Gleðilegt nýtt ár!

Gaman á jólaballi

Fórum á jólaball í sveitinni. Amma Gabríels og hann skemmtu sér vel enda var rosa gaman hjá okkur!B-)

Þau eru í uppáhaldi

öll þrjú!

Gleðileg jól

Kæru vinir og vandamenn. Við Gabríel þökkum allt gamalt og gott á árinu sem að líða

2 ára í dag

Svona litu sumir út fyrir 2 árum!

Sylvía besta frænja

Hægt ad nota gestina

Ég hlakka til jólanna!

tær snilld!!

Fékk þær frábæru fréttir í dag hjá henni Sesselju í skóladeild Akureyrarbæjar að Gabríel kemst inn á leikskólann Flúðir í Janúar!!!! ég á að hringja í konu á Flúðum og ath hvenær við megum byrja í aðlögun!! en hann er sem sagt KOMINN MEÐ LEIKSKÓLAPLÁSS!!!! *dancing around the christmas treeee*

Inni í dag

og ætla helst ekkert út. Nenni því bara ekki, þá eyði ég bara pening, og ég er að spara... það er brjáluð hálka. svona fljúgandi - allavega er hún svífandi hér fyrir utan gluggann minn á hæð 2....
Ætla að skreyta á morgun. Dóa mín kemur á fimmtudag, og við Gabríel förum í Mývó á föstudag. Langar til að hafa smá jóló hérna, tré og soleis. Ég er þó með 2 seríur, dúka og styttur uppi, svo það er aðeins jóló hjá mér. Já og ekki gleyma jólagluggatjöldunum sem mamma mín gaf mér :)

keyrið varlega og gangið varlega þið sem eruð úti í þessari hálku!

Strákur í kassa

Í baði

Spurnimg um hvort baðið sé nógu stórt??

I'm fine...

hæ hó.
Þá erum við Gabríel búin að koma okkur vel fyrir hérna á eyrinni. Meira að segja fundum róló í morgun sem voru börn og dagmömmur að leik, he he þá fær hann smá útrás fyrir hve leiður hann er orðinn á að hanga alltaf bara með mér. Hann td lét mig alveg heyra það inni á Glerártorgi áðan og símabúðinni í göngugötunni. Nota bene hann er með fín lungu sá stutti.
Ég fæ vonandi að vita síðar í dag um hvenær hann fær inn í leikskóla. Annars var helgin fín. Við skruppum í Mývó (kúl að "skreppa" í Mývó) og gerðum laufabrauð. Það hafði verið á áætlun sl helgi, en þar sem hún fór í flutninga þá frestaðist það. Var rosalega gaman. Gabríel fór í fjárhús í fyrsta skipti og var ekkert smeykur við þær ferfættu.
Annars er ég ok bara. Koma stundir sem mér finnst allt ómögulegt, ömurlegt og ekkert hafi neinn tilgang og hversu ömurleg ég skuli vera þar sem auminginn hefur ekki einu sinni hringt eða látið í sér heyra í 3 vikur!! En svo hugsa ég um alka hliðina og hristi þetta af mér, þakka Guði fyrir að vera laus og þurfa ekki að hafa áhyggjur, og þakka fyrir að eiga svona marga og góða að sem eru alltaf reiðubúnir til að aðstoða, og vil ég hér með þakka fyrir yndislega aðstoð sem ég hef fengið.

Knús og kossar

Síðasta kvöldið...

Þá er það runnið upp, síðasta kvöldið hér í Sunnuhvoli. Og líðanin eftir því. Fegin að hafa tekið þessa ákvörðun, hlakka til að takast á við nýtt líf á nýjum stað. En mér þykir mikið vænt um þetta 103 ára gamla hús, og er döpur yfir hvernig þetta fór. Fyrir viku síðan þá var ég bara í tölvunni, áður en ég fattaði hvað var í gangi, grunlaus og áhyggjulaus.
Ég er enn að átta mig á þessu - hvernig nokkur getur verið svona kaldrifjuð, undirförul og svikul gunga, að þora ekki að horfast í augu við raunveruleikann og taka ábyrgð á hlutunum, heldur laumast í burtu með skottið á milli lappana.
Nei ég hef ekki heyrt í honum enn og raun bara fegin. Hann lokaði sinni síðustu hurð í þessu sambandi sl fimmtudag.

Kúristrákur

Alltaf að pússla

á tali við ömmu Rósu :)

Skilin...

ok ef þið sjáið Hjörleif í Reykjavík, ekki hringja í mig. Hann kemur mér ekki við lengur. Til að gera stutta sögu styttri þá fór hann á fund á fimmtudag, og hefur ekki sést síðan, eins og sagan um manninn sem fór út í búð að kaupa sígó, þá fór hann á fund....

Við Gabríel höfum það fínt, við erum að flytja til Akureyrar, erum já gott sem komin með íbúð :) og ég fékk mörg jákvæð svör varðandi vinnu þar, svo ég er bara bjartsýn á þetta.

svo ... jólapakkar - vinsamlegast sendið þá og kort til mývó, við verðum þar um jólin :)

Til umhugsunar...

One of the hardest things in life to learn is which bridge to cross and which bridge to burn.

Ætla að kaupa jólamandarínukassa á morgun..

Sko... ég er í vinnunni, klukkan er bara 09:25, og ég sit og les blogg, les moggann,.. fæ mér te og less blogg. Langar ekki kaffi, er frekar áhyggjufull vegna þess, ekki líkt mér að vilja ekki kaffi. En gæti verið kvefið að tala.

Er búin að heyra í nokkrum yndislegum manneskjum í morgun, aðallega á msn, en þær eru heppnar og eru bissí að vinna. Mér finnst þetta ekki sniðugt lengur.

Annars er allt hið besta að frétta. Áætlað er að fara í Mývó helgina 8-10 des í laufabrauðsgerð. Þá ætla ég að klára jólagjafastússið, hitta fólk og njóta jólafílingsins. Það er ekkert planað að fara um jólin eitt eða neitt. Langar helst að slappa af heima hjá mér. Ég þarf að sitja á mér að byrja ekki að spila jólatónlistina. Og er í startholunum með seríurnar. Vika til stefnu...

Annars – my mind is blank.. maður verður heiladauður á að sitja og gera ekki neitt svona lengi...

Enn einn mánudagurinn....

Góðan daginn og “gleðilegan” mándudag
Ég er mætt,.. aftur .... í vinnuna mína þar sem ég upplifi mig sem þann ónýttasta starfskraft veraldar í augnablikinu. Komin klukkan 08:20.. og fæ mér kaffi, les moggann á netinu, les blogg, athuga póstinn, les meiri blogg, fasteignaauglýsingar og atvinnuauglýsingar. Og klukkan er bara 09:20... klukkutími liðinn. Blehh.. . This will be a very long day. Bólar ekkert á yfirmanni mínum. Já einn dag sl viku mæti ég of seint og þá var hann hérna, “Gudrun I missed u this morning” - en hinir dagarnir, sem ég er hérna , er ég algjörlega atvinnulaus.
Annars mætti ég ekki í 2 daga sl viku vegna veðurs, go ég skammast mín ekkert fyrir það. Nema ég varð hálf hvummsa þegar ég heyrði að það væru rútuferðir á milli Fásk og vinnunnar. Hafði ekki hugmynd um það. En litli bíllinn minn er ekki glaður í svona færð. Þetta er jeppafærð og ég nappaði Fordinum í morgun, mega gella á jeppa :o)
Helgin var ljúf eins og alltaf. Sonur glaður og kátur. Ætluðum að versla á laugardaginn en Gabríel svaf frá hálf eitt til hálf fimm. Þá var orðið of seint að brenna til Egs að versla, fórum í gær í staðinn. Sonur vill sofa svona vel regluelga. Við höfðum vaknað snemma um morguninn, fórum og hömuðumst í íþróttahúsinu. Þá var minn bara búinn og steinsofnaði eftir pastadiskinn sem hann fékk í hádeginu. Það besta er að þetta hefur engin áhrif á hans 12 tíma nætursvefn. Gott að hann getur sofið þessi elska.

Blehhhh

Og þetta vaknar maður upp við:
“Það er stórhríð á Þverárfjalli og milli Dalvíkur og Ólafsfjarðar. Víkurskarð er ófært en þar er verið að moka. Þá er varað við stórhríð á Mývatns- og Möðrudalsöræfum og eins á Breiðdalsheiði en annars er víðast verið að hreinsa vegi bæði á Norður- og Asuturlandi. Sérstaklega er beðið um að smærri bílar séu ekki á ferð á Oddsskarði þar sem mokstur stendur yfir og verið er að koma sjúkrabílum í gegn.”( 14.11.2006 | 7:50) og “Viðvörun: Búist er við stormi....”
Sko er ekki komið nóg???

