Jæja góðir hálsar - ég er hætt að nöldra yfir því að aðrir séu bloggaratrassar, ég er greinilega ekkert skárri sjálf. En það er búið að vera nóg að gera hjá mér.
Vinna og vinna.
En ég er komin í stríð við sólina - keypti mér ljósakort!! Og var að koma úr ljósum akkúrat núna, og líður afskaplega vel.

Um helgina voru Franskir dagar hérna á Fáskrúðsfirði, og var mega gaman, að mínu mati. Reyndar var ég að vinna um helgina, 09-15 á laugardaginn og 14-16 á sunnudaginn. það rættist úr veðri á laugardaginn, var sko spáð rigningu og leiðindum en það var skínandi sól og mega gott veður. Enda þegar ég var búin að vinna dreif ég mig heim - skipti um föt (þe fór í færri föt) og dreif mig út í sólina. Horfði á skemmtiatriðin sem eftir voru - þar á meðal sá ég Helgu Braga dansa magadans og var það meiriháttar.
Fór svo heim og lagðist út í garð með krossgátur og hafði það afar notalegt.

Um kvöldið fór ég á fyrsta djammið mitt hérna í bænum. Fór á ball með hljómsveitinni Karma í félagsheimilinu Skrúð. Tvær giftar húsmæður á mínum aldri, hressar og skemmtilegar, leyfðu mér að fljóta með sér og sínum körlum á ballið, fór fyrst heim til annarrar og byrjaði að djúsa þar. Þau voru og eru mjög hress og það var hryllilega gaman. Á ballinu voru allir, þá á ég við ALLIR sem búa hérna, fyrir utan þá fáu eldri sem voru notaðir sem barnapíur, en fólk greinilega kemur börnunum fyrir mörgum á hverjum stað svo sem flestir komist. Og þá er líka mikið notast við stelpurnar sem eru ekki orðnar 16 ára (aldurstakmark 16 ár á ballið)
Svo það var stappað á ballinu, hljómsveitin alveg frábær og félagsskapurinn alveg snilld!!! = ég skemmti mér konunglega, drakk helling og var mega þunn á sunnudaginn í vinnunni.

Og á morgun byrjar strembin vika, verslunarstjórinn er að fara í nokkra daga frí, og ég verð með lyklavöldin í hans stað. Mæta átta alla morgna, (föstudagurinn verður hell...) og sjá um öll hans mál í fjarveru hans, auk þess sem ég er að gera þarna daglega. En það er bara út þessa vikuna, svo fæ ég 3 daga frí - því það verður lokað alla helgina, líka laugardaginn!!!! Alger snilld.
Og þar sem RAGGA ætlar frekar að drekka sig fulla í Eyjum en að koma til mín (hún er svo skrýtin) þá er ég að spá í að fara til mömmu og pabba um verlsó. þau eru bæði í fríi, svo það verður notalegt.

Jæja - biðs afsökunar á hve langt síðan ég hef skrifað síðast. Nóg að gera, reyni að reka nefið eins oft út í sólina á virkum dögum, þe að fara út í kaffi og hádegismat. Vona alltaf í einfeldni minni að um helgar verði eins gott veður. En Hjölli sagði áðan að ég væri bara einstaklega óheppin hvað það varðar. T.d. núna er ekki sól, hlýtt og er að byrja að rigna. í gær, þá var hlýtt en engin sól. En aftur á móti miðvikudag, fimmtudag og föstudag var bilað gott veður, sól, skýlaust og logn. Allir blaðrandi um "hva akkurru lokið þið ekki bara vegna veðurs??" huh.... þetta sama fólk hefði sennilegast ekki fílað það að komast ekki í búð, enda hvað var það að gera þarna annars???

En gaman gaman á föstudaginn var fékk ég Ingu Hrund í heimsókn. Var meiriháttar að hitta hana, og sátum við lengi frameftir að babla og sötra bjór og rauðvín. Alveg meiriháttar!!
Hjölli hafði farið inn á Eskifjörð á þriðjudaginn og kom heim aftur á föstudag, svo vikan var róleg og fín, fyrir utan það að sjálfsögðu að ég var lasin þri og mið, akkúrat þegar góða veðrið byrjaði, típísk ég..
Inga Hrund fór aftur í gær, og við Hjölli fórum þegar ég var búin að vinna á franska safnið, skoðuðum það, margt áhugavert þar. Sáum td myndir af húsinu okkar síðan when ever og engin hús í nágrenni við það, skýtið að sjá það svona. Enda tókum við eftir að inngangurinn var þá hérna niðri, aðalinngangur var í kjallaranum okkar, og tröppur lágu upp að húsinu. Enda vissum við að þar sem inngangurinn er núna er viðbygging.

