Uppfærsla í tölvuna...

hæ mig langar í uppfærslu í tölvuna - en í augnablikinu á ég ekki til 25þ kall í svoleiðis... ég er að horfa á uppfærslu í tölvulistanum Súperuppfærslutilboð 3 eða 4. Ég læt mig bara dreyma um hvað tölvan mín yrði mikil snilld ef ég gæti fengið mér svona - þessi blessaða 2 ára gamla vél hefur staðið sig vel - en hún er að verða barn síns tíma. Er að spukulera að stofna til fjáröflunnar, svona hjálpar sjóð fyrir nauðstadda..... ætli það myndi virka??

Annars er mánudagur - again. Það virðist alltaf vera mánudagur, og í dag er rigning, og í kvöld er sögupróf. Hef ekki miklar áhyggjur af því - annað hvort kann ég þetta eða ekki. Ég vona samt að ég nái þessu.

Í gær var já letidagur. Samt fór ég og baðaði Kítöru - hún er alveg snilld í þessu - hún vill ekki fara í sturtu/bað en svo finnst henni voða gott þegar á hólminn er komið að finna volga vatnið renna eftir litla kroppinum. Við meira að segja byrjuðum á að nota sjampó í gær - svaka duglegar!!!
Svo gerði ég eiginlega ekki neitt annað - lék mér aðeins í Morrowind - og jú ég ELDAÐI !! Ekkert spes - grýtu - en samt ég eldaði - og það gerist AFAR SJALDAN.

And the saga continues:
Valur á fullu að hringja út um allt og tilkynna að hann sé að fara héðan og á bát. Held að hann hugsi ekkert út í það sem hann skilur eftir sig hérna. Hvernig þetta fer með lögfræðiskuldina veit enginn. Hjölli vonast til að heyra frá þeim í dag frá féló - og svo á Valur þessi húsgögn sem orsökuðu þessa skuld í upphafi, og hann hefur engan pening til að koma þeim í burtu - og þau eru fyrir okkur - við nennum ekkert að hafa þau hérna.
Svo er annað sem ég hugsa svolítið um - ég hélt að hann og Hjölli væru vinir - en framkoma Vals gagnvart Hjölla hefur ekki verið til að rækta vinskapinn að mínu áliti. Og ég er ansi hrædd um að Hjölli sé svolítið sár út í hann. Hjölli var að gera honum greiða og er að gera honum greiða með að leyfa honum að vera hérna - og hefur ekkert verið að bögga hann út af peningum - því við vitum að Valur á þá ekki til. En hann mætti nú sýna lit og hjálpa Hjölla með hluti. Ég veit það fyrir mína parta að allir eru velkomnir. T.d. myndi ég ekki úthýsa vinum mínum ef þau þyrftu á aðstoð að halda. Og skítt með peninga, en ég veit að maður sjálfur ef maður væri í hans stöðu þá myndi maður ekki láta svona. Engin eðlileg manneskja hefði samvisku í sér að sitja á rassgatinu allar nætur - sofa til fimm á daginn, borða kvöldmat, klára matinn sem ætti að vera daginn eftir líka, um nóttina, fara að sofa um sjö, (td núna er hann ekki enn farin að sofa)barma sér vegna peningaleysis og alls leysis, reykja frá húsráðendum, og gera svo ekki neitt á móti, ekkert.
Ég benti Hjölla á um daginn að mér liði eins og ég ræki hótel fyrir hann. Það eina sem þarf ekki að gera er þvottur. Hann þrífur fötin sjálfur. Hjölli var þá ekki alveg á sömu skoðun, en svo þegar bréfið kom, og Valur klikkaði á að borga helming af internetinu sem hann hafði lofað, þá fór Hjölli að vakna.