Ætla sko að fara í hádeginu eitthvað út. Fór ekkert í gær, ætlaði að spara peninga og bensín, en þess í stað, var dagurinn helmingi lengur að líða, ég helmingi pirraðri, og þá er bara spurningin um hvort það sé virkilega þess virði, að spara peninga og bensín??

Mánudagur til myglu #2

Ok nú er ég komn með dúbíus plott “hvernig get ég stungið af úr vinnu án þess að bossinn fatti” þá verð ég no 1. að bíða þar til hann fer á fund.. no 2. RUN FOR IT!!!!

Seriously... klukkan er 15;42 og ég er ekki búin að gera HANDTAK síðan 11 í morgun. Þetta er náttla bara ekki sniðugt. Sit og bora í nefið, laumast á netið, sem ég má eiginlega ekki gera. Ég SAKNA Tæknivals, og þeirra hlunninda sem þar voru, eða Netx sem ég var minn eiginn herra. Omg omg omg ég meika ekki marga daga af þessu....

mánudagur til myglu

“Viðvörun: Búist er við stormi” er ég orðin leið á þessum orðum... þokkalega. Eina sem maður hefur heyrt í 3 daga .. “veðurhorfur næstu daga, viðvörun búist er við stormi.....” Og svo brestur allt á, húsið mitt færist til um 5 cm í hverri hviðu, ég fljótlega get sagst eiga heima á Hamarsgötu í stað Skólavegs, (Hamarsgatan er gatan fyrir neðan mig) Og oft um helgina var ég viss um að ég og mínir myndu enda úti á firði. Mér leiðist vetur. Snjór og allt sem honum fylgir. Kuldi, gustur og bleyta. Klakabrynjur og hor.

Mánudags myglan alveg að drepa mig. Kannski væri ekki svo slæmt ef maður hefði eitthvað að gera til að láta daginn líða – bara smá hraðar.

Heima....

í dag hjá veiku barni og veikum manni. Hiti og slen að ganga....

jibbí skibbí

14:09
Jámm ég á nýjan lítin svartan bíl bíl !!!
Var að koma aftur frá Heklu á nýja bílnum mínum – geggjað! Lítill Póló, alveg nægilegur fyrir mig og mínar þarfir. Meira pláss aftur í honum en í impnum, svo kannski hætti ég að slá hausnum á barninu mínu í bílinn núna þegar ég set hann í aftursætið. Svo þegar átti að fara að kvitta þá kom það í ljós að Hjölli var skráður fyrir impnum svo hann varð að kvitta – sem betur fer hafði ég lokkað hann með mér á bílasöluna!
Núna – aftur við borðið mitt – hugsa ég bara um að komast á rúntinn. Og þar sem það er nákvæmlega ekkert að gera þá hreinlega finn ég til...

Svo ég bara föndra tímaskrýslu í excel, bara að dútla.

Núna þegar pengerne eru komnir á reikn þá get ég borgað það sem ég skulda í dag :D en ég geri það ekki hérna í vinnunni þar sem allir eru með augun á allra skjáum og ég hef engann áhuga á að gera neitt solleis hérna. Auk þess sem ég veit ekkert hvernig þeir monitora netið og hef engann áhuga á að skilja eftir lykilorðs cookie á servernum hérna!. Svo elsku Blíða – takk fyir lánið og biðin er senn á enda legg inn á þig í kvöld :D

15:18

Bleeehhh – ætlaði að borga reikn – glatað þegar dagurinn líður svona nákvæmlega ekki neitt. Og hvað – nema það að heimildin dottin niður – seriously!! Hvað ef ég hefði nú ætla að halda mig við að borga reikn í kvöld?? Ekki gott ekki gott... En þær eru svo yndislegar að redda þessu fyrir mig.. þe heimildinni – ha ha hvað ætli sé langt síðan ég fór yfir núllið HA HA HA HA HA HA

Það fyndna er samt að heimildin og nú bíllinn minn nýji eru einu skuldirnar á kennitölunni minni ! (fyrir utan RÚV skuld dauðans)

15:54
Þá fer þetta að koma – 30 mín eftir.. kannski sting ég af fyrr ef bossinn stendur einhverntímann upp frá tölvunni. Fyndið. Maðurinn sést varla alla vikuna og svo akkúrat núna þá situr hann sem fastast !

16:30
Ok now I am getting nervous... heimild ekki upp enn... ekki gott L Og mig bara langar til að borga reikn og stinga af... á nýja bílnum...

Á sjó.....

10:20
Omg.. er bara ekki í stuði til að vinna. Er of spennt/stressuð vegan nýja bílsins míns. Alltaf þegar ég geri svona fjárfestingar þá fer alltaf í gegnum kollinn “get ég þetta, hef ég efni á þessu” ég er búin að liggja yfir þessu og hugsa fram og aftur, aftur og fram, hægri vinstri snú og alles og kem alltaf að þeirri niðurstöðu “jú ég get þetta alveg” - nú ef eitthvað gerist sem setur strik í reikninginn þá er hægt að selja bílinn aftur ekki satt? – ss atvinnuleysi, hugs hugs... já atvinnuleysi (það eina sem mé dettur í hug sem gæti breytt áætlun minni)

Sú sem situr við hliðina á mér á bleikt veski /tösku úr hreindýraskinni. Já ég segi satt og þetta er það flottasta sem ég hef séð til þessa.!!! Dóa – varð svo hugsað til þín!

11:33
Bíllinn minn er enn á sjó.... grátur grátur, er ekki von á honum í land fyrr en 7 í kvöld... – þá er skipið allavega sólarhring á eftir áætlun....

Vikan hálfnuð...

Ok.. núna er ég með þennan þráláta hausverk aftur. Byrjaði næstum því samdægurs þegar ég byrjaði að vinna hérna aftur. Síðast þá var ég alltaf með hausverk, byrjaði á nuddi og bla bla en svo hætti ég og fór að vinna hjá Netx og hausverkurinn hætti. Núna bryð ég ibufen aftur. Ég veit hreinlega ekki hvað veldur. Vinnustaðan er rétt, góður stóll, borð í réttri hæð, og ég sit rétt. Ég stend upp og labba um, kannski ekki nógu mikið, en samt næ mér í kaffi, te eða kók með reglulegu millibili. Fæ mér pásu með Moniku og fæ mér ferskt loft (passa mig að standa ekki í reyknum) og þar sem ég þarf að fara reglulega með skjöl yfir í aðrar byggingar þá tek ég mér tíma og staldra við í góða loftinu úti, eða spjalla við fólk á leiðinni, ég semst sit ekki hreyfingarlaus frá 8 til 5. Auk þess sem ég man ekki eftir því að vera með hausverk á kvöldin þegar ég er komin heim, eða á leiðinni heim.. svo hvað veldur??

Happy Halloween

12:42
Það er svo rólegt eitthvað á skrifstofunni, matartíminn kannski veit ekki. Sá til sólar áðan, og var brutally minnt á það að fljótlega þá fæ ég ekki að sjá hana fyrr en aftur í janúar að mig minnir. En hún felur sig á bakvið fjöllin á þessum dimmasta tíma ársins...

Húsasmiðjan á sennilegast til kaffikönnu handa mér en minn heittelskaði sonur braut glerkönnuna um helgina og ekki er hægt að hella upp á kaffi. Sem betur fer drekk ég frekar cappuccino svo ég er ekki í bráðri koffeinleysishættu.

13:00

Og þá er friðurinn úti.. um leið og fólk var búið í mat, hefði actually verið næs að hafa svona kyrrð...

13:37

Mikið svakalega hlakka ég til að fá bílinn – þá get ég td stungið af í hád go komist út aðeins frá vinnunni, brotið upp daginn, er núna td með hausverk af súrefnisskorti, og búin að sitja á sama stað síðan kl 08:17 í morgun... fyrir utan nokkrar klósettferðir og teferðir

Happy Halloween!!!

Vel heppnuð helgi

12:20

Var að hefja hádegismatinn minn. Sit með bollasúpu, og sötra hægt, hún er svo heit... Og kók með, yumm. Djö gleymdi nefnilega makkarónuréttinum sem Hjölli eldaði í gær, hefði verið gott að hafa hann með í vinnuna og kjamsa á honum.

Helgin var afskaplega ljúf. Fórum “út að borða” á laugardag, semst hammara í sjoppunni á Reyðarfirði. Syni mínum finnst alltaf svo gaman þar, svo margt að skoða. Vildi óska að ég væri svona eins og hann – þarf svo lítið til að gleðja.

