Gleðlilega stutta vinnuviku!!

þið sem eruð ekki í fæðingarorlofi eða á bótum. Vonandi fáið þið sem eruð í ströngu HÍ námi eitthvað frí til að pústa og hafa það náðugt í afslöppun, án þess að naga sig í handarbökin yfir því að vera ekki pungsveitt yfir námsbókunum! Fólk verður að fá frí líka frá námi!!
Annars er allt fínt að frétta héðan. Gabríel kemst ekki í 3 mán skoðun fyrr en eftir páska þar sem hjúkrunarfræðingurinn (þessi eini) er farinn í páskafrí. Já svona er þetta úti á landi. Hefur meira að segja komið fyrir að svæðið sé læknalaust í 3 - 5 vikur!! Og þá er ekkert elsku mamma ef eitthvað kemur upp á heldur bruna í Egs á milljón. En allavega - þá verð ég að bíða með að fá að vita hvað sonur minn er orðinn þungur og langur. (hann bara stækkar allt of hratt þessi elska)
Helgin var róleg:

• Gómsætt lambalæri á borðum í gær. (slurp slurp)
• Gerði tilraun og málaði páskaunga á kerti (gaman gaman)
• Flétti í gegnum gamla bók sem ég fann og var fljót að loka henni aftur (gamla Laugabókin)
• Málaði á einn ramma (mistókst í litavali en kom samt kúl út)
• Browsaði á netinu og fann fullt af furðulegum en skemmtilegum bloggsíðum (td S-ameríkufarar og Kalli Sverris )
• Horfði á Formúluna og hlakkaði yfir óförum Ferrari liðsins (þar til sprakk hjá McLaren - it had to bite me in the ass)
• Fór í göngferðir með tíkina (lét hana hreyfa sig miklu meira en ég nennti að hreyfa mig)
  
• Keypti nammi á nammidaginn (möst)
  
• fann góða aðferð við að mata Gabríel á þess að fá allt frussandi framan í mig aftur.

Jamm semst normal, kósý, þægileg og afslappandi helgi......

Elsku Smutti minn

ég var að reyna að hringja í þig í gær - en enginn svaraði. Ég er svo spennt að vita hvernig gengur. Og endilega farðu og taktu til í pósthólfinu þínu þar sem það er orðið fullt og ekki hægt að senda þér póst!! Love ya!!

Afmælisbarn dagsins

er Hafdís Eyja Vésteinsdóttir. Hún er eins árs í dag!! Til hamingju með fyrsta afmælisdaginn litla skutla!! Og sömuleiðis óska ég foreldrunum til hamingju með fyrsta árið!!!
Knús og kossar frá Fáskrúðsfirði

Rólegur dagur

og næs. Ekkert vesen, bara vakna, bleyjast, pelast og út að ganga með Gabríel. Tölvast, tv'ast og hamborgarast, nennum ekki að elda einu sinni. Mér finnst að svona eiga sumar helgar að vera. Algjört afslappelsi. Maður gerir það ekki nógu oft finnst mér.

Helgin framundan...

og páskarnir nálgast. Ég á afmæli miðvikudaginn nk. Mér var bent á það í dag að það er þokkalegur djammdagur. Fyrir ekki svo löngu hefði maður verði búinn að plana þennann dag alveg frá a - ö og sennilegast ef maður hefði verið vinnandi eða skólandi þá hefði maður tekið þennann dag í frí. Stórafmæli á djammdegi. Öss mar - eins og ég sagði - þá var mér bent á þetta. Maður er orðin svo fullorðin/ráðsettur að maður er hættur að taka eftir svona hlutum. Kannski breytist það aftur þegar krílið stækkar, veit ekki.
En ég vil óska ykkur góðrar helgar dúllurnar mínar.
Guðrún - hin gamla

Afmælisbarn dagsins er........

Inga Hrund Gunnarsdóttir
(Mynd tekin 28. mars 1991)

Hún á afmæli í dag

Hún á afmæli í dag

Hún á afmæli hún Inga Hrund

Hún á afmæli í dag!!

Til hamingju með daginn elsku Inga mín!

Vona að þú eigir ógleymanlegan afmælisdag!!

Ástarkveðja Guðrún Kristín

Inga Hrund Gunnarsdóttir, er að lifa ævintýri erlendis en það er hægt að fylgjast með henni og hennar manni Kára á netinu. Fullt af skemmtilegum myndum og frásögnum! Eins og ég segi - algjört ævintýri sem þau eru að upplifa.Endilega skoðið síðuna þeirra!

Ég er svo mikið sem...

Samkvæmt kaffiprófinu er ég
Latte!
og samanstend af tvöföldum espresso og flóaðri mjólk.
Hvernig kaffi ert þú eiginlega?

Latte!
Þú ert skapstór og íhaldsamur einstaklingur sem lætur ekki bjóða sér hvað sem er. Undir vissum kringumstæðum leyfirðu þér að prófa nýjungar, en þó aðeins að vel athuguðu máli.
Þú samanstendur af tvöföldum espresso og flóaðri mjólk.

hoppirólur og tölvur

Hæ hæ - hérna gengur allt sinn vanagang. Tíkin vakti mig brutally í morgun, sem var reyndar ágætt því ég komst í sturtu áður en Gabríel vaknaði.

Fengum leikgrindina og hoppiróluna hans í gær. Það var þvílíkt fjör hjá honum. Við leyfðum honum að prufa róluna líka þó lítill sé, bara höfðum hana þannig að það er enginn áreynsla á lappirnar hans. Og honum þótti þetta svo gaman, hoppaði og skoppaði og hló. Þið getið séð myndir af honum í albúminu undir mánuður 3.

Annars er ég búin að vera í því að setja upp lappann. Tók hann í gær og hreinsaði alveg. Var komið eitthvað vírusadót og böggar inn, þá nenni ég þessu ekki og væpa allt draslið. Við Gabríel sátum í morgun og dunduðum okkur við að finna forritin sem ég þarf og keyra inn. Ég setti td inn eitthvað beta dæmi af msn 7, lítur ágætlega út.

Svo líða dagarnir og alltaf nálgast þessi dagur sem er víst óumflýjanlegur.......

Sitt lítið af hverju

Hæ kæru vinir nær og fjær. Helgin liðin, strax kominn mánudagur aftur, og enn líður nær afmælinu, þess dags sem ég vona að komi ekki, heldur hoppi bara yfir. Já, komi 22. mars, og svo 24. mars, ef 23. mars kemur ekki þá hlýt ég að haldast 29 ára allavega eitt ár viðbót??

Annars var helgin fín. Skruppun til Egs á laugardaginn, ætluðum að athuga með skrifborðsstól handa mér, en enginn fannst svo við keyptum fullt af öðru dóti í staðin. Það var bara gaman, þar sem maður er ekkert að splæsa á sig dóti oft. Og ég fékk ekkert upp úr manninum mínum hvað hann ætlar að gefa mér í þrítugs afmælisgjöf (þe ef dagurinn skyldi koma en ekki bara hlaupa í felur)

Úti er snjór, var frekar fúlt veður um helgina, allavega var svona ekta lopasokkakakóundirteppimeðbók veður í gær. Vona bara að þetta fari að hætta, svo það verði hægt að flakka eitthvað með ungabarn um páskana!!

Fallegustu hljóð í heimi

eru þau þegar sonur minn er að tjá sig. Já það er bara svo skrýtið hvað þessi litlu kríli hafa stór áhrif á mann. Gabríel er farinn að borða graut á kvöldin, til að fá magafyllingu svo hann sofi betur (já og nái að sofna) og hann er svo góður og vær.
Stundum er það ekki svoleiðis og maður er gjörsamlega búinn á því bæði á sál og líkama, en svo leggur maður litla kút á skiptiborðið og maður fær þetta líka fallegasta bros í heiminum, og hann mótar varirnar eins og hann sé að fara að segja eitthvað og út koma þessi yndislegu hljóð (hjalið), og svo horfir hann á mann með sínum stóru og bláu augum og maður bara gleymir öllu öðru – það er ekkert annað sem kemst að hjá manni, allar áhyggjur, þreyta, skyldur og kvaðir gleymast. Heimurinn er einhverstaðar lengst í burtu, og það kemst ekkert annað að…….

Guðrún - ekki lengur gribba

Allt í drasli...

ég var að horfa á Skjá Einn í morgun þegar ég var að gefa Gabríel pelann sinn. Og það var þátturinn Allt í Drasli. Ég hætti algjörlega að hafa komplexa yfir því að geta ekki verið með tuskuna eða sópinn á lofti í tíma og ótíma. Ég hreinlega trúi ekki að fólk geti lifað svona eins og þetta par gerði. Og það að hún hafi verið barnshafandi skil ég engan veginn (ég fékk auka púst í hreingerningaræðið þegar ég var ólétt og sérstaklega þegar ég mátti ekki gera neitt)

Það tók lið af hreingernigarfólki 72 vinnustundir að taka íbúðina í gegn!!! Ég horfði í kringum mig í stofunni minni - sem er enn þokkalega hrein eftir stórhreingerninguna á mánudaginn sl, og hugsaði með mér að ég er alls ekki svo slæm húsmóðir eftir allt!!!

Ef þið viljið fá smá egó búst varðandi heimilisstörfin og sjá að þið séuð bara alls ekki svo slæm endilega horfið á þáttinn:

Upptaka af þættinum Allt í drasli 6. mars 2005

Guðrún - hreinláta

"Ekki" dagur

Suma daga er maður bara alls ekki (svipað og bloggerinn er búinn að láta í dag!) Eins og vinkona mín hún Blessuð Blíða segir þá bara vaknar maður þannig að maður er best geymdur í rúminu með góða bók, eða allavega ekki fyrir augunum á öðru fólki. Og þannig er þessi dagur minn í dag. Og greinilega hjá syni mínum líka. Hann byrjaði daginn klukkan fimm, og ræsti mömmu sína, var vakandi, frekar geðillur til sex, vaknaði aftur klukkan átta, og ræsti mömmu sína aftur sem hafði aðeins náð að sofna loks klukkan sjö, var vakandi til tíu, þá tók pabbi hans við honum til að pása mömmu hans, sem lagði sig í von um að sofna aftur en lá í rúminu án þess að sofna til hálf tólf, þegar sonurinn varð brjál aftur. Ég dílaði við pabbann um að þrauka aðeins lengur á meðan ég reyndi að bæta og hressa útlitið með að hoppa í sturtu, sem var misheppnuð tilraun á alla kanta. Tók við syninum og dekraði og dedúaði þar til hann gjörsamlega gat ekki meir og datt út af um hálf tvö; örmagna af þreytu og pirring.
Jamm, þó sonur minn sé yfirleitt hið rólegasta og yndislegasta barn þá er hann bara mannlegur og getur átt sína slæmu daga líka eins og við hin. Hann er bara nokkuð lunkinn við að hitta á þá daga sem mamma hans er ekki upp á sitt besta, eða er það kannski ekki tilviljun....??
Margir segja að börn og mæður séu nokkuð beintengd á þessum tímapunkti og er þá ekki alveg jafn líklegt að þegar móðirin vaknar og upplifir “bad hairday” að aumingja barnið verði fyrir ákveðnum áhrifum frá því?
Allavega eru þau áhrif sem það hefur á mann og hund sú að þau helst vilja ekki verða á vegi mínum. Kaffið er það eina sem blívar á svona stundum, sérstaklega þegar maður er hættur að reykja!

Allaveganna, þá er ekki mikið að gerast hjá litlu fjölskyldunni þessa dagana. Við tókum rúnt í sveitina í gær. Rosalega fallegt veður, rosalega fallegt á leiðinni.

Ég er alltaf að vinna í þessum þrítugs málum mínum. Hrekk í kút og fæ hnút í magann reglulega við þessi reality check mín. Ég horfi stíft á dagatalið og vona að það færist aftur á bak. En verð að viðurkenna að ég er nokkuð fegin þegar ég hugsa um hvað ég hef að sýna eftir þessi 30 ár mín. Ég er jú orðin mamma, sem ég held að engann hafi grunað að ég myndi ná að framkvæma. Ég á hús, bíl, hund og mann. Ekki brjálaðan starfsframa, en er í skóla til að bæta það upp. En það sem komið er, er ég býsna stolt af, og já vildi ekki breyta neinu.

En allavega einni súkkulaðitebollu og einum ástarpung síðar líður mér betur, og er tilbúin í slaginn við daginn aftur (þó hann sé langt kominn)

Guðrún hin galvaska nær þrítuga

Slökun...

sit hérna með kaffibollann minn, sem ég dúllaði við þegar ég var að búa hann til í cappuccino vélinni minni. Ég var að þrífa húsið, og þeir feðgar dunduðu sér á meðan.
Úti er rosalega fallegt veður. Hlýtt, sólskin og notalegt. Fór í góða göngu með tíkinni í morgun, eftir góðan nætursvefn, en sonur minn er farinn að sofa svo vel á nóttunni að það er yndislegt. Svo núna tekur við afslöppun í hreinu stofunni minni, og njóta þess að vera til.

Gott að koma heim...

eftir yndislega helgi. Eins og alltaf í Mývó var yndislegt. Afslappandi og rólegt. Gabríel var smá tíma að átta sig á aðstæðum, nýjum andlitum, hljóðum og ljósum. Var ekki að ná að slappa af né sofa á föstudag, og lítið á laugardag. En um kvöldið á laugardag þá fann ég út hvað hann vildi til að ná að sofa almennilega og þá gekk þetta eins og í sögu.