Fórum inn á Egilstaði í dag. Aðallega til að ná í strákinn í flug. Versluðum og fórum í sund, þegar flugið kom drifum við okkur heim aftur því það var ekkert spes veður þar, ætluðum fyrst að njóta sólar í sundi, en nei engin sól þar (búið að vera bilað veður þar líka undanfarna dag :( )
BT var lokað - ætlaði að splæsa á mig Bloodmoon - addon á Morrowind. Ekki happy þar, en það er ok, ég er hvort eð er að fara að vinna á morgun og hef ekkert með að gera að hanga í tölvunni langt frameftir í kvöld.

Svo núna ætla ég að koma mér vel fyrir í lazy-boyinum mínum með nýju James Patterson bókina mína, The LakeHouse.
Bless bless að sinni

Og enn og aftur mánudagur, sem betur fer að enda.
Skítakuldi úti, og ekkert sumarlegt, frekar eins og það væri komið fram í september, mér er alveg hætt að lítast á þetta.

Var að lesa á öðru bloggi að vinkona mín hefði farið til spákonu, mér finnst það afar spennandi, mig langar virkilega til að prófa og athuga hvað hún hefði að segja. Það er svo margt, svo margt sem mig langar til að vita, það er svo ótrúlega margt að brjótast um í hausnum á mér þessa dagana.

Fórum á "kaffihúsið" hérna í gær. Sumarlína heitir það, og er bara opið á sumrin. Þar er bar og léttar veitingar. Fengum okkur sveppasúpu og heimabakað brauð. Þetta er afar kósi og næs, einn galli, má ekki reykja, svo maður getur ekki tekið vinkonur sínar sem koma í heimsókn (hint hint) þangað til að kjafta og gera það sem við venjulega gerum á kaffihúsum....

Sorry ég er eitthvað andlaus núna, er ekkert í allt of góðu skapi. Sumir voru komnir í sína "eftirlætis" iðju í hádeginu í dag! Ég varð og er virkilega reið. Var mega rimma á föstudaginn yfir þessu, sem betur fer á ég góðan Lazy-boy...... Enda var fílan sleikt úr mér á laugardaginn, bjóst ekki við þessu í dag.

En ég fékk ÆÐISLEGAR fréttir í dag!! Var að tala við Röggu vinkonu og hún ætlar sennilegast að koma um verslunarmannahelgina, sem er pjúra snillld því ég verð í fríi alla helgina - þar sem það er enginn ferðamannastraumur hérna þá verður lokað alla helgina!! 'Eg hlakka svo til að hitta hana - ég sakna ykkar allra svooooo mikið!!!!

Laugardagur, já laugardagur! Og ég var í vinnu í dag, sem var ok, fyrsti laugardagurinn minn síðan BT 2000!!! Ótrúlegt, og þetta gekk vel, við vorum mest bara tvær. Var alveg nóg að gera fyrir okkur svo okkur leiddist ekki. Og svo sofnaði ég yfir Robin Williams stand up show sem Hjölli náði í af netinu - sem var reyndar alveg meiriháttar fyndið.

En ég ætla að hjálpa manni mínum - hann er að elda nautasteik handa okkur - yummie yummie!!!!!

Föstudagur !!!!
En ekki svo skemmtilegur, annars var ok í vinnunni, en samt opið til sjö, hreinn glæpur!!!
Og - veit að þið trúið því ekki en ÞAÐ ER RIGNING!!!! Story of my life.
Og ég er að vinna á morgun.
Var að tala við stelpu í gær sem er að fara sem AuPair til US, og ég fór "down the memory lane" MAÐUR Á EKKI AÐ GERA ÞAÐ!!!

Ég er bara alls ekkert í hressu skapi, sorry......