Tengdapabbi kom á fimmtudag og fór laugardagsmorgun. Hann var að selja Hvamm. Skrýtin tilhugsun að Hvammur sé ekki “option” lengur. Ekkert fiskerí þar eða hænur. Og maður á margar góðar minningar þaðan. Vona að nýjir eigendur fari vel með staðinn og hugsi um húsið og sálina sem þar er (draugana).

Sunnudag fórum við í sund á Eskifirði. Sonur minn er svo mikill selur, vatnið hræðir hann sko ekki. Hann vill ekki lengur fara í litlu rennibrautina – sú stóra er sko málið! Og bíllinn, litli leikfangabíllinn sem hann fékk á laugardeginum skildi sko með annars færi hann ekki í laugina!!

Við lékum okkur helling í gær, og hann er alltaf að bæta við í orðaforðann. “mamma le” þá á ég að lesa, “kubakuba” þá á ég að koma og kubba með honum, og núna er “mamma sa” þá á ég að koma og sjá. Svo eru bara fullt fullt af orðum sem hann er farinn að mynda, og hann reynir alltaf að herma. Litla ungbarna talið hans, semst “bullið” er hætt. Og hann er farinn að segja “já” og “nei” á réttum stöðum, þegar púkinn er sofandi... ef púkinn er til staðar þá notar hann “nei” frekar, og hlær ..... yndislegur!

Föstudagur

13:07

Rólgegt rólegt rólegt... föstudagur og ekkert um að vera. Sá sem ég vinn eða á að vinna mest fyrir lætur mig ekki fá nein verkefni, svo þegar ekkert er frá innkaupadeildinni þá hef ég ekkert að gera. Var að skoða jólatöfluna, og hef ákveðið að taka frí milli jóla og nýárs. Yfirmaðurinn verður í Ástralíu, svo það verður frekar lítið ef eitthvað fyrir mig að gera..

Og hvar er allt fólkið á msn... að vinna??? Össsss

13:41

Og tíminn líður ekki baun.. fæ ekki einu sinni meil..

14:17

Og tíminn stendur í stað. Var að útbúa “my personal safety plan” sem allir verða að gera og hafa nálægt vinnustöð sinni:

I will be committed to put safety as a priority,

I will not set a bad example for my co-workers ,

I will always think before I take an action and make sure I won’t put my own safety or others at risk,

I will respect speed limit and comply to all local traffic rules,

I will keep my desk organized as well my whole work environment,

I will deliver my best in order to fulfill the expectations of my position.

Þannig lítur það út…. Með dúllum og myndum og þessháttar sem ekki sést hér... Annars sit ég hérna og hugsa um nýja bílinn minn sem kemur með skipi næstu viku. Búin að hugsa allan skalann um hann, og er full tilhlökkunar um að fá þennan grip minn, er næstum búin að finna nafn á bílinn... Auglýsingin um jeppann á skipinu er búin að fljóta nokkrum sinnum í gegnum hugann, og ég hugsa bara “gvööð skildi bíllinn vera ein sjávarselta þegar hann kemur” en auddað ekki ... döööhhhh mar.

Fór á rúntinn í gær, tók bílinn hans Hjölla og fór á rúntinn, hækkaði í hátölurum og hafði það næs.. skildi vera kúl græjur í bílnum sem leyfa mér að hækka?? Já !! það eru það!!!

15:55

Jæja þá fer þetta að styttast. Og enn ekkert að gera. Samt einhvern veginn búin að vera að dunda, lengja verkefnin um helming.. er bara ekki vön að vinna svona hægt. Maðurinn minn þessi elska búinn að vera svooo duglegur í þessari viku, búinn að flísaleggja þvottahúsið okkar! Mega magnað skal ég segja ykkur! Og svo keypti þessi elska mp3 spilara handa mér, þar sem ég má ekki “streama” útvarpið og má helst ekki adda tónlist á vélina hérna. Málið er að þó ég mætti stríma og adda tónlist þá er ég bara ekki viss um að þessi vélarelska myndi ráða við það...

Leikskólar... já ég er búin að fylgjast með 2 sona móður í Reykjavíkinni fara ílla úr þeim málunum. Hélt að það myndi ekki vera svona úti á landi.. Það var þá blekkinging.. Núna þegar ég er í vinnu þá vil ég hafa málin þannig að ég geti sótt son minn á réttum tíma. Fékk td að breyta vinnutímanum svo ég geti farið með hann og sótt hann – nema þá þarf Gabríel að vera skráður frá kl 07:45 til 17:15 á leikskólaum, ég er alltaf 20 mín að keyra á milli. Nema hvað, við fyllum út svona tímabreytingamiða, og ekkert mál fyrr en leikskólastýran ullar því út úr sér að þetta taki ekki breytingum fyrr en 1. des...!!! ég hélt mér hefði misheyrst .. nei – 1. des er það heillin – þar sem við breyttum ekki fyrir 20 þessa mánaðar!!! Omg – heill mánuður í breytingu!!! Hvað er málið???

úr vinnunni

Hérna er ég í nýju vinnunni minni. Ekki mikið um að vera í þessu starfi. Vona að ég nái samt að læra það fljótt sem þarf að læra en það er mest megnis aftreitt á mánudögum og þriðjudögum…

Og ekki mikið hefur breyst – reykingapásum hefur ekki fækkað á þessum bæ hjá fyrrum samstarfsmönnum mínum. Sem betur fer er ég ekki í sama hóp og þau svo ég finn ekki fyrir því lengur þegar þau fóru svona oft út. En ég man bara hvað það fór rosalega í taugarnar á mér. Og ég taldi skiptin og reiknaði tímann og það nam um 2 klst sem fóru bara í smók... mér fannst það nokkuð mikið, því svo bættist við matartíminn sem er um 30 mín.

Ég er búin að leggja inn pöntun á nýjum Polo J mega gleði! Og auddað er hann svartur og sætur, vildi ekki gráan þó hann sé oggó praktískur, né grænan.. svartur varð fyrir valinu

En til að hryggja mínar elskur í Reykjavíkinni þá fæ ég hann með skipi. Ég kem ekki suður til að ná í hann. Ég ætla bara að koma ein aftur einhverja helgina til að versla í flottu búðinni okkar!!

En ég hlakka svo til að fá minn litla stelpu bíl, nýjan, glansandi með nýtt og glansandi lakk, nýrri lykt að innan og nýtt áklæði og og og ......

smá breytingar

ég átti yndislega helgi. Fór suður til að vera við útskrift Dóu elskunnar. Þó svo hún mátti bara taka 2 með sér á athöfnina sjálfa þá samt er þetta stór dagur og gaman að fá að taka þátt í þessu líka!
Flaug suður á föst morgunn, átti góða stund með Röggu minni, sem er alveg mögnuð manneskja. Við átum á okkur gat á brilliat pizza stað - og slúðruðum mikið :o)

Föstudagseftirmiddagurinn fór í dekur og leti hjá Dóu og Önnu. Anna er svo mikill snyrtisnillingur að ég er með nýplokkaðar og litaðar augnBRÚNIR og gaman að fá að fylgjast með henni að störfum , ss vaxmeðferðum og þessháttar... ég á myndir en þær eru ekki ætlaðar viðkvæmum sálum.

Laugardag var startað í rólegheitum, Dóa gerir sig klára fyrir athöfn og fer í glæsilegan upphlut sem er í eign ömmu hennar. Sjálf verður hún hin glæsilegasta og stoltir foreldrar fylgja henni til útskriftar. Við Anna Kringluðumst á meðan þar sem ég fékk að misnota vísað hennar í brilliant búð Evans. Kaffihús með yndislegu kaffi og himneskri köku...

það sem var möst í Reykjavík var pizza og kaffihús, Ragga reddaði því strax á föstudeginum, en alltaf má endurtaka góða hluti :o)

Við Anna elduðum okkur læri, og hún farðaði okkur, svo flott hjá henni! Hún er bara snillingur stelpan!!
Héldum út á lífið, afskaplega hressandi, en þar sem ég átti snemma flug og var ekki að drekka (þar sem ég drekk ekki) þá fór ég snemma heim, þær stöllur voru á tjúttinu frameftir.

Gott að sjá þá feðga taka á móti mér á vellinum. Litla mömmuhjartað barðist ótt þegar hún sá littla gullmolann sinn, og knúsaði hann og fékk líka sovoooo stórt knús til baka að ekkert þá meina ég ekkert getur komið í stað þess eða verið í líkingu við það.

Talandi um gullmola.. þá er hann á þeim aldri, að hann finnur dót, sem honum þykir spennandi, og fer með það. Ok. ég fann hringinn minn, en ég get ekki sett símann minn í hleðslu þar sem millistykkið á hleðslutækið vantar, svo ýmislegt fleira sem maður er að finna á hinum ýmsu stöðum og aðrir hlutir sem maður finnur bara alls ekki.... maður þarf að hugsa alveg frá grunni , hvenær var sá tími sem hann hafði aðgang að þessu, hver var hans næsta hreyfing og hvert.... og svo fikra sig eftir því... getur verið nokkuð snúið...