Ég reyndar var ekki eins hörð á því og pabbi að vakna kl tvö til að horfa á formúluna. Við mamma og Gabríel létum fara vel um okkur um hádegið til að horfa. Ferrari maðurinn hann pabbi horfði ekki aftur á því hann var ekkert yfir sig hrifinn af því að hans maður náði ekki að klára fyrstu keppni tímabilsins.

En auðvitað tók ég myndir um helgina, og flestar eru af prinsinum kíkið á þær hérna

Formúla 1 og Mývatnssveit

Við Gabríel og Kítara ætlum í sveitina um helgina svo þeir sem eiga þar leið um endilega kíkkið við. Hjölli ætlar að fórna sér í að mála eldhúsið og holið á meðan. Og stunda "hávaðasama niðurrifsvinnu" á meðan sem gefur af sér mikið sag og óhreinindi. Hann er á fullu núna á efri hæðinni þar sem við vonumst til að geta farið að klæða hana fljótlega og koma upp stiganum upp á þá hæð, en það er þegar komið gat að innanverðu ti að príla upp.
En við Gabríel ætlum að mæta galvösk í formúlu 1 snakkið hjá mömmu og pabba. Og Gabríel verður í Formúlu 1 gallanum sem pabbi gaf honum þegar hann fæddist.

Hvað get ég sagt....

annað en dagarnir eru hver öðrum eins núna. Ég fatta föstudagana því þá fer Hjölli á fund, og laugardaga því þá er nammi í nammibarnum í búðinni á 50% afslætti og auddað notfæri ég mér það.

Ég hef verið að ná í þætti úr Sex and the City seríum sem mig vantaði inn í, og er byrjuð á brilliant þáttum sem heita Desperate Housewifes og að sjálfsögðu er til próf sem heitir Which Desperate Housewife are you?

Ég er í saumaklúbb (borða og slúður). Ok hef ekki náð að mæta í 2 ár, en samt fylgist alltaf með, fæ alltaf meilin frá þeim, og fæ svo meil daginn eftir til að heyra slúðrið! Heldur mér alveg við efnið, og það síðasta sem ég vildi væri að missa sambandið við þessar 10 frábæru stelpur. Nú er svo komið að á einu ári fjölgar hjá okkur um 6 börn!! Geri aðrir klúbbar betur!! Til hamingju við allar!!!!

Ég er hins vegar að reyna að halda sönsum. Besta vinkona mín varð 30 um sl helgi, og svo kemur önnur vinkona mín 18. mars og svo er röðin komin að mér. Úff, ég er ekki alveg að ná að höndla þetta. Það sem kemur alltaf upp í kollinn þegar ég hugsa um þetta er "vá þegar Gabríel verður 10 ára gamall þá verð ég 39 ára"!!! ok Hjölli verður komin yfir 40, en samt, þetta er þarna, handan við hornið, óumflýanlegur veruleiki.

Samt þegar ég pæli í hlutunum, þá vildi ég ekki neinu breyta. Ok, ég er ekki með brjálaðan starfsframa og milljónir í vasanum og háskólapróf á veggnum. En ég á yndislegan son, góðan mann, hús yfir höfuðið (270 fermetra!!) bíl og góða heilsu. Fjölskyldu og vini sem ég dýrka og elska. Og fullt af minningum frá frábærum tímum, og hef farið og gert margt, séð margt, kynnst mörgum.

Af hverju hræðist ég aldurinn???

Hún á afmæli í dag
Hún á afmæli í dag
Hún á afmæli hún Dóa
Hún á afmæli í dag!!!

Til hamingju með daginn elsku Dóa okkar!!

Gabríel "Live" á netinu

Það er búið að vera svo gaman hjá okkur Gabríel þar sem við vorum í tölvunni að tala við fólk á msn. Ég tengdi videóvélina sem webcam og sat svo með guttann í fanginu. Það verður að gera eitthvað þar sem fólk er ekki mikið á flakki á þessum árstíma, og margir mikla það ótrúlega fyrir sér að koma alla leið hingað austur (taki það til sín sem eiga). En montrófan ég fíla það að geta sýnt gripinn almennilega.

Mér líður afskaplega vel þessa dagana. Við mæðgin sofum vel, erum hress og ánægð með tilveruna. Þegar ég ákvað að pása skólann þá létti yfir öllu og stærstu ákvarðanir eru núna hvort ég eigi að setja í þvottavél núna eða seinna (og ef ég bíð með það þá kannski þarf ég þess ekki) og ég hef þar af leiðandi meiri tíma fyrir mig, þegar hann sefur, og get hvílt mig meira og notið þess að vera til.

Kínafarar

hæ hérna er mjög athyglisverð síða fólks sem er í Kína núna að ættleiða börn. Mér finnst gaman að lesa þetta og sjá aðeins inn í þennann heim sem það er að fara þarna út til að ná í barnið sitt. Kínahópur

Gabríel Alexander 2 mánaða í dag!!!

Hann sonur minn Gabríel Alexander er 2 mánaða í dag! Þessir tveir mánuðir hafa verið ekkert smá fljótir að líða, og hann hefur stækkað alveg rosalega mikið! Hvernig verður hann eftir aðra tvo??

Brjálæðislega gott veður!

Búið að vera þannig undanfarna daga. Ég hef notið þess hve sonur minn er þægur að sofa eftir morgundrykkinn sinn, því þá hef ég getað nýtt þann tíma til að fara í góðar gönguferðir með tíkina. Svo eftir hádegi hef ég farið með soninn í vagni og gegnið hringinn um bæinn!

Kynntist Sigrúnu í fyrradag. Hún er upprunalega úr R-vík, '74 módel, aðflutt, á 5 mánaða gamalt barn og leiðist. Loksins manneskja sem er á sama leveli og ég, manneskja sem er á sömu bylgjulengd og ég og mínar vinkonur! Hún reyndar segist ekki ætla að búa hér stundinni lengur þegar dóttir hennar sem er 12 ára klárar skólann í vor. Það verður bara að koma í ljós.

Ég er komin með smá Reykjavíkur fráhvarfseinkenni. Held samt að þetta sé frekar kaffihúsaslúðurs fráhvarfseinkenni. Held að þetta sé vegna vorfílíngs sem er í gangi. Fæ alltaf kláða í puttana til að breyta til - gera eitthvað, þegar vorið nálgast.

Rítalín töflur

Hæ allir

í gær urðum við Hjölli heldur hissa þegar við vorum að fara af stað til Egs. Hann var að hleypa tíkinni inn í búrið sitt í bílnum þegar hann rekur augun í 2 stk af rítalín töflum. Þær voru innpakkaðar í pakkninguna sína, greinilega klipptar út úr spjaldi. Bíllinn hefur ekki verið læstur, svo hver sem er hefði getað opnað afturhlerann og hent þessum töflum inn í búrið hennar. Ok, það er talað um hve hress hún er, og margir eru hræddir við hana sökum ærslagangsins. En commonn!! Maður gerir ekki svona!! Ef hún hefði fundið þessar töflur sjálf, þá hefði hún etið þær, hefði sennielgast ekki drepist en henni hefði ekki liðið vel af þeim. Róast jú, hefði tilganginum þá verið náð? Eru þetta skilaboð til okkar Hjölla um að gera eitthvað róttækt við hana til að róa hana, eða hrein skilaboð um að hún sé óþolandi? Hún hefur nú ekki verið mikið fyrir fólki þar sem hún sleppur aldrei út. Mér finnst þetta bara leiðinlegt. Og ef fólk hefur eitthvað á móti okkur Hjölla þá eiga dýrin ekki að gjalda fyrir það.

Námsleyfi

Jæja - ég ákvað að láta slag standa og hringdi í HR, spurði hvernig það væri ef ég segði mig úr báðum áföngum þessa önnina, hvort ég gæti tekið upp þráðinn aftur í haust. Það var lítið mál, er skráð í "námsleyfi" núna. Glata peningunum, en einhvernveginn er mér alveg sama um þá. Er bara ánægð með að vera ekki "hætt" í skólanum.

Þetta er svolítil ljúfsár gleði, mér þykir svo gaman í skólanum, ég var svo stolt af því að hafa komist þar inn. Og finnst leiðinlegt að þurfa að hætta. En á móti þá hlakka ég til þess að geta hætt að hafa áhyggjur af þessu, notið þessa samverustunda með syni mínum, alveg frjáls og ekkert sem kallar eða skyldur sem bíða eftir mér! Skólinn verður þarna enn, eins og hún Ásrún sagði sem sér um fjarnema "ég verð hérna í haust, hafðu bara samband"

Sonur minn er algjört æði, þó ég segi sjálf frá. Hann er farinn að grípa hluti!!! Smá sælustund í morgun þegar hann tók af mér dótið og auðvitað kom í hugann "sonur minn er snillingur" en hvaða mamma hugsar ekki svoleiðis um ungann sinn!

Konudagurinn

Til hamingju með daginn konur! Yndislegur dagur hérna fyrir austan. Veðrið alveg frábært, sól og blíða! Gabríel svaf vel í nótt, við sváfum öll frameftir, úthvíld og hress.

Kjörinn dagur í góðar gönguferðir, sem við nýttum okkur. Komum við á kökubasar, Hjölli splæsti rjómatertu - yummie! Og á Hótel Bjargi var kaffi í tilefni dagsins. Rosalega flottar kræsingar þar, rjómatertur, brauðtertur, heitir réttir svo eitthvað sé nefnt. Og minn maður bauð mér þangað. Afskaplega næs. Gabríel lék við hvern sinn fingur í boðinu. Þvílíkt hress og kátur á meðal fólksins.

piparkökur og kaffi

sit hérna og sötra ljúffengt kaffi og maula piparkökur með. Sonurinn sefur, hundurinn sefur og Hjölli er í tölvunni. Var að koma inn úr fínum labbó með Hafdísi og Jeltsín. Gott veður, og sálartetrið er í góðu jafnvægi. Enda svaf ég líka vel í nótt.

Hefi ákveðið að segja mig úr skólanum þessa önnina. Vona að ég fái að taka upp þráðinn næsta haust. Ég var búin að ákveða að segja mig úr öðrum áfanganum, en svo endaði ég andvaka þegar ég fór að hugsa um hvað ég væri orðin á eftir í hinum áfanganum, þá fattaði ég að ég læt þetta stressa mig allt of mikið. Enda vil ég njóta tímans með syni mínum, hann verður bara jú einu sinni svona pínu lítill og þessir fyrstu mánuðir eru jú mikilvægir.

Update

hæ aftur elskurnar mínar. Það virðist sem þegar ég ætla að setjast hérna niður og blogga þá gerist eitthvað sem veldur því að ég næ varla að logga mig inn. Næ að blogga fyrir Gabríel og svo smelli ég á bloggið mitt og "create a new post" þá vaknar hann, eða dyrabjallan hringir eða ég fer til Egilstaða....

Semst síðan á föstudaginn er búið að vera nóg að gera. Meiriháttar gaman á laugardaginn þegar Þórhalla systir og Lalli maðurinn hennar komu óvænt í heimsókn. Mér finnst gaman að fá fólk í heimsókn (hint hint)

Sunnudagurinn var Sex and the City dagur. Ég semst gerði afar fátt en að kúra í lazyboy með strákinn eða án stráksins og horfa á Sexið með poppi, súkkulaði og látum. Hjölli eldaði svo dýrindis læri til að fullkomna daginn.

Mánudagur - Valentínusardagur - var fínn. Við Hjölli höldum ekki upp á Valentínusardag, en höldum í gamlar hefðir með bónda og konudag. Við nýttum daginn til að skreppa upp á Egs. Kíktum í BT og Bónus. Málið er að ég hafði heyrt þess getið að bleyjukaup séu miklu hagstæðari í Bónus, og það borgi sig að keyra jafnvel til Egs gagngert til að versla þær, og það er alveg satt. Mér finnst það mikill verðmunur þegar það er komið upp í 1000,- mun!!! Ég keypti 3 pakka, með 70 stk í hverjum semst 210 stk og sparaði mér 3000.- og ég fer með 1000,- í bensín - fram og til baka! Auk þess sem þurrmjólkin er líka ódýrari, seld í stærri skömmtum (og er samt ódýrari) - hamstraði vel af því líka!!!

Í gær var yndislegt veður. Fór í 2 góða göngutúra. Með tíkinni fyrir hádegi og svo fórum við Gabríel eftir hádegi. Geggjað dugleg...

Úr ýmsum áttum....

Strax aftur kominn föstudagur. Vikan fljót að líða, eins og allar hinar. Það sem gerðist þessa vikuna var að ég bakaði bollur á bolludaginn!!! Var með vanillurjóma, jarðaberjarjóma og venjulegan rjóma, ásamt sultum til að setja á milli! Geggjað góðar þó ég segi sjálf frá! Hjölli hafði talað um hvað hann væri mikill bollukall svo ég bakaði um 30 stk af bollum - en minn maður borðaði bara 2 í kaffinu!! svo við buðum Gumma og Rimu í bollukaffi, og gerðu þau bollunum góð skil.