Annars var vikan svona la la. Vinna og rigning. Ekkert meira og ekkert minna. Ég hlakka bara til að fara að takast á við skólann í haust, bæði vinnu og lærdóm!

Hæ hó hæ hó!! Sólin og sumarylur hérna fyrir austan. Loksins loksins, ekkert smá ánægð!!!
En auðvitað var ég að vinna í dag, og gat aðeins sleikt sólina í kaffitímanum mínum, eins og sumir vita sem fengu sms frá mér!

Stolt af vinkonum mínum - þær eru svo duglegar að blogga að !! ;)

En helgin var róleg. Ég átti tvo yndislega daga með Morrowind, þar sem laugardagurinn var ekkert spes veður og sunnudagurinn... ehh... vindur en sól og hiti, en ég var bara hreinlega komin með fráhvarfseinkenni frá tölvunni (morrowind) svo ég rak nefið út stöku sinnum þar sem útihurðin hérna niðri er við hliðina á tölvuherberginu mínu.

Og nú eru sumarfríin byrjuð i vinnunni og þá þessa vikuna þar sem við erum soldið undirmönnuð þá þarf ég að mæta kl átta, en það er bara þessa vikuna því það kemur ein úr fríi á mánudaginn. Og viti menn ég þarf að vinna um helgina. Ég fór að pæla í hvenær ég vann síðast um helgi og það er frekar langt síðan, ekkert síðan ég var í BT, febrúar 2000!! En það verður auðvelt að mæta klukkan átta þar sem það er yfirvinna - og manni gengur alltaf betur að vakna hugsandi um það!!!!
Og í dag var Hjörtur verslunarstjóri að setja mig inn í störf sem hann sér um, þar sem hann verður í fríi um næstu mánaðarmót. Kemur kunnátta hins "blessaða og kærkomna" Navision Financials vel að notum...... hehehehehe

Hjölli gerði heiðarlega tilraun til að slá garðinn í gær, með sláttuorfinu sem hann fékk að láni hjá pabba sínum. En orfið er eitthvað lasið og helst ekki í gangi, og garðurinn er eins og frumskógur að það þarf eitthvað öflugra en þetta litla orf sem við erum með, come on - grasið og draslið nær upp að hnjám næstum og ég er búin að tína blómabeðinu mínu.... ég kvarta allavega ekki um að ekkert vaxi hérna, trén og runnar orðin þokkalega gróskumikil! Það er svo gaman að eiga sinn eigin garð að þið getið ekki ímyndað ykkur!! hlakka geggjað til að taka skurk í honum og geta svo grillað úti og legið í sólbaði!! hehehehehehe!!!

Laugardagur, laugardagur og laugardagur!!! Ég hef beðið eftir þessum degi alla vikuna. Kaffið er að fæðast, og tölvan komin í gang. Það er engin sól, en gæti komið síðar, svo núna ætla ég að gleyma mér í Morrowind, hef ekki spilað síðan........ 17. Júni!!!! Það er orðið langt síðan.

Vinnan í gær var ok, slatti að gera, langur dagur enda opið til sjö. Fór í hádeginu í gær og hitti skólastjórann sem er minn verðandi yfirmaður og skoðaði aðtöðuna sem ég fæ - þe skólastofuna. Þetta er mega flott stofa, stór og björt með gluggum sem snúa til suðurs. Við förum í það í ágúst að panta inn fyrir selið, bækur, föndur og þess háttar. Setjumst svo niður og semjum skipulagið, en planið er að hafa skipulagða dagskrá fyrir hvern dag. Fáum til dæmis aðgang að handmentarstofunni einn dag í viku fyrir málun og þess háttar sem er subbulegt, það verður mega gaman!! Ég fékk á tilfinninguna að ég kæmi til með að leika mér í allan vetur, hlakka geðveikt til. Krakkarnir hérna eru svo skemmtilegir. Rosalega kurteis, hress og já skemmtileg, svo innileg, opin og ófeimin.
Vinnudagurinn verður frá ellefu til fimm, svo ég hugsa að ég geti ekki tekið að mér vinnu í kaupfélaginu fyrir hádegi, sérstaklega ekki þar sem ég ætla líka í skóla.

