Það er sól sól sól!!

já sólskin mætti augunum í morgun þegar ég vaknaði... og hrjótandi barn við hliðina á mér.  Hann hafði vaknað eldhress um 6 í morgun.  Og þar sem mamma hans vill sofa til sjö þá fékk hann að kúra uppí.  Og að sjálfsögðu steinsofnaði guttinn minn aftur. 

Við erum svo sátt við lífið þessa dagana að allt var svo rólegt og notalegt hjá okkur.  Vorum meira að segja komin út í bíl um korterí átta!! hann reyndar maldaði í móinn (argaði / grenjaði hressilega) þegar ég var að kveðja hann í skólanum...

Og mín í sund. Og það var svo notalegt að synda í sólinni (skítkalt reyndar) en stoppaði á bakkanum og snéri nebbanum upp í sólina og heilsaði upp á þessa gömlu vinkonu mína sem ég hef saknað geðveikt mikið.  Maður varla þorir að vona að vorið sé komið - maður varla hefur náð að hugsa þá hugsun(draum) til enda þá er kominn snjór aftur...

Helgin var róleg og notaleg.  Brunaði upp í sveit eftir vinnu laugardaginn og knúsaði barnið mitt.  Grill og bjór hjá pabba og mömmu, kíkti í smá kaffi og kökurestar á sunnudeginum í Hraunberg - en þar var ferming á laugardag. 

Sonur heyrði loks í föður sínum, stutt samtal þar sem Gabríel sagði honum að hann væri hættur með bleyju og svo bara "bless bless pabbi" og hljóp í burtu.  En það þarf ekki meira - þetta var nóg fyrir litla manninn og hann var alsæll með þetta. 

Drykkjuboltarnir vinnufélagar mínir eru í mismundandi ástandi í dag en öll sammála um að árshátíðin hafi heppnast vel sem er bara frábært ! Allir skemmt sér og matur góður.  Og allir komið heilir heim.

Þar til næst - hafið það gott dúllurnar mínar!

Laugardagur til launa :)

jámm ég er í vinnunni - fer að enda, hætti fjögur.  Þá verður brunað upp í sveit.  Búið að vera slatti að gera, þó það hafi verið auglýst lokað þá hafa tölvur farið í dag - gaman að því :)

Átti rólegt og notalegt kvöld í gær.  Sonur fór heim í sveitina með afa sínum í gær svo ég notaði tækifærið og hafði það rólegt og notó.  Fékk afmælisgjöf frá Dóu minni og það var alveg yndislegt sjal sem  hún bjó til sjálf! Hlýtt og yndislegt - hún talaði um á kortinu að vonandi nýttist þetta sem knús á köldum kvöldum - fyrsta hugsun "omg er hún að senda mér Gvend" - haha nei svo galin er hún nú ekki hahahaaaa

Takk æðislega fyrir mig elsku Dóa mín!

Byrjaði svo daginn í dag á sundi, synti ekki mikið bara 300 metra og dormaði svo í pottinum.  Afskaplega notalegt.  Í sveitinni eru allir í fermingarveislu.  Vona ég nái að hitta eitthvað af fólkinu í dag.  Væri gaman að sjá aðeins framan í fólkið.  Gabríel er minn staðgengill þar í dag og stendur sig eflaust eins og hetja þessi elska. 

Vona þið eigið góða helgi. 

James Blunt

- hver vill koma með mér á James Blunt í sumar???

Enn heima

jámm - við erum enn heima.  Vona að hann nái þessum hita úr sér svo hann komist í skólann á morgun.   Hann er núna frekar hress, búinn að borða skúffuköku sem við bökuðum.  Máluðum nokkrar vatnslitamyndir.  Hann svaf líka í já 3 tíma eftir hádegið blessaður.  Hann verður í passi um helgina - en bara á laugardaginn þar sem ég fer svo uppeftir strax eftir vinnu :)

Hann hefur ekkert heyrt í pabba sínum - finnst það svolítið furðulegt miðað við hve áhugasamur hann vill og virðist vera og lofaði öllu um að bjalla eitthvað í hann en ekkert heyrist.  Ég er ekki að pirra mig á þessu - bara furðulegt - því áhuginn á honum var mikill áður en hann fór.  Hulda hefur haft samband en ekki hann. 

Það snjóar.  Það var sossum auðvitað - kom hlýja og snjór fór að fara þegar fer að slydda aftur - auðvitað ! Hefði alveg mátt segja mér það.

Kannski ég fari bara undir sæng með Gabríel, það er svona undirtepppikakóbollaveður....

þar til næst klæðið ykkur vel og ekki geyma að láta fólk vita að ykkur þyki vænt um það.  Það gæti orðið of seint.

svekkelsi...

fer ekki á árshátíðina.. ákvað það í dag þegar ég sá stöðuna á reikningnum mínum.  Þessar hækkanir koma soldið aftan að mér - hafði haft varann á en greinilega ekki nógu mikið.  Er drullufúl, svekkt og sár, en ætla að vinna frekar svo launaumslagið mitt verði aðeins þyngra næst.  Nenni ekki að fara þegar maður er með áhyggjur af peningum, og veit að maður hefur engan veginn efni á að gera þetta og geta ekki leyft sér að gera það sem mann langar til.  Það koma tímar siðar.

Lögfræðikostnaðurinn er mikill og er að setja mig á hliðina, en það er seinna tíma vandamál - mestu máli skiptir að ég nái að losa mig úr því sem hann er að vinna að fyrir mig. 

Sem betur fer hækka húsaleigubætur svo við fáum eitthvað bætt uppí þessu ljóta ástandi sem nú er. Maður fer varla út í búð án þess að maður borgi 2000 kr, og fyrir nákvæmlega ekki neitt - nokkra lítra af mjólk, ost, brauð og súrmjólk.  Guð hjálpi mér og fyrirgefi; ég spreðaði í ferska ávexti handa syni mínum.  Ég reyni alltaf að sjá ljósu hliðarnar á hlutunum.  Mér gengur afskaplega illa að sjá ljósar hliðar á þessu. 

Ég hata þetta.

Annars erum við sonur heima.  Ég lagðist á sunnudaginn, og lá í gær, og hann tók upp hóstann, horið og hitann í gær og nótt.  Svo við erum lasarussar heima núna. Hann er svo yndislegur og duglegur þessi elska.  Orðinn alveg bleyjulaus á daginn - en þarf meðann hann sefur.  O g no2 er soldið vandamál ennþá en það lærist hjá þessum engli.

Hann er drifkrafturinn þessa dagana hjá mér í þessu öllu saman. 

Þar til næst - eigið góða daga.

Sunnudagur til sófa

hæ :) það er helgi og ég nenni ekki að gera neitt í dag.  Var að vinna í gær og mín yndislega frænka Sylvía var með Gabriel á meðan.  Hann svaka sæll með þetta.   Hefur reyndar spurt um að fara í sveitina í dag en ég sagði honum að við myndum bara njóta þess að vera heima.  Hann mundi fara í sveitina næstu helgi og þá yrði hann þar alla helgina án mín.  Jámms árshátíðin er bara næstu helgi.. þetta er agalega fljótt að líða.  Verð á hóteli báðar nætur.  Ákvað að splæsa því á mig þar sem ég kem ekki til með að gera þetta á næstunni aftur og hugsa að sumarfríið verði einmitt svipað og í fyrra; hótel mamma. 

Var já að vinna í gær, og ætla að vera róleg í dag.  Er  með hangikjöt í potti, og það er leti í okkur báðum.  Gabríel svo ánægður með að vera heima í dótinu sínu, trallar og syngur, leikur sér og búinn að búa til undraheim með bílunum sínum og kubbunum.  Sá stutti var mjög sáttur við að vera hjá Sylvíu í gær, og að vakna í morgun og byrja að leika sér.  Hann sefur með alla kubbabílana uppí - og ég heyri þegar hann byrjar a leika sér um leið og hann vaknar.  Hann var hrikalegur flækjufótur seinnipartinn í gær.  Og ég kyssti á ófá bátt í gær.  Eftir eitt báttið heyri ég hann tauta inni í stofu við goggann sinn "sko þegar ég fæ bátt kyssir sko mamma mín á báttið og þá er sko allt búið"   - já þessir mömmukossar eru heimsins bestu plástrar.

Eigið góðan dag í dag!

Til hamingju!

Elsku Anna til hamingju með að vera búin með samninginn!!! Ef þig vantar einhvern til að æfa þig á í hand/fóta snyrtingu eða plokkun og litun eða nuddi þá bara láta vita!!

Gangi þér vel að læra undir sveinsprófið!! Þú ert snillingur!!!!

Farðu vetur FARÐU!!!

ég er búin að fá algjörlega nóg af þessu. Maður er blautur í lappirnar nær uppá dag - fór heim í EJS plastpokum í skónum í gær því þeir náðu ekki að þorna frá hálf eitt til sex í gær - samt voru inni í miðstöð...

Og er núna með hæsi, ískrar í röddinni reglulega, agalega næs að svara í símann þannig. Með hálsbólgu og hor...

Snilldar helgi

Já við sonur áttum góða helgi.  Byrjuðum helgarfríið á að fara í bíó.  Já sonur í fyrsta skipti í bíó.  Það var líka alveg meiriháttar gaman.  Starfsmönnum EJS og börnum var boðið á sýninguna Horton.  Maður hló helling og Gabríel starði hugfanginn á stóra sjónvarpið, með poppið sitt og kókið og nammið í pokanum sem hann fékk að velja alveg sjálfur úr nammibarnum! Talaði svo um að fara aftur. Og það verður gert!