Hjölli var á milljón um helgina sl í SamAust keppninni eins og áður hefur komið fram. Hann er nú að búa til dvd disk frá tónleikunum, þar sem hann tók hana upp líka á vídeóvélina okkar. Mega flott hjá honum. Þetta er svo krakkarnir sem tóku þátt, og allir sem vilja geta eignast eintak af keppninni, sem var víst rosalega flott og skemmtileg í alla staði.

Við skelltum okkur upp á Egilstaði á miðvikudaginn, bara svona upp á fönnið. Loksins gott veður og aðallega gott færi. Versluðum, og nutum þess að breyta um umhverfi þó stutt væri.

Í gær var 6 vikna skoðun Gabríels, þó hann sé reyndar orðinn 7 vikna, þá var ljósan ekki við sl viku. Hann fékk flotta skoðun, hefur lengst um 7 cm (semst 1 cm á viku) og er núna 5320 gr (semst þyngst um nærri 2 kg síðan hann fæddist) "flottur strákur" sagði læknirinn - við mjög svo stolta móður!

Kaffi.. algjört möst

góðan daginn, eða frekar segi ég bara hæ, því ég hef ekki fengið kaffið mitt í morgun, og þó er ég búin að gefa stráknum að borða, fara í sturtu og út með tíkina, og sest hérna niður til að slaka á í smá stund. Af hverju er ég ekki búin að fá mér kaffi spyrja sennilegast margir, en það er vegna þess að ég á að fasta fyrir blóðprufu sem ég fer í á eftir.
Málið er að áður fyrr hugsaði ég með mér að það yrði hræðilega erfitt fyrir reykinga manneskjuna að setjast niður hérna fyrir framan tölvurnar og kveikja sér ekki í sígó! En það kom svona líka hryllilega aftan að mér að það væri helmingi erfiðara að setjast niður hérna og athuga póstinn og nýjusta slúðrið á bæjarbloggum Fáskrúðsfjarðar og hafa ekki kaffibollann, rjúkandi, ilmandi, hlýjandi, seðjandi, hversdagsleikaeyðandi, dagdraumagefandi, gefandi lífinu lit og tilgang, í hendinni....

Þreytuleg sæla

er það sem tímanum líður! Ég er td farin að blogga hræðilega sjaldan, ég sem var vön að láta í mér heyra daglega.
En sl dagar hafa verið frekar strembnir. Gabríel var eitthvað órólegur í maganum = lítill sem enginn svefn. Svo er það að lagast núna, eða er komið í lag, nema þá er að koma sólarhringnum í lag aftur, gengur svona la la. Ég er að reyna að hreyfa mig aðeins, fara út að labba, þegar ég fæ smá stund til þess, en er að finna fyrir því að líkaminn er ekki alveg í sama farinu og áður, finn enn til í grindinni, og það er að bætast við sár verkur í mjóbakinu líka, ekki glöð með það. Hjölli var lítið heima sl tvo daga þar sem hann var að aðstoða félagsmiðstöðina hérna með að halda söngvakeppni fyrir Austfirðina, og singstar keppnin var líka. Enn tek ég ofan fyrir einstæðrum mæðrum, og vil að þær fái verðlaunapening fyrir að vera hreinlega ofurkonur nútímans. Því ég fékk nasaþefinn af því að vera ein með barn núna sl tvo daga, og það var ekki til að hrópa húrra yfir. Ég myndi sennilegast þurfa að losa mig við tíkina og ekki vera í skóla ef ég væri ein. Reyndar hefur lærdómurinn farið svona upp og ofan, vegna þess að ég hef hreinlega ekki verið í ástandi til að læra, Gabríel vakandi, of þreytt, Gabríel vakandi og svo allt hitt sem þarf að gera á heimili. Sem betur fer er ekki mikið af speglum hérna hjá mér, langar engann veginn til að sjá framan í mig núna.
En núna ætla ég að nýta eitthvað af eftirlifandi orku (og svefntíma Gabríels) í að rumpa verkefni af sem á að skilast á morgun.
Heyrumst vonandi fljótlega aftur.

Hratt hratt hratt

er það sem tímanum líður! Ég er td farin að blogga hræðilega sjaldan, ég sem var vön að láta í mér heyra daglega.

En sl dagar hafa verið frekar strembnir. Gabríel var eitthvað órólegur í maganum = lítill sem enginn svefn. Svo er það að lagast núna, eða er komið í lag, nema þá er að koma sólarhringnum í lag aftur, gengur svona la la. Ég er að reyna að hreyfa mig aðeins, fara út að labba, þegar ég fæ smá stund til þess, en er að finna fyrir því að líkaminn er ekki alveg í sama farinu og áður, finn enn til í grindinni, og það er að bætast við sár verkur í mjóbakinu líka, ekki glöð með það. Hjölli var lítið heima sl tvo daga þar sem hann var að aðstoða félagsmiðstöðina hérna með að halda söngvakeppni fyrir Austfirðina, og singstar keppnin var líka. Enn tek ég ofan fyrir einstæðrum mæðrum, og vil að þær fái verðlaunapening fyrir að vera hreinlega ofurkonur nútímans. Því ég fékk nasaþefinn af því að vera ein með barn núna sl tvo daga, og það var ekki til að hrópa húrra yfir. Ég myndi sennilegast þurfa að losa mig við tíkina og ekki vera í skóla ef ég væri ein. Reyndar hefur lærdómurinn farið svona upp og ofan, vegna þess að ég hef hreinlega ekki verið í ástandi til að læra, Gabríel vakandi, of þreytt, Gabríel vakandi og svo allt hitt sem þarf að gera á heimili. Sem betur fer er ekki mikið af speglum hérna hjá mér, langar engann veginn til að sjá framan í mig núna.

En núna ætla ég að nýta eitthvað af eftirlifandi orku (og svefntíma Gabríels) í að rumpa verkefni af sem á að skilast á morgun.

Heyrumst vonandi fljótlega aftur.

Við erum hérna enn

í fullu fjöri. Fékk nýja örbygjuofninn í dag, en hinn dó einhverja vökunóttina um daginn. Blessuð sé minning hans og hans góða þjónusta.

Gabríel stækkar og stækkar, nóg að gera.

Rugluð

já ég var að fatta að í dag er mánudagur. Ég var vakandi í alla nótt, sofandi í dag, og var að borða Cocoa Puffs í kvöldmatinn!

Helgin var fín. Mamma og pabbi komu í heimsókn á laugardaginn og það var alveg frábært! Gabríel sýndi listir sínar og lék á alls oddi. Þau komust sem betur fer til baka seinnipartinn, en veðrið á leiðinni var hræðilegt. Sandstormur og malbikið að fjúka leiðar sinnar er ekki mín hugmynd um gott ferðaveður.

Húsið hérna vaggaði á verstu hrynunum, en að hafa svona rosalegt rok í tvo heila daga er frekar of mikið af hinu góða. Ég verð alltaf svo hrædd um að gluggarnir fjúki inn, því ég horfi á þá bogna undan storminum, og eldhúsgólfið hreyfast! Enda skal engin segja mér að það hafi verið undir 20 m/sek.

Svo var rólegur dagur í gær, matur hjá Gumma og Rímu. Rólegt svo framan af þar til sonurinn vaknaði og ákvað að það væri sko vakitími núna - "party time" - yeah!! Hann var ekkert pirraður, ekkert vesen, bara sitja og horfa í kringum sig og hjala - svaka ánægður með lífið og tilveruna. Sem var ok fyrsta klukkutímann eftir gjöfina, en þegar klukkutímarnir urðu fleiri þá var þetta ekki eins sniðugt.

Svo dagurinn í dag var frekar erfiður, þar til ég náði að leggja mig um tvö. Svaf á mínu græna til fimm.

Þó dagarnir séu erfiðir á köflum, svefnlausar nætur, stress og tár (hjá mér), maður verði úttaugaður og útkeyrður, þá samt þakkar maður fyrir sig. Ég eignaðist heilbrigðan son, og allt gekk vel. Og fréttir eins og sú sem var í kvöld um hjónin sem misstu dóttur sína við fæðingu vegna þess að skurðdeildin er ekki opin allann sólarhringinn! Ég sat í "mjaltarbásnum" mínum (lazyboy) og hélt á Gabríel sem var alveg við að sofna og ég hreinlega get ekki ímyndað mér þá erfiðu tíma sem þessi hjón eiga fram undan. Ég get ekki ímyndað mér þessa tilfinningu og sorg sem þau eru að upplifa. Að þurfa að fara heim af fæðingardeild eftir svona atburð hlýtur að vera eitt það erfiðasta sem nokkur getur upplifað. Áður en fréttinni lauk þá var ég farin að hágráta af samúð með þeim. Og það sem flaug aftur og aftur í gegnum hugann "vá hvað ég er heppin"

Í brennidepli

Mamma og pabbi koma þar fram - obbosslega sæt bæði tvö. Endilega kíkið á þáttinn þið sem hafið ekki séð hann, en hann er að finna á www.ruv.is þetta er þátturinn sem sýndur var sl sunnudag. En ég vil að það komi fram að það sem sagt er um fuglalífið er bull og kjaftæði. Maðurinn sem stjórnaði þættinum hefði mátt athuga staðreyndir aðeins betur áður en hann lét þetta flakka í sjónvarpinu. Hann reyndar býr með náttúruverndarsinna svo hann er ekki hlutlaus í þessum málum. En nóg um þetta. Mamma og pabbi eru bæði svo sæt að endilega kíkið á þau!!

Já Gabríel dafnar og dafnar. Dagarnir hjá mér eru mismunandi, fer eftir því hvernig mér líður sjálfri. Er rosalega viðkvæm suma daga en aðra líður mér alveg stórvel. Hjölla grunar að ég sé með snert af fæðingarþunglyndi og það er alls ekki ólíklegt, miðað við einkennin, og hvernig mér líður dags daglega.

Mér líður vel í dag. Mér leið illa í gær, og enginn veit hvernig mér kemur til með að líða á morgun. Ég á það til að hugsa síðast um sjálfa mig, eiginlega bara allt of oft. Verð bara að passa mig - eitt er víst: ég á yndislegasta son í heimi!!

Ferðalangar 2005

Jæja þá er æskuvinkona mín hún Inga Hrund og hennar maður Kári farin af stað í drauma ferðalagið sitt. Þau eru það sniðug að setja upp síðu með ferðasögunni sinni og það verður snilld að fylgjast með þeim!! Ferðalag Kára og Ingu Hrundar er einnig í slóðadálknum hér til hliðar! Góða ferð snúllurnar mínar og komið heil heim!!!

Yndislegur dagur í dag

Það fyrsta sem sonur minn gerði í dag, var að horfa beint í augun á mér og brosa til mín sínu yndislegasta brosi sem til er í veröldinni!! Það er held ég ekki til betri tilfinning en sú sem hríslaðist um mig þetta augnablik!

Og þetta fær mann til að hugsa um allt sem maður getur verið þakklátur fyrir í lífinu! Jú oft er maður að kvarta yfir hinu og þessu, en svo hugsar maður um hve heppinn maður er að eiga heilbrigt barn og heimili til að veita því, ást og umhyggju! Hvað svona lítið kríli getur breytt öllu hjá manni og breytt öllu viðhorfi og áherslum í lífinu!

Við fórum öll fjögur í bíltúr í dag. Tíkin himinlifandi því við fórum með myndavélina okkar og lékum heillengi við hana úti á ósnum, en hann er ísilagður. Og hún skemmti sér svo vel og var í essinu sínu yfir allri athyglinni sem hún fékk. Það var svo gaman hjá okkur.

Svo fékk Gabríel sendingu í dag frá systurbörnum mínum þeim Hirti Smára og Sylvíu Ósk í Mývatnssveitinni. Hann fékk sent svona leikfangaóróa sem hægt er að leggja í rúm og síðar á gólf. Rosa flottur og Gabríel var svo hrifinn - lá heillengi, horfði og hjalaði í áttina að dótinu - svaka gaman hjá honum !! Enda tók ég myndir af þessu sem eru á myndasíðunni hans endilega kíkið á!!

Allt í góðum gír

nema ég er að verða vitlaus á þessum kulda og þessum klaka alls staðar! Það er hvergi hægt að fara út og labba almennilega því maður stendur ekki á fótunum.

Annars var helgin fín. Bökuðum allt of stóra köku á föstudaginn, og buðum Gumma og Rímu í kaffi á laugardaginn. Þau voru hress og sonur þeirra Hartmann var afskaplega hress og hrifinn af tíkinni, enda er hann orðinn það gamall að hún getur "notast" við hann í boltaleik - svaka gaman !! En mér finnst það skuggalegt hvað þau eru fljót að stækka. Síðast þegar ég sá Hartmann hvar hann helmingi minni og léttari. Minnir mig bara á hvað minn kemur til með að stækka hratt.

En ég er búin að vera dugleg að læra og Gabríel hjálpaði til - eins og sést hér

Annars hef ég lítið náð að vera á msn, sakna þess að kjafta við fólk á msn, og finnst ég nokkuð vera að detta út úr því sem er að gerast. Svo mig vantar tölvupósta um hvað sé að gerast!! Ég næ að halda mér við með að lesa bloggin.