Svo kom Hjölli heim í gær, og við áttum notalega kvöldstund. Byrjuðum á að fara á geisladiskamarkaðinn sem var í gær, og ég náði mér í nýja Bon Jovi diskinn :D Þar var líka fullt af nammi á engu verði, og við versluðum smá af því (hehehehe) Svo var "vídeó" kvöld. Við vorum komin með fullt af nýjum myndum af netinu og horfðum á tvær af þeim í gær, Shanghai Nights með Jackie Chan (mega fyndin) og National Security með Martin Lawrence, sem var líka mjög fyndin.

En núna Morrowind!!!!!!!!!!!!!!!!

Kæru félagar og vinir!!!
í dag er góður dagur. Reyndar er rigning, en ég er í svo brilliant skapi að það skiptir mig engu máli. Ég fékk að vita það í dag að ég fékk vinnuna í skólaselinu í grunnskólanum hérna í vetur!! Svo ég þarf ekki að hafa áhyggjur af því að vera atvinnulaus í haust!! ég ekkert smá ánægð. Reyndar hefði ég sennilegast fengið að halda eitthvað áfram í búðinni því verslunarstjórinn er það ánægður með mig að hann vill hafa mig áfram í vetur, þá fyrir hádegi!! Snilld, bara snilld!!

Núna er ég ein heima. Hjölli fór aftur í gær inn á Eskifjörð, en er væntanlengur aftur á morgun. Ég hafði það gott í gærkveldi, horfði á Lord of the Rings, the two towers, nýkomin af netinu í brilliant gæðum, engin smá snilld, pjúra augnakonfekt. Ég ætla samt að kaupa hana á DVD - dugar ekkert minna fyrir svona klassa mynd.

Loksins komin heim úr vinnunni í dag. Og viti menn - það er komin rigning aftur!! Maður verður þunglyndur á þessu, rigning, rigning og aftur rigning. En ljósi punkturinn er að bíllinn fór í gang í dag.
Svo er Hjölli að yfirgefa mig aftur. Hann er að fara aftur inn á Eskifjörð til að hjálpa pabba sínum. Þetta fer að verða svolítið þreytandi, því kallinn veit ekkert hvað hann er að gera, hvað hann á að gera eða hvernig. Og alltaf bætist nýtt og nýtt við, ekki eins og við þurfum að gera fullt hérna líka, hann bara fattar það ekki. Hann nennir ekki einu sinni að koma og ná í Hjölla, heldur þarf hann að fara með rútu á morgun, því ekki get ég keyrt hann þar sem ég er að vinna. Kallinn skilur það ekki heldur.
Svo er Sigurdís, barnsmóðir Hjölla alltaf að kvabba, "taka strákinn fyrr, þarf að fara í aðgerð, þarf að vinna, þarf að gera þetta,. þarf að gera hitt...." það er aldrei það sama sem hún þarf að gera, hún þarf bara greinilega að losna við krakkann 15 júli, og vera laus við hann fram í enda ágúst. Býsna böggandi. Hún er svo frek og tilætlunarsöm að það hálfa væri nóg.
Sorry - ég er bara soldið pirruð.

En ég hef þó eitt mega tilhlökkunarefni = Ragga vinkona ætlar að koma til okkar örugglega í vikunni eftir verslunarmannahelgi - ég hlakka geggjað til !!!!!!

Halló halló kæru vinir og félagar.
Það er búið að vera nóg að gera hjá mér þessa dagana, eins og sést - heil vika síðan síðasta blogg.
Ég er bara að vinna á fullu í búðinni, serm er ok. Ekki mitt uppáhalds starf en vinna samt sem áður.

Í síðustu viku þann 17. júní komu Þórhalla systir og Lalli í heimsókn. Færðu mér blóm og alles, svaka gaman að hitta þau. Alltaf gaman að fá fólk í heimsókn!!
Veðrið í vikunni sem leið var ekkert spes, svo vikan var bara vinna, eta, sofa, fór sama og ekkert í Morrowind.