Var alveg yndislegt að koma í Fellshlið á laugardaginn.  Það er svo rólegt og gott andrúmsloft þarna, alltaf gott að koma þangað.  Takk kærlega fyrir okkur elsku Anna og Hermann.  Gabríel alveg dýrkar þau, leikur á alls oddi þegar hann kemur þangað.  Ekki skemmdi fyrir að hann fór á sleðann!! Já sonur minn fór á snjósleða!! Tók tvær salibunur og þá kominn með nóg í það skiptið.  Hann ætlaði svo út með Hermanni daginn eftri á "bláa" sleðann en hætti við því það var svo mikið fjúk og ekki nokkur leið að fá hanntil að skipta um skoðun.  Bökuðum pizzu - hann og Anna aðallega, merkilega lítið af pylsum á einni pizzunni - þe sá staður sem hann hafði átt að setja þær á.. og borðaði svo merkilega lítið í kvöldmatnum.  - hvort maður eigi að setja samansem merki þar á milli??

Við Anna og Hermann dormuðum yfir imbanum, fengum okkur rauðvín og dottuðum yfir Jeeves and Wooster. Sækir á mann svefn í svona afslappelsi.  Afskaplega notalegt. 

Sunnudaginn var leiðinlegt veður.  Keyrt inná Akureyri og stoppað á milli stika á Víkurskarðinu til að sjá í hvaða átt maður snéri.  En maður er náttla svo vanur þessu að maður kippir sér ekki mikið upp við þetta lengur :o)

Og sonur minn kíkti í kaffi til Huldu hans Hjölla.  Hjölli fór loks í meðferð blessaður og vona að honum gangi sem best þar.  Ég hafði haft áhyggjur af því að byrja aftur á reit A með samskipti þeirra Gabríels þar sem 6 vikur eru langur tími.  En Hulda hafði samband við mig og spurði hvort hún mætti fá Gabríel lánaðan eitthvað á þessum tíma.  Þær mæðgur (hún á tvær dætur) dýrka guttann (sem er náttla alveg skiljanlegt) og sagði hún þær sakna hans helling.  Ég varð mjög ánægð að heyra þetta.  Náttla eitthvað sem ég hefði aldrei beðið sjálf um.  Og hafði haft áhyggjur af þessu, og þetta er bara frábært.  Og ég hélt nú það að hann mætti nú fara í heimsókn til þeirra.  Kann virkilega að meta þetta hjá henni og þakka ég henni bara kærlega fyrir :)

Þannig hann fór þangað í gær.  Spurði hann fyrst hvort hann vildi kíkja í kaffi til Huldu, Töru og Tinnu.. svarið semég fékk var "nei... bara vatn"

sá stutti kann sitt !!

 

Páskaeggjaopnun :)

Sylvía Ósk og Gabríel að opna páskaegg :) Var loks að koma þessu á netið - betra er seint en aldrei. Það er annað myndaband af honum á youtube þar sem hann bítur þokkalega veklega í eggið sitt, það er líka póstað á síðunni hans :)

Árshátíð EJS 12. apríl :o)

jámm mín kemur suður að djamma 12. apríl !!! - ætla að lenda 11. apríl og árhátíðin er 12 apríl :)

Hlakka mikið til :)

ábyrg móðir og single stelpa..

Og það er alltaf jafn gaman að vera til.  Er svo ánægð með hvar ég er í dag og hvað líf mitt er skemmtilegt þessa dagana! Alltaf eitthvað að gerast, fólk að poppa upp hér og þar; nýjir vinir og gamlir.

Eftir þessa dásemdar páska er maður fullur orku og úthvíldur.  Sonur minn var svo kátur að koma heim í gær, hljóp upp stigana "dótið mitt dótið mitt" Hann er svo skemmtilegur þessi gutti minn ! mamma hafði orð á því þegar ég sótti hann í gær "vá ég er bara þreytt eftir daginn hann er búinn að vera á fullu í allann dag" Já þessi sonur minn er snilld :)

Maður er á mörkunum að vera skynsamur og að sleppa fram af sér beislinu.  Getur maður ekki gert bæði? Það er svo gaman að vera til og ég vil ekki missa af einni mínútu.  Og ég vil ekki halda aftur af mér heldur.  En jafnframt vil ég ekki gera einhverjar gloríur sem mér er einni von og vísa þegar ég tek mig til :) - þið vitið hvað ég tala um sem þekkið mig :)

Ég er ekki að tala um að vilja vera á tveimur stöðum í einu, eða binda mig einhverstaðar, ég vil bara ekki loka á eitthvað strax sem gæti svo verið einhvers virði :) Það er bara oft hrikalega erfitt að vera bæði single stelpa og ábyrg móðir...

 

Málshátturinn minn 2008

"hygginn kann sér hóf"  ... hugs hugs hugs.. Hvað meina þeir með þessu... ???

Og minn hugsunnarháttur náttla um leið smellti þessu upp á karlpeningana sem eru að herja á mig...

Afmæli í dag :)

Já ykkar yndislegust á afmæli í dag !! Er búin að fá fjölda smsa og kveðjur í dag. Takk takk elskurnar mínar.

Dagurinn er búinn að vera hrein snilld. Sonur minn pakkaði inn afmælisgjöf (með aðstoð ömmu sinnar) og skrifaði sjálfur á afmæliskortið mitt. Og hann var svo stoltur og þetta var svo flott hjá honum. Svo söng hann fyrir mig afmælissönginn!! Hann mundi sko strax í morgun þegar hann vaknaði að ég átti afmæli. Og hann mundi sko strax að ég átti að fá pakka og þegar pakkarnir væru búnir átti að opna páskaeggin! Hann fékk stórt egg frá pabba sínum með strumpi sem hann opnaði. Fékk dygga aðstoð Sylvíu bestu frænku. Set myndir inn á flickr við tækifæri.

Eftir hádegi fórum við mamma í páska/afmælisdekur í Lónið. Juuminn hvað það var næs! Sylvía færði okkur bjór útí lón og sátum við þar og sötruðum. Agalega yndælt að sitja þar í heitu vatninu, láta líða úr sér og vera alveg með tíma til að dekra svið sjalfa sig.

Var heima í gærkveldi. Fékk boð um að mæta á Hattinn en ákvað að vera heima. Togaðist mikið í mér en þegar ég vaknaði með syni mínum í morgun þá var ég svo fegin að hafa ákveðið að vera heima. Koma önnur kvöld eftir þetta kvöld og ég held að sá er bauð hafi alveg skilið það :) Föstudagskvöldið var hrein snilld, nóttin enn betri og morguninn bestur. Hlakka bara til framtíðarinnar :)

Eigið sem besta páska

Ykkar Guðrún K.

Páksafrí!!!

jámm við sonur erum komin í sveitina í páskafrí.  Svo er afmælið mitt á sunnudaginn og langar mig á djammið á morgun í tilefni þess.  Veit ekki hvað skal gera.  En hálfvitarnir eru að spila í Skjólbrekku og langar að fara þangað.  Svo langar mig á djammið eftir það á Akureyri.  Einhverjir sjálfboðaliðar??

Fór í klippingu í dag ! Tekið meira af hárinu en síðast. Er alveg að fíla þetta :)

En nóg um það - mamma er að reyna að finna "patent" lausn á hvernig á að hengja máluð egg upp... með slaufuna upp og lykkjuna um greinina - en er ekki alveg nógu gott því "hnúturinn fer í gegn".....

þar til næst knús og kossar !!!

Afmælisbarn dagsins:

Inga Hrund Gunnarsdóttir

(mynd tekin 28. mars 1991)

Til hamingju með daginn elsku vinkona!!

Sunnudagur til svefns!!

jámm - letidagur held ég bara! Það er að koma páskafrí.  Hvað skal gera - veit ekki enn.  Langar eitthvað út á lífið og langar að hitta fullt af fólki og langar í fullt fullt af heimsóknum. Skildi maður komast yfir eitthvað af þessu ? Eða enda páskarnir í eintómri leti og náðugheitum??

Laugardagur til ljúfra stunda

hæ elskurnar mínar :) Jámm það er sko leti/ljúfur dagur í dag. Mamma og pabbi kíktu hingað við til að laga eldhúsinnréttingunga mína og skipta um klær.  Gaman að fá þau í heimsókn, Gabríel varð svona himin lifandi við að fá þau og sýndi ömmu sinni allt í herberginu sínu.  Og auk þess sem hún kom með okkur í íþróttaskólann.  Já það var síðasta skiptið sem það var.  Ég bara skrái hann næsta haust - hann er alveg að skemmta sér sá stutti í þessu.  Sérstaklega þegar þrautahringurinn er -þá hleypur hann hring eftir hring og prílar um allt.  Í dag meira að segja þorði hann að hoppa af stóra hestinum á dýnu - stór sigur þar!!!

Eftir heimsóknina þá sofnaði hann og svaf í 2 tíma - núna erum við að dúllast og velta fyrir okkur hvað við eigum að gera restina af helginni :)

á f östudaginn kíktum við í Dótakassann og lékum okkur smá stund í lestunum.  Okkur finnst svo gaman að kíkja þangað og sjá hvað e í boði þann daginn.  Og núna er mega útsala þar og náðum við lest á 990 kr sem eru eins og þær sem hann er að safna - Tommi lest sem sagt - rosa gaman !!!