Annars hef ég verið að dunda mér við að horfa á nýja þætti sem heita Lost, fólk sem lendir í flugslysi á eyðieyju - mega spennandi - bara netið ekki nógu hratt og ekki nægilega mörg slot! Og svo þættir sem heita 5 Days to Midnight. Byrja ágætlega - lofa góðu. Þetta dunda ég mér við að horfa á þegar ég er að næra soninn.

Til hamingju með daginn bóndar!

Jamm - ég er að baka og færði mínum manni blóm áðan þegar ég kom heim úr labbó. Ég er svo myndarleg húsmóðir :-)

Sonurinn sefur og etur, þyngist og stækkar. Algjör engill. Hann er núna farinn að sofa aftur eins og hann gerði, svo ég fæ næga hvíld núna.

En það er ekkert hægt að labba úti, það er allt undir einni klakabrynju úti, þegar hundurinn stendur ekki í sínar fjórar fætur þá er hæpið að ég standi í mínar. Annars ætla ég alltaf að taka með mér vídeóvélina og taka myndir af henni, því hún skautar svo flott á ísnum, og stundum þá siglir hún yfir svellið á maganum með sínar fjórar spírur í allar áttir.

Með betri svefntíma sonarins þá er ég byrjuð á fullu í námsefninu. Líst bara þokkalega vel á þetta, og hlakka til að takast á við verkefni vetrarins.

Nóg að gera

hæ hæ

það er sko nóg að gera á litlu heimili. Sumir hafa verið að vakna á nærri klukkutíma fresti, bara til að vakna, drekka smá, halda áfram að sofa. Lítið um hvíld hjá mér í dag - eða til að gera nokkuð annað.

Ég er núna að stressa mig á því að ég er ekkert byrjuð á náminu mínu. Ég einhvernveginn finn ekki tímann eða orkuna til þess. Skólinn er byrjaður en ég hef varla litið á efnið - jú ég er reyndar búin að sækja allar glærur - en ekkert farin að hlusta á fyrirlestrana. Og það er strax komið inn verkefni sem á að skilast 24 janúar! Æ það hlýtur að reddast.

Við Kítara komumst ekkert út í dag, það er ógisslegt veður úti, ég vorkenni henni svolítið - þetta getur ekki verið auðvelt fyrir hana allar þessar breytingar. Hún er samt algjör dúlla - tekur þessu afskaplega vel. Ég fer með hana í labbó daglega (nema þegar veðrið sökkar algjörlega eins og í dag) og gef henni tíma með mér. En þetta er ekki auðvelt, en samt þess virði!!

Rétt að líta inn

og láta vita að allt sé í góðum gír hérna hjá litlu fjölskyldunni á Fáskrúðsfirði. Áttum rólega helgi, notalega og kósí. Er búin að ná upp tú deit í Stargate SG-1 og Stargate Atlantis eftir fjarveru mína frá netinu í desember. Má kannski nefna það að það vakti athygli á fæðingardeildinni hvernig ég slappaði af og drap tímann - ég var með ferðatölvuna mína, og var vel nestuð af dvd diskum heimabrenndum af skemmtilegu efni sem Hjölli tíndi til af tölvunni sinni - var með yfir 20 dvd diska að ég held og maður kemur þokkalega miklu efni á einn dvd disk í avi fælum!! Og það var bara snilld að liggja í bælinu þar, borða konfekt og horfa á gott myndefni.

En dagarnir líða frekar saman í eitt, og ég er ekki alltaf að átta mig á hvaða dagur er. Dagarnir fara í að sofa þegar færi gefst og reyna að borða á matmálstímum. Við Gabríel erum búin að ná sáttum um næturnar, og ég fæ að sofa til sjö flesta morgna (gæti verið fyrr núna þar sem hann er sofnaður fyrr í kvöld en önnur kvöld) en hann hefur verið að sofna um eitt hálf tvö venjulega. Og við Hjölli höfum skipt með okkur morgnunum, svo annað okkar nái að sofa almennilega reglulega. Það er hægt í okkar tilfelli þar sem Gabríel er ekki eingöngu á brjósti.

En nú er komið að háttatímanum mínum. Guttinn sofnaður almennilega og ég get farið að sofa.

Góða nótt

Síðan hans Gabríels

hæhæ

ég loksins náði að setja inn síðuna hans og setja á netið myndir af honum. Hérna er slóðin http://gabrielalex.blogspot.com/

Lífið gengur annars sinn vanagang hérna. Þetta er allt að komast í réttar skorður. Ég er farin að hvíla mig meira, ég er hætt að stressa mig á öllum mögulegum hlutum sem varða barnið eða bara öllu almennt. Er td ekkert að stressa mig á að skólinn er byrjaður. Eða er að byrja, eitthvað af fyrirlestrum komið inn. Byrjaði í þessari viku. Ég sá að helmingurinn af fólkinu sem var með mér í náminu fyrir áramót er hættur. Td gaurinn á Breiðdalsvík er ekki skráður, svo ég er ein hérna fyrir austan. Reyndar hef ég suma grunaða með að hafa sagt sig úr áföngunum fyrir prófin, því nokkrir voru alveg hættir að sjást á msn eða umræðuþráðunum.

Skítakuldi hérna núna, ef það er smá vindur þá er ekki hægt að vera úti.

Annars er lítið í gangi. Ég er afar dugleg að fara yfir Friends þættina mína. Það er svo þægilegt að henda þeim á í TV tölvunni þegar maður er að fóðra guttann (á nóttu sem degi) fljótlegt og þægilegt. Já maður hefur oft þakkað fyrir Friends.

Vöknuð til að borða

hæ hæ - ég er rétt vakandi núna til að borða. Gabríel sefur núna, en hefur ekkert verið neitt duglegur við það undanfarið. Svo ég verð hreinlega að spila inn á svefntímann hans og aðlaga mig og minn svefn eftir því. Þar af leiðandi geri ég fátt annað en að fóðra, sofa og eta. Ég fattaði það on the hard way að hlutirnir ganga hreinlega ekki upp öðruvísi. Þar af leiðandi vil ég afsaka myndleysið, en ég vona að það reddist fljótlega.

Annars er það að frétta að neysluvatnskúturinn er kominn, og hann verður tengdur í dag!! Og frystikystan er í lagi, tóm, en í lagi. Ég hafði áhyggjur af því að hún yrði ekki nothæf eftir þetta dæmi (vegna lyktarinnar) en Hjölli snillingur reddaði þeim málum með alls kyns efnum og græsi!!

Tíkin er yndisleg að vanda, passar okkur Gabríel á nóttu sem degi. Hún verður alltaf mjög áhyggjufull ef hann grætur (eða er í frekjukasti - nóg er af henni í þessum litla búk - why?? skil ekkert hvaðan barnið hefur hana....) hún hleypur þá á milli okkar Hjölla og finnst við stundum afar sein í hreyfingum.

Svo lífið lítur vel út hjá litlu fjölskyldunni á Fáskrúðsfirði!

Hundastrákur

Jæja svo Kítara á biðil! Fór allt í háaloft áðan þar sem eitt vesælt búff heyrðist utan úr garði, var þá þar kominn obosslega sætur hundastrákur sem var afskaplega hrifinn af dömunni, og vildi ekkert með okkur mannfólkið hafa. Hann er ómerktur, og hafði bara einn áhuga (greinilega enginn séntilmaður sá) Kítara var nú ekki alveg á þeim nótunum, en er samt voða sorry yfir að fá ekki að vera lengur úti að leika við strákinn. En hann hangir núna fyrir framan hurðina okkar með sínar hugsanir og langanir. Kítara átti ekki að fá strákasprautu fyrr en núna 20 janúar, en það er greinilega þörf á henni núna.

Gabríel Alexander

Nafn drengsins er komið á hreint. Þó margir vilji sjá hann heita Stormur, Fannar eða Bylur (því jólanóttin var ekki svo veðurbesta) þá vil ég endilega leyfa fólki að heyra nafn hans svo þessi nöfn festist ekki við hann. Gabríel Alexander Hjörleifsson. Við vorum búin að ákveða þetta nafn fyrir löngu síðan, eins og jafnvel margir muna eftir þá voru stelpu nöfn ekkert rædd því Hjölli var alveg með það á tæru að þetta væri strákur.

• Gabríel: Nafn þetta er biblíunafn komið úr hebresku og merkir hetja guðs.
  Gabríel er einn helsti af englum guðs og af sumum talinn vera fyrsta sköpunarverkið.
• Alexander: Nafn þetta er upprunnið úr grísku og er sett saman úr forliðnum "aléxein" sem merkir vernd, "anér" sem merkir ef og "andrós" sem merkir maður.
  Alexander er því verndari.

Þessar lýsingar eru komnar af Mannanöfn.com, Merking íslenskra nafna

Nú eru hlutirnir farnir að ganga nokkur sjálfkrafa. Við erum búin að taka upp úr töskum, og flokka og ganga frá.

Hjölli er búinn að ganga frá áföllum við heimkomuna, en aðkoman var ekki alveg eins og maður hefði óskað sér. Neysluvatnskúturinn hafði bilað/eyðilagst og slegið út rafmagninu á kjallaranum. Sem hefði kannski ekki verið mikið mál ef frystikistan hefði ekki verið tengd inn á þá grein rafmagnsins í húsinu, og þar af leiðandi hafði hún afþýtt sig einhverntímann í desember (á lyktinni að dæma ekki nýlega) og allt í henni ónýtt. Tryggingarnar borga eitthvað sem betur fer, en við urðum að punga út fyrir nýjum kút. Kúturinn er kominn en nú vantar pípara til að tengja, ég er farin að þrá að komast í almennilega sturtu. Fyrir ykkur sem ekki vitið þá er neysluvatnskúturinn sá sem inniheldur heita vatnið okkar. Það er nóg af köldu vatni í krananum og þetta er alveg óháð hita hússins.

Gleðileg jól og gleðilegt nýtt ár !!!!!

Halló elskurnar mínar! Við litla fjölskyldan erum komin heim. Sonur okkar er hraustur og hress, hann kom í heiminn 24. desember kl 13:38, var 13 merkur og 50 cm. Fæðing gekk rosalega vel, tók engin verkjalyf, og gekk samt eins og í sögu. Hjölli var ómetanlegur stuðingur og er yndislegur pabbi. Tíkin tók syninum vel, vill bara passa hann og veit alltaf hvar hann er og hvað hann er að gera.

Svo lífið er yndislegt í dag! Rosalega gott að koma heim, og loksins getur maður komið reglu og rútínu á lífið aftur!

Allt gott að frétta

ég er búin að vera hérna í Mývó síðan við komum hingað að passa hund og hús. Við ákváðum að best væri að ég færi ekkert að brasa við að keyra austur til að vera þar í viku og koma svo aftur norður. Ekki það að ég hafi ekki viljað fara aðeins heim, er með smá vott af heimþrá, en það er búið að fara afskaplega vel um mig hérna og junior. Já í sónar kom í ljós að þetta er myndar strákur sem ég ber undir belti! Og okkur líður bara afskaplega vel.

Hjölli fór hinsvegar austur sl þriðjudag til að ganga frá húsinu almennilega og ná í það sem okkur vantaði fyrir jól og barnsburð. Hans er von aftur í dag. Þá liggur leiðin til A-eyrar þar sem við verðum fram yfir fæðingu. Hvar jólin verða haldin er ekki alveg komið á hreint, en ef færð og veður leyfa þá vil ég helst vera hjá mömmu.

Lítill strákur

Jamm við fórum til Akureyrar í gær til að skoða bumbubúa í sónar. Og það lítur allt vel út, og þetta er strákur!! Svo Hjölli hafði rétt fyrir sér blessaður. Svo núna er bara að grisja úr fötunum frá Þórhöllu systur og sleppa öllum bleikum fatnaði, og gleyma að hugsa um stelpu nöfn. Ég á líka að fara að slappa af, hætta öllu veseni (þrífa, príla upp á borð og standa á stólum við að koma upp jólaseríum svo eitthvað sé nefnt) hvernig sem það kemur til með að ganga hjá mér. Þeir breyttu ekkert dagsetningunni hjá okkur, hún er enn 29 desember, en gutti er kominn í skotstöðu.

Annars er lífið í Mývó hið rólegasta. Mamma og pabbi fóru í fyrradag, koma aftur á mánudaginn. Herkúles voða aumur fyrst, en við dekrum hann svo mikið að hann er farinn að brosa á ný. Kítara er líka obbosslega góð við hann - sko núna er hún að passa hann!!

Við förum semst aftur á Fáskrúðsfjörð á mánudag/þriðjudag. En við færum okkur um set til A-eyrar (til að bíða eftir gutta) 14 desember. Og þá verðum við alveg þar til bumbulíus ákveður að koma í heiminn.

En þar til næst - hafið það sem allra allra best - tölvupóstur er vel þeginn - allaveganna póstur - svo endilega ekki vera feimin!!!

