfinu þínu þar sem það er orðið fullt og ekki hægt að senda þér póst!! Love ya!!

Afmælisbarn dagsins

er Hafdís Eyja Vésteinsdóttir. Hún er eins árs í dag!! Til hamingju með fyrsta afmælisdaginn litla skutla!! Og sömuleiðis óska ég foreldrunum til hamingju með fyrsta árið!!!
Knús og kossar frá Fáskrúðsfirði

Rólegur dagur

og næs. Ekkert vesen, bara vakna, bleyjast, pelast og út að ganga með Gabríel. Tölvast, tv'ast og hamborgarast, nennum ekki að elda einu sinni. Mér finnst að svona eiga sumar helgar að vera. Algjört afslappelsi. Maður gerir það ekki nógu oft finnst mér.

Helgin framundan...

og páskarnir nálgast. Ég á afmæli miðvikudaginn nk. Mér var bent á það í dag að það er þokkalegur djammdagur. Fyrir ekki svo löngu hefði maður verði búinn að plana þennann dag alveg frá a - ö og sennilegast ef maður hefði verið vinnandi eða skólandi þá hefði maður tekið þennann dag í frí. Stórafmæli á djammdegi. Öss mar - eins og ég sagði - þá var mér bent á þetta. Maður er orðin svo fullorðin/ráðsettur að maður er hættur að taka eftir svona hlutum. Kannski breytist það aftur þegar krílið stækkar, veit ekki.
En ég vil óska ykkur góðrar helgar dúllurnar mínar.
Guðrún - hin gamla

Afmælisbarn dagsins er........

Inga Hrund Gunnarsdóttir
(Mynd tekin 28. mars 1991)

Hún á afmæli í dag

Hún á afmæli í dag

Hún á afmæli hún Inga Hrund

Hún á afmæli í dag!!

Til hamingju með daginn elsku Inga mín!

Vona að þú eigir ógleymanlegan afmælisdag!!

Ástarkveðja Guðrún Kristín

Inga Hrund Gunnarsdóttir, er að lifa ævintýri erlendis en það er hægt að fylgjast með henni og hennar manni Kára á netinu. Fullt af skemmtilegum myndum og frásögnum! Eins og ég segi - algjört ævintýri sem þau eru að upplifa.Endilega skoðið síðuna þeirra!

Ég er svo mikið sem...

Samkvæmt kaffiprófinu er ég
Latte!
og samanstend af tvöföldum espresso og flóaðri mjólk.
Hvernig kaffi ert þú eiginlega?

Latte!
Þú ert skapstór og íhaldsamur einstaklingur sem lætur ekki bjóða sér hvað sem er. Undir vissum kringumstæðum leyfirðu þér að prófa nýjungar, en þó aðeins að vel athuguðu máli.
Þú samanstendur af tvöföldum espresso og flóaðri mjólk.

hoppirólur og tölvur

Hæ hæ - hérna gengur allt sinn vanagang. Tíkin vakti mig brutally í morgun, sem var reyndar ágætt því ég komst í sturtu áður en Gabríel vaknaði.

Fengum leikgrindina og hoppiróluna hans í gær. Það var þvílíkt fjör hjá honum. Við leyfðum honum að prufa róluna líka þó lítill sé, bara höfðum hana þannig að það er enginn áreynsla á lappirnar hans. Og honum þótti þetta svo gaman, hoppaði og skoppaði og hló. Þið getið séð myndir af honum í albúminu undir mánuður 3.

Annars er ég búin að vera í því að setja upp lappann. Tók hann í gær og hreinsaði alveg. Var komið eitthvað vírusadót og böggar inn, þá nenni ég þessu ekki og væpa allt draslið. Við Gabríel sátum í morgun og dunduðum okkur við að finna forritin sem ég þarf og keyra inn. Ég setti td inn eitthvað beta dæmi af msn 7, lítur ágætlega út.

Svo líða dagarnir og alltaf nálgast þessi dagur sem er víst óumflýjanlegur.......

Sitt lítið af hverju

Hæ kæru vinir nær og fjær. Helgin liðin, strax kominn mánudagur aftur, og enn líður nær afmælinu, þess dags sem ég vona að komi ekki, heldur hoppi bara yfir. Já, komi 22. mars, og svo 24. mars, ef 23. mars kemur ekki þá hlýt ég að haldast 29 ára allavega eitt ár viðbót??

Annars var helgin fín. Skruppun til Egs á laugardaginn, ætluðum að athuga með skrifborðsstól handa mér, en enginn fannst svo við keyptum fullt af öðru dóti í staðin. Það var bara gaman, þar sem maður er ekkert að splæsa á sig dóti oft. Og ég fékk ekkert upp úr manninum mínum hvað hann ætlar að gefa mér í þrítugs afmælisgjöf (þe ef dagurinn skyldi koma en ekki bara hlaupa í felur)

Úti er snjór, var frekar fúlt veður um helgina, allavega var svona ekta lopasokkakakóundirteppimeðbók veður í gær. Vona bara að þetta fari að hætta, svo það verði hægt að flakka eitthvað með ungabarn um páskana!!

Fallegustu hljóð í heimi

eru þau þegar sonur minn er að tjá sig. Já það er bara svo skrýtið hvað þessi litlu kríli hafa stór áhrif á mann. Gabríel er farinn að borða graut á kvöldin, til að fá magafyllingu svo hann sofi betur (já og nái að sofna) og hann er svo góður og vær.
Stundum er það ekki svoleiðis og maður er gjörsamlega búinn á því bæði á sál og líkama, en svo leggur maður litla kút á skiptiborðið og maður fær þetta líka fallegasta bros í heiminum, og hann mótar varirnar eins og hann sé að fara að segja eitthvað og út koma þessi yndislegu hljóð (hjalið), og svo horfir hann á mann með sínum stóru og bláu augum og maður bara gleymir öllu öðru – það er ekkert annað sem kemst að hjá manni, allar áhyggjur, þreyta, skyldur og kvaðir gleymast. Heimurinn er einhverstaðar lengst í burtu, og það kemst ekkert annað að…….

Guðrún - ekki lengur gribba

Allt í drasli...