þar til næst - eigið góða helgi og verið góð hvert við annað!!

snjór, slabb og slydda...

ég er ekki að fíla þetta. Páskafrí í næstu viku - og hvað ég hlakka til. Hugurinn er kominn í frí, og ég veit að fleiri í kringum mig eru að keyra á síðustu orkunni sem þeir eiga. Meira að segja Gabríel er farinn að tala um að vilja bara vera heima - í miðri viku! það bara varla gerist ekki hjá honum - honum finnst svo gaman í skólanum. Hann dormar í rúminu og dregur lestirnar sínar uppí og vill helst ekki fara framúr. "mamma vil vera heima leika með dótið mitt"

Fór í skólann í morgun - horfa á vídeó úr danstímunum hans - og það var bara snilld! Sjá þessa gaura dansa og syngja. Enda gripu þeir lagið fyrir okkur líka með vídeóinu :) Svaka gaman að svoan uppákomum :) gefa lífinu gildi.

Helgi framundan - ég er ekki að vinna - og vá hvað ég hlakka til!!!

Njóta þess að vera í fríi og knúsa barnið mitt.

Þar til næst verið góð hvert við annað og klæðið ykkur vel !!

Miðvikudagur

hey - hafið þið tekið eftir því að það er alltaf miðvikudagur?

15 Vikur og 3 dagar :o)

Engar fréttir - góðar fréttir? Já er þakki bara - hef verið hálfgerð Pollýana undanfarið vegna lánamála, en maður verður bara að hugsa að það getur margt verra gerst en að verða gjaldþrota.. er það ekki?? Jú jú - smá röksemdarhugsanir og þá líður mér aðeins betur. Td - heilsa sonar míns er meira virði en allir peningar, og heilsan mín og minna nánustu. Að sonur minn finni ekki fyrir þessu er aðal atriðið, og hann skorti ekki neitt. Á meðan við erum hraust, ég hef vinnu og þak þá erum við sonur minn fær í flestan sjó. Enda búum við svo vel að eiga yndislega fjölskyldu sem styður við bakið á okkur.

Ætla samt ekki að mála skrattann á vegginn strax. Er með lögfræðing að vinna í þessu fyrir okkur, og baráttan er ekki búin enn.

Farin að hlakka ógurlega til sumarsins. 15 vikur og 3 dagar í frí.. but who's counting?? Gæli meira við páskafríið sem hefst í næstu viku.. það er styttra í það :)

Loving life :o)

Juminn - komin helgi aftur?? Ég sko týndi einum degi - þegar Alli tilkynnti mér í morgun að hann ætlaði sko ekki að vinna aftur til 6 í dag þá sá ég að það væri fimmtudagur.. en ég er enn ekki búin að finna út hvaða dag ég missti úr?

Það er búið að vera mikið að gera. Í vinnunni - Íris var úti á landi í söluferð og annríkið í búðinni var þannig að ein manneskja náði ekki að sinna þvi. Við Alli stóðum á haus á þriðjudeginum, síminn stoppaði ekki og ég settist varla því það var mikill erill í búðinni. Bara gaman :o)

Annars er ekkert að frétta. Single life and loving it, er hvort eð er ekkert reiðubúin í eitthvað meira. Stundum held ég það en svo hugsa ég lengra og neibb ég er það ekki :o)

Gabríel er í ótrúlega góðu jafnvægi - vaknar brosandi, sofnar brosandi og það hvessir ekkert í þeim stutta þessa dagana - búinn að vera svona síðan hann fór að sofa allar nætur í sínu eigin rúmi. Hann er úthvíldur og sáttur. Vaknar svangur og fullur tilhlökkunnar til að takast á við nýjan dag. Hann er duglegur við að vilja prófa að fara á koppinn og er byrjaður að vilja fara á klóið í skólanum. Þetta er allt að koma hjá honum blessuðum.

Já við erum bæði í góðu jafnvægi þessa dagana. Maður er alltaf að fá smá reality check, og læra meira á sjálfan sig. Ég sef betur núna eftir að sonur er farinn að sofa heilar nætur- ekki að ég hafði átt við svefnvandamál að stríða - þvert á móti. En ég fæ heilan svefn núna- rumska ekki þegar hann er að brölta yfir til mín um miðjar nætur. Svo við bæði erum úthvíld á morgna - hress og hlökkum til nýs dags og hvað hann hefur uppá að bjóða !

Er að vinna helgina, svo það er róleg og notaleg helgi framundan :o) Hlakka til að eiga stundir með syni mínum. Hann hittir pabba sinn á laugardag á meðan ég er að vinna, svo eigum við alla helgina útaf fyrir okkur. Ég hlakka mikið til. Hann stækkar svo hratt og þroskast svo hratt ég er hrædd um að ef ég blikka augunum þá missi ég hreinlega af honum.

Þar til næst elskurnar mínar - hafði það gott og eigið góða helgi :)

Mánudagur og snjór

Frábær helgi að baki - gott og skemmtilegt djamm á föstudegi, rólegur laugardagur í sveitinni ásamt góðum sunnudegi.  Lífið fer upp og niður eins og alltaf og veit maður aldrei hvað gerist á morgun.

þar til næst verið góð hvert við annað.

Myndskilaboð

"Gaman hjà afa og ömmu! Og mamma hjàlpar að kubba"

Fimmtudagur og helgin nálgast :)

já ykkar yndislegust ætlar sko að fara á tjúttið á morgun!! Mikið agalega hlakka ég til! Við Íris ætlum að gera okkur sætari en vanalega (við erum náttla ógó sætar alltaf) og ætlum að fá okkur aðeins í eina tánna. Fara út og dansa, drekka og hlæja !!!

Ég náttla skulda henni bjór og drykki þar sem ég féll á þessu karlabindindi mínu -sem ég náði að halda út í nærri mánuð!! Bara nokkuð gott held ég... :o) gaman að þessu.. sem betur fer er ég með góðan díl hjá Vodafone og EJS hvað varðar símanotkun :o)

Gullið mitt verður hjá afa sínum og ömmu í góðu yfirlæti blessaður. Hann er farinn að tala um að fara til afa og ömmu, honum finnst orðið heldur langt síðan hann sá þau síðast.

Ég er alveg að fíla hvað dagurinn lengist! Það er bjart þegar ég er búin að vinna, þetta er svo mikill munur.

Þar til næst - verið góð hvert við annað :)

Afmælisbarn dagsins!!

Elsku Dóa mín á afmæli í dag !!!!

Til hamingju knúsa mín og eigðu góðan dag í Amsterdam í dag !!!!

Ekki minn dagur í dag...

sumir dagar eru bara þannig að maður á að vera undir sæng... Og þessi er þannig - af hverju júníversið kemur með "mánudag" á þriðjudegi - I'll never know.

Ef ég ýti á enter á lyklaborðinu þá poppar upp Word skjal... Ef ég þarf að pissa þá hringir síminn.. Ef ég moka af bílnum mínum þá hrynur af þakinu ofan á rúðuna þegar ég er lögð af stað.. Ef ég skipti um sokka því ég steig í bleytu á leiðinni inní mat (heima í stigagangi) þá pottþétt steig ég aftur í bleytuna á leiðinni út...

þið skiljið hvað ég á við... og klukkan er bara tvö - og þetta er aðeins toppurinn af ískjakanum... við skulum ekki fara út í nánari óheppnir..

Ný vinnuvika

Góðan daginn og gleðilegan mánudag. Ég sit hérna heima með fyrsta kaffibollann minn, browsa blogg og mbl.is.

Helgin var fín, róleg, en fín. Sonur fór til pabba síns á laugardag á meðan ég var að vinna. Hann skemmtir sér vel þar, enda sé ég á bloggi sambýliskonu Hjörleifs að Gabríel er velkominn þar, sé hlakkað til að hann komi og hann sé dekraður á alla vegu hjá þeim. Mér finnst auðvitað frábært að sjá það. Hann er náttla litla barnið mitt og litla mömmu hjartað mitt þarf að vera viss um að hann sé í góðum höndum.

Við áttum svo yndislegan dag í gær. Hann reyndar svaf mest af honum, tók heila 4 tíma eftir hádegi í gær sá stutti. Hann hefur ekki tíma til að sofa hjá pabba sínum, svo hann var búinn á því blessaður. Við lékum okkur, horfðum á bíla og mótorhjól, kubbuðum, dönsuðum. Og deginum lauk með að horfa á Top Gear, Audi bíla, kappakstursbíla. Hann notar litla bílinn sinn (fótstiginn) sem hann fékk í jólagjöf 2005 frá afa sínum og ömmu til að keyra um alla íbúðina í þykjustuleik að vera á kappasktursbíl.

Hann er farinn að sofa í sínu rúmi allar nætur núna. Það er alveg snilld, ég sef miklu betur og er að vakna miklu hressari núna. Og hann líka.