Ok.. já ég er byrjuð að vinna - næstum því í gamla jobbinu hjá Bechtel, en ekki alveg - fínt barasta.

Loksins loksins

ég er að fara suður trallallaaaaa!!!! Dóa mín er að útskrifast og Hjölli fann pening til að senda mig suður, far soldið fljótur að finna hann, datt barasta í hug að hann væri dulítið feginn að losna smá við mig. ha ha ha
en ég fer ein suður, sonur og maður heima í kósíheitum.
Hlakka svo til !
2 sem ég þarf að gera, kaffihús og pizza..

Ótrúlegt....

Fékk þetta sent í e-maili frá Röggu vinkonu, og svo ótrúlega vill til þá er hún ekki sú eina sem kannast við þetta... :

Ég hef á seinni árum verið plöguð af alvarlegum sjúkdómi sem nýlega hefur fundist greining á, en engin lækning við, enn sem komið er. Eftirfarandi er lýsing á dæmigerðum degi þegar einkennin blossa upp : Ég ákvað einn daginn að þvo bílinn og hélt áleiðis að bílskúrnum, en tók þá eftir að bréf höfðu borist inn um lúguna. Ég tók bréfin og ákvað að fara í gegnum póstinn áður en ég færi að þvo bílinn. Sorteraði póstinn og ákvað að henda ruslpóstinum en tók þá eftir að ruslafatan var orðin full og lagði því reikningana sem höfðu borist, frá mér á eldhúsborðið og ætlaði út með ruslið, en ákvað þá að fara og borga þessa reikninga, fyrst ég yrði við bílinn hvort eð er. Fór inn í herbergi til þess að ná í veskið og bíllyklana en sá þá ný e-mail í tölvunni og ákvað að svara þeim strax svo ég gleymdi því ekki. Ákvað að ná mér í kaffibolla fyrst. Á leið inn í eldhús tók ég eftir því að blómið í borðstofunni var orðið heldur þurrt. Hellti nýlöguðu kaffi í bolla og ákvað að vökva blómið áður en lengra væri haldið. Náði í blómakönnuna og ætlaði að fylla hana með vatni þegar ég tók eftir því að fjarstýringin af sjónvarpinu lá á eldhúsborðinu. Ákvað að fara með hana á sinn stað í sjónvarpsherberginu fyrst, svo ég fyndi hana örugglega um kvöldið þegar ég settist fyrir framan sjónvarpið að horfa á uppáhaldsþáttinn "Sex in the City". Á leið í sjónvarpsholið rakst ég á handklæði sem ég ætlaði að setja í þvottavélina sem beið full af þvotti. Fór þangað og setti í vélina en fann þá gleraugun sem ég hafði verið að leita að fyrr um morguninn. Lagði fjarstýringuna frá mér í þvottahúsinu og fór með gleraugun inn í svefnherbergi þar sem ég ætlaði örugglega að finna þau þegar ég færi í rúmið að lesa uppáhaldsbókina mína......ef ég finn hana. Stoppaði í svefnherberginu þar sem dagurinn hófst og mundi ekki lengur hvað ég ætlaði upphaflega að fara að gera !!! Í lok dags hafði ég því hvorki þvegið bílinn né borgað reikningana, ekki vökvað blómin eða þvegið þvottinn, ekki farið út með ruslið, heldur ekki svarað e-mailunum og var auk þess búinn að týna fjarstýringunni, bíllyklunum og veskinu og kaffið beið kalt á eldhúsborðinu.
Ég skildi ekkert í þessu því ég hafði verið á fullu allan daginn í ýmsum snúningum. Ég hef nú uppgötvað að þetta er alvarlegt vandamál sem ég ætla að leita mér hjálpar við. Þessi sjúkdómur kallast á fagmáli AAADD eða "Age Activated Attention Deficit Disorder", á íslensku "Aldurstengdur athyglisbrestur".

bloggleti

Fann þetta á Pöddulíf....

You are

What Rejected Crayon Are You?

sko... ég er að kafna úr bloggleti..

&%$&#

ég er með túrverki DAUÐANS!!!!!!

Fæst orð hafa minnsta ábyrgð

og ekki orð um það meir. Sumarið farið haustið komið með tilheyrandi regni og roki.

Allt gott að frétta annars. Myndir á vefnum ef þið viljið skoða. Það sem hefur verið ða gerast er vel skráð að vef sonarins, annað er bara svona gangandi zombie, þar sem maður er enn atvinnulaus.

bara allt við það saman

Gabríel sáttur á leikskólanum, farinn að hjóla um allt á þríhjólinu sínu og segir nei... Fær kúlur go skrámur eins og allir litlir strákar gera, sem er eðlilegt :o)
Ég er enn heimavinnandi mamma, finnst það ok, er orðin svolítið þreytt a því en finnst gott að eiga frí og smá tíma fyrir mig.
Svo afsakið bloggletina - bara lítið að frétta, allt í góðu. knús...

Magni bara snilld

og ég held að meginn þorri þjóðarinnar hafi kosið manninn, hafi vakað eða látið vekja sig til að senda nokkur sms, ég sendi örugglega um 25 stk

sorry

hvað ég er löt að skrifa. Ekki mikið um að vera, enn atvinnulaus, Gabríel á leikskólanum, Hjölli að vinna, svo highligts mánaðarins var að við fórum suður 1 dag í brúðkaup systur Hjölla, Vilborg vinkona gisti hjá okkur í 2 nætur, fórum norður sl helgi á réttir, Sylvía Ósk komin á drullumallara og mamma go pabbi kíktu í heimsókn.

bara bilun

en ég er í skapi til að horfa á Clueless myndina.... kannski er það Pollyanna sem rekur mig til þessa en ég er alveg jafn hissa og þið. En stundum þá bara rekur hið daglega amstur og þankagangar til þess að loka sig út úr öllum normal hugsunum og vera heiladauður í smá tíma.
Og hvað er þá betra en að horfa á þessa blessuðu mynd.
Nema ég á hana ekki - ein af þessum stundum sem ég vildi að ég ætti hana. Og ég veit að þegar ég er búin að fá hana "lánaða" þá er ég dottin úr þessum gír.

Ætti ég kannski að kaupa hana á dvd svo ég lendi ekki í þessu dilemma aftur í framtíðinni?

Ekki mikið að gerast

Ég er búin að vera frekar down eftir að ég frétti að Kíttið mitt hafi orðið undir bíl sl mánuð og ekki lifað slysið af. Þetta frétti ég sl föstudag (fyrir viku síðan) og var ég ekki í miklu hátíðarstuði frönsku helgina út af því. Hjölli var að vinna alla helgina og vorum við Gabríel bara heima í ró og næði þar sem ég gat fengið að gráta í friði yfir þessum örlögum knúsustelpunnar minnar. Ég auðvitað kenni sjálfri mér um, hefði aldrei átt að láta hana frá mér, en það bara þýðir ekki. Ég átti ekki um annað að velja þegar sú staða kom upp. Hún allavega fílaði sig vel á bænum go bóndinn var svakalega ánægður með hana og sá mikið eftir henni. Sem er huggun fyrir mig - henni leið vel þar.

• Annars er það að frétta að við fjárfestum í nýjum (úr kassanum) Ford Ranger pickup, mega fallegur bíll sem á eftir að nýtast okkur vel.
• Hjölli vinnur og vinnur.
• Við stoppum ekki lengi í R-vík næstu helgi, sennilegast fljúgum við um morgun og svo heim aftur um kvöldið. Ég fæ bara að koma seinna ein þegar hann er í fríi.
• Enn atvinnulaus
• Nóg aðgera sem "full time mom"

Laters all
Njótið helgarinnar :o)

Heimavinnandi húsmóðir

er rosalega krefjandi starf. En alveg rosalega gaman og maður sofnar þreyttur á kvöldin. Að vera heima með "terrible two's" eins go sagt er um þau sem eru á öðru ári, er hasar vinna. Svo eru sumir extra duglegir sem gerir hlutina aðeins flóknari. En þetta er rosalega gaman. Challenge en gaman.
Hjölli er byrjaður að vinna úti a svæði og líkar vel svona fyrstu dagana. Svo vonandi á það eftir að haldast gaman hjá honum. Hann er að vinna með hressum gaurum svo hann er að kynnast nýju fólki go sjá ný andlit. Og tala nú ekki um eftri að hann fékk bílprófið, ég sá hann varla - ég veit að hann kom heim til að sofa, en hann td fyllti bílinn 3 sinnum á 5 dögum... nokkuð gott segi ég nú bara! En ég uni honum þess, og mér finnst snilld að vera ekki eini bílstjórinn á heimilinu :)
Svo er ég að fá góða gesti í dag. Litla fjölskyldan að sunnan er að koma og gista eina nótt. Inga Hrund, maður hennar Kári og litla nýja prinsessan þeirra Anna Valgeirður (f. 12. apríl 2006) eru væntanleg. Hlakka afskaplega mikið til að sjá þau. Hef td ekki hitt Kára enn, og hlakka til að sjá litlu dúlluna þeirra.

ekki gott

fékk uppsagnarbréf áðan... hvað gera skuldugir bændur þá?