ég var að horfa á Skjá Einn í morgun þegar ég var að gefa Gabríel pelann sinn. Og það var þátturinn Allt í Drasli. Ég hætti algjörlega að hafa komplexa yfir því að geta ekki verið með tuskuna eða sópinn á lofti í tíma og ótíma. Ég hreinlega trúi ekki að fólk geti lifað svona eins og þetta par gerði. Og það að hún hafi verið barnshafandi skil ég engan veginn (ég fékk auka púst í hreingerningaræðið þegar ég var ólétt og sérstaklega þegar ég mátti ekki gera neitt)

Það tók lið af hreingernigarfólki 72 vinnustundir að taka íbúðina í gegn!!! Ég horfði í kringum mig í stofunni minni - sem er enn þokkalega hrein eftir stórhreingerninguna á mánudaginn sl, og hugsaði með mér að ég er alls ekki svo slæm húsmóðir eftir allt!!!

Ef þið viljið fá smá egó búst varðandi heimilisstörfin og sjá að þið séuð bara alls ekki svo slæm endilega horfið á þáttinn:

Upptaka af þættinum Allt í drasli 6. mars 2005

Guðrún - hreinláta

"Ekki" dagur

Suma daga er maður bara alls ekki (svipað og bloggerinn er búinn að láta í dag!) Eins og vinkona mín hún Blessuð Blíða segir þá bara vaknar maður þannig að maður er best geymdur í rúminu með góða bók, eða allavega ekki fyrir augunum á öðru fólki. Og þannig er þessi dagur minn í dag. Og greinilega hjá syni mínum líka. Hann byrjaði daginn klukkan fimm, og ræsti mömmu sína, var vakandi, frekar geðillur til sex, vaknaði aftur klukkan átta, og ræsti mömmu sína aftur sem hafði aðeins náð að sofna loks klukkan sjö, var vakandi til tíu, þá tók pabbi hans við honum til að pása mömmu hans, sem lagði sig í von um að sofna aftur en lá í rúminu án þess að sofna til hálf tólf, þegar sonurinn varð brjál aftur. Ég dílaði við pabbann um að þrauka aðeins lengur á meðan ég reyndi að bæta og hressa útlitið með að hoppa í sturtu, sem var misheppnuð tilraun á alla kanta. Tók við syninum og dekraði og dedúaði þar til hann gjörsamlega gat ekki meir og datt út af um hálf tvö; örmagna af þreytu og pirring.
Jamm, þó sonur minn sé yfirleitt hið rólegasta og yndislegasta barn þá er hann bara mannlegur og getur átt sína slæmu daga líka eins og við hin. Hann er bara nokkuð lunkinn við að hitta á þá daga sem mamma hans er ekki upp á sitt besta, eða er það kannski ekki tilviljun....??
Margir segja að börn og mæður séu nokkuð beintengd á þessum tímapunkti og er þá ekki alveg jafn líklegt að þegar móðirin vaknar og upplifir “bad hairday” að aumingja barnið verði fyrir ákveðnum áhrifum frá því?
Allavega eru þau áhrif sem það hefur á mann og hund sú að þau helst vilja ekki verða á vegi mínum. Kaffið er það eina sem blívar á svona stundum, sérstaklega þegar maður er hættur að reykja!

Allaveganna, þá er ekki mikið að gerast hjá litlu fjölskyldunni þessa dagana. Við tókum rúnt í sveitina í gær. Rosalega fallegt veður, rosalega fallegt á leiðinni.

Ég er alltaf að vinna í þessum þrítugs málum mínum. Hrekk í kút og fæ hnút í magann reglulega við þessi reality check mín. Ég horfi stíft á dagatalið og vona að það færist aftur á bak. En verð að viðurkenna að ég er nokkuð fegin þegar ég hugsa um hvað ég hef að sýna eftir þessi 30 ár mín. Ég er jú orðin mamma, sem ég held að engann hafi grunað að ég myndi ná að framkvæma. Ég á hús, bíl, hund og mann. Ekki brjálaðan starfsframa, en er í skóla til að bæta það upp. En það sem komið er, er ég býsna stolt af, og já vildi ekki breyta neinu.

En allavega einni súkkulaðitebollu og einum ástarpung síðar líður mér betur, og er tilbúin í slaginn við daginn aftur (þó hann sé langt kominn)

Guðrún hin galvaska nær þrítuga

Slökun...

sit hérna með kaffibollann minn, sem ég dúllaði við þegar ég var að búa hann til í cappuccino vélinni minni. Ég var að þrífa húsið, og þeir feðgar dunduðu sér á meðan.
Úti er rosalega fallegt veður. Hlýtt, sólskin og notalegt. Fór í góða göngu með tíkinni í morgun, eftir góðan nætursvefn, en sonur minn er farinn að sofa svo vel á nóttunni að það er yndislegt. Svo núna tekur við afslöppun í hreinu stofunni minni, og njóta þess að vera til.

Gott að koma heim...

eftir yndislega helgi. Eins og alltaf í Mývó var yndislegt. Afslappandi og rólegt. Gabríel var smá tíma að átta sig á aðstæðum, nýjum andlitum, hljóðum og ljósum. Var ekki að ná að slappa af né sofa á föstudag, og lítið á laugardag. En um kvöldið á laugardag þá fann ég út hvað hann vildi til að ná að sofa almennilega og þá gekk þetta eins og í sögu.

Ég reyndar var ekki eins hörð á því og pabbi að vakna kl tvö til að horfa á formúluna. Við mamma og Gabríel létum fara vel um okkur um hádegið til að horfa. Ferrari maðurinn hann pabbi horfði ekki aftur á því hann var ekkert yfir sig hrifinn af því að hans maður náði ekki að klára fyrstu keppni tímabilsins.