Eníveis - dagurinn er að byrja - kaffibollinn búinn, hlakka til að takast á við nýja viku :)

Eigið góðan dag elskurnar mínar !

smá í huganum..

jámm í dag var gaman að vera til eins og undanfarna daga :o) veit ekki hvað það er en eitthvað (einhver öllu heldur) heldur drifkraftinum alveg á fullu og einbeitningin er úti í fjúki og hinum megin við hæðar og hóla.. hrædd um að samstafsfélagar mínir séu orðnir heldur undrandi á þessu hjá mér.. Íris tjáði mér um daginn að hún hefði nú barasta áhyggjur af mér - en það er algjör óþarfi ! ég spjara mig.
Nú ef þetta er bara bóla þá er ég búin að komast að því að ég á þessar tilfinningar ennþá til staðar - tók bara smá tíma að finna þær og rétta manninn til að bera þær upp á yfirborðið. Þá verður auðveldara að komast gegnum skelina og sleppa af sér beislinu. Ég er allavega að fíla það að vera single núna !!!
Svo margt sem ég var orðin master í að hylja, sé það núna að ég var alls ekki ég í mörg ár. Gríma. Skuggi af sjálfri mér. En eitthvað breyttist þegar ég átti son minn, fann ég styrkinn og stóð upp.
Og að hleypa einhverjum aðeins nær er eitthvað sem ég hef ekki gert lengi og er ég bara að fíla þetta með öllum vitleysis efasemdum, tilfinningarússíbana, og spennu.
Farið varlega inn í helgina elskurnar mínar og verið góð hvert við annað :) Ykkar "smitten" Guðrún

miðvikudagur.... again :o)

ok hún Íris blessunin sagði það sl miðvikudag að henndi fyndist alltaf vera miðvikudagur. Og núna tek ég eftir þessu líka - það er allt í einu kominn miðvikudagur. Það er kannski heldur kaldara en samt fallegur dagur !!

Gaman að vakna í morgun, sonur minn er tekinn upp á því að lúlla bara í sínu bóli núna á næturna og er ég að fá heilan nætur svefn ! þetta er lúxus - ég er úthvíld á morgnana !!!

Er að reyna að vinna - gengur illa, næ ekki að halda einbeitningunni, hugurinn fýkur alltaf út fyrir bæjarmörkin..

Alveg að koma helgi. Er að vinna á laugardaginn, Gabríel ætlar að hitta pabba sinn á laugardag. Hvað verður svo veit enginn. En það stefnir í rólegheits helgi.

Þriðjudagur..

og vikan líður áfram. Það er sumarfílíngur í gangi, snjórinn að fara og hlýr vindur úti. Maður fær alveg nýja orku á svona dögum. Sit með sólheimaglottið og horfi dreymandi út um gluggann í vinnunni. - ekki misskilja - ég er kona - get gert tvennt í einu - dreymt dagdrauma og unnið !!

Það er gaman að vakna á daginn, sonur minn kemur og knúsar mig, og vill fá morgunmatinn sinn.

Já það er vorfílingur í manni - þó það sé bara febrúar. Og ég get svo svarið það að ég finn fyrir fiðring í maganum, og kitlar í puttana á að fara að gera eitthvað, þó það væri ekki nema bara að fara helgarrúnt til Hollands á útitónleika! Það er allavega asskoti erfitt að sitja bara kjurr og bíða eftir að dagurinn líði.

Já og ég er að fara í barnaafmæli í kvöld :)

Icecross mótorhjól á Mývatni

þetta var snilldin ein !!!

Lífið er stundum full of surprises...

og þegar maður á síst von á þá er því hvolft við og maður snýr í þveröfuga átt en maður hafði áætlað að halda..

Maður lítur undan og búmm..

Og núna er ég að tala um ánægjulegar uppákomur. Hlutir sem maður ætlaði sko ekki að fara að leggja út í, plana, hugsa um. Og allt í einu þá er maður eins og þorskur á þurru landi, veit ekkert hvað snýr upp eða niður og reynir að horfa á heildarmyndina og halda sönsum...

Hef ekki fundið þessa tilfinningu í möörg ár, hélt að ég ætti hana ekki til lengur, hef ekki leyft mér að athuga einu sinni, en núna mér finnst ég vera lifandi aftur...

og af hverju er tveggjatíma mismunur til Amsterdam?????

Þorrablót og glóðarauga :o)

haha jámm mín á þorrablót!! Kemur heim með fjólublátt auga sem fékk svo fallegan fjólubláan blæ á augnlokið í dag. Bólgin á kinnbeini. Ég er svo flott !!

Þetta var snilldar blót. Kynntist fullt af fólki, og já vinum ;) Gaman af því !! Maður vinkonu minnar svo líka svo hamingjusamur með tilveruna og hvernig málin þróuðust að hann tók utan um mig og utan um bróður sinn sem er já ca höfði hærri - smellti okkur einum og harkalega saman svo haka bróðursins fer í kinnbeinið mitt. Allt í læ - fékk koss á báttið :)

Blótið var vel heppnað, Hafdís útbýr snilldar þorrabakka, skemmtiatriðin skemmtileg, svo borðhald stóð lengi vel yfir og vel var snætt. Vorum sex saman sem fórum og var þetta allt afskaplega hresst og skemmtilegt fólk. Mikið hlegið og mikið rætt á léttum nótum sem ekki oft hljómuðu gáfulega. Mín jú ætlaði að vera á bíl, en bíllinn varð eftir á blótstað svo Hafdís mátti sækja okkur daginn eftir og ég náði í bílinn minn.

Myndir eru aðeins fáanlegar á tölvupósti eða geisladisk fyrir fáa útvalda. Þær fara ekki á flickr síðuna.

Sonur var hamingjusamur í sveitinni að vanda. Við fórum fyrst í íþróttaskólann á laugardeginum, sem var bara snilld. Hann hljóp um salinn og fór á þrautastöðvarnar og var hinn duglegasti ! Hann er alveg að fíla þetta sá stutti - myndavélin var með en ég hafði bara um nóg annað að hugsa en að taka myndir - td að ná honum niður úr klifurgrindinni...

Eftir íþróttaskólann fórum við uppeftir þar sem hann gisti. Hann er með dálæti á Pöpunum sem hann komst í hjá ömmu sinni. Hann er mikið fyrir að hafa tónlist og vill hafa tónlist þegar hann er að leika. Hefur lágt stillt og syngur jafnan með.

Jámm við erum söm við okkur, ég gat komið samstarfsmönnum mínum til að brosa í morgun, það er alltaf jafn ánægjulegt !

En við í búðinni erum dálítið seinheppin. Íris lendir óvart í slagsmálaleigubílaröð og einn rekst heldur harkalega í hana svo hún dettur á andlitið. Hún fékk ljótt sár fyrir ofan vör og er með ör eftir það. Alli fór að spila körfubolta og fingurbraut sig. Það eru allavega 4 vikur síðan og hann er enn með gifs. Og ég núna...

Verið góð hvert við annað og keyrið varlega í hálkunni !!

ef ykkur leiðist

og mogginn ekki lengur að gera sitt, eða leikjanetið þá er þetta www.gossip.is eitthvað sem fólk getur dundað sér yfir. Fyrir mína parta ef mér er farið að leiðast of mikið í tölvunni og finn sjálfa mig á þessari síðu þá mun ég standa upp og slökkva á vélinni...

Gabriel, his grandma and Herkules

eftir hádegi fórum við í sveitina. Komum reyndar of seint í að slá köttinn úr tunnunni uppi í Grænum Lausnum hjá Valgeir afa hans. En við fengum að fara með Hirti og vini hans að syngja uppi í lóni. Og svo var farið heim til ömmu og afa að byggja legó. Þau fengu að sjá stubb i tígrabúning sem sló svona líka í gegn!! Þetta var yndislegur dagur :)

öskudagur og ælupestir

ok alveg er ég búin að fá nóg af gubbi. Ég er nýstaðin, og í dag byrjar Gabríel. Gubbaði víst í skólanum í dag og svo hress og núna í kvöld er hann búinn að gubba 2x... ég er ekki glöð með það. En sem betur fer er stuttur dagur í skólanum á morgun svo ég sæki hann í hádeginu. En þau fá að slá köttinn úr tunnunni á morgun og hann mun mæta í sínum flotta tígrisbúning !!!

ég bara varð að prófa...

%1

Nýjar myndir komnar inn :o)

bara láta vita af nýjum myndum :o)

Fyrir ykkur útlandabúanna

þá lítur Akureyri svona út í dag:

ólíkir heimar.

ok ég er í vinnunni og það er rólegt hjá mér. Er að fylgjast með umferðinni út um stóra gluggann minn í búðinni, sé upp á Glerártorg, og Tryggvabrautin er frekar mikil umferðargata, jafnt og Hvannavellirnir hérna að framan. note; búðin er á horni Hvannavalla og Tryggvabrautar. Eníveis. Það kyngir niður snjó. Maður stoppaði á ljósi í morgun og liggur við að maður hafi þurft að fara út og skafa aftur.

Mín dugleg, fór og keypti rúðuþurrkur á súbbann, sem ég er afar þakklát fyrir að vera á þessa dagana. (Pólóinn hefði ekki komist út af bílaplaninu heima við blokk.) Eldri maður aðstoðaði mig við að setja þurrkurnar á, horfði síðan yfir gleraugun og sagði að maður ætti helst ekki að nota þær sem sköfur. Held að ég hafi meira að segja náð að roðna - þrátt fyrir kuldann, þæfinginn og snjóinn. Málið er að þær frusu við og ég fattaði það ekki, ýtti þeim af stað og gúmmíið varð eftir. En jæja. Og aftur er bíllinn orðinn að skafli hérna í bílaporti starfsmanna EJS.

Bara búin að sjá einn sjúkrabíl~ Guði sé lof bara einn!