Komin til vinnu aftur

og í þessu líka flotta veðri.. væri alveg til í að fara og nota nýja flotta sláttuorfið mitt í garðinum í dag. En þessu ræður maður ekki, sérstaklega ekki þegar maður veit ekki hvernig vinnumálin standa. Kemur í ljós.
Hjölli var farinn út kl átta í morgun - og fór 2x í sjoppu í gærkveldi - nýtur bílprófsins - ég líka. Mér finnst þetta bara snilldin ein !!!

Minni á Myndasíðuna af ferðalagi - svona rétt til að sýna hvar við vorum áður en ferðasagan verður sögð hér í góðu tómi og með meiri tíma til að blogga (sonur er með mér hérna)

Sjáumst knúsirnar mínar :o)

Myndir á ferðalagi

hæ hæ

http://solargeisli.hexia.net/ eru myndirnar mínar sem ég sendi úr gemsanum. Hérna þarf ég ekki að logga mig inn til að pubblissa þær online eins og hérna :o)

Svo á meðan ég er í fríi http://solargeisli.hexia.net/ er staðurinn til að sjá nýjustu gsm myndirnar mínar og okkar og allra :o)

Allt gott að frétta annars, allir hressir gott veður gott að borða go skemmtilegt fólk :o)

http://solargeisli.hexia.net/

Þreyttur strákur

Sent með símbloggi Hex

Á greifanum

Erum a GreifanumB-)

Sent með símbloggi Hex

Gott að sofa

Sent með símbloggi Hex

Frábær helgi

Fórum á laugardaginn í Mývó, bara svona til að skreppa. Fórum í lónið, fengum okkur ís og pylsur, pabbi grillaði, rosalega notalegt.
María og Gunni komu sunnudagsrúntinn með stelpurnar til okkar og skelltum við okkur aftur í lónið. Alltaf gaman að hitta þau blessuð. Gabríel spilaði út öllum sínum sjarmakortum alla helgina, og var bara yndislegur. Komst í formúlustuð og sukkhornið með afa sínum og ömmu.
Kíktum í Belg hittum þar forystuær sem er brauðbíll - með sín tvö fallegu lömb. Gabríel var rosalega hrifinn af þeim og fékk að gefa þeim brauð.
Góð og notaleg helgi

Annars er fullt um að vera og skapið eftir því (sjá prv póst) ætla ekki að fara að útlsita því hérna þar sem þetta er ekki alveg fullfrágengið.
No worries - þetta er vinnutengt ekki hjúskapar..

ekki gott...

mig langar í sígó....

Döpur í hjarta

Á sunnudaginn kom dagurinn sem ég hef kviðið fyrir í langan tíma, og alltaf vitað að kæmi að honum, bara vissi ekki hvaða dag þetta myndi gerast. En á sunnudaginn varð ég að láta hundinn minn fara. Sambúðin var hreinlega ekki að ganga upp. Ætla ekkert að fara að útlista af hverju, bara að hún fór út á Vattarnes go er núna hálsólarlaus sveitahundur. Kannski henni líði bara jafnvel betur þar. Vona það.
Allavega þá sakna ég hennar ofboðslega og sl dagar hafa verið mér mjög erfiðir.

Elsku Anna og Ragga, til hamingju með afmælin ykkar núna 4 og 5 júni. Ég gleymdi ykkur ekki, ég var bara ekki í gír til að bjalla í ykkur því þið hefðuð bara heyrt "sobs" í símann.

Innilega til hamingju með afmælin elskurnar mínar!!

Sól og sumarhiti

Góðan daginn gott fólk. Loksins er komið sannkallað sumarveður hérna á Austurlandi. Kallinn minn sat úti á "svölum" í sólinni með sígó þegar ég fór. Hann duglegur, reykir ekkert inni lengur, fer út til þess.
En firðirnir eru spegilsléttir, fuglarnir kvaka í trjánum sem eru orðin græn. Og þar að auki er útborgunnar dagur í dag, hvernig getur maður annað en verið í góðu skapi :o)

Þið ykkar sem voruð að reyna að ná sambandi við mig sl daga, td á mánudag og þriðjudag en ekkert gekk - var vegna þess að ég kom heim á mánudag með gubbuna, sem stóð frameftir kvöldi. Og fór ekki í vinnu á þriðjudag vegna slappleika og slens, einnig var ég gjörsamlega búin á því eftir átökin kvöldinu áður. Ekki fór svo betur en Hjölli minn lagðist líka á þriðjudagskvöldið.

Ég var að spá í að fara í Mývó um helgina. En ef það á að vera svona veður hérna þá hreinlega tími ég ekki að fara. Heldur taka til í garðinum, grilla go hafa það næs heima hjá mér.

3ja hæðin tekin í gagnið :o)

Halló halló - yndisleg helgi. Við fluttum tölvurnar upp á 3ju hæðina - sem er alveg ofboðslega flott! Er meeega þreytt í fótunum eftir flutningana, ekkert smá að flytja dótið upp 2 hæðir... he he vorum að gera grín að því að við værum ekki lengur í flutningsæfingu :o)
En þetta er alveg rooosalega flott hæð hjá honum Hjölla mínum!!

Svo klippti ég gaurinn minn, notaði svona rakvél, svo hann er með hálfsnoðaðan kollinn, sumarklippingin í ár :o) hann er algjör rúsína svoleiðis. Hann er rosalega ánægður með þessar breytingar á húsinu, það er nefnilega svo miklu meira af opnu rými og hann getur hlaupið miklu meira um allt þarna uppi.
Eins og sést á myndinni eru genin á réttum stað í litla prinsinum mínum :o)

hafið góðan dag, Guðrún K. "stolt móðir"

Dóa snillingur!!

Hún Dóa mín, snillingurinn, heilinn, námshesturinn, besta manneskja í heimi,
kláraði BA verkefnið sitt á föstudaginn!!!!
Gefum henni gott klapp á bakið!!!!

TIL HAMINGJU!!!!

Hvaða dagur er í dag?

og hvað mætir manni þennann mánudagsmorgun?? Þetta er nóg til að gera mánudaginn þokkalega erfiðari en vant er... og mánudagar eru sko ekki mínur uppáhalds dagar eins og mörg ykkar sko vita....

Tímamót.

Fyrsta listaverk sonarins litið dagsins ljós. Málverk frá leikskólanum Kærabæ. Það er full vinna að vera stolt mamma, og ég er ekkert að spara montið. Þetta er svo ótrúleg tilfinning, og brosið sem maður fær þegar maður sækir litla mann á leikskólann er það dýrmætasta sem ég hef átt um ævina. Allir dagar verða sérstakir þegar maður fær svoleiðið bros.

Gæti hjálpað til við lesturinn

Ragga notaðu þessa síðu til að hjálpa þér við lesturinn á því sem þú last í gær! Gæti gert efnið skemmtilegra :o)

Góðan daginn

ég vaknaði við kvakið í syni mínum í morgun kl 7. merkilegt nokk þokkalega útsofin barasta! Oki, ég ákvað að prufa að nota sprey, þeas hrotusprey, og viti menn, allir sofa betur í húsinu. Hmmm... og ég er ekki lengur marin á hnénu eftir barsmíðar mannsisn míns um miðjar nætur. Versta er að ég vakna núna við hans hrotur. Reyna að fá hann til að nota þetta líka.
En Gabríel er orðinn hress og kátur. Sefur núna allar nætur, og ekkert vesen.
Hjölli er búinn að lakka allt uppi, og nú getum við farið að ferja dót upp á 3 hæð og taka hana í gagnið. Hér má sjá smá sýnishorn af þessari hæð : Sunnuhvoll 3 hæð. Ég fæ stórt herbergi undir mitt dót, semst tölvuna og allt föndrið mitt. Auk þess sem ég kem sófanum leikandi fyrir. Hlakka mikið til. Stór gluggi, útsýni til austurs og yfir fjörðinn.

Ótrúlegt en satt...

Í gærkveldi gerðust þau stórmerki að ég sofnaði við tölvuna mína. Já, ég sofnaði framan á lyklaborðið, í miðjum leik, WoW, á teamspeak með yfir 20 manns spjallandi í eyrun á mér, og plottandi hvernig væri best að ná Hakkar í ZG niður einungis með einum warrior.