Á föstudeginum hætti ég kl fimm og fór með minn mann og dót í bílinn og brunaði til Mývatnssveitar. Pabbi átti afmæli á laugardeginum - 55 ára gamall !! Svo var ættarmót. Það var semst ætt mömmu samankomin. Alveg geggjað stuð í blíðskaparveðri. Sam var frábær tilbreyting. Fórum semst á laugardeginum um hádegi á svæðið. Þetta var haldið í Heiðarbæ, sem er rétt fyrir utan Húsavík. Um kl fjögur fórum við pabbi og Hjölli aftur í Mývó, kíktum í gufu og slökuðum áðeins á þar til um sjö, tími til að fara aftur niður eftir í grillið. Svo var djammað til um þrjú með lifandi tónlist og fjöri. Pabbi og Hjölli gáfust upp fyrir miðnætti og fóru heim. En við mamma vorum eftir. En þarna voru allir samnkomnir sem maður hefur ekki hitt lengi.
Sunnudagurinn var tekinn með ró, enda var geggjað veður í Mývó. Lá í sólbaði, lék við hundinn og naut þess að vera heima með mömmu og pabba. Tímdi ekki að fara, það var svo notalegt. En við lögðum af stað upp úr fimm, og keyrðum rólega yfir því það var svooo gott veður.

Og í dag er frábært veður og ég missti af því... held að allir hérna á svæðinu ætli að grilla því það var biluð sala á grillkjöti í allan dag.

Annars er eitt sem veldur mér smá áhyggjum. Ég fór í það mission í síðustu viku að athuga kennitölur á debit kortum hérna og komst að því að flestar "dömur" sem eru fæddar árin '72-'77 eru orðnar kellingar!!! Ég er farin að fíla mig sem síðasta móhíkanann hérna. Þegar ég hugsa um vinkonur mínar sem eru fæddar á þessum árum þá dettur mér bara í hug "stöðnuðum við einhverstaðar á leiðinni"??? Eða eru þessar "dömur" orðnar bara svona gamlar langt fyrir aldur framm???

Sæl og blessuð öll sömul. Vonandi líður ykkur jafn vel og mér. Var að koma heim frá Eskifirði. Já ég stóðst ekki mátið þegar bíllinn loks komst í gang í gær en að skutlast yfir og vera þar í nótt. Svo líka kom kallinn minn með mér heim. :)

Ég átti samt afar rólegt og notalegt föstudagskvöld. Fór í ríkið og náði mér í rauðvín. Fékk mér osta, vínber og súkkulaði, horfði á TV og hafði það óskaplega gott.

Svo núna ætla ég að hafa það enn náðugra og njóta þess að vera í tölvunni.

Jæja - dagur 2 í vinnunni - og ég í hádegismat. Til að segja ykkur sannleikann - þá meikaði ég ekki neitt þegar ég kom heim í gær. Við skelltum pizzu í ofninn og horfðum á X-Men 2, svo fór ég í rúmið (með nýju James Patterson bókina mína) En ég var alveg búin á því - aðallega í löppunum - come on - hef setið við tölvu síðast liðin 2 ár, ekkert hreyft mig að ráði - svo allt í einu að standa í annann endann í 9 klst!!!!!!
En mér líður strax mikið betur í dag - er líka búin að vera að læra á kassann - svo þá fæ ég að sitja smá.
Annars líst mér bara vel á þetta - auðvitað er þetta annað en ég hafði vonast til að fara að gera - en let's face it - það er ekki offramboð af atvinnu hérna - svo ég er bara fegin að hafa fengið eitthvað að gera. Fólkið sem ég er að vinna með er afar indælt og hresst og skemmtilegt.

Svo er ég aftur orðin ein í koti!!!! ("grátkall") Hjölli er farinn aftur á Eskifjörð til að hjálpa tengdó. I miss him already....... Svo ég verð sennilegast ein um helgina - svo ég ætla að bjóða mig fram í helgarvinnu. Og hafa það svo næs með rauðvín og græs, bara alein.

Loksins.................Loksins................Loksinsloksinsloksinsloksins!!!!!!:Ég er að byrja að vinna eftir 55 mín! (klukkan er 08:06)
Dagar Morrowind fara semst minnkandi eftir daginn í gær, og ég hætti því miður að geta talað við Röggu á msn og heyrt hennar fallegu rödd!!!!!
Ég er smá kvíðin - en miklu meira spennt!! ég er hvort eð er að fara að gera hluti sem ég hef svo oft unnið við áður!!! Læt ykkur vita með árangurinn í kvöld!!!