En auðvitað tók ég myndir um helgina, og flestar eru af prinsinum kíkið á þær hérna

Formúla 1 og Mývatnssveit

Við Gabríel og Kítara ætlum í sveitina um helgina svo þeir sem eiga þar leið um endilega kíkkið við. Hjölli ætlar að fórna sér í að mála eldhúsið og holið á meðan. Og stunda "hávaðasama niðurrifsvinnu" á meðan sem gefur af sér mikið sag og óhreinindi. Hann er á fullu núna á efri hæðinni þar sem við vonumst til að geta farið að klæða hana fljótlega og koma upp stiganum upp á þá hæð, en það er þegar komið gat að innanverðu ti að príla upp.
En við Gabríel ætlum að mæta galvösk í formúlu 1 snakkið hjá mömmu og pabba. Og Gabríel verður í Formúlu 1 gallanum sem pabbi gaf honum þegar hann fæddist.

Hvað get ég sagt....

annað en dagarnir eru hver öðrum eins núna. Ég fatta föstudagana því þá fer Hjölli á fund, og laugardaga því þá er nammi í nammibarnum í búðinni á 50% afslætti og auddað notfæri ég mér það.

Ég hef verið að ná í þætti úr Sex and the City seríum sem mig vantaði inn í, og er byrjuð á brilliant þáttum sem heita Desperate Housewifes og að sjálfsögðu er til próf sem heitir Which Desperate Housewife are you?

Ég er í saumaklúbb (borða og slúður). Ok hef ekki náð að mæta í 2 ár, en samt fylgist alltaf með, fæ alltaf meilin frá þeim, og fæ svo meil daginn eftir til að heyra slúðrið! Heldur mér alveg við efnið, og það síðasta sem ég vildi væri að missa sambandið við þessar 10 frábæru stelpur. Nú er svo komið að á einu ári fjölgar hjá okkur um 6 börn!! Geri aðrir klúbbar betur!! Til hamingju við allar!!!!

Ég er hins vegar að reyna að halda sönsum. Besta vinkona mín varð 30 um sl helgi, og svo kemur önnur vinkona mín 18. mars og svo er röðin komin að mér. Úff, ég er ekki alveg að ná að höndla þetta. Það sem kemur alltaf upp í kollinn þegar ég hugsa um þetta er "vá þegar Gabríel verður 10 ára gamall þá verð ég 39 ára"!!! ok Hjölli verður komin yfir 40, en samt, þetta er þarna, handan við hornið, óumflýanlegur veruleiki.

Samt þegar ég pæli í hlutunum, þá vildi ég ekki neinu breyta. Ok, ég er ekki með brjálaðan starfsframa og milljónir í vasanum og háskólapróf á veggnum. En ég á yndislegan son, góðan mann, hús yfir höfuðið (270 fermetra!!) bíl og góða heilsu. Fjölskyldu og vini sem ég dýrka og elska. Og fullt af minningum frá frábærum tímum, og hef farið og gert margt, séð margt, kynnst mörgum.

Af hverju hræðist ég aldurinn???

Hún á afmæli í dag
Hún á afmæli í dag
Hún á afmæli hún Dóa
Hún á afmæli í dag!!!

Til hamingju með daginn elsku Dóa okkar!!

Gabríel "Live" á netinu

Það er búið að vera svo gaman hjá okkur Gabríel þar sem við vorum í tölvunni að tala við fólk á msn. Ég tengdi videóvélina sem webcam og sat svo með guttann í fanginu. Það verður að gera eitthvað þar sem fólk er ekki mikið á flakki á þessum árstíma, og margir mikla það ótrúlega fyrir sér að koma alla leið hingað austur (taki það til sín sem eiga). En montrófan ég fíla það að geta sýnt gripinn almennilega.

Mér líður afskaplega vel þessa dagana. Við mæðgin sofum vel, erum hress og ánægð með tilveruna. Þegar ég ákvað að pása skólann þá létti yfir öllu og stærstu ákvarðanir eru núna hvort ég eigi að setja í þvottavél núna eða seinna (og ef ég bíð með það þá kannski þarf ég þess ekki) og ég hef þar af leiðandi meiri tíma fyrir mig, þegar hann sefur, og get hvílt mig meira og notið þess að vera til.

Kínafarar

hæ hérna er mjög athyglisverð síða fólks sem er í Kína núna að ættleiða börn. Mér finnst gaman að lesa þetta og sjá aðeins inn í þennann heim sem það er að fara þarna út til að ná í barnið sitt. Kínahópur

Gabríel Alexander 2 mánaða í dag!!!

Hann sonur minn Gabríel Alexander er 2 mánaða í dag! Þessir tveir mánuðir hafa verið ekkert smá fljótir að líða, og hann hefur stækkað alveg rosalega mikið! Hvernig verður hann eftir aðra tvo??

Brjálæðislega gott veður!

Búið að vera þannig undanfarna daga. Ég hef notið þess hve sonur minn er þægur að sofa eftir morgundrykkinn sinn, því þá hef ég getað nýtt þann tíma til að fara í góðar gönguferðir með tíkina. Svo eftir hádegi hef ég farið með soninn í vagni og gegnið hringinn um bæinn!

Kynntist Sigrúnu í fyrradag. Hún er upprunalega úr R-vík, '74 módel, aðflutt, á 5 mánaða gamalt barn og leiðist. Loksins manneskja sem er á sama leveli og ég, manneskja sem er á sömu bylgjulengd og ég og mínar vinkonur! Hún reyndar segist ekki ætla að búa hér stundinni lengur þegar dóttir hennar sem er 12 ára klárar skólann í vor. Það verður bara að koma í ljós.

Ég er komin með smá Reykjavíkur fráhvarfseinkenni. Held samt að þetta sé frekar kaffihúsaslúðurs fráhvarfseinkenni. Held að þetta sé vegna vorfílíngs sem er í gangi. Fæ alltaf kláða í puttana til að breyta til - gera eitthvað, þegar vorið nálgast.