Mér finnst bara magnað að traffíkin og hið daglega líf gengur sinn vanagang þrátt fyrir kulda og snjó. Og Glerártorg hverfur alltaf reglulega í snjókófið.

Man eftir svona veðri þegar ég bjó í Great Falls, VA, þá var ég lokuð inni í 2 vikur. Húsbóndinn á heimilinu átti afmælisútgáfu Ford pickup truck sem ég mátti ekki fara á út, "it's not u I am worried about - it's the other idiots out there"

Þar lamaðist allt. Skólar, verslanir, þjónusta... allt.

Í gamla daga, þegar skólinn minn var á Skútustöðum, þá urðum við krakkarnir að fara með rútu á hverjum degi. Og þegar vont veður var (sem var óhugnalega miklu oftar en nú) þá beið maður spenntur; skildi Jón Árni rútubílstjóri ná að keyra okkur? Og ég held ég geti talið skiptin á annarri sem skóli var felldur niður sökum veðurs. Alltaf skildi Jón Árni koma á Sólskríkjunni og sækja okkur. Mikið sem við krakkarnir bölvuðum þessari rútu, hún komst allt!! Í dag hugsar maður ; hvílíkur snilldar ökumaður Jón var og hvað rútan var öflug að komast allar ófærðir úti um allt.

Rosalega hefur allt breyst, og hvað allt er ólíkt og annars staðar. Í dag hugsa ég bara um að ljúka deginum, sækja gullmolann minn, og eiga gott og náðugt kvöld, heima í hlýjunni með syni mínum, sem er algjör sólargeisli!

Eigið góða helgi, munið að klæða ykkur vel og farið varlega í umferðinni, snjónum og ófærðinni.

í póstinum í morgun

mér finnst gaman að fá svona póst:

Hvarf séra Odds frá Miklabæ

Hleypir skeiði hörðu
halur yfir ísa,
glymja járn við jörðu,
jakar í spori rísa.
Hátt slær nösum hvæstum
hestur í veðri geystu.
Gjósta af hjalla hæstum
hvín í faxi reistu.

Sóknarprestur og aðrir sveitungar

á þorrablóti 2008

og tíminn flýgur áfram..

og það er strax kominn miðvikudagur. Kalt úti, en gaman að það sé enn bjart þegar ég sæki soninn á leikskólann kl fimm - í fyrra þá var ég alltaf að vinna til 6 og man að það var langt liðið á árið þegar það var enn bjart þegar ég var búin að vinna! Er bara að fíla þetta!!

En sl helgi var snilld. Ég ákvað að skella mér semst á þorrablót með minni kæru systur, hennar manni og dóttur. Vorum við í samfloti með fjölskyldu hans sem er alveg hreint yndisleg. Og það var svo gaman, góð skemmtiatriði og tala nú ekki um hljómsveitina þar sem enn EJSíngur er að spila. Pabb fékk sitt af skotum, sóknarprestur kom fram í ballerínupilsi og þorramaturinn var að sjálfsögðu ekki af verri endanum. Og var honum samviskusamlega skolað niður með rauðu og bjór. Knúsaði marga og þar á meðal Fellshlíðarbúana sem létu sig ekki vanta!

En ég var samt róleg þar sem ég var að vinna daginn eftir. Og bað mág minn sem drekkur ekki að skutla mér heim um eitt. Var sofnuð fyrir tvö!

Við sonur inneftir og var hann hjá pabba sínum sem gekk held ég bara ágætlega, allavega var sonur minn ánægður, þreyttur með stuttan kveikjuþráð, en ánægður engu að síður, og þá er ég sátt.

Sunnudagur var til leti.

Mánudagur, kvef.. fór ekki í sund.

Þriðjudagur kaldur, aðeins meira kvef... fór heldur ekki í morgunsundið, Gabríel fór til Sylvíu í pass, hann er bara að fíla að vera uppi á vist í passi hjá stelpunum!

Miðvikudagur, kalt kalt, röddin asnaleg, kvef, hor... fór heldur ekki í sund.

Og þorrablót Flúða

var að sjálfsögðu hið glæsilegasta. Sonur minn er reyndar eitthvað slappur, borðaði ekkert í gær, og svo ekkert í dag heldur, drekkur bara nóg, og er kátur. Vona að hann sé ekki að fá þessa ógó gubbu sem er að ganga.

Þorrablót og bóndadagur !!

Í hádeginu í dag er þorrablót í skólanum hans Gabríels. Hlakka til að hitta soninn og borða með honum hádegismat, knúsast og spjalla. Honum finnst alltaf svo gaman að sýna mér dótið sem hann leikur sér með, og bækurnar, og bílana. Hlakka mikið til.

Við skutlurnar í vinnunni bökuðum gómsætar kökur handa strákunum hérna í EJS. Og ætlum við að vera með kaffi handa þeim kl 10 núna :o)

Og svo í kvöld fer ég á þorrablót í sveitinni í kvöld :) hlakka mikið til. Þórhalla systir býður mér með sér og Lárusi. Ég er að vinna á morgun svo ég verð akandi :o)

Bílpróf!

Elsku besta Sylvían okkar fékk bílprófið í dag !!

Til hamingju með það !!

Fyrsta foreldraviðtalið

jámm ég semst er orðin fullorðin.. fór í foreldraviðtal í skólanum hans Gabríels, áður en ég veit af þá verður hann farinn í framhald og ég farin að sækja hann heim úr partíum... omg...

En þær voru rosalega jákvæðar á Flúðum. Svo virðist sem sonur minn er afskaplega hress og skemmtilegur strákur (sem ég náttla vissi fyrir) og uppátækjasamur, duglegur, orkumikill, jafnframt þægur, blíður, og auðvitað vissi ég þetta líka allt fyrir.

Hann fær fullt hús stiga, allt jákvætt, allt í góðu gengi með þroska, gróf og fín hreyfingar, situr á rassinum þegar þarf, borðar allan mat og vel af honum. Getur leikið sér einn og í hóp, stríðir ekki og er ekki strítt.

Ég er svo montin af honum syni mínum, duglegur og yndislegur drengur. Enda er hann með svo stórt hjarta og býr yfir mikilli væntumþykju.

áskorun til mín

er að hætta í karlmönnum í ákveðinn tíma. ~ áramótaheit.. neeeeii, en ...

Ok það er ár síðan ég skildi, og var árið 2007 ógó skemmtilegt. Jú átti ups and downs en á heildina alveg snilldar ár; Búdapest, tónleikar, ferðir og djömm. Nema hvað ég er búin að vera með annan fótinn í karlmönnum sl 8 mánuði og ég barasta nenni ekki. Búið að vera gaman og af nógu að taka en sápustykkið á milljón hérna megin ;) vil bara vera single og njóta þess.

Svo mínir kæru vinir - sparka í sköflunginn undir borðinu ef þið verðið vitni af flörti!!!

Trúið þið því...

en ég fékk reikning fyrir hundaleyfisgjöldum frá Fjarðabyggð í morgun....

Stolt mamma í dag :o)

eins og þið vitið þá erum við sonur búin að vera í samningarviðræðum um koppaferðir. Ég hef ekki verið að ýta á hann því í öllum bókum og reynslusamt fólk hefur bent manni á að það megi ekki ýta, það gæti bara leitt til að þau þráist við að fara á kopp. Nú jæja, við í dundurleiðangri okkar í gær sá sonur minn svona bílatösku með nærbrókum í (rúmfó) og hann bendir "maaamma mín borga svona " (með viðeigandi tón - þið þekkið hann) Ég bendi honum á hvað þetta er og segi við hann að strákar sem nota bleiu hafa ekki með svona að gera strax. Jafnframt segi ég honum að þegar hann pissi í koppinn þá muni ég kaupa svona handa honum.

~ ég má fara á morgun og kaupa handa honum og varð að finna bil því Rúmfó var lokað í dag !!!

fólk..

~ ég hafði áður skrifað hér póst um efni sem er mér ofarlega í huga vegna reynslu minnar. Ég hugsa til fólks sem er í sömu stöðu og ég var í, ég finn til með því. Ég vaknaði við ákveðið áfall. Áfall sem varð mér til góðs. Mun ég vera sterkari og betri manneskja fyrir vikið. Læt ekki hafa áhrif á mig. þar af leiðandi fjarlægði ég póstinn.

ps ef það hefur komið við kauninn á fólki að ég hafi beðið um að slóð á síðu sonar míns væri fjarlægð af fólki sem ég þekki ekki neitt þá verður það bara að hafa það.

Eigið góða helgi.

Til hamingju með afmælið elsku Sylvía ósk!!

Sylvía besta frænka á afmæli í dag og er daman 17 ára!!

Til hamingju elsku Sylvía okkar!!

Glott aldarinnar!!

Hvað ætli þessir tveir séu að hugsa?
(Jóhannes Geir og Gabríel Alexander.)

Ömurleg vinnubrögð!

ég átti einu sinni yndislega tík, Kítara hét hún. Þurfti að láta hana frá mér þar sem henni og xinu kom ekki saman. Hún tók hann aldrei í sátt. Bar enga virðingu fyrir honum og endaði með að glefsa í hann. Hún elskaði og dáði Gabríel, sinnti honum eins og sínum eigin hvolpi.

En á bænum sem hún fór á lendir hún fyrir bíl vorið 2006. Ég hugsa mikið til hennar enn, og á hún alltaf sérstakan sess í hjarta mínu. Lán í óláni kannski því ég hefði aldrei getað tekið hana með mér þegar ég skildi og flutti hingað til Akureyrar.