Hvítasunnuhelgin var = Morrowind og rigning.

Hallóóó gott fólk!!
Ekki mikið búið að gerast í vikunni. Ég er ein í koti þessa dagana, eða næstum. Hjölli fór inn á Eskifjörð á mánudaginn til að hjálpa pabba sinum í húsinu hans þar. Vési vinur okkar datt í fjörðinn á þriðjudaginn, svo ég keyrði á móti þeim feðgum svo Hjölli gæti nú hitt félgaga sinn líka. Það var rosa gaman að hitta Vésa. Hann var hérna vegna vinnunnar. Við fengum okkur nokkra öl og spjölluðum. Rólegt og notalegt. Góð tilbreyting. Hjölli fór svo aftur til Eskifjarðar í gær. En kemur aftur í kvöld vegna þess að þeir hringdu úr beitningunni og vantar fólk. Annars hefði Hjölli ekkert komið heim fyrr en einhvern tímann og einhverntímann.
Annars er voða lítið að frétta. Bíð enn eftir að byrja að vinna, og bíð enn eftir svari úr grunnskólanum. Ok veður, gæti verið betra. Skiptir mig ekki máli - ég spila bara Morrowind og fíla mig ágætlega!!

Það er rigning. Og smá rok. Ég vona að það verði ekki svona veður á morgun, þar sem sjómannadagurinn er á morgun. Er að spá í að kíkja á dagskránna hérna sem verður í gangi. Meira að segja í kvöld er ball í Skrúð, sem er félagsheimilið hérna. Fólk man lítið eftir hvernig það lítur út að innan því það er sárasjaldan notað. Enda er hótelið við hliðina á því með flottan sal á kjallarahæðinni, sem býður upp á alls konar skemmtanir. Bar, dansgóf og pallur fyrir litlar hljómsveitir. Hef ekki hugmynd um hverjir eru að spila í kvöld. Spurning hvort maður geri eitthvað. Langar samt að kíkja og fá mér öl á barnum. Veit samt ekki hvernig það fer því greiðlsuþjónustan mín tók 13þ kr of mikið af mér. Og það er laugardagur og ég get ekkert gert í því núna.
Annars sit ég bara og spila Morrowind, skemmti mér ágætlega yfir því. Búin að horfa á Friends þættina sem ég náði mér í. Brilliant skemmtun!!!

Mig langar í hund. Mig er búið að langa í hund lengi. Og í allan morgun er ég búin að vera að skoða síður, hundasíður, ræktunarsíður, meira að segja síður með heimilislausum hundum.
Málið er að mig langar í hreinræktaðan hund, ekki blendingsræfil, en þá er maður kominn út í heavy verð á hvolpum. Veit ekki hvað maður skal gjöra, kannski hringja bara á bæina í kring og athuga hvort það séu einhverjir bastarðsgrey sem vanta heimili....

Ahhhh, var að koma heim, eða fyrir ca klukkutíma. Er dauðþreytt núna.
Gistum á Eskifirði í nótt. Fórum semst og settum niður kartöflur, og fórum svo á sjóinn eftir kvöldmat. Brilliant veður, algjör snilld. Einu hljóðin sem við heyrðum voru niðurinn í fossinum fyrir ofan Hvamm og gargið í múkkunum sem vonuðust eftir nasli úr fiskinum sem við vorum að veiða.
Svo sofnaði maður þreyttur og ánægður, manni leið alveg rosalega vel eftir allt sjávarloftið.
Vöknuðum snemma og út á sjó aftur. Náðum í tindabykkjur og þorsk. Tindabykkjan kom á línuna sem við lögðum í gær, línan var ætluð fyrir þorksa en hún þessi gráðuga vildi endilega vera með. Fórum aftur út eftir hádegi. Náðum þá í enn meiri þorsk, ýsu og rauðsprettu....
Og núna er ég komin með freknur á enni segir Hjölli. Við erum bæði ekkert smá útitekin eftir þessa stuttu veru á sjónum í gær og í dag. Þetta er alveg frábær útivera, manni líður ekkert smá vel á eftir, sérstaklega þegar maður þarf að slást við stóra sterka þorska á veiðistöng, algjðr snilld!
Og þegar við Hjölli komum heim áðan var glæný ýsa og glæ nýr þorskur settur í pott með böpplum og íslensku smjöri, og við átum eins og hakkavélar. Algjört lostæti.
Ég ætla núna (nýbúin í langri og heitri sturtu) að hita mér gott te, og koma mér vel fyrir í stólnum mínum í stofunni, og láta fara roooosalega vel um mig.
Heyrumst síðar :)