Rítalín töflur

Hæ allir

í gær urðum við Hjölli heldur hissa þegar við vorum að fara af stað til Egs. Hann var að hleypa tíkinni inn í búrið sitt í bílnum þegar hann rekur augun í 2 stk af rítalín töflum. Þær voru innpakkaðar í pakkninguna sína, greinilega klipptar út úr spjaldi. Bíllinn hefur ekki verið læstur, svo hver sem er hefði getað opnað afturhlerann og hent þessum töflum inn í búrið hennar. Ok, það er talað um hve hress hún er, og margir eru hræddir við hana sökum ærslagangsins. En commonn!! Maður gerir ekki svona!! Ef hún hefði fundið þessar töflur sjálf, þá hefði hún etið þær, hefði sennielgast ekki drepist en henni hefði ekki liðið vel af þeim. Róast jú, hefði tilganginum þá verið náð? Eru þetta skilaboð til okkar Hjölla um að gera eitthvað róttækt við hana til að róa hana, eða hrein skilaboð um að hún sé óþolandi? Hún hefur nú ekki verið mikið fyrir fólki þar sem hún sleppur aldrei út. Mér finnst þetta bara leiðinlegt. Og ef fólk hefur eitthvað á móti okkur Hjölla þá eiga dýrin ekki að gjalda fyrir það.

Námsleyfi

Jæja - ég ákvað að láta slag standa og hringdi í HR, spurði hvernig það væri ef ég segði mig úr báðum áföngum þessa önnina, hvort ég gæti tekið upp þráðinn aftur í haust. Það var lítið mál, er skráð í "námsleyfi" núna. Glata peningunum, en einhvernveginn er mér alveg sama um þá. Er bara ánægð með að vera ekki "hætt" í skólanum.

Þetta er svolítil ljúfsár gleði, mér þykir svo gaman í skólanum, ég var svo stolt af því að hafa komist þar inn. Og finnst leiðinlegt að þurfa að hætta. En á móti þá hlakka ég til þess að geta hætt að hafa áhyggjur af þessu, notið þessa samverustunda með syni mínum, alveg frjáls og ekkert sem kallar eða skyldur sem bíða eftir mér! Skólinn verður þarna enn, eins og hún Ásrún sagði sem sér um fjarnema "ég verð hérna í haust, hafðu bara samband"

Sonur minn er algjört æði, þó ég segi sjálf frá. Hann er farinn að grípa hluti!!! Smá sælustund í morgun þegar hann tók af mér dótið og auðvitað kom í hugann "sonur minn er snillingur" en hvaða mamma hugsar ekki svoleiðis um ungann sinn!

Konudagurinn

Til hamingju með daginn konur! Yndislegur dagur hérna fyrir austan. Veðrið alveg frábært, sól og blíða! Gabríel svaf vel í nótt, við sváfum öll frameftir, úthvíld og hress.

Kjörinn dagur í góðar gönguferðir, sem við nýttum okkur. Komum við á kökubasar, Hjölli splæsti rjómatertu - yummie! Og á Hótel Bjargi var kaffi í tilefni dagsins. Rosalega flottar kræsingar þar, rjómatertur, brauðtertur, heitir réttir svo eitthvað sé nefnt. Og minn maður bauð mér þangað. Afskaplega næs. Gabríel lék við hvern sinn fingur í boðinu. Þvílíkt hress og kátur á meðal fólksins.

piparkökur og kaffi

sit hérna og sötra ljúffengt kaffi og maula piparkökur með. Sonurinn sefur, hundurinn sefur og Hjölli er í tölvunni. Var að koma inn úr fínum labbó með Hafdísi og Jeltsín. Gott veður, og sálartetrið er í góðu jafnvægi. Enda svaf ég líka vel í nótt.

Hefi ákveðið að segja mig úr skólanum þessa önnina. Vona að ég fái að taka upp þráðinn næsta haust. Ég var búin að ákveða að segja mig úr öðrum áfanganum, en svo endaði ég andvaka þegar ég fór að hugsa um hvað ég væri orðin á eftir í hinum áfanganum, þá fattaði ég að ég læt þetta stressa mig allt of mikið. Enda vil ég njóta tímans með syni mínum, hann verður bara jú einu sinni svona pínu lítill og þessir fyrstu mánuðir eru jú mikilvægir.

Update

hæ aftur elskurnar mínar. Það virðist sem þegar ég ætla að setjast hérna niður og blogga þá gerist eitthvað sem veldur því að ég næ varla að logga mig inn. Næ að blogga fyrir Gabríel og svo smelli ég á bloggið mitt og "create a new post" þá vaknar hann, eða dyrabjallan hringir eða ég fer til Egilstaða....

Semst síðan á föstudaginn er búið að vera nóg að gera. Meiriháttar gaman á laugardaginn þegar Þórhalla systir og Lalli maðurinn hennar komu óvænt í heimsókn. Mér finnst gaman að fá fólk í heimsókn (hint hint)

Sunnudagurinn var Sex and the City dagur. Ég semst gerði afar fátt en að kúra í lazyboy með strákinn eða án stráksins og horfa á Sexið með poppi, súkkulaði og látum. Hjölli eldaði svo dýrindis læri til að fullkomna daginn.

Mánudagur - Valentínusardagur - var fínn. Við Hjölli höldum ekki upp á Valentínusardag, en höldum í gamlar hefðir með bónda og konudag. Við nýttum daginn til að skreppa upp á Egs. Kíktum í BT og Bónus. Málið er að ég hafði heyrt þess getið að bleyjukaup séu miklu hagstæðari í Bónus, og það borgi sig að keyra jafnvel til Egs gagngert til að versla þær, og það er alveg satt. Mér finnst það mikill verðmunur þegar það er komið upp í 1000,- mun!!! Ég keypti 3 pakka, með 70 stk í hverjum semst 210 stk og sparaði mér 3000.- og ég fer með 1000,- í bensín - fram og til baka! Auk þess sem þurrmjólkin er líka ódýrari, seld í stærri skömmtum (og er samt ódýrari) - hamstraði vel af því líka!!!

Í gær var yndislegt veður. Fór í 2 góða göngutúra. Með tíkinni fyrir hádegi og svo fórum við Gabríel eftir hádegi. Geggjað dugleg...

Úr ýmsum áttum....