Róleg helgi

sem kemur kannski ekkert á óvart. Svaf mikið í lazy boy, horfði á fullt af myndum og þáttum - sem ég hef fengið "að láni". Fórum til Stöðvarfjarðar á laugardaginn - tilgangur að kíkja á jólabasar. Það var frekar fátæklegt á að líta, og við snillingarnir sem erum enn með höfuðborgarþjónustu í huga greinilega - héldum að það væri nú örugglega hraðbanki á Stöðvarfirði, en neibb, ekkert svoleiðis. Það hefði nú átt að glóa aðeins meira á perunni minni þar sem Fáskrúðsfirðingar fengu ekki fyrst hraðbanka nema snemma á þessu ári... En það er þó ekki búið að taka af okkur búðina eða sjoppuna!! Það var hvergi hægt að versla svo maður gæti fengið til baka af debeti! (þeir eru þó með bensín sjálfsala - en maður unir þeim það þar sem þeir eru ekki með neina aðra þjónustu)

En nú er ný vika tekin við og fyrsti sunnudagur í aðventu var í gær. Bærinn ljómaði upp í gær, og ætla ég að setja seríur í gluggana hjá mér í dag. Þá get ég notið þeirra aðeins áður en við förum á morgun í Mývó.

Smutti !!!!

Smutti minn - ég er ekki með e-mail hjá þér sem virkar ertu til í að senda mér meil!!!

Viðburðarlausir letidagar

Hæ hæ - ég hef lítið annað gert undanfarna daga eftir að ég kláraði prófin en að liggja með kúluna upp í loftið í lazy-boy.

Það er búið að snjóa, hlýna, rigna og ekkert afgerandi göngufæri fyrir óléttar konur. Reyndar náði ég mér í brodda undir skóna í gær, og gat aðeins labbað í morgun, en annars hef ég bara stoppað bílinn, staðið í sömu sporum og kastað frisbí.

Mæðraskoðunin í gær gekk vel og allt í gúddi á þeim endanum. Þegar átti að hlusta á hjartsláttinn þá voru sumir greinilega fúlir yfir að hafa verið vaktir af værum blundi með öllu potinu, því um leið og hún fann hjartsláttinn þá snéri bumbulíus sér undan, og hún þurfti að elta hann með hlustunartækinu. Hmm hvort skapgerðareinkennin komi fram svona snemma hef ég ekki hugmynd um.... En það er allavega líf og fjör þarna í góðu yfirlæti (miðað við hvað þetta stækkar þessa dagana).

Það er föstudagur í dag. Og ég er farin að stressa mig á hlutum sem við eigum eftri að gera áður en við förum til A-eyrar. En í næstu viku verður það Mývó til 6. des og svo er áætlað að færast um set (tímabundið fram yfir fæðingu/áramót) til A-eyrar. Og ég er að stressa mig á þvottahúsið er ekki tilbúið, og mér finnst svo margt sem þarf að gera, en svo er það bara þvottahúsið sem er ekki tilbúið. Ég held að þetta stress í mér stafi líka af því að ég get ekkert gert sjálf og finnst það óþægilegt. Svo ég mikla þetta soldið fyrir mér. Ef ég fengi einhverju ráðið þá væri ég þessa dagana með kústa og sópa um allt hús að þrífa breyta og bæta. Skil þetta ekki!! Er alls ekki svona vanalega - gæti verið vegna þess að ég má ekki gera þetta núna.

En allaveganna - þá er líðanin góð, er í góðu yfirlæti sjálf, hef sko ekki undan neinu að kvarta, liggur við að ég sé borin um á bómull.

Vetrarríki

Þegar ég loks komst á fætur í morgun og tíkinni til mikillar gleði náði að haska mér í útifötin og út þá blasti við mér stórkostleg sjón. Nýfallinn snjór, alls staðar. Bíllinn minn var algjörlega hulinn hvítri þykkri slæðu. Trén voru eins og á jólakorti. Svo stillt og kyrrt. Þetta var með fallegri sjónum sem maður sér um ævinna. Við nutum okkar í snjónum í labbónum okkar. Tókum ekki frisbí með heldur kastaði ég snjókúlum fyrir hana, hennar besta skemmtun, sérstaklega þegar hún þarf að hoppa í skafla og þegar hún sekkur ofan í þá. Og aftur skaut þeirri hugsun í kollinn að fljótlega má ég fara að setja upp seríur og dusta rykið af jóladótinu.

Um hádegið fór ég í klippingu, en ég hef ekki farið í alvöru klippngu á stofu til fjölda ára. Alltaf bara látið snyrta enda eða klippa í heimahúsi. Svo núna er ég með hár niður undir herðablöð með styttum í. Mikil breyting frá lubbanum sem ég var komin með, og var algjörlega hætt að ráða nokkuð við. En hún tok um 15 cm af hárinu (þegar ég sá það á gólfinu fór aðeins um mig) og mér finnst ég vera með svooooo stutt hár núna. En ég er sátt við þetta - auk þess þetta vex aftur á met hraða eins og vanalega.

Annars einkenndist dagurinn af leti. Ég stóð við það sem ég hafði ákveðið að fyrsti dagur eftir að prófum lyki færi í nákvæmlega ekki neitt nema dútl og dundur, og ég náði að standa við það!

Prófin búin !!!

Jamm þá er því lokið í bili. Gekk ágætlega í dag, svo ég kvarta ekki. Einkunnir segja svo til um gengið. En ég má búast við þeim 6. desember.

Núna ætla ég að slaka á og fara að einbeita mér að því að vera barnshafandi, og njóta þess. Mér finnst ég geta horft á kúluna stækka núna dag frá degi, og ég finn líka áhrifin sem það hefur á mig. Finn ég hef ekki sama úthaldið og venjulega, og verð að sætta mig við það, enda er ekki langt eftir.

Við Kítara fórum í góða göngu í morgun, hittum Hafdísi og Jeltsín. Kítara ekkert smá happý yfir að hitta félaga sinn loksins.

Á leiðinni heim úr prófinu ákvað ég að dekra við mig og pantaði mér tíma í klippingu á morgun. Nei ég ætla ekki að klippa stutt - heldur bara gera eitthvað til að lífga upp á það, aðeins að breyta til.

Nú er tími til að láta undan spennufallinu sem fylgir því að ljúka prófum, og ætla að slaka á það sem eftir er kvölds.

Hálf einmannalegt

að sitja hérna svona snemma á laugardagsmorgni. Enginn mættur á msn og engin meil. Búin að sitja hérna síðan um rúmlega sjö, vaknaði með liðbandaverki og sinadrátt, og var vont að liggja í bælinu lengur, svo ég ákvað að skella mér í lærdóm. Það er líka rólegt hér á heimilinu svona snemma.

Rólegt yfir öllu, meira að segja ekkert rok úti, afskaplega notalegt.

Memory lane...

Ég asnaðist til að heyra eitt jólalag. Umræður um lagið Do they know it's christmas á sök á því. Og ég fattaði að ég hlustaði afar lítið á jólalög í fyrra. Meira að segja jóla cdarnir voru ekkert spilaðir í fyrra. Og ég fór að hugsa um hvernig mér leið fyrir ári síðan. Vá maður lifandi. Dagbókin var heldur óskemmtileg lesning. En samt er ég ánægð með að hafa náð að skrifa niður líðanina og hvernig dagarnir voru. Svarsýnin, þunglyndið og einmannaleikinn allsráðandi. Og ég sá það að Kítara átti stóran hlut í að ég hélt geðheilsunni. Og hvernig í fjáranum ég fór að því að ná prófunum í þessu ástandi í fyrra er mér hulin ráðgáta.

Og þegar ég les dagbókina núna þá get ég ekki annað en hugsað um hve lífið getur breyst. Hvernig hlutirnir hafa þróast, og hvernig mér líður í dag, ári seinna. Tvær ólíkar manneskjur hérna á ferðinni. Árið 2004 hefur verið mjög viðburðarríkt, og ég hefði aldrei getað ímyndað mér fyrir ári síðan að mér ætti eftir að líða svona vel eins og mér líður í dag.

Þetta er allt mjög skrýtð.

Gleðilegan föstudag

Og til hamingju með helgina framundan! Ákvað að fá mér kaffibolla áður en ég færi út með tíkina í dag. Það er enn allt of dimmt til að fara út fyrir bæinn í gönguferð (engir ljósastaurar þar) Er búin að opna bækur og er búin að reikna eitt dæmi í binary. Er búin að skipuleggja daginn og helgina í námið:

• föstudagur: kaflar 1 og 2 (sagan og binary)
• Laugardagur: Kaflar 5 og 6 (skipanasett og minni)
• sunnudagur: kafli 7 og yfirferð á köflum 3 og 4 (er búin að fara vel yfir þá núna en þeir eru erfiðastir)

Það er kalt í dag. Vona að gallinn komist yfir kúluna. Ég tók eftir því í gær að hún er farin að stækka helmingi hraðar. Og lætin eru alltaf jafn mikil. Þetta ætlar að verða mikill orkubolti!

Fíla mig eins og aumingja

Merkilegt. Mér finnst afar erfitt að sætta mig við það að ég get ekki gert hlutina eins og áður. Ljósmóðirin bannaði mér að gera hitt og þetta og mér finnst afar erfitt að hlýða því. Mér finnst afar erfitt að mega ekki sópa/skúra/ryksuga. Mér finnst allt vera svo skítugt og má ekkert gera við því. Vil heldur ekki nöldra í Hjölla, nöldra alveg nóg nú þegar. Greip áðan sóp og sópaði stofuna og viti menn - fékk svona nett í bakið í leiðinni, og í lífbeinið, niður í læri, og semst geri ekki mikið það sem eftir er dags. (btw fyrir ykkur sem ekki vitið þá er ég með grindarlosun á byrjunarstigi) og þetta fer í skapið á mér!!! Þess vegna fíla ég mig sem aumingja!! Og trúið mér það hjálpar ekki til við hormónavitleysuna sem fer hríðversnandi eftir því sem líður lengra!

Próflestur continues

Góðan daginn gott fólk. Það þýðir víst lítið að slaka á í þessum prófundirbúningi. Fór lítið fyrir lestri í gær, var í engu stuði né ástandi til að læra eftir svefnlitla nótt.

En í dag horfir málið öðruvísi við. Búin að fara út með tíkina, skafa af bílnum, festa mig, leika mér í skaflaleik á bílnum, sturta, morgunverður og er nú komin fyrir framan tölvuna með kaffibollann við hönd, tilbúin til að takast á við verkefni dagsins.

Væri alveg sátt við að þurfa ekkert að fara út aftur í dag. Veðrið leit ok út þegar ég var að fara af stað og það er ok veður úti, nema þegar rokhrynurnar fara af stað og feykja upp öllum lausa snjó sem fallið hafði í nótt, þá sést ekki handaskil. En það er afskaplega fallegt og jóló úti, verð ég að viðurkenna.

Í gamla daga þá fékk maður alltaf jólafílíng við að klára prófin, skildi það koma upp líka núna? Eins og á vorin, þegar prófin eru búin þá á að vera komið sumar. Ég vona það, er alveg til í að fá smá jólapúst núna. Hver veit hvernig desember mánuður verður hjá okkur.....

Á þeim nótunum verð ég að segja að okkur bumbulíusi líður bara mjög vel. Bumbulíus er fullur af krafti og gengur erfiðlega að vera kyrr. Það fer greinilega ekki ílla um hann þar sem hann heldur bara áfram að stækka og stækka og ég stækka og stækka, og er komin með þokkalega kúlu beint út í loftið. Stundum læðist sú hugsun að mér "hvernig verð ég þá í desember??"

Stundum finnst mér þetta afar óraunverulegt ennþá. Og stundum fyllist ég óöryggi og kvíða. Me the baby dummy.... En næ að hrista það af mér jafn óðum. Æðislegt Þórhalla systir fékk kassana frá sínum fyrrverandi með bunch af barnafötum. Fullt fullt, af hennar börnum. Við Hjölli getum semst farið yfir þau þegar við verðum í Mývó fyrstu vikuna í des. og fengið lánað hellings og meir!

Jæja - best að vinda sér í lærdóminn - prófið fer ekki neitt!

Læt fara vel um mig

í lazy-boy og horfi á Stargate SG-1. Ég einhvern veginn kem mér engann veginn fyrir neinstaðar annarsstaðar en í þessum ágæta stól mínum. Rúmið mitt er þægilegt og gott, en ég vakna alltaf þegar ég þarf að skipta um hlið (get ekki sofið á bakinu lengur) því það er orðið svo mikil fyrirhöfn. En í lazy-boy þá þarf ég ekki að snúa mér eða bylta. Þægilegt. Versta við að vera vakandi enn er að ég er orðin svöng aftur, er miklu oftar svangari undanfarið... hef heyrt að það fylgi víst, but correct me if I'm wrong please!

Jamm fórum til Eskifjarðar í dag. Hef ég sagt ykkur hve mikið ég hata að keyra í svona hálku og veseni. En þá er bara að aka rólega, "eins og manneskja" eins og pabbi kallar það. Já og tannsi þurfti að sauma Hjölla í þetta skiptið - vona nú að þetta fari að skána hjá honum.

Allir kennarar hérna hafa sagt upp störfum - það er semst ekki 15% eða 30% starfsmanna hér í skóla heldur 100% uppsagnir. Hvar endar þetta??

En allavega - Stargate bíður mín, ætla að láta fara vel um mig og njóta þáttarins.

Góða nótt dúllurnar mínar.