Já þessi ælupest sonarins er farin að taka sinn toll á okkur. Ekki heill nætursvefn í heila viku, 4-6 þvottavélar á dag af gubbudóti, grátur og gnístandi tennur. Og að horfa á soninn missa undirhökuna, bollukinnarnar og bumbuna. Hann er alltaf jafn sætur, en halló - ekki allt á einni viku commmonnn!!

En þetta er held ég bara að verða búið, hann svaf í alla nótt - já ó já það var svo gott að vakna í morgun....
Svo erum við með breyttan opnunar tíma - frá 09:00-16:00 og lokað á laugardögum - þetta er semst sumaropnunnartíminn ég er rosa ánægð!!

mæðulegur miðvikudagur

Ég vaknaði í morgun, reyndi eftir fremsta megni að segja sjálfri mér að dagurinn í dag yrði góður dagur, þrátt fyrir svefnlitla nótt, grenjandi rigningu og yfirvofandi blankheit. Gabríel er eitthvað rosalega pirraður, sennilegast illt í gómnum, jafnvel mallanum, með hita. Gallinn er sá að hann getur ekki sagt mér hvar hann finnur til, ég reyni að gera lífið hans bærilegra, en samt er ég ekki að ná að hitta á réttan stað. Endanum lagði ég hann í rúmið aftur og hann sofnaði, aðeins klukkutíma eftir að hann vaknaði. Enda kannski svaf hann álíka lítið og ég í nótt þar sem hann var ástæðan mín fyrir vöku.
Er í vinnunni. Ekkert að gera. Rigning, og skap í fólki eftir því. Kannski virkar hluturinn ekki og þá kemur upp pirringur, og rigningin og rokið hjálpa ekki til. Ég er að reyna að halda sönsum, en eins og sjá má mynd þá er mitt útsýni ekki upp á marga.....

Sko...

Mér finnst að ráðamenn þessarar þjóðar sem er norðarlega í ballaríshafi ættu að setja á lögbundin frídag fyrsta almennlega sólar/sumardaginn.
Td hérna í dag er BRJÁLÆÐISEGA gott veður, það er GLÆPUR að hanga inni á svona degi,.,.

SOS SOS

Ef einhver góðhjartaður á leið niður Laugarveginn í dag - vinsamlegast stoppið í sjoppu, kaupið eftirfarandi:

1. 2l Kók
2. Hraunbitakassa
3. súkkulaði ís (ms 2l)
4. Marssúkkulaði
5. Kúlusúkkpoka

fara svo með þetta til hennar Dóu, hún er lasin heima.

Sól og rólegheit

það er nákvæmlega ekkert að gera í vinnunni. Ekkert... meira að segja Marínó, eigandinn er ekki ánægður með þennann mánuð. Fermingar komnar og farnar og við fundum ekki svo mjög fyrir þeim, því er nú ver og miður. En samt er ég búin að ná að selja ágætlega að mínu mati, en greinilega ekki nóg. En hvað á maður að gera þegar fólkið kemur ekki inn?
Næsta helgi er undirlögð í ferðalag til Mývó og Akureyrar. Hörður bróðursonur Hjölla er að fermast á laugardaginn. Það er alltaf gaman að hitta fólk, en núna erum við bara að sigla inn í svooo blankt tímabil að við höfum varla séð annað eins í maarga mánuði. Engin Reykjavíkurferð í náinni framtíð.
Hjölli er að verða búinn með hæðina, og hún er bara meeeega flott. Hlakka til að flytja mig upp með tölvurnar mínar, og sitja við stóra flotta gluggann minn og horfa út á fjörðinn. Þarna get ég líka verið með föndrið mitt, í friði inni hjá mér, þar sem það er ekki fyrir neinum, og ég get skilið við það eins og ég vil og gengið að því þegar ég vil. Þetta verður svo mikil snilld!
Hvenær á að kíkka í heimsókn? Gestaherbergið er til - það er við hliðina á nýja tölvuherberginu mínu!!!

Gaukur í suðri..

er það ekki sælugaukur??
Alveg yndislegt veður úti, en maður þorir ekki að nefna það vegna hættu á að "jinxa" góða veðrið í burtu.
Er í vinnunni, Kítara kom með mér en er í passi núna. Heppin hún, hittum "smiðinn" hans Hjölla í sjoppunni, hann var að fara á hestbak og var sko til í að taka tíkina með sér. Hann kom við áðan, sagði að tíkin væri sofandi í hesthúsunum þar sem hún hafi fengið víðáttubrálæði með alla girðingarstaura sveitarinnar í kjaftinum, og undir lokin þá varð hann að stoppa hrossið til að biða eftir henni. Litla ferfætta hetjan mín.

löngun...

Dóan mín varð að logga sig út því hún varð að finna pláss fyrir alla gestina sem væru að koma til hennar, ég fann fyrir svona sárri löngun til að fara þangað líka og upplifa gömlu góðu stundirnar sem við áttum í gamla daga...

góðir páskar :o)

fór með soninn til mývó, hótel aLa Mamma og Pabbi. Hjölli varð eftir til að endurbæta efri hæðina og holið niðri. Þetta er orðið svo flott, ég brenn í skinni yfir að fara að nota þetta rými sem við erum að fá í hendurnar! 70 fermetrar auka - það er bara eins go ágætis leiguíbúð í hinni dýru Reykjavík!!
Fékk góðan mat og gott páskaegg. Sonurinn fór að taka upp á því að príla upp á eldhússtóla, sem þýðir að nú er ekkert heilagt neinstaðar. Hann veit að ef hann færir stólinn og prílar upp þá nær hann hærra í hluti sem hann hefur ekki fengið að kanna ennþá. Nýr heimur að opnast fyrir honum blessuðum.
Ég er ein hérna í búðinni. Bókarinn er í fríi, og það er afskaplega rólegt eitthvað yfir öllu. Ætli ég verði svikin einu sinni enn á sumarfílíngnum? Gráar götur, allt autt nema skaflar hér og þar sem eru eftirstöðvar veðurofsans sem gekk hér um. Ég vil að sumarið fari að koma, commonn það er apríl FCOL...

Lítil prinsessa!!

Í morgun kl 05:30 kom lítil prinsessa í heiminn í Reykjavík, óskýrð Ingu og Káradóttir. Gekk vel og er þetta myndar stelpa 47 cm og 9 merkur, með fullt af dökku hári :o)

Velkomin í heiminn litla prinsessa og til hamingju elsku Kári og Inga Hrund!!!
ástarkveðja
Guðrún, Hjörleifur og Gabríel Alexander

XXL

ég þoli ekki þegar fólk er dæmt eftir einhverjum stöðluðum útlitsgreinum úr tímaritum, sjónvarpi og hinu daglega lífi auglýsinganna. Og ef maður fellur ekki alveg inn í þá staðla þá á maður, samkvæmt þessum fjölmiðlum, að gera eitthvað í því. Ef þú stundar ekki ræktina og ert XL manneskja þá hlýtur að vera eitthvað að. Núna er því td haldið fram að ég sé ólétt á Fásk þar sem ég fell ekki alveg inn í þessa stöðluðu ímynd... tek það fram ég er ekki ólétt (barnshafandi)

Guðrún K. Valgeirsdóttir

ps. ég ætla að fá mér páskaegg....

gamla lúkkið

já ég ákvað að setja upp gamla lúkkið aftur. Kunni aldrei við hitt, og ég gruna að fleiri hafa gert svo því innlitum snarfækkaði við það.
Gott veður og vorfílíngur í gangi. Ég fór í klippingu og "litun" sl viku. Það er sossum ekki frásögur færandi nema að klippigellurnar eru að tala um mann sem býr í Jökuldal.
Hann er búinn að vera að stúdera veðurfræði gömludaganna. Þá voru gamlir kallar sem sátu sennilegast í baðstofunum á kvöldi til og spekúleruðu í þessum málum, með hliðsjón til tungla og stjarna. Nema hvað, þessi maður kom með það að í ár yrði mars kaldur, apríl heitur, mai kaldur og sumar kæmi 10. júli. Ok þá höfum við það gott fólk.

ég er stelpa..

já inn kom maður, ég afgreiddi hann með millispjöld í möppur. Þegar hann var að borga kemur inn gamall maður, Fáskrúðsfirðingur. Hann spyr um Ella, hvort hann sé við. Ég svara því neitandi, hann sé í fríi. Þá spyr kall, "nú og hvenær kemur hann aftur?" ég svara honum eins og er að Erlingur sé í barneignafríi og hann sé ekki væntanlegur fyrr en í Júlí. En bæti svo við spurningunni um hvort ég geti ekki eitthvað aðstoðað hann í staðinn. Þá gelur í kalli "nei.... " og í hurðinni kemur aðeins lægra "ég þarf að láta gera við tölvuna mína..." og fór.