Strax aftur kominn föstudagur. Vikan fljót að líða, eins og allar hinar. Það sem gerðist þessa vikuna var að ég bakaði bollur á bolludaginn!!! Var með vanillurjóma, jarðaberjarjóma og venjulegan rjóma, ásamt sultum til að setja á milli! Geggjað góðar þó ég segi sjálf frá! Hjölli hafði talað um hvað hann væri mikill bollukall svo ég bakaði um 30 stk af bollum - en minn maður borðaði bara 2 í kaffinu!! svo við buðum Gumma og Rimu í bollukaffi, og gerðu þau bollunum góð skil.

Hjölli var á milljón um helgina sl í SamAust keppninni eins og áður hefur komið fram. Hann er nú að búa til dvd disk frá tónleikunum, þar sem hann tók hana upp líka á vídeóvélina okkar. Mega flott hjá honum. Þetta er svo krakkarnir sem tóku þátt, og allir sem vilja geta eignast eintak af keppninni, sem var víst rosalega flott og skemmtileg í alla staði.

Við skelltum okkur upp á Egilstaði á miðvikudaginn, bara svona upp á fönnið. Loksins gott veður og aðallega gott færi. Versluðum, og nutum þess að breyta um umhverfi þó stutt væri.

Í gær var 6 vikna skoðun Gabríels, þó hann sé reyndar orðinn 7 vikna, þá var ljósan ekki við sl viku. Hann fékk flotta skoðun, hefur lengst um 7 cm (semst 1 cm á viku) og er núna 5320 gr (semst þyngst um nærri 2 kg síðan hann fæddist) "flottur strákur" sagði læknirinn - við mjög svo stolta móður!

Kaffi.. algjört möst

góðan daginn, eða frekar segi ég bara hæ, því ég hef ekki fengið kaffið mitt í morgun, og þó er ég búin að gefa stráknum að borða, fara í sturtu og út með tíkina, og sest hérna niður til að slaka á í smá stund. Af hverju er ég ekki búin að fá mér kaffi spyrja sennilegast margir, en það er vegna þess að ég á að fasta fyrir blóðprufu sem ég fer í á eftir.
Málið er að áður fyrr hugsaði ég með mér að það yrði hræðilega erfitt fyrir reykinga manneskjuna að setjast niður hérna fyrir framan tölvurnar og kveikja sér ekki í sígó! En það kom svona líka hryllilega aftan að mér að það væri helmingi erfiðara að setjast niður hérna og athuga póstinn og nýjusta slúðrið á bæjarbloggum Fáskrúðsfjarðar og hafa ekki kaffibollann, rjúkandi, ilmandi, hlýjandi, seðjandi, hversdagsleikaeyðandi, dagdraumagefandi, gefandi lífinu lit og tilgang, í hendinni....

Þreytuleg sæla

er það sem tímanum líður! Ég er td farin að blogga hræðilega sjaldan, ég sem var vön að láta í mér heyra daglega.
En sl dagar hafa verið frekar strembnir. Gabríel var eitthvað órólegur í maganum = lítill sem enginn svefn. Svo er það að lagast núna, eða er komið í lag, nema þá er að koma sólarhringnum í lag aftur, gengur svona la la. Ég er að reyna að hreyfa mig aðeins, fara út að labba, þegar ég fæ smá stund til þess, en er að finna fyrir því að líkaminn er ekki alveg í sama farinu og áður, finn enn til í grindinni, og það er að bætast við sár verkur í mjóbakinu líka, ekki glöð með það. Hjölli var lítið heima sl tvo daga þar sem hann var að aðstoða félagsmiðstöðina hérna með að halda söngvakeppni fyrir Austfirðina, og singstar keppnin var líka. Enn tek ég ofan fyrir einstæðrum mæðrum, og vil að þær fái verðlaunapening fyrir að vera hreinlega ofurkonur nútímans. Því ég fékk nasaþefinn af því að vera ein með barn núna sl tvo daga, og það var ekki til að hrópa húrra yfir. Ég myndi sennilegast þurfa að losa mig við tíkina og ekki vera í skóla ef ég væri ein. Reyndar hefur lærdómurinn farið svona upp og ofan, vegna þess að ég hef hreinlega ekki verið í ástandi til að læra, Gabríel vakandi, of þreytt, Gabríel vakandi og svo allt hitt sem þarf að gera á heimili. Sem betur fer er ekki mikið af speglum hérna hjá mér, langar engann veginn til að sjá framan í mig núna.
En núna ætla ég að nýta eitthvað af eftirlifandi orku (og svefntíma Gabríels) í að rumpa verkefni af sem á að skilast á morgun.
Heyrumst vonandi fljótlega aftur.

Hratt hratt hratt

er það sem tímanum líður! Ég er td farin að blogga hræðilega sjaldan, ég sem var vön að láta í mér heyra daglega.

En sl dagar hafa verið frekar strembnir. Gabríel var eitthvað órólegur í maganum = lítill sem enginn svefn. Svo er það að lagast núna, eða er komið í lag, nema þá er að koma sólarhringnum í lag aftur, gengur svona la la. Ég er að reyna að hreyfa mig aðeins, fara út að labba, þegar ég fæ smá stund til þess, en er að finna fyrir því að líkaminn er ekki alveg í sama farinu og áður, finn enn til í grindinni, og það er að bætast við sár verkur í mjóbakinu líka, ekki glöð með það. Hjölli var lítið heima sl tvo daga þar sem hann var að aðstoða félagsmiðstöðina hérna með að halda söngvakeppni fyrir Austfirðina, og singstar keppnin var líka. Enn tek ég ofan fyrir einstæðrum mæðrum, og vil að þær fái verðlaunapening fyrir að vera hreinlega ofurkonur nútímans. Því ég fékk nasaþefinn af því að vera ein með barn núna sl tvo daga, og það var ekki til að hrópa húrra yfir. Ég myndi sennilegast þurfa að losa mig við tíkina og ekki vera í skóla ef ég væri ein. Reyndar hefur lærdómurinn farið svona upp og ofan, vegna þess að ég hef hreinlega ekki verið í ástandi til að læra, Gabríel vakandi, of þreytt, Gabríel vakandi og svo allt hitt sem þarf að gera á heimili. Sem betur fer er ekki mikið af speglum hérna hjá mér, langar engann veginn til að sjá framan í mig núna.