En. Ég flyt að austan og hingað til Akureyrar desember 2006. Og í janúar 2007 fara þeir fyrir austan að rukka mig fyrir hundaleyfisgjöld. Ég benti þeim á að tíkin mín hefði orðið fyrir bíl um vorið, ég hafi tilkynnt að ég ætti hana ekki lengur, nei ég skilaði ekki merkinu hennar þar sem hún týndi því alltaf jafnóðum svo það fannst ekki. Ok ekkert mál. Ég fæ innheimtubréf frá Intrum út af þessu í febrúar. Og ég náttla bilast. Nógu erfit hafi það verið að tilkynna hana dauða þarna um vorið en að standa í þessu aftur nærri ári seinna! Algjörlega fyrir neðan allar...

- í dag - 03. janúar 2008 - fæ ég bréf frá Fjarðabyggð - rukkun um hundaleyfisgjöld fyrir árið 2007 !!!!!! Hvað er að ??

Gleðilegt nýtt ár!

og þá er maður kominn heim og með allt dótið -gjafirnar og sparigallann. Mikið afskaplega var gott að koma heim í gær. Eftir yndisleg jól og áramót. Við sonur hentum af okkur útifatnaði og sturtuðum úr pokunum hans og settum upp rennibrautina hans, raðaði aðeins upp í herberginu hans svo betur færi um hann og svo lékum við okkur. Hann lék sér til að verða 9 - enda komum við heim um átta í gær. Gat bara ekki haft þessa stund af honum, hann naut sín svo við að leika sér í sínu herbergi og heyrðist alltaf reglulega "svo gott að vera heima"

Já jólin voru góð - viðburðarlítil róleg og góð. Kíkti í Fellshlíð, þar voru komnar úr Danaveldi Elva Björk og úr Amsterdam Dóa mín. Anna og Hermann alltaf jafn hress og Todda kíkti í smá staup :)

Áttum við frábært kvöld - takk kærlega fyrir mig krúttin mín!!!

~ myndir úr Fellshlíð eingöngu fáanlegar á cd eða pósti... þær eru ekki flickr hæfar ~

Nýjar myndir !!

Hæ hæ og gleðileg jólin !!

Við sonur búin að hafa það stórkostlega gott og hann er enn i sveitasælunni á meðan ég er í vinnunni. Skrifa ykkur jóla og áramóta póstinn síðar - en kíkið á myndirnar Jól 2007

og á síðu sonarins er nýtt myndband frá aðfangadagskveldi... :o)

Gleðileg jól!

Jæja gott fólk.

Þá erum við komin í jólafrí!! Og við höldum upp í sveit seinna í dag og verðum þar alveg fram yfir áramót :)
Ég vil óska ykkur öllum gleðilegra jóla og takk fyrir allt gott og allan stuðninginn við okkur á árinu sem er að líða!
Við erum afskaplega þakklát fyrir að eiga svona góða að sem stóðuð með okkur og studdu okkur í gegnum margar erfiðar stundir sem við upplifðum á þessu ári. Árið 2008 verður snilldar ár með fullt af nýjum og skemmtilegum upplifunum !!

Gleðileg Jól !
ástarkveðja
Guðrún K. og Gabríel A.

Með betra spammi í dag :

Og jólin nálgast...

jæja - þá er þetta alveg að hafast..

Jólakortin komin í póst.

Allar gjafir pakkaðar inn og sendar þær sem eiga að sendast.

Þrifin í lágmarki, þar sem maður er svo nýfluttur.

Jóladúkar og kerti og seríur komið upp.

Jólatré fer upp í dag. -- þar sem við erum svo lítið heima yfir jólin þá langar okkur að njóta þess að hafa það uppi :o)

Piparkökurnar bakaðar fyrir löngu síðan.
Laufabrauðið skorið í sveitinni fyrir stuttu síðan :o)

Svo okkur líður afskaplega vel. Það er gaman að vera til. Lífið er að koma með fullt af óvæntum ánægjulegum uppákomum, svo ég bíð spennt til næsta dags þegar ég halla höfði á kvöldin.

Jólahúsið

og er ekki við hæfi svona viku fyrir jól að kíkja í Jólahúsið? Þetta er bara yndislegasti staður á jarðríki. - fyrir jólabörn eins og okkur Gabríel td... Get verið þarna endalaust og skoða og gramsa og lykta, og skoða, og finn alltaf eitthvað nýtt og spennandi. Svo fallegt jóladót þarna. Kúlurnar, skrautið, jólasveinarnir, gamaldags jóladót, lestir, leikföng, kerti, spil, greni, hnétur, arinneldur, jólatré, jólalög, jólabjöllur og frábær jólasveinn sem er þarna allt árið um kring. Er kominn í hátíðardressið sitt, með skeggið sitt síða, aflitað í anda árstíðarninnar. Gabríel elskar þennan stað. Ég elska þennan stað.

~

Hérna eru myndir :)

Vinir mínir fjær..

mig dreymdi að ég væri að fara að heimsækja Kalla og Raggý til Eþíópíu. Ég hlakkaði svo til að hitta þau. Elsku Kalli og Raggý - sakna ykkar mikið, hugsa oft til ykkar. Látið fara vel um ykkur!

Kveðja frá okkur Gabríel.

... aldrei friður..

fyrir þessum helvítis bakteríum. Við sonur erum með flensu. Ég reyndar var með hálsbólgu í gær sem ég ignoraði. Þegar ég sótti soninn á leikskólann var mér sagt að hann hefði sofið lítið yfir daginn og verið vælinn. Ég þekki minn mann og sömuleiðis Kiddi leikskólakennarinn hans, hann hafði því mælt hann. Í morgun (eftir sára svefnlitla, byltukennda, hóstasama, stíflaða nótt) sá ég að sonur minn var ekki eins og á að sér að vera. Mældi hann, nokkrar kommur, ákvað að taka ekki sénsa, hádegi - 38°... og í kvöld 38°..

Lystarlítil mæðgin, sem sváfu frá hálf eitt í dag til fimm... bæði. Því ég er ekkert skárri en hann. Hef ekkert getað verið við tölvu í dag, fyrst núna. Og ætla ekkert að stoppa - bara láta vita af okkur :)

Jólaskapið fundið!!!

snilld snilld !!!

- svo margt að gerast - svo margt sem legið hefur á mér undanfarið. Tók smá tíma en ég er búin að hrista þessa lægð af mér. Ég á yndislegan son, ég er góð mamma þó ég segi sjálf frá og hef skapað honum gott rólegt öruggt heimili sem honum líður vel á.

Og núna hlakka ég til að fara heim og skreyta meira og meira og MEIRA!!! - en passa mig að gera ekki of ! setti meira að segja sjálf upp jólaseríur úti !! Við sjálfstæðu konurnar látum engan segja okkur fyrir verkum eða látum fólk vaða yfir okkur!

Ég vona bara að þið hin hafið það jafn gott og látið fara vel um ykkur !!!

Í sveitinni

Við sonur erum í sveitinni. Fór í klippingu áðan er með stuttar krullur og topp - ógó flott!

Jólahlaðborð :)

jæja - enn einn föstudagurinn runninn upp - áður en ég veit af verða jólin komin og farin - þetta er svo fljótt að líða !

En í kvöld er jólahlaðborð EJS - gaman gaman - nokkur singletons ætlum að skemmta okkur :) Soldið skondið að ég skuli ekki hafa djammað með þeim áður - nema í Búdapest.

Sonur fékk að fara með afa sínum og ömmu í sveitina - ógó hamingjusamur með það fyrirkomulag :)

'Eg fer líka uppeftir á morgun - laufabrauðshelgi - löngu ákveðið :)

Svo núna sit ég og sippa Carlsberg - bíð eftir Írisi og ætlum við að skála í rauðvín hjá Önnu áður en haldið er á Kea í hlaðborðið :)

var að tala við dömuna sem er í heimsókn í Danaveldi og lá vel á þeim þar í ölinu á kósi stað sem selur 2 fyrir 1 í allt kvöld - mikið vildi ég að ég væri þar hjá þeim að kjafta :)

Akureyri var eins og í svona snjókristalkúlu í morgun, snjór yfir öllu, frost og hrím. Jólaseríur, dimman og stillt veður.

heppin..

ég er svo heppin ég á svo góða að. Ég á yndislega fjölskyldu. Og frábæra vini. Vinir mínir eru úti um allan heim. Í dag fékk ég kveðju frá Eþíópíu!! Eitt lítið meil beið mín þegar ég kom heim í dag. Og ég er búin að hugsa til þeirra svo mikið í svo langan tíma. Maður verður svo þakklátur fyrir bara nokkur orð, nokkur sem gefa til kynna að allt sé í lagi.

Ástarkveðjur til ykkar í Eþíópíu!

20 dagar til jóla !!!

Já. Ekki þýðir að velta sér uppúr hlutunum heldur að bretta upp ermar og taka til hendinni. Já og framkvæmdirnar eru hafnar. Meiri details later.

- en jákvæðir hlutir gerast hjá þeim sem hugsa jákvætt!!