þjórfé á Kúbu

Kom ein til mín áðan. Hún keypti fullt fullt af pennum, ódýrum en samt góðum pennum, ósköp venjulegum pennum. Yfirstrikunarpennum, rauðum pennum, bláum pennum. Hún var á leið til Kúbu, þar er þetta munaður og fyrsta flokks þjórfé!! Talandi um að vera nægjusamur....

brjálað veður

Það er alveg snælduvitlaust veður úti. Komst til vinnu, en hefði alveg viljað vera heima. Verður ekki mikið að gera í dag ef veðrið heldur svona áfram.
Ég er ein, alein, í vinnunni. Elli er farinn í fæðingarorlof og Þórdís er í bjartsýniskasti og ætlar til A-eyrar í dag.
Ferð okkar norður gekk hinsvegar mjög vel. Vorum heppin með veður og færi. Gabríel þessi engill minn var eins og lítið ljós við afa sinn og ömmu á föstudag þegar við Hjölli vorum á jarðarförinni. Það er gott að eiga góða að.
Guð veri með ykkur og ég bið ykkur vel að lifa.

afmæli

Ég á afmæli í dag
ég á afmæli í dag
ég á afmæli hún ég ég
ég á afmæli í dag :o)

takk kærlega fyrir allar kveðjurnar og smsin í dag!

veikindi, dauðsföll

Jæja þá er ég búin að liggja í nærri viku, er samt staðin upp aftur og mætt til vinnu. Það var lítið um verkefnaskil, eða msn, bréfaskriftir eða það annað því flensan lagði mig alveg. Gabríel fór á leikskólann og gekk vel sem betur fer því þá gat ég legið í móki og verið "ekki" í 4 klukkutíma.

Á fimmtudag, 16. mars lést bróðir Hjölla. Hann hafði barist hetjulega við krabbamein sem réðst á beinflögur í andliti hans. Þessi barátta stóð í rúm 2 ár. Núna í janúar 2006 kom svo í ljós að það væri ekki hægt að bjarga lífi hans og var þá búið um hann svo honum liði sem best síðustu daga sína í þessu jarðlífi. Maður þakkar fyrir að hafa kynnst honum, jafnframt því lærði maður að meta það sem maður á og ekki taka hlutina sem sjálfsagða. Ég veit að honum líður betur núna þar sem hann er og er því þakklát að hann hafi ekki þurft að þjást lengur. Hann var fæddur 1969 og hann lætur eftir sig konu og 2 börn.

Blessuð sé minning hans.

kvef, jaxlar og læti

Átti rosalega góða og notalega helgi. Þreif mikið, þvílíkur dugnaður í gangi. Gabríel hressari - nema hann ákvað að taka jaxla svo hann lítur út eins og hamstur í augnablikinu. Skapið eftir því. Kvefið herjar á mig fullbúið undir árásir á öllum vígstöðum; eyru, augu, nef og háls... Sit í vinnunni með nefúða og Kleenex balsam nefþurrkur (þessar með áburði til að verja nebbann)
Hjölli setti glugga í uppi, mmeeeega flott!! Hlakka ekkert smá til að flytja tölvurnar mínar þar upp. Núna sem sagt getur Hjölli ráðist í að klára þessa hæð!! Ég hlakka svo líka til að útbúa herbergi handa Gabríel ! Kitlar í fingurna eftir að hefja föndrið þar!

ekki fair

þetta fyrir neðan er ekki fair - jú kannski. Mér líður vel með það sem ég hef í dag og þar sem ég er stödd í lífinu. Ég vona að fleirum líði þannig í dag - í dag er góður dagur, sól og blíða, fallegt úti að litast, stórhættulegt - vorfílíngur á háu stigi....

ouch

You Are 31 Years Old

Under 12: You are a kid at heart. You still have an optimistic life view - and you look at the world with awe. 13-19: You are a teenager at heart. You question authority and are still trying to find your place in this world. 20-29: You are a twentysomething at heart. You feel excited about what's to come... love, work, and new experiences. 30-39: You are a thirtysomething at heart. You've had a taste of success and true love, but you want more! 40+: You are a mature adult. You've been through most of the ups and downs of life already. Now you get to sit back and relax.

What Age Do You Act?

er blogger í rusli?

allt í steik með síðuna hans Gabríels...

Fréttir af Bifröst

er stödd á Bifröst, að hlusta á mann tala um peninga, og er að vona að ég læri eitthvað af honum. Fór rosalega vel um okkur á hótelinu, Hótel Hamar sem er rosalega flott. Æðislegur matur: Skógarsveppasúpa með koníakskremi, hvítlauksrisaður lax og súkkulaðipíramíti með hindberjasósu.
Svaf alveg ofboðslega vel, hefði alveg getað sofið lengur. En ég hlakka líka til að fara heim og knúsa mann og barn. Enda ætlum við að brenna alla leið heim í kvöld :o)

Bifröst á morgun

Á morgun held ég af stað suður á Bifröst. Með mér fara þær Ríma og Monica. Við ætlum að gista í Mývó annað kvöld og halda förinni áfram suður á föstudagsmorgun, en mæting er 13:00 á Bifröst. Ég kem ekki í bæinn eins og ég hafði ætlað mér. Gerði það sem ég ætlaði mér að gera sl helgi og hef bara ekki efni á að fara aftur í bæinn.

Öskurdagur í dag, ég er búin að heyra Bjarnastaðabeljurnar nægilega oft til að það endist mér út ævina - og margar nýjar útgáfur af Gamla Nóa. Kostur: nammiborðið!! Hver er í nammibindindi á öskurdag? (já ég stafa orðið svona - þið mynduð gera það líka í mínum sporum)

Afmælisbarn dagsins

Hún á afmæli í dag
hún á afmæli í dag
hún á afmæli hún Dóa
hún á afmæli í dag !!

Til hamingju með daginn elsku vinkona!!!

Komin heim

Jæja þá er ég mætt aftur til vinnu. Fór suður á fimmtudaginn að beiðni manns míns, hann var mættur suður til að hitta bróður sinn sem fer hrakandi þessa dagana. Við Gabríel skutluðumst í flug og tókum okkur bílaleigubíl í bænum til að skjótast á milli staða. Ef bíl skyldi kalla - Yaris, þetta eru sko dósir - ekkert meira hægt að segja, ég kitlaði pinnann reglulega - en ekkert gerist - þetta eru bara smásnattabílar sem eru varla fyrir manneskju með innkauparæði!

Ég bið þá afsökunnar sem ég hitti ekki, og eru þeir nokkuð margir, enda var þetta ekki ferð til þess að skemmta sér. Þetta var erfitt, og ég er lúin eftir þetta, andlega og líkamlega (dauð í baki eftir að hafa keyrt dolluna til akureyrar)

Næstu helgi mun ég svo keyra (minn eigin yndislega súbba) á Bifrsöst til að sitja þar byrjunardaga á námskeiði hjá þeim. Ég er farin að hlakka til. Förum hérna nokkrar, þetta verður bara gaman hugsa ég :o)

andlaus en afslöppuð

búið að vera nóg að gera í dag, seldi tölvu sem gerist ekki oft hérna, fullt af smásölum, og góðu fólki dottið inn.

Fimmtudagur í dag, helgin frammundan, og Elli kemur til vinnu á morgun. Það er fínt að rolast hérna ein finnst mér. Er búin að dúllast með vörur, verðmerkja, laga til, raða í hillur, held að ég geti dúllað við þetta endalaust.

Já lagaði bloggsíðuna mína, auddað rambaði ég á sama lúkkið og Blíðan er með, svo ég auddað skipti um. Að sjálfsögðu vorum við Anna með sömu síðuna, enda langflottasta skinnið og eins og sagt er "great minds think alike" það er sko "klárlega" hverju öðru sannara....

Annars - ég gjörsamlega þoli ekki Sylvíu Nótt.....

Jæja ákveðið

hvernig finnst ykkur lúkkið ? Æ mig langaði svoo rosalega í almennilegt kaffi í gær að ég leitaði uppi myndir og stuff sem minnti á ljúffengan 2x latte með súkkulaði sýrópi.... Dóa það verður sko farið á kaffihús þegar ég kem í bæinn 3-4 mars!!!