Fyrra prófi lokið...:p

Nú er ég að slaka mér niður eftir þennann áfanga. Var að koma heim úr C++ prófinu mínu. Gekk þokkalega, en svo segir bara einkunnin til um endanlega niðurstöðu. Og þar sem Tölvuhögunarprófið er á mánudag eftir viku þá ætla ég að leyfa mér að eiga frí frá lærdómi það sem eftir er dags í dag. Fann í fyrsta skipti fyrir virkilegum prófskrekk í morgun. Þegar ég mætti þá varð ég að byrja á því að einbeita mér að því að lokast ekki alveg, og það hjálpaði þegar ég sá að spurningin með hæsta vægið veittist mér auðveldust, og við að klára það opnaðist rest fyrir mér, en ég hef aldrei lent í því áður að lokast á prófi. Kenni því um að sjálfsöryggið er ekki alveg í toppi. Þakka því að hafa spreytt mig á gömlum prófum hérna heima til að æfa mig í að skrifa kóða á blað, en ekki hafa compilerinn til að finna villurnar fyrir mig(kommur, semikommur, svigar og þess háttar) En þetta gekk, ég lifði af og hugsa að það sé ekki fall í gangi hjá mér.

Hjölli fór til tansa sl mánudag, til að rífa úr 2 jaxla. Sem er kannski ekki frásögu færandi nema hvað alla vikuna hefur hann verið að drepast í munninum, og ekket að skána. Svo í dag hringdi hann í tansa og á tíma í dag á Eskifirði. Svo við rennum þangað yfir á eftir. Ég hef aldrei þurft að láta rífa úr mér tennur, svo ég hef ekki hugmynd um hvernig þetta er, en ég hugsa að þetta sé verra en andskotinn. Og ég trúi því ekki að það sé normal að vera að drepast í heila viku á eftir??

Það var jólalegt í morgun þegar ég vaknaði. Ný fallinn snjór yfir öllu. Kyrrt og rólegt yfirbragð á byggðinni. Hreinlega vantaði bara jólaseríur á húsin, þá hefði þetta verið ekta jólakortamynd að líta yfir fjörðinn. Maður hreinlega komst ekki hjá því að hugsa til þess hve stutt er í að maður fari að heyra jólalög í útvarpi, dusti rykið af jóladiskunum, finni jólalögin á harða disknum, og greiði úr jólaseríunum síðan í fyrra og bæti fleirum í safnið til að skipta út fyrir þær sem eru ónýtar. Það verður sennilegast ekki mikið skreytt á þessu heimili í ár, þar sem við verðum af bæ yfir hátíðarnar. En ég ætla samt að njóta þess að setja upp seríur, kerti og dúka. Jafnvel baka smávegis, til að fá smá lykt. En við verðum ekki mikið heima í desember. Mamma og pabbi eru að fara til Dublin með Kísiliðjunni 1-6 desember og verðum við hús og hundapassarar fyrir þau í Mývó á meðan. Svo sennilegast um miðjan des færum við okkur um set til að bíða eftir stóra deginum.

kaldhæðni...

munið þið mínir dyggu lesendur eftir færslu sem ég skrifaði um manneskju á mínum aldri sem hafði verið að baktala okkur en brosti alltaf svo afskaplega næs og var alltaf svo næs þegar maður talaði við hana? Jæja - haldiði ekki að sú sama sé að væla á sínu bloggi yfir kjaftaskjóðum og baknagi!!! Ég man hvað ég varð ofboðslega sár í sumar þegar ég heyrði hvað hún var að láta út úr sér varðandi okkur, svo kannski hlakkar aðeins í mér yfir þessu, bara vegna þess að ég vona að hún læri af reynslunni!!

Nýji heimilismeðlimurinn

Já ég verð að taka undir með henni Sollu minni í US þá er alveg hreint yndislegt að hafa uppvaskara á heimilinu. Í kvöld voru margir í mat. Pabbi Hjölla, þrír vinir hans og vinur Hjölla; Bjössi í Brú svokallaður, og svo við Hjölli - samtals 7 manns. Ég er alltaf jafn stolt af eldhúsborðinu okkar sem er huge í stóra eldhúsinu, nóg pláss fyrir alla. Og þegar ganga átti frá þá vorum við Hjölli ekki lengi að, settumst inn í stofu og vinnuþjarkurinn vinnur sína vinnu inni í eldhúsi á meðan við slökum á. Svona á þetta að vera!!

Bjössi vinur Hjölla kom í gærkveldi til að hjálpa honum við að henda stórum þungum hlutum á haugana, sem ég get ekki/má ekki lofta. Svo var Gummi félagi hans mættur á svæðið um tíu í morgun til að hjálpa honum við að rífa út af annarri hæðinni.

Ég lagðist yfir lærdóminn, gekk vel, finnst ég vera að nálgast það að vera tilbúin í prófið á mánudaginn. Enn er dagur til góða, til að nota í glósur og yfirferð. Leggst vel í mig.

Bloggerbreytingar....

Það er greinilegt að sumir (taki það til sín sem vilja) eru alls ekki að nenna að gera það sem þeir eiga að vera að gera... Og það sést alltaf þegar allt í einu out of no where verða mega breytingar á bloggum þessa fólks... Kannast sjálf við það, og þegar maður sekkur ofan í template heiminn þá er manni varla viðreisnar von, því þetta er svo mikill tímaþjófur að það hálfa. Skrolla um netið og finna rétta templatið, laga svo og adda inn linkum, snurfussa og fínisera... þetta er dútl og föndur. Góð leið til að drepa tímann, gleyma sjálfum sér og öllu því sem gerist í kringum mann - einkumm góð leið til að gleyma öllu sem maður á að vera að gera en bara hreinlega hefur ekki andlega orku í að sinna.

Mér líður þannig núna. Ég ætla samt að reyna að sporna við freistingum til að breyta útliti bloggsins míns. En undanfarna daga er ég búin að vera að læra og læra og læra. Afar fátt annað kemst að í mínum haus. Og þegar ég vaknaði í morgun (eftir btw óþægilegan svefn því ég hreinlega kem mér ekki fyrir lengur) þá var ég enn jafn þreytt og í gær þegar ég lagðist til svefns. Í augnablikinu finnst mér að ég hreinlega komi ekki fleirum upplýsingum í hausinn á mér, ég stari á tölvuskjáinn, á forritið sem ég er að leika mér með, það kemur upp villa og ég bara stari tómu augnaráði á það.

Ég hins vegar byrjaði morguninn á að fara út með tíkina, fá mér svo morgunmat og grípa einn Charmed þátt í tölvunni (ok ok ekki commenta á entertainment efnið) hélt að þetta myndi aðeins koma heilabúinu af stað, en það hreinlega virkaði ekki.

Á maður að láta undan og sleppa lærdómi í þessu ástandi eða á maður að ignora sjálfan sig og reyna að halda áfram???

Prófin nálgast

Það er ekki mikið í gangi hjá mér þessa dagana annað en próflestur. Mán, þri og í dag hef ég vaknað, út með hundinn svo sest yfir lærdóm. Er í þessu að fara að ráðast á gamalt próf til að spreyta mig á og athuga hvar ég stend og hvar veikleikarnir liggja. Lausn þessa prófs kemur svo inn á innra net háskólans síðar í vikunni (samkv. kennara) Hann sagði að það væri besta leiðin til að undirbúa sig undir C++ prófið. Annars hef ég verið að æfa mig í að búa til bull forrit og alls kyns rugl og fá það til að virka. Mér finnst það geggjað gaman actually.... me weird kannski, kannski ekki, dunno.

Heavy rok í gær, snjór í dag, bleyta og rigning, slapp.

Enn og aftur reyni ekki að stressast yfir þessum blessuðu prófum, en maður gerir bara sitt besta, og vonar að það sé nógu gott til að ná þeim með ágætis útkomu.

Wish me luck.

Bensínbófar

---

Komið í lag

Fórum í gær og náðum okkur í nýtt sjónvarp í BT. Dóluðum okkur aðeins á Egs í leiðinni, fengum okkur að borða og næs þar. Breyttum svo aðeins í stofunni til að koma stóra tækinu fyrir, keyptum 29" tæki, og sjónvarpið sjálft virkar helmingi stærra um sig en gamla 28" tækið sem við áttum. Svo auðvitað þurftum við að finna stað þar sem sjónvarpið væri öruggt á fyrir veðrum og vindum...

Skemmtilegt hvað myndin er skýr og tær í nýja sjónvarpinu. En það gamla var orðið gamalt og slitið og nota bene keypt notað og viðgert á slikk af verkstæðinu í BT fyrir mööörgum árum - þegar brotist var inn hjá okkur og öllu stolið. Ég bara lofa það gamla og blessa fyrir hve það entist vel, og ef það hefði ekki drukknað hefði það sennilegast lifað nokkur nár í viðbót!!!

Svo gómaðist músin, og reyndar voru þær tvær blessaðar. Og höfum við ekkert orðið vör við að fleiri skildu vera á vappi.

Og dagurinn í dag er búinn að vera lærdómsdagur. Svaka dugleg. Enda líka byrja prófin eftir viku, er að reyna að panica ekki um of yfir því. Forritun er fyrst og fer þessi vika í það alveg. Tölvuhögun fær að bíða þar til í vikunni á eftir, en það er vika á milli prófa. (enskan má bíða)

Svo núna ætla ég að njóta þess sem eftir er af sunnudeginum í að slaka á og hreinsa hugann frá öllu námi.

Þurfum reyndar að fara á morgun og klára pappírsvinnuútfyllingardæmi vegna fæðingarorlofsins. Er ekki alveg að fatta þetta, en það kemur í ljós. Ætlum í leiðinni að kíkja í Byko svo Hjölli geti náð í meira parkett til að leggja á eldhúsið. Svo næstu vikur verða annasamar. Hjá okkur báðum reyndar. Því nú styttist í allt, styttist í desembermánuð, og þá fer að styttast í að við færum okkur um set (tímabundið) til A-eyrar til að bíða eftir stóra deginum. Óg ég stækka og stækka bara þessa dagana.

Ég vildi helst geta bara beðið hér, heima hjá mér, þar sem mér líður best, með minn lazy-boy og mínar tölvur og mitt net, mitt sjónvarp og mína kaffikönnu og mitt rúm.

En ég bara þori ekki að eiga það á hættu að bumbulíus ákveði að nú sé tími kominn á að kíkja á umheiminn í miðjum snjóstormi, eða asahláku. Hef ekki mikinn áhuga á að fæða barnið mitt á miðjum fjallvegi í sjúkrabíl í brjáluðu veðri. Nóg stressuð fyrir fæðingunni nú þegar. (vil hafa mömmu á sama landsfjórðungi líka)

Jæja nóg komið af bulli í dag. Njótið kvöldsins dúllurnar mínar

Segi bara eins og hinir:

"Enn og aftur föstudagur." Þetta hefur maður verið að lesa á bloggum víðsvegar um landið. Enda ekkert skrýtið. Þetta þýðir að það er vika síðan ég kom heim frá London, ok, og þá eru 2 vikur síðan ég fór út!! Áður en ég veit af þá verða prófin búin, jólin komin og ég orðin mamma!! ó mæ gaaadddd. Ég finn fyrir sams konar kvíða fyrir prófum og því að verða mamma - ætli þetta séu sömu efnaskipti sem verða í prófskrekk og mömmuskrekk?? Dóa - þú ert öll í þessu - gimme komment on that!!

Annars var ég mega dugleg í gær að læra. Var ekki búin að missa eins mikið úr og ég hélt. Svo þetta er allt á góðu róli hérna. Lék mér meira að segja við að æfa mig í forritun, klösum og smiðum í rólegheitunum og hlustaði á nýja REM diskinn í leiðinni sem kom ágætlega út. (btw Jóhanna ég keypti hann - í London he he)

Við fáum sjónvarpið eitthvað bætt frá tryggingum, ætli við náum okkur ekki í nýjan imba í dag eða eftir helgi. Og mýslugildrur eru komnar víðs vegar um húsið sem eru nota bene skaffaðar af bænum ef svona gerist. Kítara hefur fengið veður af henni, en náði ekki að sjá hana almennilega til að ná að hlaupa á eftir henni.

Er eitthvað svo eirðarlaus, er í engum gír til að læra, er eitthvað stress hjá mér í gangi, finnst ég verða að þrífa, samt í engum gír að þrífa..... æ þið þekkið þetta.

Sjónvörp ekki vatnsþolin...

Jamm þar kom að því að sjónvarpið gaf upp öndina sökum drukknunar. Það gerði þessa líka litlu dembu sem stóð yfir í þó nokkuð marga klukkutíma og hreinlega drekkti sjónvarpinu okkar. Það hafði brotnað úr strompinum og lekið þar niður á milli. (Og auðvitað var sjónvarpið beint fyrir neðan) Það er allavega eina skýringin sem við höfum þar sem hingað til hefur aldrei lekið inn í þessum þekktu austfjarðarúrhellum. Og það má þá líka hafa verið þokkalegt vatnsmagn þar sem það er heil hæð á milli!! Nett pirruð á því að þurfa að punga út fyrir nýju sjónvarpi!

Og svo í ofanálag þá er næturgestur hjá okkur, sem hefur náð að bjargast frá vosbúð og drukknun í gær, semst sloppið inn í eitthvert skiptið sem Kítara hefur farið út. Þó svo ég vilji nú mýslu ekki mein þá vil ég ekki hafa hana í húsinu mínu. Og verður farið í að setja upp gildrur hér og þar til að góma hana. Nema Kítara nái henni fyrst. Hugsa samt að mýsla passi sig á að sýna sig ekki mikið þar sem Kítara er. Kítara hefur veitt mýs áður, er snögg og á auðvelt með að góma þær. Spurning hvernig það gangi hérna innandyra.