Jólin eru á næsta leiti og ætla ég á morgun í langa matnum mínum nálgast sogskálar, seríur, og útigræs fyrir útiseríur. Jóladót í kössum og gluggatjöld og dúkar í bað til að vera fínir og hreinir þegar hengdir upp og sett á borð :)

As usual - sonur alltaf jafn yndislegur - þarf ekki frekari skýringar. Augasteinninn minn, gullmolinn minn. Segir alltaf jafn skemmtilegar sögur.

Gaman í vinnunni. Jólin nálgast þar líka. Jólahlaðborð næstu helgi. Laufabrauð næstu helgi. Klipping næstu helgi.. á ég að klippa stutt???

já og btw - það er snjór og -9 stiga frost hérna núna...

.... til umhugsunar..

- what doesn't kill you only makes you stronger...

þegar jákvæða viðhorfið er ekki alveg að nægja - þetta sem hefur haldið mér gangandi í ár - sama hvað á móti blæs - er ekki alveg að nægja í augnablikinu. Þá er ágætt að hugsa þetta þar sem þá er maður ekki alveg að brotna....

Að verða sterkari manneskja er jákvætt, og ég verð að halda í þá hugsun....

Grasið grænna..

hjá sumum er grasið alltaf grænna hinum megin. Og þá skiptir ekki máli á hverjum þarf að troða til að komast þangað.

Finally friday.... :)

ekki misskilja mig - ég elska vinnuna mína og mér finnst ógurlega gaman að mæta og hlakka til að mæta. Fólkið skemmtilegt, vinnan krefjandi og skemmtileg. En það er bara svo gott þegar föstudagarnir koma og helgin er framundan. Þegar föstudagur rennur upp þá erum við sonur orðin frekar þreytt. Hann td lognast út af um hálf átta á fimmtudagskvöldum, og við sofum til að verða átta... Og á morgun mun hann taka sinn 4 tíma svefn eftir hád.

Sonur minn er farinn að segja sögur. Fékk sönnun á því í morgun þegar ég heyrði hann segja "sögu" - þá hafði bíllinn okkar bilað aftur. En það er ekkert satt. Ég fæ svoleiðis sögurnar á kvöldin. Eg spyr hann alltaf í kvöldmatnum hvað hann hafi svo gert í skólanum, og við spjöllum saman. Og oftar en ekki fæ ég fullt af action frá honum. Enda er litli maðurinn farinn að vera vel að sér í talandanum.

Helgin verður róleg. Kannski fæ ég Sylvíu og vinkonu hennar í pizzu í kvöld. Annars er ekkert planað. Hugsa við verðum heima - nema við fáum okkur rúnt á morgun. Mig langar til að sofa í svona ca 20 tíma straight.. kannski ég nappi líka á morgun með syninum :)

þögnin...

mikið afskaplega er þetta nú þægilegt að hafa svona þögn. Netið liggur einhverstaðar niðri, auk síma, navision, alls. Get sára lítið gert, navision er kannski ekki alveg niðri - er á bypass línu sem gerir mér kleift að blogga smá. En hver gjörð á navision tekur frekar langan tíma, svo ég handskrifa og sel út á eftir - hitt býður bara vitlausum innslætti heim og lengir þar með vinnsluna á sölunni.

En ég sit hérna ein í búðinni. Íris er fyrir austan og Alli heima hjá veiku kríli.

Það er eins og tíminn stoppi á svona dögum.

33 dagar til jóla...

og hér gengur lífið sitt vanagang. Ekkert mikið um að vera, vakna, vinna, sofa. Sonur er alltaf jafn yndislegur. Vorum heima sl helgi. Nutum þess í botn að vera bara tvö heima og hafa það gott. Vont veður, gerði bara hlutina meira kósí.

Styttist til jóla. Sem betur fer búin með jólagjafastússið - kláraði það í Búdapest, agalega þægileg tilhugsun að þurfa ekkert að stressa sig. Næsta helgi er plönuð undir jólakortaföndur. Síðasta helgi var piparkökuföndur.. sem heppnaðist ekkert afskaplega vel, nema það var rosalega gaman hjá okkur, en kökurnar eru óætar hahahahaa!!

Skúffukakan sem við bökuðum á mánudaginn var hins vegar miklu betri :) Já ég er að njóta þess að eldhúsið mitt er talsvert rýmra en það sem ég var í og er hægt að baka og elda þar - nóg pláss. Ekki kannski eins huge og eldhúsið mitt fyrir austan var en nóg fyrir okkur Gabríel :)

Ég setti myndir inn á netið frá þessum tveimur bökunnarviðburðum.

Eigið góðan dag elskurnar mínar, og þið í Hollandinu - sakna ykkar ógurlega !!!

"brrrrrrr"

kalt úti núna, og súbbinn rýkur í gang þessi elska!! Sá gaurana á neðri hæðinni á stuttermabolunum í morgun við að skafa af litla yarisnum þeirra og á leið í skólann. Greinilega nóg af ísvara í blóðinu þeirra eftir helgina.. Ég mun ekki vera kát ef leikurinn verður endurtekinn hjá þeim næstu helgi.

Sonur minn er alltaf jafn yndislegur. Hann var hjá Sylvíu sl mánudag þar sem Þórey var að lesa undir próf, Íris veik, og Stefán líka. Sylvía reddaði okkur alveg og Gabríel var svo sáttur við að vera hjá henni. Greinilega spennandi að fá að vera þarna með Sylvíu og vinkonu hennar uppi á vist.. Saddur af poppi var hann sáttur :)

Hann er reyndar agalegur mömmustrákur þessa dagana. Reynir hitt og þetta en er svo lítill í sér. Það var hreinræktuð óþægð í gangi í gær. Og enn sem fyrr komst hann ekki upp með það við mömmu sína. Kom heldur lúpulegur fram, og lofaði að vera góður. Sem hann auðvitað stóð svo við. Hann má eiga það þessi elska. Stendur við orð sín.

Okkur er farið að hlakka til helgarinnar. Ætlum að knúsast og kúrast og baka piparkökur, skreyta með glassúr, kannski setja upp eina jólaseríu, föndra jólakort og vera bara við tvö. Búið að vera svo mikið í gangi undanfarið að við höfum átt lítinn tíma saman, bara við tvö. Og ég finn það hjá honum að hann er alveg farinn að rukka mig.

Núna hlakkar manni bara til desember, jólasnjór, jólalög, jólakakó, fara í Vogafjósið og hitta jólasveina, skreyta, laufabrauð, kerti, svo margt margt margt :) - jólabarnið í mér alveg að fara hamförum, sonur á eftir að fíla þetta líka - jólabarnið sjálft :)

Ömurlegt...

ég er gráti næst. Var að borga leigusala no 1 leigu fyrir nóvember... hann að sjálfsögðu lofar öllu fögru um að borga til baka ef hann fær leigjanda inn í mánuðinum, en þar sem hann er ekki einu sinni maður til að svara tölvupósti og símtölum frá manni þá treysti ég því nú ekki fyrr en ég sé það . bara því ég tilkynnti ekki flutning á pappír...
~ Munið það mýsnar mínar - hafa allt skriflegt ALLT!!!

"setja upp brosið og halda áfram"

já það er bara best að gera það. Þýðir nokkuð annað. Jú maður getur verið svo helvíti heimskur stundum, eða kannski bara of mikið að gera og of mikið álag til að maður hafi yfirsýn á allt. Allavega þá er ég í smá veseni með fyrrverandi leigusala. Veit ekki hvernig það fer, en vonandi á besta veg, svo allir megi sáttir una og geymt með hinu liðna.

SL helgi var hreint út sagt snilld. Fór á tónleika með Ljótu Hálfvitunum. Við Íris sem vinnur með mér skomberuðum niðureftir, og ætluðum nú að vera dulegar og fá okkur eina til tvær kollur, ekkert meir. Talning daginn eftir... En nei.. spakur maður sagði eitt sinn að bestu fylleríin væru þau óvæntu og óplönuðu. Ég er alveg sammála honum í því. Allavega hafði ég ekki sofið mikið þegar ég hringdi á taxa kl 8 laugardagsmorgun til að fara í vinnu og telja búðina mína.

þá um daginn var mikið um skipuleggingar því um kvölidð var haldið á Grímuball hjá Skvísunum. Skvísurnar eru grúbba af dagmömmum sem halda grímuball fyrir vini og vandamenn árlega. Ein þeirra er gift ejsingi og hann er alltaf svo umhugað um singleness okkar Írisar að hann heimtaði að við kæmum með og auðvitað viljum við ekki valda manninum vonbrigðum. Enda eru þau hjónin með eindæmum hress og skemmtileg. Gunni hafði keypt fyrir mig bleika vænig og fiðrildaspöng. Íris fór sem Ali G inda House. Við vorum flottar!

En samt ekkert gert af sér það kvöldið ;)

Svo tók súbbinn minn upp á því að deyja, ónýtur startari. Neitaði að fara í gang í gærmorgun. Fékk Sigga tæknimann með mér í lið að draga hann í gang í gær eftir vinnu og brenndum við Gabríel í sveitina. Mamma lánaði mér sinn bíl á meðan.

Takk elsku mamma, og takk elsku pabbi!!

tíminn flýgur...

og það er barasta aftur að koma helgi... Jú okkur líður stórvel í nýju íbúðinni okkar. Gabríel er hæst ánægður með þetta allt saman - kemur öllu dótinu fyrir, bílum, kubbum, böngsum og fleiri bílum ásamt bílateppi og svo miklu meira dóti - þetta barn á svo mikið af dóti.