En núna ætla ég að nýta eitthvað af eftirlifandi orku (og svefntíma Gabríels) í að rumpa verkefni af sem á að skilast á morgun.

Heyrumst vonandi fljótlega aftur.

Við erum hérna enn

í fullu fjöri. Fékk nýja örbygjuofninn í dag, en hinn dó einhverja vökunóttina um daginn. Blessuð sé minning hans og hans góða þjónusta.

Gabríel stækkar og stækkar, nóg að gera.

Rugluð

já ég var að fatta að í dag er mánudagur. Ég var vakandi í alla nótt, sofandi í dag, og var að borða Cocoa Puffs í kvöldmatinn!

Helgin var fín. Mamma og pabbi komu í heimsókn á laugardaginn og það var alveg frábært! Gabríel sýndi listir sínar og lék á alls oddi. Þau komust sem betur fer til baka seinnipartinn, en veðrið á leiðinni var hræðilegt. Sandstormur og malbikið að fjúka leiðar sinnar er ekki mín hugmynd um gott ferðaveður.

Húsið hérna vaggaði á verstu hrynunum, en að hafa svona rosalegt rok í tvo heila daga er frekar of mikið af hinu góða. Ég verð alltaf svo hrædd um að gluggarnir fjúki inn, því ég horfi á þá bogna undan storminum, og eldhúsgólfið hreyfast! Enda skal engin segja mér að það hafi verið undir 20 m/sek.

Svo var rólegur dagur í gær, matur hjá Gumma og Rímu. Rólegt svo framan af þar til sonurinn vaknaði og ákvað að það væri sko vakitími núna - "party time" - yeah!! Hann var ekkert pirraður, ekkert vesen, bara sitja og horfa í kringum sig og hjala - svaka ánægður með lífið og tilveruna. Sem var ok fyrsta klukkutímann eftir gjöfina, en þegar klukkutímarnir urðu fleiri þá var þetta ekki eins sniðugt.

Svo dagurinn í dag var frekar erfiður, þar til ég náði að leggja mig um tvö. Svaf á mínu græna til fimm.

Þó dagarnir séu erfiðir á köflum, svefnlausar nætur, stress og tár (hjá mér), maður verði úttaugaður og útkeyrður, þá samt þakkar maður fyrir sig. Ég eignaðist heilbrigðan son, og allt gekk vel. Og fréttir eins og sú sem var í kvöld um hjónin sem misstu dóttur sína við fæðingu vegna þess að skurðdeildin er ekki opin allann sólarhringinn! Ég sat í "mjaltarbásnum" mínum (lazyboy) og hélt á Gabríel sem var alveg við að sofna og ég hreinlega get ekki ímyndað mér þá erfiðu tíma sem þessi hjón eiga fram undan. Ég get ekki ímyndað mér þessa tilfinningu og sorg sem þau eru að upplifa. Að þurfa að fara heim af fæðingardeild eftir svona atburð hlýtur að vera eitt það erfiðasta sem nokkur getur upplifað. Áður en fréttinni lauk þá var ég farin að hágráta af samúð með þeim. Og það sem flaug aftur og aftur í gegnum hugann "vá hvað ég er heppin"

Í brennidepli

Mamma og pabbi koma þar fram - obbosslega sæt bæði tvö. Endilega kíkið á þáttinn þið sem hafið ekki séð hann, en hann er að finna á www.ruv.is þetta er þátturinn sem sýndur var sl sunnudag. En ég vil að það komi fram að það sem sagt er um fuglalífið er bull og kjaftæði. Maðurinn sem stjórnaði þættinum hefði mátt athuga staðreyndir aðeins betur áður en hann lét þetta flakka í sjónvarpinu. Hann reyndar býr með náttúruverndarsinna svo hann er ekki hlutlaus í þessum málum. En nóg um þetta. Mamma og pabbi eru bæði svo sæt að endilega kíkið á þau!!

Já Gabríel dafnar og dafnar. Dagarnir hjá mér eru mismunandi, fer eftir því hvernig mér líður sjálfri. Er rosalega viðkvæm suma daga en aðra líður mér alveg stórvel. Hjölla grunar að ég sé með snert af fæðingarþunglyndi og það er alls ekki ólíklegt, miðað við einkennin, og hvernig mér líður dags daglega.

Mér líður vel í dag. Mér leið illa í gær, og enginn veit hvernig mér kemur til með að líða á morgun. Ég á það til að hugsa síðast um sjálfa mig, eiginlega bara allt of oft. Verð bara að passa mig - eitt er víst: ég á yndislegasta son í heimi!!

Ferðalangar 2005

Jæja þá er æskuvinkona mín hún Inga Hrund og hennar maður Kári farin af stað í drauma ferðalagið sitt. Þau eru það sniðug að setja upp síðu með ferðasögunni sinni og það verður snilld að fylgjast með þeim!! Ferðalag Kára og Ingu Hrundar er einnig í slóðadálknum hér til hliðar! Góða ferð snúllurnar mínar og komið heil heim!!!

Yndislegur dagur í dag

Það fyrsta sem sonur minn gerði í dag, var að horfa beint í augun á mér og brosa til mín sínu yndislegasta brosi sem til er í veröldinni!! Það er held ég ekki til betri tilfinning en sú sem hríslaðist um mig þetta augnablik!

Og þetta fær mann til að hugsa um allt sem maður getur verið þakklátur fyrir í lífinu! Jú oft er maður að kvarta yfir hinu og þessu, en svo hugsar maður um hve heppinn maður er að eiga heilbrigt barn og heimili til að veita því, ást og umhyggju! Hvað svona lítið kríli getur breytt öllu hjá manni og breytt öllu viðhorfi og áherslum í lífinu!

Við fórum öll fjögur í bíltúr í dag. Tíkin himinlifandi því við fórum með myndavélina okkar og lékum heillengi við hana úti á ósnum, en hann er ísilagður. Og hún skemmti sér svo vel og var í essinu sínu yfir allri athyglinni sem hún fékk. Það var svo gaman hjá okkur.