Mánudagur, og ok veður. Ekker spes en ekki ringning, svo ég er sátt.
Ég er tilbúin í "dressinu" mínu. Erum að fara inn á Eskifjörð. Ætlum að setja niður böpplur og fara á skakið. Hlakka geggjað til!!!
Er komin með 12 stk af Friends þáttunum mínum eftir nóttina. Setti nokkra á downlód til að tölvan hafi eitthvað að gera á meðan ég er í burtu! Verður að "work for it´s keep" :)
Jæja - best að fara að drífa sig..... nei nei - hvað sé ég... er ekki sólin að möndlast þarna í gegnum skýin! Þá er best að fara að draga Hjölla úr sinni tölvu og koma okkur af stað!
Heyrumst seinna!

Sunnudagur... enn einn sunnudagurinn. Mér líkar ágætlega við sunnudagana. VIð erum í pásu við að horfa á Tuxedo, með Jackie Chan. Náðum í hana af netinu. Er í óða önn við að leyfa minni að möndla þetta í rólegheitunum, er að ná í Friends seríu 9. Hef ekki séð 1 þátt af þeim vegna þess að ég er ekki búin að vera með Stöð 2 síðan þeir byrjuðu þar.
Og hún Birgitta varð í 9. sæti. Ágætt finnst mér.
Tengdapabbi kom í heimsókn í gær, færandi hendi með öl og rauðvín. Hjölli eldaði dýrindis kjúkling, og við áttum rólega og notalega kvöldstund. Ekkert júróvísíon partý hérna.
Einhverjir hafa verið að djamma því Vési hringdi kl eitt í nótt. En sennilegast var hann að halda upp á afmælið sitt.
TIL HAMINGJU MEÐ DAGINN VÉSTEINN!!!!

Jæja - var að koma heim aftur. Skrapp upp í skóla í atvinnuviðtal. Þar sótti ég um 2 störf, annað sem stuðningsfulltrúi sem mér líst betur á og svo sem starfskraftur í skólaseli. Smellti þar inn umsókn og ferilskránni minni. Þetta byrjar náttlega ekki fyrr en í haust en það er fínt, vinna í kaupfélaginu í sumar og fara þarna í haust. Einnig er þetta ekki 100% starf sem mundi henta flott með skólanum. Fæ ekki að vita niðurstöðu fyrr en eftir hvítasunnu. Það er það sem mér finnst svo pirrandi við að sækja um svona; biðin eftir svari. Svo fær maður neitun og maður verður sár og svekktur. Ég er annars í smá "down" skapi núna. Var stungin í bakið af eigin tilfinningum rétt áðan. Þórhildur skólastjóri bauð mér í kaffi sopa á skrifstofunni með hinum kennurunum að spjalla. Þau voru að fara í gegnum póstinn og í honum voru BT bæklingur, sem skiptir mig engu máli, en þarna var einnig Heiti Potturinn frá ATV. Sá sem ég var alltaf eitthvað með puttana í. Lærði hann alltaf utanbókar til að geta svarað viðskiptavinum okkar og beint símtölum í réttan farveg. Hann var partur af mínu gamla starfi. Ég fékk hnút í mallann. Hélt ég væri komin yfir það að vera ekki að vinna þar lengur, en svo er greinilega ekki. Ég sakna þannig séð ekki vinnunnar sem slíkrar, en ég sakna rosalega hóps af fólki sem ég var að vinna með. Var að tala við einn sölumanninn á msn í gær. Það er allt rosalega breytt, kannski er bara gott að ég sé ekki þarna lengur. Þetta er í raun ekki sama fyrirtækið og ég byrjaði að vinna hjá. Kannski er ég bara svona "blue" akkúrat núna því ég er á þessu mánaðarlega. Vona það.