Ég er núna að bögglast við að læra, og reyna að koma tíkinni í skilning um það að boltaleikur og fyrirlestrar ganga ekki beint vel saman.

Fór í mæðraskoðun í morgun og allt leit vel út, blóðþrýstingur, piss og hjartsláttur. Smá bjúgmyndun í gangi, svo ég verð víst að láta poppið eiga sig um sinn.

Erfitt að koma sér aftur í gírinn

Ég er enn svo ekki komin heim enn - er enn með hugann í fríinu, úti í London, dreymandi svipur og starandi augnarráð. Ég hreinlega á í miklum erfiðleikum með að koma mér aftur í lærdómsgírinn. Sit hérna fyrir framan lappann (pésinn er á sygehuset í næsta herbergi) og stari á skjáinn. Er að glíma við enskuverkefni (mundi allt í einu eftir því að ég er í ensku 503 líka) sem hefur fengið að sitja á hakanum í vetur (á fullt óklárað í þeim efnunum) Ætla að vinna í þeim á meðan pésinn er lasinn þar sem öll gögnin mín úr HR eru í pésanum. Er að reyna að stressa mig ekki um of vegna prófanna sem nálgast hratt (allt of hratt) Ég náði að afstressa mig algjörlega í fríinu, var ekkert að stressast yfir einu eða neinu hvað varðaði skólann, mjög ánægð með það hafa náð því. Enda veit ég að það er nægur tími til stefnu. Er líka búin að vera dugleg í vetur að læra.

Það var bara svo gaman úti, það var bara svo gott að ná að njóta þess að vera til.

Komin heim frá London

Ahhhh það er nú svolítið gott að komast heim aftur. Við náðum reyndar ekki að gera allt sem okkur langaði til, en það er allt í lagi og má geyma þar til næst. Miðvikudagurinn fór í búðarráp og rölt um hverfi. Hjölli fann sér AA fundi og ég fann fatabúðir á meðan. Fimmtudaginn notuðum við í að finna svo það sem við ætluðum að kaupa og dúllast. Við fórum svo á British Museum á föstudeginum. Við urðum að finna okkur auka ferðatöskur til að komast heim með allt dótið, og heppin að fá ekki á okkur yfirvigt!

Þetta var alveg yndisleg ferð í alla staði. Var rosalega gott að komast aðeins í burtu frá öllu, vera bara maður sjálfur og hafa engar áhyggjur.

Við tókum fullt og hellings af myndum. Bæði venjulegar og videomyndir þar sem við keyptum okkur digital videokameru. Þarf að grisja úr og setja vel valdar myndir á netið handa ykkur að skoða.

Það fór rosalega vel um Kítöru á hótelinu. Hún var sæl og pattaraleg, hafði ekkert horast og leit rosalega vel út. Hún sýndi umsjónarmanninum mikla vinsemd og hlýju sem þýðir að það er góður maður, og hefur verið góður við hana. Hann kallar sig líka afa gamla við hundana. Hún td heimtaði að hann myndi kasta fyrir hana frisbí. Hún var mjög hrifin af honum. Hótelið er snyrtilegt, vel útbúið, vel lyktandi, gott pláss fyrir hundana. Hann setur kröfur á bólusetningar sem er mjög gott. Og miðað við mína fékk hún nóg að borða.

Svo ég mæli með hundahótelinu á Leirum !!!

Geggjadur timi i London

hallo elskurnar minar,. Thad er buid ad vera hrein snilld herna hja okkur! Vid erum buin ad vera mjog heppin med vedur. Budirnar eru snilld, rosalega mikid haegt ad kaupa og eyda peningunum sinum i. Tolvubudirnar eru nattla bara snilld!! Allt svo odyrt. Vid erum buin ad skoda nokkur sofn lika, Natural History Museum, Science Museum, dagsferd i gaer til Stonehenge og til borgarinnar Bath med Romversku bodunum. Planid er i dag ad fara i British Museum og i London Dungeon. Vid skruppum i bio i IMax bio sem er 3D bio med MEGA stort tjald!! Hrein snilld!
Vid erum buin ad hafa thad rosalega gott og gaman. Hreinlega ad njota thess ad vera bara tvo a ferd og ekkert stress. Ut ad borda a hverju kvoldi, og dekra okkur hreinlega.
Vid erum buin ad labba um fullt af gotum i London, og langar mig til ad skoda Notting Hill hverfid lika, utimarkadina thar.
Vid erum komin i ro um niu a kvoldin, thar sem eg hreinlega hef ekki uthald i ad labba endalaust og verd nattla ad taka tillit til thess ad eg er ekki kona einsomul. Og njotum vid thess ad slappa af, sofna snemma og vakna hress daginn eftir til ad skoda eitthvad nytt.
Bid ad heilsa ykkur ad sinni!

London cool mar!!

Vid erum komin a Oxford, og auddad fundum strax internetstad!!! Simar verda a silent svo ef thid viljid hafa samband tha senda meil!
Hafid thad gott
Gudrun og Hjolli

Komin í borgina

enn og aftur. Vorum komin í hádeginu, svaka dulega að vakna snemma og keyra frá A-eyri. Kítara er á hundahóteli, var soldið erfitt að skilja hana eftir þar, en eins og ég hef sagt áður þá höfum við báðar gott af þessu. Og auðvitað ef þetta gegnur vel með hana núna þá er það gott mál ef mann langar til að skreppa til R-víkur yfir helgi og þurfa ekki alltaf að biðja mömmu og pabba að passa. Hótelið sjálft leit mjög vel út, snyrtilegt og nóg pláss fyrir hundana í búrunum sínum með nægan mat í döllum, og fullann aðgang að útibúri sem er fyrir þá sjálfa. Einnig er stór girðing sem þeir geta allir verið saman. Hún á sennilegast eftir að skemmta sér vel.

En við erum búin að gera það sem við þurftum að gera í bænum í dag. Svo núna er allt klárt fyrir ferðina á morgun og lítið annað að gera en að slappa af þangað til. Áætlað er að fara á Ítalíu í kvöld og bjóða gestgjafanum okkar með. Fóðra þarf fátæka námsmanninn líka!! Sem á það svo skilið þar sem hún gerir lítið annað þessa dagana en að læra.

En þangað til næst - hafið það gott og sjáumst hress!!

Erum að leggja í hann

og það er ekki laust við að littla hjartað mitt ólmi af spenningi. Veðrið er ok, rigning dauðans, og eins og áður hefur komið fram þá var ég einmitt að vonast til þess svo snjórinn færi áður en ég keyrði yfir örævin. Og eins og vanalega lítur út fyrir að Fagridalurinn (milli Reyð og Egs) er verstur.

Svo maður ætti ekki að vera í neinum vandræðum ef maður keyrir eins og manneskja.

Vaknaði kl fjögur

gat ómögulega sofnað aftur. Snjórinn er að bráðna strax aftur og það eru rigningarlæti úti, og auk þess sem ég hrekk alltaf við þegar snjórinn fellur niður af þakinu, blautur og þungur og skellur á jörðinni fyrir neðan gluggann minn.

Svo ég ákvað að nýta tækifærið og læra á meðan svona rólegt væri. Tilvalið að hlusta á nokkra fyrirlestra með kaffibolla í rólegheitunum. Enda vil ég ekki koma heim frá London og eiga mikið uppsafnað.

Hlakka ekkert smá mikið til að fara.

sorry.... London here I come!!

ok það er ekki hlaupið að því að fara til US með skömmum fyrirvara svo við fengum að breyta og förum til London í staðinn. Og fáum flugmiðunum breytt í pakkatilboð með hóteli og alles. Við höfum hvorugt farið til London svo það verður bara gaman að sjá eitthvað nýtt. Hlakka geggjað til !!! Svo núna förum við út 22 okt og komum heim 29 okt! Keyrum semst suður á fimmtudag.

Og úti snjóar og snjóar! Það er búið að snjóa síðan um 10 í morgun og guttarnir eru þegar farnir að hreinsa götur. Búin að fara í rallýbílaakstur í skaflinum sem myndast alltaf á stæðinu mínu, og er alltaf jafn ánægð með góða bílinn minn sem er þokkalega duglegur í snjó!

En það er svo eins og vanalega önnur saga með blessaðan lærdóminn og skilning minn á honum. En ég er búin að ná að klambra saman alveg sjálf svona þokkalega í áttina að því sem við eigum að skila á þriðjudag, þe á morgun. Kemur allt í ljós.

Ég er að fara til London - jey!!!

Orlando here I come!!!

Við ætlum að skella okkur í smá reisu. Eigum flug til Orlando 24 okt, og heim aftur 2 nóv. Hlakka geggjað til - stressuð og spennt en hlakka meira til svo stressið skyggir ekkert á. Kítara verður á hundahótelinu á Kjalarnesi, hún (og ég líka) hefur bara gott af því. Knúsan okkar hún Dóa ætlar að hýsa okkur þá daga sem við verðum í bænum en áætlað er að koma aftur í bæinn á fimmtudag næsta!

Okkur er búið að langa til að fara út í langan tíma, bara tvö ein, gera eitthvað bara tvö ein. Og núna er ágætis tími, mér líður vel, get tekið viku frá námi (með að læra hellings og meir á undan og á eftir - en það er vel þess virði) þar sem prófin byrja ekki fyrr en um miðjan nóv. Ljósmóðirin mín sagði að það væri ekkert því til fyrirstöðu að fara, ég væri hraust, okkur báðum liði vel (mér og bumbubúa) svo við ættum endilega að nýta tækifærið á meðan gæfist. Guð má vita hvenær við fáum tækifæri til þess aftur!!

Sem sagt taka frí frá öllu áður en allt byrjar!

Föstudagur í mér

Ég hreinlega nenni ekki að læra núna. Ætti að vinna að verkefni í C++ eða klára heimavinnu í Enskunni, en ég bara hreinlega er í engu stuði. Hjölli var að reyna að setja í vélina mína þá stærstu örraviftu sem ég hef séð og hún er enginn smá hlunkur. En hún passaði ekki (grátur grátur) svo ég verð að halda áfram að þjösnast ekki á vélinni minni. Ég hef Tölvulistann grunaðann um græsku þar sem Hjölli keypti uppfærslu í tölvuna mína í vor, og sú uppfærsla hljómaði upp á 3200 örra, ok flott kúl, en svo þegar átti að fara að yfirklukka græsið þá var ekki alveg allt eins og átti að vera og Hjölli fór að skoða örrann - þá er hann yfirklukkaður í 3200!! og þar af leiðandi hitnar hann frekar mikið því viftan er ekki alveg að höndla álagið. Örrinn sjálfur er ekki nema 2700 !! hmm Hjölli ætlar að athuga þetta betur og gera vesen ef þetta reynist rétt (ég persónulega hef aldrei treyst Tölvulistanum, hef alltaf neytenda bókina við hendina þegar ég þarf að eiga eitthvað við þá)

Magnað að pikka þegar maður er búinn að klippa klærnar!!!

Mikið gott að koma heim.

Mánudagskvöldið hitti ég Jóhönnu aftur, semst höfðum betri tíma til að spjalla og sömuleiðis hittum við Vésa. Sátum heillengi og böbluðum út í eitt.

Þriðjudagurinn var tekinn með rólegheitum fram eftir. Fórum í sund, fengum okkur morgunverð og kíktum í Kringluna. Verlsaði mér fleiri föt og var það smá góð tilfinning. Núna get ég litið sómasamlega út, og ekki alltaf verið í sömu flíkunum.

Náðum okkur í mega flott tilboð í Elko. Uppþvottavél með 30þ afslætti þar sem hún hafði verið send fyrir mistök út á land. Ég smá happy - auk þess náðum við okkur í heimilissíma, svo núna er hægt að hringja í mig heimasími vs heimasími og spara þannig nokkuð margar krónur!!! Náði þar í CSI 2 leikinn Dark Motives, en hann mun sennilegast verða desemberleikurinn minn þegar prófin eru búin og ég get lítið annað gert en að liggja í sófa með lappann á kúlunni :o)

Við lögðum af stað úr bænum um þrjú, kíktum í kaffi til vinafólks okkar á Akureyri, og vorum komin í Mývó um 22:00 mega þreytt.

Tíkin varð vitlaus þegar hún hitti okkur aftur, hljóp í hringi og vissi ekkert hvernig hún átti að láta.

Tókum gærdaginn (miðvikudag) rólega fram yfir hádegi. Mamma var á morgunvakt og ég vildi ná á henni áður en við færum austur aftur. Nappaði af henni skyrtur sem passa vel utan um mig og sumar sennilegast vel út meðgönguna :o)

Brunuðum svo heim, og það var skelfilega gott að komast heim. Gerðum ekkert nema að henda pizzu í ofninn og leggjast í leti fyrir framan imbann. Tíkin lagðist strax til fóta á lazy-boy og þar sofnuðum við tvær fyrir klukkan átta - algjörlega búnar á því.