Svo fékk Gabríel sendingu í dag frá systurbörnum mínum þeim Hirti Smára og Sylvíu Ósk í Mývatnssveitinni. Hann fékk sent svona leikfangaóróa sem hægt er að leggja í rúm og síðar á gólf. Rosa flottur og Gabríel var svo hrifinn - lá heillengi, horfði og hjalaði í áttina að dótinu - svaka gaman hjá honum !! Enda tók ég myndir af þessu sem eru á myndasíðunni hans endilega kíkið á!!

Allt í góðum gír

nema ég er að verða vitlaus á þessum kulda og þessum klaka alls staðar! Það er hvergi hægt að fara út og labba almennilega því maður stendur ekki á fótunum.

Annars var helgin fín. Bökuðum allt of stóra köku á föstudaginn, og buðum Gumma og Rímu í kaffi á laugardaginn. Þau voru hress og sonur þeirra Hartmann var afskaplega hress og hrifinn af tíkinni, enda er hann orðinn það gamall að hún getur "notast" við hann í boltaleik - svaka gaman !! En mér finnst það skuggalegt hvað þau eru fljót að stækka. Síðast þegar ég sá Hartmann hvar hann helmingi minni og léttari. Minnir mig bara á hvað minn kemur til með að stækka hratt.

En ég er búin að vera dugleg að læra og Gabríel hjálpaði til - eins og sést hér

Annars hef ég lítið náð að vera á msn, sakna þess að kjafta við fólk á msn, og finnst ég nokkuð vera að detta út úr því sem er að gerast. Svo mig vantar tölvupósta um hvað sé að gerast!! Ég næ að halda mér við með að lesa bloggin.

Annars hef ég verið að dunda mér við að horfa á nýja þætti sem heita Lost, fólk sem lendir í flugslysi á eyðieyju - mega spennandi - bara netið ekki nógu hratt og ekki nægilega mörg slot! Og svo þættir sem heita 5 Days to Midnight. Byrja ágætlega - lofa góðu. Þetta dunda ég mér við að horfa á þegar ég er að næra soninn.

Til hamingju með daginn bóndar!

Jamm - ég er að baka og færði mínum manni blóm áðan þegar ég kom heim úr labbó. Ég er svo myndarleg húsmóðir :-)

Sonurinn sefur og etur, þyngist og stækkar. Algjör engill. Hann er núna farinn að sofa aftur eins og hann gerði, svo ég fæ næga hvíld núna.

En það er ekkert hægt að labba úti, það er allt undir einni klakabrynju úti, þegar hundurinn stendur ekki í sínar fjórar fætur þá er hæpið að ég standi í mínar. Annars ætla ég alltaf að taka með mér vídeóvélina og taka myndir af henni, því hún skautar svo flott á ísnum, og stundum þá siglir hún yfir svellið á maganum með sínar fjórar spírur í allar áttir.

Með betri svefntíma sonarins þá er ég byrjuð á fullu í námsefninu. Líst bara þokkalega vel á þetta, og hlakka til að takast á við verkefni vetrarins.

Nóg að gera

hæ hæ

það er sko nóg að gera á litlu heimili. Sumir hafa verið að vakna á nærri klukkutíma fresti, bara til að vakna, drekka smá, halda áfram að sofa. Lítið um hvíld hjá mér í dag - eða til að gera nokkuð annað.

Ég er núna að stressa mig á því að ég er ekkert byrjuð á náminu mínu. Ég einhvernveginn finn ekki tímann eða orkuna til þess. Skólinn er byrjaður en ég hef varla litið á efnið - jú ég er reyndar búin að sækja allar glærur - en ekkert farin að hlusta á fyrirlestrana. Og það er strax komið inn verkefni sem á að skilast 24 janúar! Æ það hlýtur að reddast.

Við Kítara komumst ekkert út í dag, það er ógisslegt veður úti, ég vorkenni henni svolítið - þetta getur ekki verið auðvelt fyrir hana allar þessar breytingar. Hún er samt algjör dúlla - tekur þessu afskaplega vel. Ég fer með hana í labbó daglega (nema þegar veðrið sökkar algjörlega eins og í dag) og gef henni tíma með mér. En þetta er ekki auðvelt, en samt þess virði!!

Rétt að líta inn

og láta vita að allt sé í góðum gír hérna hjá litlu fjölskyldunni á Fáskrúðsfirði. Áttum rólega helgi, notalega og kósí. Er búin að ná upp tú deit í Stargate SG-1 og Stargate Atlantis eftir fjarveru mína frá netinu í desember. Má kannski nefna það að það vakti athygli á fæðingardeildinni hvernig ég slappaði af og drap tímann - ég var með ferðatölvuna mína, og var vel nestuð af dvd diskum heimabrenndum af skemmtilegu efni sem Hjölli tíndi til af tölvunni sinni - var með yfir 20 dvd diska að ég held og maður kemur þokkalega miklu efni á einn dvd disk í avi fælum!! Og það var bara snilld að liggja í bælinu þar, borða konfekt og horfa á gott myndefni.

En dagarnir líða frekar saman í eitt, og ég er ekki alltaf að átta mig á hvaða dagur er. Dagarnir fara í að sofa þegar færi gefst og reyna að borða á matmálstímum. Við Gabríel erum búin að ná sáttum um næturnar, og ég fæ að sofa til sjö flesta morgna (gæti verið fyrr núna þar sem hann er sofnaður fyrr í kvöld en önnur kvöld) en hann hefur verið að sofna um eitt hálf tvö venjulega. Og við Hjölli höfum skipt með okkur morgnunum, svo annað okkar nái að sofa almennilega reglulega. Það er hægt í okkar tilfelli þar sem Gabríel er ekki eingöngu á brjósti.

En nú er komið að háttatímanum mínum. Guttinn sofnaður almennilega og ég get farið að sofa.