Já ég er nemst að fara á námskeið á Bifröst - Máttur Kvenna - Rekstrarnám fyrir konur. Ég held að þetta verði rosalega gaman :o)

Svo fæ ég frí á mánudeginum til að keyra heim, en ég ætla að hitta Dóu mína og gista hjá henni, auk þess sem ég ætla að hitta afa og ömmu og kenna þeim á nýju ferðavélarnar sem þau keyptu sér :o)

Ég skil mann og barn eftir heima, tíkin fer vonandi í pass til mömmu og pabba í Mývó :o)

Ógisslegt veður --

Fór í vinnu - í fínasta veðri, og hlakkaði til dagsins sem ég átti í vændum. Dagurinn er búinn að vera fínn, nóg að gera, - reyndar alveg brjálað að gera, er núna fyrst að setjast niður. Og svo er komið ljótt veður. Vona að það gangi yfir.

Elli samstarfsmaður minn er á námskeiði í R-vík, svo ég er ein hérna í dag og á morgun, bara næs skal ég segja ykkur. Dúlla mér við að ganga frá vörum, verðmerkja, raða í hillur sjæna og svoleiðis.

Gabríel fór í leikskólann loks í gær aftur, en viti menn, hann var slappur í gær, mældi hann, 9 kommur, og í morgun 4 komur, svo hann fór ekki í dag.... Er orðin nett þreytt á þessum veikindum í okkur litlu fjölskyldunni.

Jámm ég ákvað að púkka aðeins upp á síðuna mína - veit ekki hvort kommentin koma inn - nennekki að pæla í þeim núna :o)

H, h, h og h....

Hor, hálsbólga, hausverkur og hiti, er það sem er að bögga mig núna. Ég er í vinnu, og skal halda áfram að vera í vinnu - með mitt hálsbólgudæmi og verkjatöflur. Finnst alveg ómögulegt að vera meira heima veik....

Annars var helgin róleg og næs, var að vinna á laugardaginn og fór ekki úr náttbuxunum á sunnudaginn - þvílíka letin þar í gangi..

Klædd og komin á ról

Jámm - ég er svona nokkurn veginn staðin upp úr veikindum. Þetta er sko ekki búið að vera skemmtilegasta vikan í lífi mínu skal ég segja ykkur. Við erum öll búin að liggja, með mismunandi einkenni pestar. Gabríel ælir og er núna kominn með hornös, Hjölli búinn að vera með hornös og hósta, ég með í eyrum/hausverk og óglatt, en ekki með hornös.
Vonandi fer þetta ástand okkar að skána, allavega að Gabríel hætti að æla. Hann sem hefur alltaf verið svo hraustur - ég bara kann þetta ekki - og litla barnið mitt er lasið og litla mömmuhjartað mitt er í öngum sínum yfir því að geta ekki bara kysst á báttið og allt búið. Sat með hann í fanginu eftir að hann var búinn að gubba yfir allt rúmið sitt í gærkveldi (again) til að verða 2 í nótt, bara því hann kúgaðist og hóstaði og leið bara illa. Litla skinnið mitt. En þetta er held ég komið yfir það versta.
Og svo er ég að vinna á morgun.....

Fáskrúðsfirðingar eru svolítið spes

Ok nú er ég farin að vinna í skemmtilegri búð, með fullt af skemmtilegum vörum, alls kyns dóti fyrir alla á öllum aldri, karlkyns sem kvenkyns. Ég er náttla ekki "innanbæjarmanneskja" hérna, og heldur ekki á Fáskrúðsfirði. Og þar sem fólk er ekki alltaf into utanbæjarfólk þá fæ ég jafnvel ókurteisi - svona sneyptar kveðjur frá sambæjungum mínum þegar þeir koma hingað til að versla hjá mér. Eins og ég sé ekki þess verðug að afgreiða í þessari búð hérna. Eins og fólk geti ekki unað mér því að flytja hingað austur og finna aðra vinnu en frystihúsið? Merkielga er að körlunum finnst skemmtilegt að sjá mig hérna, og rabba mikið, á meðan kellur eru fúllyndar og kuldalegar.....

Gleðilegan mánudag

Ég er bara að reyna að halda sönsum á þessum mánudegi - þið sem þekkið mig vitið að ég er ekkert allt of hrifin af mánudögum.

Annars er þetta ágætis dagur so far. Ég er ein í dag, þar sem Elli er veikur - og þetta er víst ekkert smá leiðindar kvefflensa, sem herjar á manninn minn heima líka. Gabríel kemst semst ekki í leikskólann í dag þar sem pabbi hans er nærri rúmliggjandi og hefði átt að vera með honum þar í dag. Hmm - ég verð að finna eitthvað handa elskunni minni til að hressa hann við.

Annars er bara allt gott, veður gott, fjármálin í ok farvegi so far, sonur hraustur og hress , svo ég kvarta ekki yfir neinu..

Gaman í vinnunni :o) og netið mitt heima ætti að vera betra núna svo ég verð ekki dissuð trekk í trekk úr wow...

Nóg að gera

er ein í dag - þe frá hádegi og er búið að vera nóg að gera hjá mér. Svona reytingur í allann dag og flestir versla eitthvað. Sem er gott mál :o)

Ég er svo að vinna á morgun, ég fíla að vinna á laugardögum, rólegt og notalegt. Fæ að dúlla mér sjálf í hillum og vörum, rólegheitin alls ráðandi, hef góða tónlist á, og logga mig á msn af og til.

Það fyndna er að það er enn nærri bjart úti og ég er að fara heim....

Klikkaði á Þorrablótinu !

Sko - ég ætlaði sko að ath núna í vikunni um hvenær blótið yrði í Mývó - og ætlaði að stíla þá helgi inn á "ekki vinna, Hjölli panelklæða, við Gabríel í sveitina á meðan" og ég myndi skella mér á blót. En nei - auðvitað þá var blótið haldið í kyrrþey sl helgi!! Ég er niðurbrotin manneskja!!

• Ætli bleikur dvd skrifanlegur diskur muni hjálpa sálartetrinu?

Við það sama hér

já hér er allt bara hið besta - okkur líður vel. Gaman í vinnunni, hresst fólk, nóg að gera en samt rólegt andrúmsloft. Það er rosalega fínt að vera hérna og þetta leggst rosalega vel í mig allt saman. Þeir strákar sem ég er að vinna með hafa tekið mér mjög vel.

Gabríel fer í annað sinn á leikskóla í dag. Dagurinn í gær byrjaði vel, og máttu fóstrurnar meira að segja tala við hann og taka hann upp. Ég vildi bara óska að ég gæti verið með í aðlögun... Hann smakkaði á leirnum og litunum og lék sér við hin börnin og var hinn sælasti með þetta allt saman. Hann var líka ekkert smá þreyttur í gær, og það bara eftir 1 klst hvernig verður hann þá í dag eftir tvo tíma ?? En þetta er allt alveg meiriháttar og leggst vel í okkur. Það verður ekkert mál að skilja hann eftir þarna, allavega fyrir hann, annað mál með mig og mitt litla mömmu hjarta....

Ný vinna

Hæ snúllurnar mínar. ég er hætt hjá Bechtel og komin í vinnu hjá NetX á Reyðarfirði. Sú vinna legst rosalega vel í mig, og hlakka ég til að vera hérna, í rólegu og þægilegu umhverfi, umvafin skrifstofu og tölvuvörum. Gott fólk hérna, og mér vel tekið. Fæ meira að segja að vera ein hérna á morgun :o)

Gabríel er að byrja á leikskóla á mánudaginn, rosalega kvíði ég því, en hlakka til líka, mér finnst hann svo lítill en hann er það bara ekki - hann þarf svo á því að halda að hitta önnur börn og leika við þau!

Hann er farinn að labba út um allt, ekkert er heilagt lengur heima,

Leiðinlegt veður hérna, fæ legacyinn minn í dag - yess - treysti honum frekar í vondu veðri en impresunni.

Gleðileg jól og gleðilegt nýtt ár

Já þá er þessi blessaði tími um garð genginn, maður auðvitað er húðlatur eftir fríið, en ég var heppin og fékk nærri frí á milli jóla og nýárs, þurfti að mæta á fimmtudegi. Svo er maður saddur og sæll.

Takk fyrir kveðjurnar og kortin, og Gabríel þakkar fyrir pakkana sem hann fékk!

Þetta voru alveg snilldar jól. Mikið gaman og mikið hlegið, hvernig getur maður annað þegar maður á svona líltinn skriðdrekaterroristagullmola eins og ég!

Inga vinkona er að koma til mín um næstu helgi. Hlakka alveg rosalega til. Finn bara hve ég sakna stelpnanna minna mikið. Ég er komin með óbilandi þörf fyrir að koma suður og stoppa hjá stelpunum, ein um mig frá mér til mín. Og það þýðir ekkert að tala bara um það heldur verð ég að gera eitthvað í málunum. Enda ætla ég að fara að skipuleggja einhverja helgi í náinni framtíð til að skjótast suður, og fela mig fyrir ættingjum, og hitta bara vinkonur mínar.