Auk þess sem það fylgdi sófi með - og miklu flottara glerborð í stofunna. Svo núna er hægt að fá gesti skammlaust - hægt að bjóða til sætis :) - (hint hint)

Nágrannar eru fyrirferðameiri en í Tjarnarlundinum. Kannski er bara hlóðbærara í þessari blokk, hún er talsvert þreyttari en hin.

Ég er búin að þrífa tjarnarlundinn, og ganga frá þar. Búið að vera mikið að gera - maður hefur varla slappað af síðan einhvern tímann fyrir Búdapest og er ég alveg að finna fyrir því núna, útkeyrð, og það er bara fimmtudagur.

Auk þess sem það er talning á laugardag... mæting 8...

Góðan daginn

Við erum að pakka - flytjum á morgun!

Búdapest.

Jæja er ekki kominn tími á smá blogg. Ég er ekki að ná að finna tíma til að setjast niður segja frá. En ferðin gekk vel í alla staði.

Fengum reyndar sms og hringingar og tölvupósta frá strákunum þess eðlis að það hafi ekki verið selt áfengi um borð í vélinni sem flaug út á fimmtudaginn (fyrra hollið) og við skildum endilega birgja okkur upp af áfengi og bjór fyrir þetta 4 tíma flug. Auk þess sem það væri matur, en ekki bara samlokur eins og áður hafði komið fram í undirbúningi ferðarinnar.

Nú við eins og sannir íslendingar birgðum okkur upp af bjór og rauðu. Nú er leið á ferðina voru EJS'ingar orðnir frekar málglaðir og hressir. Okkur Írisi þótti nú heldur slæmt að drekka rautt af stútt svo við báðum um glas.. nú hin breska flugfreyja brást heldur íll við og sagði að það væri hægt að handtaka okkur fyrir að drekka um borð í vélinni.. Við Íris urðum heldur hvumsa og reyndum að skýra mál okkar.. sú breska var rokin, í fússi, pirruð og farin að langa til að komast heim.

Síðar í fluginu þá kemur í hátalaranum "I don't know where you got the information that we didn't serve alcohol on board this aircraft but I assure you we got plenty, and you are not allowed to drink your own, that could lead to your arrest"

Það sprakk allt úr hlátri..

Bjarni sölustjóri tók þann pólinn að ef einhver ætti að verða handtekinn þá yrði það hann fyrir hönd starfsmanna EJS - mjög göfugmannlegt af honum.

Nú er við komum út, hress og fersk þá biðu Akureyringarnir eftir okkur hinum norðanfólkinu á hótelinu okkar. Þau voru orðin syngjandi full í orðsins fyllstu enda stóðu í kringum píanóið í lobbýinu og sungu íslensk drykkjulög og ýmis Sálarlög..

Var haldið á írskan pöbb í framhaldi af því - geggjað gaman og þokkalega tekið á því!!

Árshátíðin var STÓRKOSTLEG! Ekkert annað hægt að segja. Haldin í sögulegu húsi við Hetjutorgið og var stórglæsileg. Ungverjarnir héldu okkur þessa þvílíku veislu. Allt var frábært í alla staði. Flugeldasýning, frábær matur, lifandi tónlist, bæði við borðhald og dans á eftir.

Búdapest er frábær borg. Margt svo gamalt og borgin falleg. Gengum um gamla bæinn, göngugötuna, niður að Dóná bæði sunnudaginn og mánudaginn. Rosalega fallegt útsýni og falleg borg!

Tók nokkuð af myndum, setti þær inn á flickr síðuna mína.

Búdapest var snilld

Nú er bara að hrökklast heim í bíl en sem beturfer ekki að keyra!

Sætasti strákur í heimi

Og er svo duglegur í passi meðan mamma fer til Búdapest. :-)

Búdapest nálgast !!!

jámmm - Loksins er þetta að koma hjá okkur!!! Sonur var í sveitinni út vikuna sl og ég fór uppeftir á föstudeginum. Var í hreinni afslöppun. Ekkert að hanga á netinu eða vaka eitthvað frameftir, bara hafa það náðugt.

Hlakka svo til þegar rollur koma í hús - til að geta farið og gefið, verið innan um skepnurnar, hefur svo góð áhrif á mann.

Nú - á morgun fer ég svo með soninn aftur í sveitina. Hann fær frí á leikskólanum á föstudaginn. Við Íris ætlum að brenna suður á morgun. Gistum á hótel loftleiðum - íris á svo góða vildarpunkta - ég borga í víni til baka.

En við skvísurnar verðum á EJS Auris. Getum leikið okkur í bænum og farið í rólegheitunum upp á völl.

Flogið út á föstudag - seinna holl EJS. Árshátíð laugardag. Verslað sunnudag :p - jólagjafir bebí!!! og heim á mánudagskvöldið.

þetta verður bara snilld!!!!

sendi kannski mms myndir á bloggið so stay tuned!!!

Sonur í sveit..

var að koma inn.. grenjandi rigning úti - var með rúðuþurrkurnar á no 2 alla leið. Sonur var með 38° þegar hann vaknaði í dag svo það var útilokað að hann færi í skólann á morgun og ég hreinlega er ekki með samvisku í að vera meira heima. Þó svo að auðvitað á ég ekki að hugsa þannig en ég er bara svona gerð. Hann er líka alltaf velkominn í sveitina. Það er ómetanlegt að eiga góða að þegar svona ber að. Vona bara að ahann hressist og komi heim á morgun. Sakna hans strax...

ekki allt með sældinni tekið...

sonur var með 38°gráður í gær ... ég var ekkert rosalega ánægð við að sjá það. Við vöknuðum 7 í morgun, mældum og þá hitalaus.. vona núna að þetta haldist svona. Reyndar er einhver bölvuð útferð úr augunum hans í dag, sem ég hef ekki hugmynd um hvað er og af hverju er að koma núna.

Fór í vinnuna milli 5 og 6 í gær. Var fínt að komast aðeins út. Nóg að gera.

Og núna er ég að drekka það bragðlausasta kaffi ever.. hvernig gat ég klikkað í morgun brugginu í dag??

Nokkuð til í þessu:

Mömmur:

4 ára = Mamma mín getur allt.

8 ára = Mamma mín veit heilmikið.

12 ára = Mamma mín skilur ekki neitt.

14 ára = Að sjálfsögðu veit mamma mín ekki neitt um þetta frekar en annað.

16 ára = Mamma mín er ótrúlega gamaldags.

18 ára = Mamma mín er orðin svo gömul að hún veit ekkert um hvað lífið snýst í raunog veru.

25 ára = Mamma gæti nú vitað hvað ég ætti að gera.......

35 ára = Við skulum tala við mömmu áður en við ákveðum hvað við gerum.

45 ára = Hvað ætli mömmu finnist um þetta?

65 ára = Ég vildi óska að ég gæti rætt um þetta við mömmu......

4 kommur og bleyjulaus

jæja - þá vona ég að þetta sé síðasta skiptið í veikindum í bili. Hæsi og hiti er búið að vera að bögga litla manninn minn og erum við heima..

Við áttum snilldar helgi hreint út sagt. Gistum í Fellshlíð í góðu yfirlæti á laugardagskvöldinu. Alltaf gott að koma þangað. Gabríel alveg fílar sig í botn þar. Blíða er hins vegar ekki alveg hrifin af honum, finnst hann bara leiðinlegur. hehe - hann er á ærslaaldrinum.

Við eldra fólkið létum fara vel um okkur þegar hann var sofnaður með rautt og bjór. Við Anna böbluðum frameftir og þegar Cornellinn var settur í þá lét Hermann sig hverfa.. I wonder why..

Þar sem Dóan okkar var fjarri öllu gamni þá hringdi hún í okkur - og við fórum að hlakka mikið til jólanna þegar við allar ætlum að hittast í Fellshlíð. Þá er einmitt spurning um hvort ég fái ekki bara gistingu handa syninum í afahúsum.

Sunnudagurinn var góður. Fórum í sveitina og sonur tók miðdegislúrinn sinn þar. Hann varð hissa þegar hann vaknaði og sá langömmu sína og langafa. Hann dró langömmu sína inn í herbergi og lokaði. Vildi eiga hana alveg einn útaf fyrir sig. Sýndi henni dótið sitt go bækurnar. Hann fór með afa sínum í "afabíla", og þeir fóru í búðina. Honum finnst rosa gaman að fara bara einn með afa sínum. Og kom heim með bíla..

Núna er hann í stofunni - bleyjulaus. Hann lofar öllu fögru um að láta mig vita þegar hann þarf að pissa. það verður bara að koma í ljós. En hann tók frumkvæðið í að fara í brók og sleppa bleyju !

óskið okkur góðs gengis :)

Steik hjá pabba - alltaf gott að borða þar :)

Skál

"þið eruð klikkaðar"

Skál Dóa

Vikan liðin..

allt í einu kominn fimmtudagur. Og lífið er bara yndislegt. Í fyrsta skipti síðan ég skildi settist ég áhyggjulaus fyrir framan heimabankann og borgaði reikiningana mína með brosi á vör. Þetta var góð tilfinning. En þessi áfangi hefði aldrei náðst án elskulegra foreldra minna og afa og ömmu. Þau eru búin að vera mér svo mikil stoð og stytta. Gleymi nú ekki syni mínum, hef alltaf sagt að hlutirnir gengu aldrei svona vel hef hann væri ekki svona duglegur og yndislegur.