Góða nótt

Síðan hans Gabríels

hæhæ

ég loksins náði að setja inn síðuna hans og setja á netið myndir af honum. Hérna er slóðin http://gabrielalex.blogspot.com/

Lífið gengur annars sinn vanagang hérna. Þetta er allt að komast í réttar skorður. Ég er farin að hvíla mig meira, ég er hætt að stressa mig á öllum mögulegum hlutum sem varða barnið eða bara öllu almennt. Er td ekkert að stressa mig á að skólinn er byrjaður. Eða er að byrja, eitthvað af fyrirlestrum komið inn. Byrjaði í þessari viku. Ég sá að helmingurinn af fólkinu sem var með mér í náminu fyrir áramót er hættur. Td gaurinn á Breiðdalsvík er ekki skráður, svo ég er ein hérna fyrir austan. Reyndar hef ég suma grunaða með að hafa sagt sig úr áföngunum fyrir prófin, því nokkrir voru alveg hættir að sjást á msn eða umræðuþráðunum.

Skítakuldi hérna núna, ef það er smá vindur þá er ekki hægt að vera úti.

Annars er lítið í gangi. Ég er afar dugleg að fara yfir Friends þættina mína. Það er svo þægilegt að henda þeim á í TV tölvunni þegar maður er að fóðra guttann (á nóttu sem degi) fljótlegt og þægilegt. Já maður hefur oft þakkað fyrir Friends.

Vöknuð til að borða

hæ hæ - ég er rétt vakandi núna til að borða. Gabríel sefur núna, en hefur ekkert verið neitt duglegur við það undanfarið. Svo ég verð hreinlega að spila inn á svefntímann hans og aðlaga mig og minn svefn eftir því. Þar af leiðandi geri ég fátt annað en að fóðra, sofa og eta. Ég fattaði það on the hard way að hlutirnir ganga hreinlega ekki upp öðruvísi. Þar af leiðandi vil ég afsaka myndleysið, en ég vona að það reddist fljótlega.

Annars er það að frétta að neysluvatnskúturinn er kominn, og hann verður tengdur í dag!! Og frystikystan er í lagi, tóm, en í lagi. Ég hafði áhyggjur af því að hún yrði ekki nothæf eftir þetta dæmi (vegna lyktarinnar) en Hjölli snillingur reddaði þeim málum með alls kyns efnum og græsi!!

Tíkin er yndisleg að vanda, passar okkur Gabríel á nóttu sem degi. Hún verður alltaf mjög áhyggjufull ef hann grætur (eða er í frekjukasti - nóg er af henni í þessum litla búk - why?? skil ekkert hvaðan barnið hefur hana....) hún hleypur þá á milli okkar Hjölla og finnst við stundum afar sein í hreyfingum.

Svo lífið lítur vel út hjá litlu fjölskyldunni á Fáskrúðsfirði!

Hundastrákur

Jæja svo Kítara á biðil! Fór allt í háaloft áðan þar sem eitt vesælt búff heyrðist utan úr garði, var þá þar kominn obosslega sætur hundastrákur sem var afskaplega hrifinn af dömunni, og vildi ekkert með okkur mannfólkið hafa. Hann er ómerktur, og hafði bara einn áhuga (greinilega enginn séntilmaður sá) Kítara var nú ekki alveg á þeim nótunum, en er samt voða sorry yfir að fá ekki að vera lengur úti að leika við strákinn. En hann hangir núna fyrir framan hurðina okkar með sínar hugsanir og langanir. Kítara átti ekki að fá strákasprautu fyrr en núna 20 janúar, en það er greinilega þörf á henni núna.

Gabríel Alexander

Nafn drengsins er komið á hreint. Þó margir vilji sjá hann heita Stormur, Fannar eða Bylur (því jólanóttin var ekki svo veðurbesta) þá vil ég endilega leyfa fólki að heyra nafn hans svo þessi nöfn festist ekki við hann. Gabríel Alexander Hjörleifsson. Við vorum búin að ákveða þetta nafn fyrir löngu síðan, eins og jafnvel margir muna eftir þá voru stelpu nöfn ekkert rædd því Hjölli var alveg með það á tæru að þetta væri strákur.

• Gabríel: Nafn þetta er biblíunafn komið úr hebresku og merkir hetja guðs.
  Gabríel er einn helsti af englum guðs og af sumum talinn vera fyrsta sköpunarverkið.
• Alexander: Nafn þetta er upprunnið úr grísku og er sett saman úr forliðnum "aléxein" sem merkir vernd, "anér" sem merkir ef og "andrós" sem merkir maður.
  Alexander er því verndari.

Þessar lýsingar eru komnar af Mannanöfn.com, Merking íslenskra nafna

Nú eru hlutirnir farnir að ganga nokkur sjálfkrafa. Við erum búin að taka upp úr töskum, og flokka og ganga frá.

Hjölli er búinn að ganga frá áföllum við heimkomuna, en aðkoman var ekki alveg eins og maður hefði óskað sér. Neysluvatnskúturinn hafði bilað/eyðilagst og slegið út rafmagninu á kjallaranum. Sem hefði kannski ekki verið mikið mál ef frystikistan hefði ekki verið tengd inn á þá grein rafmagnsins í húsinu, og þar af leiðandi hafði hún afþýtt sig einhverntímann í desember (á lyktinni að dæma ekki nýlega) og allt í henni ónýtt. Tryggingarnar borga eitthvað sem betur fer, en við urðum að punga út fyrir nýjum kút. Kúturinn er kominn en nú vantar pípara til að tengja, ég er farin að þrá að komast í almennilega sturtu. Fyrir ykkur sem ekki vitið þá er neysluvatnskúturinn sá sem inniheldur heita vatnið okkar. Það er nóg af köldu vatni í krananum og þetta er alveg óháð hita hússins.

Gleðileg jól og gleðilegt nýtt ár !!!!!

Halló elskurnar mínar! Við litla fjölskyldan erum komin heim. Sonur okkar er hraustur og hress, hann kom í heiminn 24. desember kl 13:38, var 13 merkur og 50 cm. Fæðing gekk rosalega vel, tók engin verkjalyf, og gekk samt eins og í sögu. Hjölli var ómetanlegur stuðingur og er yndislegur pabbi. Tíkin tók syninum vel, vill bara passa hann og veit alltaf hvar hann er og hvað hann er að gera.

Svo lífið er yndislegt í dag! Rosalega gott að koma heim, og loksins getur maður komið reglu og rútínu á lífið aftur!