Annars er dagurinn í dag búinn að vera fínn. Naut þess að fá mér gott kaffi úr nýju cappucino vélinni minni (slurp). Annasamur fyrir hádegi, lærði á fullu og tók miðannarprófið mitt í Tölvuhögun, sem ég er meira að segja búin að setja í sniglapóst til kennarans.

Hjölli setti upp ofninn í herberginu mínu svo núna er ég alveg laus við að vakna á morgnana og hríðskjálfa á meðan það er að hitna. Áður var ég með svona frístandandi olíuofn sem stungið er í samband. En vegna þess hve miklu rafmagni hann eyddi þá var maður ekkert með hann í gangi í tíma og ótíma, heldur lækkað á honum yfir næturnar, kynnt vel á morgnana og svo lækkað aftur þegar ætluðum hita er náð. Laus við þetta bras núna = magnað!!

Hætt í dag

Þá erum við komin í stopp eftir daginn. Enda búin að vera geggjað dugleg í dag. Hittum Vilborgu í hádegismat, sem var frábært, alltaf gaman að hitta hana! Og eftir daginn eigum við fullt af nýju flottu dóti:

• Náðum í ofna og kaminu og komum þvi á bíl heim.
• Náðum í hundamat, fyrir okkur og pabba, og nýjar hundamatarskálar handa prinsessunni.
• Náðum okkur í nýja flotta kaffivél á afslætti í Byko sem gerir geggjað kaffi, og ég keypti fullt af góðu kaffi til að hafa með heim þar sem búðin heima selur bara þetta venjulega merrild og gevalia kaffi.
• Fórum og náðum okkur í nauðsynjar fyrir tölvurnar, viftur aðallega.
• Náði mér í olíu í Þumalínu sem varnar sliti og er góð sem nuddolía, hlakka til að byrja að nota hana og slaka á.

Núna sitjum við í pásu. Ætla að ná að hitta á Jóhönnu á eftir yfir rólegum kaffibolla. Hjölli ætlar að hitta Vésa vin sinn yfir rólegum kaffibolla - en sennilegast á öðru kaffihúsi.

Góðir dagar.

Jamm þetta er búið að vera skemmtilegt. Við fórum þreytt í sund á laugardaginn og komum endurnærð í mat til systur Hjölla á laugardagskvöldið. Mjög ánægjuleg stund þar.

Sunnudagurinn hófst með sundi og svo brilliant morgunverði á Gráa Kettinum. Klassi að geta sest inn svona snemma á sunnudegi, fengið sér staðgóðan morgunverð, kaffi og litið í blöðin áður en skólinn byrjaði þann dag.

Skólinn var fínn. Var virkilega ánægð með útkomu úr verkefninu mínu og miðannarprófstesti sem við tókum svo að segja upp á sportið þar sem það gildir ekki. Lærði hellings og meir í gær, réðst á kennarann og pikkaði breinið hans á milljón, og spurði hann um allt sem ég hef verið að velta fyrir mér. Líður miklu betur á eftir, og náði að öðlast meira sjálfstraust varðandi námið. Hann líka sagði að hann hefði engar áhyggjur af mér þar sem hann fyndi fyrir góðum skilning hjá mér varðandi hvað við værum að læra og gera.

Eftir skóla í gær fórum við að sjá myndina Cellular í Laugarásbíó. Mjög skemmtileg mynd, en flottast þótti mér auglýsingin frá Smáís í startið. Langaði helst til að taka hana upp á videocameru og lóda henni á netið.... bara svona upp á sportið :o)

Svo loks náði ég að hitta á Dóu vinkonu. Sátum á Kaffi Victor og áttum fína kjaftistund.

Svo í dag byrjaði dagurinn kl sjö, í sund, bíllinn bónaður, kaffi á Mílano, fullt af stöðum til að fara og vinna og skoða og brasa og útrétta. Núna er smá stund til að pústa. Sviss mokka á Victor.

Hádegismaturinn er lunchdate með Vilborgu. Hlakka til að hitta hana líka. Þá er ég búin að ná að hitta 3 af mínum 4 bestu vinkonum :o) Og verður það að teljast mjög gott þar sem tíminn hefur ekki verið of mikill. Á svona helgum mætti sólarhringurinn vera allt að 36 klst svo maður nái að gera allt og hitta alla sem mann langar til að hitta.

Mamma er búin að hringja daglega með skýrslu varðandi tíkina, en hún hefur það rosalega gott, popp, pizzuskorpur, labbóar og dúll. Yndislegt, sakna hennar smá......

Verð að segja ykkur!

En ég var að fá úr skilaverkefni 3 og viti menn - þó svo ég hafi ekki náð að klára það fyllilega þá samt náði ég að klára það sem hann vildi fá og ég fékk 10!!

Takk fyrir aðstoðina mín kæra Vilborg!!

Lifði af

jæja þá er dagur 1 búinn í skólanum. Byrjaði kl níu í morgun og við fórum yfir 3 kafla í bókinni. Sem annars var tekið í dagnáminu á miklu fleiri dögum. En þetta var fínt samt sem áður, þó síðasta klukkutímann var heilinn 0rðinn nokkuð gegnsósa af informations.

Núna ætlum við að slaka okkur niður og fara í sund, áður en næsta lota tekur við í dag, en það er matarboð hjá systur Hjölla og hele familien.

Hafið það gott dúllurnar mínar

Þreyttur...

Þegar maður er ekki kona einsömul þá hefur maður hreinlega ekki sama úthald og undir venjulegum kringumstæðum. Núna er ég gjörsamlega uppgefin og klukkan ekki orðin sex. Erum búin að gera fullt í dag, en vegna óviðráðanlegra orsaka þá gátum við ekki gert nærri allt.

Langar til að hitta alla, hef verið að hugsa um "opinn kaffihúsatíma" en hreinlega hef ekki glóru um hvenær sá tími ætti að vera. Er í hádegishléi í skólanum báða dagana, sennilegast klukkutíma í senn. En þori þó ekki að staðfesta það hér og nú. Kannski möguleiki á eftir skóla á morgun, þe eftir kl 16:00 á einhverju kaffihúsi. Kannski mælir Dóa með Amokka kaffi??

Höfuðborgin

Sælinú

Við erum komin í menninguna, á grútskítugum bíl, á nöglum. Við löggðum af stað í sveitina í gær þar sem Kítara heldur sig við mjög svo gott yfirlæti (búin að fá popp og vídeó í dag) Setti naglana undir í gærmorgun áður en við héldum af stað, og þó þeir spænist kannski upp hérna á suðurlandi, þá sá ég sko ekki eftir því í gær á leiðinni frá Egs í Mývó, þar sem það var hált sumstaðar á leiðinni, og tvisvar keyrðum við framhjá bílum sem hreinlega höfðu flogið langt út fyrir veginn. Semst veturinn með hálkunni kom greinilega sumum ökumönnum á óvart.

En við löggðum af stað snemma í morgun til að geta nýtt daginn eitthvað hérna í dag.

Um helgina er svo vinnulota hjá mér í skólanum - laug frá 09:00 - 16:00 og sunn frá 10:00 - 16:00. það verður bara gaman að sjá aftur framan í liðið og ná að spyrja kennarana almennilega um þá þætti sem liggja ekki alveg ljóst fyrir.

En semst ferðin gekk vel, þó sé ekki það auðveldasta að keyra þessa leið komin á 7 mánuð. Þurfti að stoppa í hverri sjoppu til að rétta úr mér og pissa.

En súkkulaði kaffið á café Victor er eins og plástur á þreytuna sem myndaðist við aksturinn.

Hafið það gott dúllurnar mínar.

Stormur, kertaljós og kaffi...

Vaknaði við þetta sama og venjulega. Kom mér engann veginn fyrir. Fór niður á klóið, mætti tíkinni með sitt litla hjarta; hún gat ekki sofið sjálf vegna stormsins sem glymur úti. Leyfði henni að skríða til okkar. Kannski fannst mér líka sjálfri betra að hafa hana hjá mér. En lætin í veðrinu orsökuðu það að ég gat ómögulega sofnað aftur.

Skreið framúr, þau rumskuðu, lyftu hausum, löggðust svo aftur og steinsofnuðu. Ég ákvað að hella mér upp á kaffi, ilmandi súkkulaði möndlukaffi, kveikti á kertum og hækkaði á ofninum í tölvuherberginu. Ekkert smá notalegt.

Flottasta tölvuherbergi

í heimi!!!! Það er mitt tölvuherbergi núna!! Hjölli snaraði parketti á í dag, og það er svo flott að sjá það, gefur herberginu allt annað lúkk, stækkar það og lýsir upp. Hjölli setti einnig upp hillu fyrir ofan skrifborðið mitt með ljósi, svo núna er lýsingin yfir borðið allt önnur. Allt annað að sitja og lesa og læra núna!! Auk þess sem þá skapast meira pláss á borðinu (sem annars er huge) Meiriháttar!!!!

Skemmtilegur laugardagur

Og rólegur sunnudagur - en sem komið er.

En í gær gat ég ekki sofið nema til fimm. Á stundum erfitt með að koma mér fyrir í rúminu svo þægilegt sé að sofa. Er enn að venjast þessari kúlu minni sem á bara eftir að stækka.

Svo ég fór framúr og byrjaði að læra. Tók Tölvuhögun fyrir og kláraði alla fyrirlestra sem ég átti eftir og fór í saumana á köflunum sem ég hafði ekki náð að fara í almennilega.

Um tíu skriðu þau á fætur, og þá færðist aðeins meira líf í húsið. Hjölli kláraði að parkett leggja herbergið sitt og það lítur geggjað vel út!!

Eftir hádegi ákváðum við að skella okkur til Egs, bara svona til tilbreytingar. Auk þess fannst Hjölla búrið, frystikistan og ísskápurinn eitthvað tómlegt. Hlutir sem ég hreinlega fatta ekki.

Biluð rigning, en who cares! Svo við fórum í Bónus, og BT (merkilegt nokk við versluðum ekkert i BT !!! ) Og í sund! Ohhh hvað það var gott að komast í sund, og í pottinn, bara til að slaka sér niður og slaka á. Splæstum hömmurum í söluskálanum, og þeir eru geggjað góðir þar. Semst svona algjör dekurdagur hjá okkur.

Þegar heim var komið var ég alveg búin - enda klukkan orðin sjö. Þá bara slappaði ég af fyrir framan tv, tölvulaust.

Núna er ég búin að ryðja úr herberginu mínu ölllu sem ég má ryðja sjálf. Hjölli ætlar að leggja parkett á það í dag. Svo núna sitjum við Kítara í lazyboy, með tölvuna á milli okkar (eða svona - þarf reglulega að ýta eyranu hennar í burtu af lyklaborðinu) gæðum okkur á súkkulaðibitakökum aLa Dóa, og látum fara vel um okkur. Enginn lærdómur í dag, ekkert stress, bara afslöppun!

****geisp****

Jamm ég er vöknuð og meira að segja þó nokkuð síðan. Þetta eru afleiðingar af ótalmörgun klósettferðum og vegna líkamlegra breytingar sem gera það að verkum að maður getur engann veginn komið sér fyrir.

En nóg um það, nýt þess að sitja og hafa það náðugt í kyrrðinni, sötra ljúffengt kaffi og vera ekkert að stressa mig á hlutunum, það er jú laugardagur í dag.

Hjölli kom heim um hádegið á miðvikudaginn. Allt gott og blessað varðandi það. Kom heim með fullt fullt af parketi - jey!!

Mamma, Þórhalla systir og Hjörtur Smári komu á fimmtudaginn. Var frábært að hitta þau, og áttum notalegan dag saman. Og mamma sagði að það ætti ekki að vera neitt mál að passa fyrir okkur í næstu viku - svo ég get farið róleg til R-víkur, vitandi að það fer vel um litlu prinsessuna mína. Svo við komum í bæinn á fimmtudaginn!!

Gærdagurinn fór í verkefnið, alveg! Reyndar hafa allar lausar stundir hinna daganna líka farið í þetta blessaða verkefni. Og aftur kom Vilborg mér til aðstoðar þessi elska!! Hún náði að skýra út fyrir mér hluti sem kennarinn var í engri átt með! Way to go Vilborg!!

Hjölli Byrjaði á að parketleggja sitt herbergi, klárum það í dag, og ráðumst svo á mitt herbergi. Rosalega verður gaman að losna við þetta gamla teppi af herberginu, enda er líka allt annað að sjá herbergið hans í dag! (ég er þá alltsvo að tala um tölvuherbergin okkar)

Já við fórum í mæðraskoðun á fimmtudaginn. Allt í gúddí, life and kicking, nema ég er með grindarlosun eitthvað á byrjunar stigi, og á að dæla í mig b1 og b6 vítamínum. Þetta er eitthvað afar algengt og enn ekkert til að hafa áhyggjur af segja þeir, enda er þetta ekkert að há mér eins og hann (læknirinn) hélt í fyrstu. Verkirnir sem ég hef leiða ekkert út frá sér, og ef ég passa mig og fer rólega í hlutina þá ætti ég að vera ok. Nema ég má ekki ryksuga og hitt og þetta.

En helgin er frátekin undir Tölvuhögun þar sem hún hefur fengið að sitja á hakanum sl viku. Og afslappelsi þar á milli. Kannski meira að segja næ ég að plata manninn minn með mér í sund...

Eigið góða helgi dúllurnar mínar!!